← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60601: SyrAhiq 5

Click on a word for lexical analysis
Click on a red-colored coordinate for comments and/or translations of the line

▲ earlier lines

5.399:15 ܡ݂ܢ ܙܒܢܐ ܕܐܠܦܬܟ ܠܐ ܐܡ݁ܪ ܗܘܝܬ ܠܟ ܕܐܠܗܐ ܫܠܝܛܐ ܗܼܘ
5.399:16 ܘܕܝܢܐ ܬܪܝܨܐ ܕܥܒܕܝܢ ܓܝܪ ܛܒܬܐ ܦܪܥ ܠܗܘܢ ܒܛܒܬܐ
5.399:17 ܘܕܥܒܕܝܢ ܒܝܫܬܐ ܦܪܥ ܠܗܘܢ ܒܒܝܫܬܐ ܘܣܐܡ ܒܪܫܗܘܢ
5.399:18 ܓܗܢܐ ܘܫܘܢܩܐ ܒܕ ܠܝܬ ܒܝܢܝ ܘܠܟ ܣܛܪ ܡ݂ܢ ܐܠܗܐ܂
5.399:19 ܫܠܝܛܐ ܗܼܘ ܕܝܢ ܕܢܦܪܥܟ ܐܝܟ ܥܒ̈ܕܝܟ܂ ܒܪܝ ܪܫܗ
5.399:20 ܓܝܪ ܕܚܡܪܐ ܣܡܘܗܝ ܥܠ ܦܬܘܪܐ ܘܢܦܠ ܘܐܬܓܢܕܪ ܥܠ
5.399:21 ܐܪܥܐ ܐܡܪܘ ܕܝܢ ܥܠ ܢܦܫܗ ܗܘ ܐܬܚܡܬ ܕܠܐ ܢܩܒܠ ܪܘܡܪܡܐ
5.399:22 ܘܐܝܩܪܐ܂ ‍[‍101‍]‍ ܒܪܝ ܐܫܬܪܪܬ ܓܝܪ ܡܬܠܐ ܕܐܡܝܪܐ
5.399:23 ܕܝܠܕܬܝܗܝ ܩܪܝܘܗܝ ܒܪܟ ܘܕܪܒܝܬܝܗܝ ܕܝܢ ܩܪܝܘܗܝ ܥܒܕܟ܂
5.399:24 ‍[‍102‍]‍ ܒܪܝ ܝܬܝܪ ܡ݂ܢ ܗܕܐ ܡܠܬܐ ܕܫܪܝܪܐ ܠܝܬ ܐܢ
5.400:01 ܕܝܢ ܒܪ ܚܬܟ ܗܘ ܒܐܣܬܐ ܫܩܦܝܗܝ܂ ܘܥܠ ܐܪܥܐ ܫܕܝܘܗܝ܂
5.400:02 ‍[‍103‍]‍ ܘܕܝܕܥ ܓܝܪ ܟܣ̈ܝܬܐ ܐܠܗܐ ܗܘ܂ ܘܦܪܥ ܠܟܠܢܫ
5.400:03 ܐܝܟ ܦܘܠܚܢܗ ܐܢ ܛܒܬܐ ܘܐܢ ܒܝܫܬܐ܂ ܘܗܘ ܢܕܘܢ ܒܝܢܝ
5.400:04 ܘܠܟ܂ ܐܢܐ ܗܟܝܠ ܡܟܝܠ ܠܐ ܐܡ݁ܪ ܐܢܐ ܡܕܡ ܒܪܡ ܡܪܝܐ
5.400:05 ܦܪܥ ܐܟܡܐ ܕܫ݁ܘܐ ܐܢܬ܂
5.400:06 ‍[‍XXXIV‍]‍ ‍[‍1‍]‍ ܘܟܕ ܫܡܥ ܕܝܢ ܢܕܢ ܣܟܠܐ ܡ̈ܠܐ ܗܠܝܢ ܒܪ ܫܥܬܗ
5.400:07 ܐܬܢܦܚ܂ ܘܗܘܐ ܓܪܒܐ ܕܢܦܝܚ܂ ܘܗܘܬ ܚܪܬܗ ܠܐܒܕܢܐ ܘܐܙܠ
5.400:08 ܠܓܗܢܐ܂ ‍[‍2‍]‍ ܒܕ ܐܡܝܪ ܗܟܝܠ ܒܟܬܒܐ ܕܡ̈ܬܠܐ܂ ܕܢܥܒܕ
5.400:09 ܛܒܬܐ ܒܛܒܬܐ ܢܐܪܥܝܘܗܝ ܡܪܝܐ ܘܢܥܒܕ ܒܝܫܬܐ ܒܒܝܫܬܐ
5.400:10 ܢܐܪܥܝܘܗܝ ܡܪܝܐ ܘܕܚܦܪ ܠܡ ܒܪܐ ܠܚܒܪܗ ܗܘ ܢ݁ܦܠ ܒܗ݀
5.400:11 ܘܕܨܠܐ ܦܚܐ ܗܘ ܡܬܬܚܕ ܒܗ܂ ܘܡܚܓܪ ܒܗܘܬܐ ܫܝܘܠܝܬܐ܂
5.400:12 ܗܪܟܐ ܫܠܡܬ ܬܫܥܝܬܐ ܕܐܚܝܩܪ ܚܟܝܡܐ ܡܗܝܪܐ
5.400:13 ܘܦܝܠܣܘܦܐ ܦܪܣܝܐ ܕܐܝܬܘܗܝ ܕܝܢ ܒܩܕܡܝܬܗ ܦܠܚ ܦܬܟܪ̈ܐ
5.400:14 ܘܒܣܝܒܘܬܗ ܗܝܡܢ ܒܐܠܗܐ ܘܫܡܫܗ܂ ܕܨܠܘ ܥܠ ܟܬܘܒܐ
5.400:15 ܡܚܝܠܐ ܘܚܛܝܐ ܕܡܪܝܐ ܢܫܒܘܩ ܚܘܒ̈ܘܗܝ ܘܚܛܗ̈ܘܗܝ܂ ܐܝܢ
5.400:16 ܘܐܡܝܢ܂