Click on a word for lexical analysis
Click on a red-colored coordinate for comments and/or translations of the line
| 4.277:01 | ܬܫܥܝܬܐ ܕܐܚܝܩܪ ܚܟܝܡܐ ܕܫܡܫ ܣܢܚܪܝܒ ܘܣܪܚܕܘܡ |
| 4.277:02 | ܡܠ̈ܟܐ ܐܬܘܪ̈ܝܐ܂ ܪܝܫܐ ܩܕܡܝܐ ܕܬܫܥܝܬܐ ܕܐܚܝܩܪ܃ |
| 4.277:03 | [I] [1] ܐܝܬ ܗܘܐ ܗܟܝܠ ܒܝܘ̈ܡܝ ܣܢܚܪܝܒ ܘܣܪܚܕܘܡ |
| 4.277:04 | ܡܠ̈ܟܐ ܕܐܬܘܪ ܘܢܝܢܘܐ ܓܒܪܐ ܚܕ ܕܫܡܗ ܐܚܝܩܪ ܝܗܘܕܝܐ ܚܟܝܡܐ |
| 4.277:05 | ܘܟܬܘܒܐ ܘܣܦܪܐ ܘܡܘܗܦܛܐ ܕܡܠ̈ܟܐ ܥܗܝ̈ܕܐ܂ ܘܒܐܡܝܢܘ ܩ݁ܐܡ |
| 4.277:06 | ܒܬܫܡܫܬܐ ܕܝܠܗܘܢ ܕܠܐ ܟܠ ܙܠܡܐ܂ ܟܕ ܡܝܬ ܣܢܚܪܝܒ ܡܠܟܐ |
| 4.277:07 | ܕܐܬܘܪ [ܒܫܢܬ ܫܬܡܐܐ ܘܬܫܥ ܘܫܒܥܝܢ ܩܕܡ ܡܫܝܚܐ] ܛܒ |
| 4.277:08 | ܣܓܝ ܐܢܐ ܐܚܝܩܪ ܐܬܥܠܡܬ܂ ܐܦ ܠܣܪܚܕܘܡ ܒܪ ܡܠܟܐ |
| 4.277:09 | ܣܢܚܪܝܒ ܫܡܫܬ܂ ܗܝܕܝܢ ܐܡܪܘ ܠܝ ܚܪ̈ܫܐ ܥܡ ܐܣܛܪ̈ܘܢܘܡܘ |
| 4.277:10 | ܟܠܗܘܢ܂ ܕܚܕ ܒܪܐ ܢܬܝܠܕ ܠܟ ܘܗܘ ܢܐܪܬ ܩܢܝܢܟ ܟܠܗ܂ |
| 4.277:11 | [2] ܟܕ ܕܝܢ ܗܕܐ ܐܡܪܘ ܠܝ ܐܙܕܘܓܬ ܒܢܫ̈ܐ ܫܬܝܢ܂ ܘܒܢܝܬ |
| 4.277:12 | ܠܗܝܢ ܒܝܪ̈ܬܐ ܫܬܝܢ ܕܪ̈ܘܪܒܢ ܘܫܦܝܪ̈ܢ ܛܒ܂ ܘܟܕ ܦܫܬ ܒܪ |
| 4.277:13 | ܫܬܝܢ ܫܢܝܢ ܠܐ ܗܘܐ ܠܝ ܒܪܐ܂ |
| 4.277:14 | [3] ܗܝܕܝܢ ܗܟܝܠ ܐܢܐ ܐܚܝܩܪ ܐܙܠܬ ܘܩܪܒܬ ܕܒܚ̈ܐ ܠܐܠܗ̈ܐ܂ |
| 4.277:15 | ܘܐܥܛܪܬ ܠܗܘܢ ܗܪ̈ܘܡܐ ܘܒܣ̈ܡܐ܂ ܘܐܡܪܬ ܠܗܘܢ܂ ܐܝܢ ܐܠܗ̈ܐ܂ |
| 4.277:16 | ܗܒܘ ܒܪܐ ܠܥܒܕܟܘܢ ܕܢܚܕܐ ܒܗ܂ ܘܟܕ ܐܡܘܬ ܢܐܪܬܢܝ܂ ܡܛܠ |
| 4.277:17 | ܕܣܓܝ ܗܘ ܩܢܝܢܝ ܕܩܢܬ܂ ܦܬܟܪ̈ܐ ܕܝܢ ܠܐ ܥܢܐܘܗܝ ܒܡܕܡ |
| 4.277:18 | ܟܠܢܐܝܬ܂ ܘܗܦܟ ܟܕ ܒܗܝܬ ܘܚܫܝܫ ܡܢ ܒܝܬ ܦܬܟܪ̈ܐ |