The Comprehensive Aramaic Lexicon

06:01	ܥܠ ܣܒܪܐ ܕܐܠܗܐ ܦܣܩܐ ܕܬܪܝܢ ܕܐܦܘܩܪܛܝܣ
06:02	ܪܝܫܐ ܩܕܡܝܐ܂ ܟܘܪܗܢܐ ܕܥܒܕܐ ܒܗ݀ ܫܢܬܐ ܟܐܒܐ ܕܡܘܬܐ ܗܘ܂ ܐܢܕܝܢ
06:03	ܡܗܢܝܐ ܫܢܬܐ ܠܘ ܕܡܘܬܐ ܗܘ܂
06:04	ܕܒ܊݁ ܟܪ ܕܫܢܬܐ ܡܢܝ݂ܚܐ ܨܒܪܐ ܛܒܬܐ ܗܝ܂
06:05	ܕܓ܊݁ ܫܢܬܐ ܘܫܗܪܐ ܬܪ̈ܝܗܘܢ ܡܐ ܕܝܬܝܪ ܡܢ ܡܫܘܚܬܐ ܢܗܘܘܢ܃ ܒܝܫܬܐ ܗܝ܂
06:06	ܕܐܪܒܥܐ܂ ܠܐ ܣܒܥܘܬܐ ܘܠܐ ܟܦܢܐ ܐܦܠܐ ܡܕܡ ܐܚܪܝܢ ܫܦܝܪ܂ ܡܐ ܕܝܬܝܪ
06:07	ܡܢ ܟܝܢܐ ܢܗܘܐ܂
06:08	ܕܚܡܫܐ܂ ܠܐܘܬܐ ܕܡܢ ܨܒܘܬ ܢܦܫܗ݀ ܥܠ ܟܘܪܗܢܐ ܡܫܘܕܥܐ܂
06:09	ܕܐܫܬܐ܂ ܐܝܠܝܢ ܕܟܕ ܟ݁ܐܒ ܠܗܘܢ ܡܕܡ ܡܢ ܦܓܪܗܘܢ܃ ܐܝܟ ܕܒܣܘܓܐܐ
06:10	ܠܐ ܡܪܓܫܝܢ ܒܟܐܒ̈ܐ܃ ܬܪܥܝܬܗܘܢ ܟܪܝܗܐ܂

06:11	ܕܫܒܥ݁ܐ܂ ܠܐܝܠܝܢ ܕܒܙܲܒܢܐ ܢܓܝܪܐ ܡܬܒܨܨܝܢ܂ ܡܬܝܢܐܝܬ ܙܕܩ ܠܡܗܦܟܘ ܘܠܐܝܠܝܢ

06:12	ܕܝܢ ܕܒܙܒܢܐ ܙܥܘܪܐ ܒܙܒܢܐ܂
06:13	ܕܬܡܢܝܐ܂ ܐܢܗܘ ܡ݁ܢ ܕܡܢ ܒܬܪ ܟܘܪܗܢܐ ܟܕ ܢ݁ܣܒ ܐܢܫ ܣܝܒܪܬܐ ܠܐ ܢܬܚܲܝܠ܃
06:14	ܡܫܘܕܥ ܕܒܣܝܒܪܬܐ ܝܬܝܪܬܐ ܡܬܚܫܚ ܦܓܪܐ܂ ܐܢܕܝܢ ܟܕ ܠܐ ܢ݁ܣܒ ܣܝܒܪܬܐ ܬܗܘܐ
06:15	ܗܕܐ܃ ܡܫܘܕܥ ܕܥܠ ܣܘܦܩܐ ܣܢܝܩ܂
06:16	ܕܛ܊܂ ܠܦܓܪ̈ܐ ܐܡܬܝ ܕܨ݁ܒܐ ܐܢܫ ܕܢܕܟܐ ܐܢܘܢ܃ ܕܠܝ̈ܠܝ ܠܪܕܝܐ ܙ݁ܕܩ ܠܡܥܒܕ ܐܢܘܢ܂
06:17	ܕܥܣܪܐ܂ ܠܦܓܪ̈ܐ ܕܠܐ ܕܟ̈ܝܢ܃ ܟܠ ܟܡܐ ܕܝܬܝܪ ܬܬܪܣܐ܃ ܝܬܝܪ ܡܐܟܐ ܐܢܬ܂
06:18	ܕܝܐ܊܂ ܠܡܬܡ݂ܠܝܘ ܡ݂ܢ ܫܩܝܐ ܝܬܝܪ ܕܠܝܠܐ ܡܢ ܕܠܡܬܡ݂ܠܝܘ ܡ݂ܢ ܣܝܒܪܬܐ܂
06:19	ܕܝܒ܊܂ ܐܝܠܝܢ ܕܡܫܬܚܪ̈ܢ ܒܟܘܪ̈ܗܢܐ ܒܬܪ ܒܘܚܪܢܐ ܥܛܘܦܝܐ ܡܥ̈ܕܢ ܠܡܥܒܕ܂
06:20	ܕܝܓ܊܂ ܠܐܝܠܝܢ ܕܗܘ݁ܐ ܠܗܘܢ ܒܘܚܪܢܐ܃ ܠܠܝܐ ܕܩܕܡ ܥܕܝܐ ܗܘ݁ܐ ܥܣܩ ܠܗܘܢ܂
06:21	ܠܠܝܐ ܕܝܢ ܕܒܬܪܗ ܝܬܝܪ ܕܠܝܠܐ ܗܘ݁ܐ ܐܝܟ ܕܒܣܘܓܐܐ܂
06:22	ܕܝܕ܊܂ ܒܪܕܝܐ ܕܟܪܣܐ ܡܫܬܚܠܦܢ̈ܘܬܗ݀ ܕܝܬܒܬܐ ܡܗܢܝܢ܃ ܐܢܗܘ ܕܠܐ ܡܫܬܚܠܦܐ
06:23	ܠܕܒܝܫܐ܂
06:24	ܕܚܡܫܬܥܣܪ܂ ܡܐ ܕܡܬܟܪܗ ܚܟܐ ܐܘ ܢܦܩ̈ܐ ܢܦܩ̈ܝܢ ܒܓܘܫܡܐ܂ ܠܡܬܒܩܝܘ ܙܕܩ
06:25	ܒܢܘܦ̈ܨܐ܂ ܐܢܓܝܪ ܡܪܬܢܝܢ܃ ܐܟܚܕܐ ܟܪܝܗ ܘܦܓܪܐ܂ ܐܢܕܝܢ ܕܡ݁ܝܢ ܠܕܚܠܝ̈ܡܐ܃ ܙܗܝܪܐ
06:26	ܕܢܬܪܣܝܘܗܝ ܠܦܓܪܐ܂