← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60801: HippAp (Hippocrates Aphorisms)

Click on a word for lexical analysis
Click on a red-colored coordinate for comments and/or translations of the line

previous chapter


09:01 ܕܐܪܒܥܝܢ ܘܫ̈ܒܥ܂ ܒܗܘܝܐ ܕܡܘܓܠܐ ܟܐܒ̈ܐ ܘܐܫܬܘ̈ܬܐ ܝܬܝܪ ܓܕܫܝܢ ܡ݂ܢ ܡܐ
09:02 ܕܟܕ ܗܘ݂ܐ܂
09:03 ܕܐܪܒܥܝܢ ܘܬܡܢܐ܂ ܒܟܠ ܡܬܬܙܝܥܢܘ݂ܬܐ ܕܦܓܪܐ ܐܡܬܝ ܕܡܫܪܐ ܕܢܥ݂ܡܠ ܗ݀ܝ
09:04 ܕܡܚܕܐ ܢܢܘܚ ܕܠܟ ܠܐܘܬܐ ܗܝ܂
09:05 ܕܬܫܥܐ ܘܐܪ̈ܒܥܝܢ܂ ܐܝܠܝܢ ܕܡܥܝܕܝܢ ܕܢܣܝܒܪܘܢ ܥܡ̈ܠܐ ܐܦܢ ܣܒ̈ܐ ܐܝܬܝܗܘܢ
09:06 ܐ݁ܘ ܡܚܝ݂̈ܠܐ ܝܬܝܪ ܕܠܝܠܐܝܬ ܡܣܝܒܪܝܢ ܥܡ̈ܠܐ ܥܝ̈ܕܢܝܐ ܡܢ ܗ݀ܢܘܢ ܕܠܐ ܡܥܝܕܝܢ ܐܦܢ
09:07 ܚܝ̈ܠܬܢܐ ܐܢܘܢ ܘܥܠܝ̈ܡܐ܂
09:08 ܕܚܡܫܝܢ܂ ܐܝܠܝܢ ܕܐܬܥܝܕ ܒܗܝܢ ܐܢܫ ܡ݂ܢ ܢܘܓܪܐ ܕܙܒܢܐ ܒܨܝܪ ܡ݂ܢ ܗܢ̈ܝܢ ܕܠܐ
09:09 ܡܥܝܕ ܒܗܝܢ ܡܥ̈ܕܢ ܕܢܠܙܢܝܗܝ ܐܦܢ ܡܐܟ̈ܢ ܡܢܗܝܢ܂ ܙ݁ܕܩ ܡܕܝܢ ܕܐܦ ܠܘܬ ܗ̈ܢܝܢ ܕܠܐ
09:10 ܐܬܥ݁ܝܕ ܒܗܝܢ ܐܢܫ ܢܫ݁ܢܐ܂
09:11 ܕܚܡܫܝܢ ܘܚܕ܂ ܗ݀ܝ ܕܒܣܓܝ ܣܓܝ ܘܡܢܫܝܠ ܢܡܠܐ ܐܘ݁ ܢܣܦܩ܃ ܐܘ݁ ܢܐ݁ܚܡ ܐܘ݁ ܢܐܩܪ܃
09:12 ܐܘ ܐܚܪܢܝܐܝܬ ܐܝܟܢ ܕܗ݂ܘ ܢܙܝܥܝܘܗܝ ܠܦܓܪܐ ܠܐ ܙܗܝܪܐ ܘܟܠ ܡܐ ܕܣܓܝ ܕܠܩܘܒܠܐ
09:13 ܗܘ ܕܟܝܢܐ܂ ܗ݀ܝ ܕܝܢ ܕܒܩܠܝܠ ܩܠܝܠ ܙܗܝܪܐ܂ ܐܚܪܢܝܐܝܬ ܟܝܬ ܘܐܢܗܘ ܕܡ݂ܢ ܡܕܡ ܐܚܪܢܐ
09:14 ܠܐܚܪܢܐ ܡܫ݁ܢܐ ܐܢܬ܂
09:15 ܕܚܡܫܝܢ ܘܬܪܝܢ܂ ܡܐ ܕܟܠܗܝܢ ܬܣ݂ܥܘܪ ܐܝܟ ܙܕܩܐ ܘܠܐ ܢܗ̈ܘܝܢ ܐܝܠܝܢ ܕܗ̈ܘܝܢ ܐܝܟ
09:16 ܙܕܩܐ܃ ܠܐ ܙܕܩ ܠܟ ܕܬܫܢܐ ܠܘܬ ܡܕܡ ܐܚܪܝܢ ܟܡܐ ܕܡܟܬܪ ܗ݀ܘ ܡܐ ܕܐܬܚܙܝ
09:17 ܠܟ ܡ݂ܢ ܫܘܪܝܐ܂
09:18 ܕܚܡܫܝܢ ܘܬܠܬܐ܂ ܐܝܠܝܢ ܕܪ̈ܛܝܒܢ ܟܪ̈ܣܬܗܘܢ ܟܡܐ ܡ݂ܢ ܕܛܠܝ̈ܢ܃ ܝܬܝܪ ܛܒܐܝܬ
09:19 ܪ̈ܕܝܢ ܡ݂ܢ ܗ݀ܢܘܢ ܕܝܒܝܫܢ ܟܪ̈ܣܬܗܘܢ܂ ܒܣܝܒܘܬܗܘܢ ܕܝܢ ܝܬܝܪ ܒܝܫܐܝܬ ܪ̈ܕܝܢ܂ ܡܬܝܒܫ̈ܢ
09:20 ܓܝܪ ܐܝܟ ܕܒܣܘܓܐܐ ܟܪ̈ܣܬܗܘܢ ܒܣܝܒܘܬܗܘܢ܂
09:21 ܕܚܡܫܝܢ ܘܐܪܒܥ܂ ܪܒܘܬܐ ܕܝܢ ܕܦܓܪܐ ܒܥܠܝܡܘܬܐ ܡ݁ܢ ܚܐܪܝܐ ܘܠܐ ܠܐ ܗܢܝܐܐ܃
09:22 ܒܣܝܒܘܬܐ ܕܝܢ ܥܣܩܐ ܒܚܫܚܬܗ݀ ܘܡܐܟܐ ܡܢ ܗ݀ܝ ܕܒܨܝܪܐ܂
09:23 ܫܠܡ ܦܣܩܐ ܬܪܝܢܐ ܕܐܦܘܪ̈ܝܣܡܘ ܕܐܦܘܩܪܐܛܝܣ܂

next chapter