The Comprehensive Aramaic Lexicon

07:01	ܕܐܫܬܥܣܪ܊܂ ܐܝܟܐ ܕܟܦܢܐ ܐܝܬ܃ ܠܐ ܙܕܩ ܠܡܥܡܠ܂
07:02	ܕܫܒܬܥܣܪ܊܂ ܐܝܟܐ ܕܣܝܒܪܬܐ ܕܝܬܝܪ ܣܓܝܐܐ ܠܒܪ ܡ݂ܢ ܟܝܢܐ ܥ݁ܐܠܐ ܡܟܪܗܐ܃
07:03	ܡܫܘܕܥܐ ܕܝܢ ܐܣܝܘܬܐ܂
07:04	ܕܬܡܢܬܥܣܪ܂ ܐܝܠܝܢ ܕܡܢܫܝܠ ܘܩܠܝܠܐܝܬ ܡܬܪ̈ܣܝܢ܃ ܩܠܝ̈ܠܐ ܗܘ̈ܝܢ ܘܢܘܦ̈ܨܝܗܝܢ܂

07:05	ܕܬܫܬܥܣܪ܂ ܒܟܘܪ̈ܗܢܐ ܚܪ̈ܝܦܐ܃ ܠܘ ܟܠ ܟܠܗ ܙܗܝܪܐ ܡܩܕܡܘܬ ܒܘܕܩܐ܂ ܠܐ ܕܥܠ

07:06	ܡܘܬܐ܃ ܘܠܐ ܕܥܠ ܚܝ̈ܐ܂
07:07	ܕܟܟ܊܂ ܐܝܠܝܢ ܕܟܕ ܛܠܝܢ ܪ̈ܛܝܒܢ ܟܪ̈ܣܬܗܘܢ ܡܐ ܕܝܢ ܕܣ݁ܐܒܝܢ ܡܬܝܒܫ̈ܢ ܐܝܠܝܢ ܕܝܢ
07:08	ܕܟܕ ܛܠܝܢ ܝܒܝ̈ܫܢ ܟܪ̈ܣܬܗܘܢ ܟܕ ܣ݁ܐܒ̈ܝܢ ܡܬܪ̈ܛܒܢ܂
07:09	ܕܥܣܪܝܢ ܘܚܕ܂ ܠܟܦܢܐ ܫܩܝܐ ܕܚܡܪܐ ܫ݁ܪܐ܂
07:10	ܕܥܣܪܝܢ ܘܬܪܝܢ܂ ܠܟܘܪ̈ܗܢܐ ܕܗ݀ܘܝܢ ܡܢ ܡܠܝܘܬܐ ܣܘܦܩܐ ܡܐܣܐ܂ ܘܠܗ݀ܢܘܢ ܕܡ݂ܢ
07:11	ܣܘܦܩܐ ܡܠܝܘܬܐ ܘܠܫܪܟܐ ܕܐܚܪ̈ܢܐ ܣܩܘܒܠܝܘܬܐ܂
07:12	ܕܥܣܪܝܢ ܘܬܠܬ܂ ܟܘܪ̈ܗܢܐ ܚܪ̈ܝܦܐ ܡܬܒܚܪܝܢ ܒܐܪ̈ܒܬܥܣܪ ܝܘܡ̈ܝܢ܂
07:13	ܕܥܣܪܝܢ ܘܐܪܒܥ܂ ܥܠ ܝܘܡܐ ܕܝܢ ܕܫܒܥܐ ܝܘܡܐ ܪܒܝܥܝܐ ܡܒܲܕܩ܂ ܫܘܪܝܐ
07:14	ܕܫܒܘܥܐ ܬܪܝܢܐ ܝܘܡܐ ܬܡܝܢܝܐ܂ ܡܒܕܩܢܐ ܕܝܢ ܝܘܡܐ ܕܚܕܥܣܪ܂ ܗܢܐ ܓܝܪ
07:15	ܐܝܬܘܗܝ ܪܒܝܥܝܐ ܕܫܒܘܥܐ܂ ܐܚܪܢܐ܂ ܡܒܕܩܢܐ ܬܘܒ ܐܝܬܘܗܝ ܝܘܡܐ ܕܫܒܬܥܣܪ܂
07:16	ܗܢܐ ܓܝܪ ܐܝܬܘܗܝ ܪܒܝܥܝܐ ܡ݁ܢ ܡ݂ܢ ܝܘܡܐ ܕܐܪܒܬܥܣܪ ܫܒܝܥܝܐ ܕܝܢ ܡ݂ܢ ܝܘܡܐ
07:17	ܕܚܕܥܣܪ܂
07:18	ܕܥܣܪܝܢ ܘܗ܊܂ ܛܗܛܐܪܛܗܘ ܩܝܛܝ̈ܬܐ ܐܝܟ ܕܒܣܘܓܐܐ ܟܪ̈ܝܢ܂ ܗ̈ܢܝܢ ܕܝܢ ܬܫܪ̈ܝܝܬܐ
07:19	ܐܪ̈ܝܟܢ܂ ܝܬܝܪܐܝܬ ܕܝܢ ܗ̈ܢܝܢ ܕܠܣܬܘܐ ܢܩ̈ܦܢ܂
07:20	ܕܥܣܪܝܢ ܘܐܫܬܐ܂ ܦܩܚܐ ܕܬܗܘܐ ܐܫܬܐ ܒܬܪ ܡܩܝܣܘܬܐ ܡ݂ܢ ܕܬܗܘܐ
07:21	ܡܩܝܣܘܬܐ ܒܬܪ ܐܫܬܐ܂
07:22	ܕܥܣܪܝܢ ܘܙ܊܂ ܠܐܝܠܝܢ ܕܠܘ ܒܘܠܝܬܐ ܡܩ̈ܠܢ܃ ܠܐ ܙ݁ܕܩ ܕܬܗܝܡܢ܂ ܐܦܠܐ ܕܬܕܚܠ
07:23	ܣܘܓܐܐ ܡ݂ܢ ܐܝܠܝܢ ܕܒܝܫ̈ܢ܃ ܡܐ ܕܠܒܪ ܡ݂ܢ ܙܕܩܐ ܗܘ̈ܝܢ܂ ܣܘܓܐܐ ܓܝܪ ܕܐܝܠܝܢ ܕܕܐܝܟ
07:24	ܗܠܝܢ ܠܐ ܚܬܝ̈ܬܢ ܘܠܘ ܣܓܝ ܡܥ̈ܕܢ ܕܢܟܬܪ̈ܢ ܐܦܠܐ ܕܢܓܪܢ܂
07:25	ܕܥܣܪܝܢ ܘܚ܊܂ ܒܐܝܠܝܢ ܕܐܚܝܕܝܢ ܒܐܫܬܐ ܠܘ ܣܓܝ ܡܚܝܠܐܝܬ܂ ܗ݀ܝ ܕܢܟܬܪ ܦܓܪܐ
07:26	ܘܠܐ ܢܬܒܲܨܪ ܡܕܡ܃ ܐ݁ܘ ܢܬܕܝܒ ܝܬܝܪ ܡ݂ܢ ܙܕܩܐ ܒܝܫܐ܂ ܗ݀ܝ ܡ݁ܢ ܥܠ ܢܘܓܪܐ
07:27	ܕܟܘܪܗܢܐ ܡܫܘܕܥܐ܂ ܗܕܐ ܕܝܢ ܥܠ ܡܚܝܠܘܬܐ܂
07:28	ܕܟܛ܊܂ ܟܡܐ ܕܒܫܘܪܝܐ ܐܝܬܝܗܘܢ ܟܘܪ̈ܗܢܐ܃ ܐܢ ܡܕܡ ܡܬܚ݂ܙܐ ܠܟ ܕܬܙܝܥ܃
07:29	ܐܙܝܥ܂ ܡܐ ܕܝܢ ܕܠܥܘܙܐ ܡܬܡܛܝܢ܃ ܠܡܫ݂ܠܐ ܙ݁ܕܩ܂
07:30	ܕܬܠܬܝܢ܂ ܒܫܘܪ̈ܝܐ ܘܒܫܘ̈ܠܡܐ ܟܠܗܝܢ ܝܬܝܪ ܡܚܝ̈ܠܢ܂ ܒܥܘܙܐ ܕܝܢ ܝܬܝܪ ܥܫܝ̈ܢܢ܂
07:31	ܕܬܠܬܝܢ ܘܚܕ܂ ܗ݀ܝ ܕܡܢ ܒܬܪ ܟܘܪܗܢܐ܃ ܟܕ ܫܦܝܪ ܢܐܟܘܠ ܐܢܫ܃ ܠܐ ܡܕܡ
07:32	ܢܬܬܘܣܦ ܦܓܪܗ ܒܝ݂ܫܐ܂