The Comprehensive Aramaic Lexicon

5.385:10	ܒܕܘܟܝ̈ܬܗܘܢ܂
5.385:11	‍[‍XII‍]‍ ‍[‍1‍]‍ ܗܝܕܝܢ ܐܢܐ ܐܚܝܩܪ ܐܡܪܬ ܠܐܣܦܘܩܠܛܪܐ܂
5.385:12	‍[‍2‍]‍ ܬܠܝ ܚܝܪܟ ܠܘܬ ܐܠܗܐ ܕܥܗܕ ܠܚܡܐ ܘܡ̈ܝܐ ܕܐܟܠܢܢ
5.385:13	ܫܘܝܐܝܬ܂ ܘܝܕܥܢܐ ܓܝܪ ܕܣܘܪܚܢܐ ܘܚܛܝܬܐ ܠܝܬ ܠܝ܂ ܘܢܕܢ
5.385:14	ܐܨܛܒܥ ܥܠܝ ܘܫܕܠܢܝ܂ ܘܠܐ ܬܥܘܠ ܒܚܛܝܬܝ܂ ܘܬܩܛܠܢܝ
5.385:15	ܘܐܢܐ ܛܠܝܡ ܗܘܝܬ܂ ‍[‍3‍]‍ ܐܬܕܟܪ ܘܐܝܬܐ ܥܠ ܒܠܟ ܝܘܡܐ
5.385:16	ܕܪܓܫ ܥܠܝܟ ܣܪܚܕܘܡ ܐܒܘܗܝ ܕܡܠܟܐ ܗܢܐ܂ ܘܦܩܕ ܕܐܩܛܠܟ܂
5.385:17	ܘܟܕ ܕܝܢ ܝܕܥܬ ܕܠܝܬ ܣܘܪܚܢܐ ܛܫܝܬܟ ܘܠܐ ܩܛܠܬܟ ܥܕܡܐ
5.385:18	ܕܫܠܝ ܪܘܓܙܗ ܕܡܠܟܐ ܘܐܬܬܢܝܚ ܘܐܬܪܥܝ ܥܡܟ܂ ܘܦܩܕ ܕܝܢ
5.385:19	ܘܛܝܒܬܟ ܩܕܡܘܗܝ ܘܐܛܐܒ ܠܟ܂ ܘܝܗܼܒ ܡܘܗ̈ܒܬܐ
5.385:20	ܣܘܓܐܐ܂ ‍[‍4‍]‍ ܘܐܢܬ ܬܘܒ ܗܫܐ ܛܫܢܝ ܘܦܪܘܥܝܢܝ ܛܒܬܐ
5.385:21	ܘܛܝܒܘܬܐ ܐܟܡܐ ܕܐܢܐ ܥܒܕܬ ܥܡܟ܂ ܛܫܢܝ ܒܕܘܟܬܐ ܚܕܐ܂ ܗܐ
5.385:22	ܐܝܬ ܠܝ ܥܒܕܐ ܚܝܒܐ ܪܡܐ ܒܚܒܘܫܝܐ ܘܫܡܗ ܡܕܝܦܪ ܘܚܝܒ
5.385:23	ܠܩܛܠܐ ܡܛܠ ܣܘܓܐܬ ܚܘܒܘ̈ܗܝ܂ ܘܐܦܩܝܗܝ ܕܝܢ
5.385:24	ܐܠܒܫܝܗܝ ܠܒܘ̈ܫܝ܂ ܘܐܦܩ ܠܓܒܪ̈ܐ ܗܠܝܢ ܕܥܡܟ
5.385:25	ܘܢܦܩܘܢܝܗܝ ܘܗܢܘܢ ܪ̈ܘܝܐ ܘܢܩܛܠܘܢܝܗܝ ܟܕ ܠܐ ܝܕܥܝܢ ܠܡܢ
5.385:26	ܩܛܠܘ ܘܐܪܚܩ ܪܫܗ ܡܢ ܫܠܕܗ ܐܝܟ ܡܐܐ ܐܡܝ̈ܢ܂ ܘܗܒ
5.386:01	ܦܓܪܗ ܕܢܩܒܪܘܢܝܗܝ ܘܢܦܘܩ ܛܒܐ ܒܐܬܘܪ ܘܢܝܢܘܐ
5.386:02	ܕܐܚܝܩܪ ܐܬܩܛܠ܂
5.386:03	‍[‍XIII‍]‍ ‍[‍1‍]‍ ܗܝܕܝܢ ܩܡ ܐܣܦܘܩܠܛܪܐ ܥܡܗ ܒܪܬ ܙܘܓܝ
5.386:04	ܘܥܒܕܘ ܠܝ ܓܝܪ ܕܘܟܬܐ ܟܣܝܬܐ ܬܚܘܬ ܐܪܥܐ ܘܚܦܪܘ ܠܝ
5.386:05	ܐܪܛܪܝܘܢ ܕܐܘܪܟܗ݀ ܐܪܒܥ ܥܣܪ̈ܐ ܐܡܝ̈ܢ ܘܦܬܝܗ݀ ܫܒܥ ܐܡ̈ܝܢ܂
5.386:06	ܘܗܝ ܬܚܝܬ ܐܣ‍{‍ܦܘܟ‍}‍‍<‍ܟܘܦ‍>‍ܬܐ ܕܬܪܥܐ܂ ܘܐܥܠܘܢܝ ܥܠܝܗ݀ ܘܛܫܝܘܢܝ
5.386:07	ܘܣܡܘ ܠܘܬܝ ܠܚܡܐ ܘܡ̈ܝܐ܂ ܘܟܢ ܫܒܩܘܢܝ ܛܡܝܪ ܒܥܦܪܐ
5.386:08	ܗܢܐ ܘܐܙܠܘ ܕܝܢ ܐܘܒܠܘ ܛܒܐ ܘܐܘܕܥܘ ܠܡܠܟܐ ܕܐܬܩܛܠ
5.386:09	ܐܚܝܩܪ ܐܝܟ ܦܪܝܣܛܓܡܐ ܕܝܠܟ܂ ‍[‍2‍]‍ ܘܟܕ ܢܦܩ ܛܒܐ ܒܐܬܘܪ
5.386:10	ܘܢܝܢܘܐ܂ ܐܝܠܠܘ ܘܐܟܡܪܘ ܐܦܝ̈ܗܘܢ ܥܠܝ܂ ܘܐܡܪܘ
5.386:11	ܚ̈ܒܠܝܟ ܐܚܝܩܪ ܟܬܘܒܐ ܡܗܝܪܐ ܘܝܕܥ ܣܥܝ̈ܐ܂ ܘܝܠܢ ܘܥܠܝܟ
5.386:12	ܐܝܟܢܐ ܢܫܟܚ ܐܟܘܬܟ ܕܢܩܘܡ ܚܠܦܝܟ ܘܢܐܚܘܕ ܕܘܟܬܟ܂
5.386:13	‍[‍XIV‍]‍ ‍[‍1‍]‍ ܘܩܪܐ ܕܝܢ ܣܢܚܝܪܝܒ ܡܠܟܐ ܠܢܕܢ ܘܐܡܪ ܠܗ
5.386:14	ܙܠ ܠܟ ܘܥܒܕ ܒܟܬܐ ܘܡܪܩܘܕܬܐ ܠܐܚܝܩܪ ܝܠܘܕܟ ܘܐܬܬܢܚ
5.386:15	ܘܐܬܐܒܠ ܘܒܟܝ ܥܠܘܗܝ܂ ‍[‍2‍]‍ ܘܟܕ ܐܬܐ ܢܕܢ ܙܠܝܠܐ ܘܩܫܐ
5.386:16	ܠܒܐ܂ ܠܐ ܒܟܐ ܘܠܐ ܐܟܪܝ ܥܒܪ ܥܘܗܕܢܐ ܒܦܘܡܗ܂ ܐܠܐ ܟܢܫ ܠܗ
5.386:17	ܐܼܢܫܐ ܓܝܪ̈ܐ ܘܡܚܒ̈ܠܐ ܫܪܝܘ ܐܟܠܝܢ ܘܫܬܝܢ ܘܪܩܕܝܢ ܘܙܡܪܝܢ
5.386:18	ܘܪܘܝܢ܂ ‍[‍3‍]‍ ܘܫܪܝ ܗܟܝܠ ܢܕܢ ܐܚܕ ܥܒ̈ܕܝ ܘܐܡ̈ܗܬܝ
5.386:19	ܡܥܪܛܠ ܠܗܘܢ ܘܡܢܓܕ ܠܗܘܢ ܘܡܚܐ ܠܗܘܢ ܘܡܟܪܟ
5.386:20	ܠܗܘܢ ܒܒܝܫܬܐ ܘܠܐ ܡ݂ܢ ܒܪܬ ܙܘܓܝ ܕܪܒܝܬܗ ܐܝܟ ܝܠܕܗ݀
5.386:21	ܒܗܬ ܡܢܗ݀܂ ܐܠܐ ܨܒܐ ܡܣܝܒܐ ܕܢܦܠ ܥܡܗ݀ ܒܚܛܝܬܐ܂ ܘܢܓܠܐ
5.386:22	ܦܘܪܣܝܗ݀܂
5.386:23	‍[‍XV‍]‍ ‍[‍1‍]‍ ܘܐܢܐ ܕܝܢ ܛܠܝܡܐ ܘܪܡܐ ܒܓܘ ܛܡܪܐ ܘܫܡܥ ܐܼܢܐ
5.386:24	ܡܢܓܕܘܬ ܥܒ̈ܕܝ ܒܟܝܗܘܢ ܘܥܠܝܒܘܬܗܘܢ܂ ܟܕ ܡܬܬܢܚ ܐܢܐ
5.386:25	ܘܒ݁ܟܐ ܘܚ݁ܐܫ܂ ‍[‍2‍]‍ ܘܒܬܪܟܢ ܓܥܝܬ ܠܘܬ ܐܠܗܐ ܡܪܚܡܢܐ
5.386:26	ܘܨܠܝܬ܂ ‍[‍3‍]‍ ܒܬܪ ܩܠܝܠ ܝܘܡ̈ܬܐ ܐܬܐ ܠܘܬܝ
5.387:01	ܝܒܘܣܝܡܟܡܢܬ ܘܒܝܐܢܝ ܘܡܠܐ ܒܠܒܝ܂ ܘܐܝܬܝ ܠܚܡܐ
5.387:02	ܘܡ̈ܝܐ܂ ܘܟܕ ܩܡ ܠܡܐܙܠ ܐܡܪܬ ܠܗ ܠܐܠܗܐ ܕܢܦܪܩܢܝ ܡ݂ܢ
5.387:03	ܗܕܐ ܕܘܟܬܐ܂ ‍[‍4‍]‍ ܘܩܪܐ ܕܝܢ ܘܐܡܪ ܐܘ ܐܠܗܐ ܡܪܚܡܢܐ
5.387:04	ܘܛܒܐ ܘܡܫܒܚܐ ܐܬܕܟܪ ܠܐܚܝܩܪ ܕܡܣܒܪ ܒܟ ܫܡܥ ܨܠܘܬܗ
5.387:05	ܘܩܒܠ ܬܟܫܦܬܗ܂
5.387:06	‍[‍XVI‍]‍ ‍[‍1‍]‍ ܘܟܕ ܫܡܥ ܓܝܪ ܦܪܥܘܢ ܕܐܬܩܛܠ ܐܚܝܩܪ ܡܗܝܪܐ
5.387:07	ܕܝ݁ܕܥ ܘܫ݁ܪܐ ܣܥ̈ܝܐ ܚܕܘܬܐ ܪܒܬܐ ܚܕܝ ܘܟܬܒ ܐܓܪܬܐ ܫܕܪ ܘܐܡܪ܂
5.387:08	‍[‍2‍]‍ ܡ݂ܢ ܦܪܥܘܢ ܡܠܟܐ ܕܡܨܪܝܢ ܠܣܢܚܪܝܒ ܡܠܟܐ ܕܐܬܘܪ