← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60801: HippAp (Hippocrates Aphorisms)

Click on a word for lexical analysis
Click on a red-colored coordinate for comments and/or translations of the line

previous chapter


10:01 ܬܘܒ ܦܣܩܐ ܬܠܝܬܝܐ ܕܐܦܘܩܪܛܝܣ܂
10:02 ܩܕ܊܂ ܫܘܚܠܦܝ̈ܗܘܢ ܕܙܒܢ̈ܐ ܕܫܢܬܐ ܛܒ ܝܬܝܪܐܝܬ ܡܘܠܕܝܢ ܟܘܪ̈ܗܢܐ܂ ܘܒܗܘܢ
10:03 ܒܙܒ̈ܢܐ ܕܫܢܬܐ ܡܫܬܚܠܦ̈ܢܘܬܐ ܪܘܪ̈ܒܬܐ ܕܩܪܝܪܘܬܐ ܐܘ݁ ܕܫܚܝܢܘܬܐ ܘܗ̈ܢܝܢ ܕܫܪܟܐ
10:04 ܦܚܡܐܝܬ܂
10:05 ܕܬܪܝܢ܂ ܟܝ̈ܢܐ܃ ܡܢܗܘܢ ܡ݁ܢ ܠܘܬ ܩܝܛܐ܃ ܡܢܗܘܢ ܕܝܢ ܠܘܬ ܣܬܘܐ܃ ܫܦܝܪܐܝܬ
10:06 ܐܘ݁ ܒܝܫܐܝܬ ܡܟܝܢܝܢ܂
10:07 ܕܬܠܬܐ܂ ܘܐܚܪ̈ܢܐ ܘܐܚܪ̈ܢܐ ܡ݂ܢ ܟܘܪ̈ܗܢܐ ܠܘܬ ܟܝܢ̈ܐ ܐܚܪ̈ܢܐ ܘܐܚܪ̈ܢܐ ܫܦܝܪܐܝܬ
10:08 ܐܘ݁ ܒܝܫܐܝܬ ܡܟܝܢܝܢ܂ ܘܐܦ ܩܘܡܬܐ ܡܕܡ ܠܘܬ ܙܒܢܐ ܡܕܡ ܕܫܢܬܐ܂ ܘܠܘܬ
10:09 ܐܬܪ̈ܘܬܐ ܘܠܘܬ ܕܘܒܪ̈ܐ܂
10:10 ܕܐܪܒܥܐ܂ ܒܙܒܢ̈ܐ ܕܫܢܬܐ ܡܐ ܕܒܚܕ ܝܘܡܐ ܒܙܒܢ ܡ݁ܢ ܚܘܡܐ ܒܙܒܢ ܕܝܢ ܩܘܪܫܐ
10:11 ܢܗܘܐ ܠܟܘܪ̈ܗܢܐ ܬܫ̈ܪܝܝܐ ܙ݁ܕܩ ܠܡܣ݁ܟܝܘ܂
10:12 ܕܚܡܫܐ܂ ܪ̈ܘܚܐ ܬܝܡܢܝ̈ܬܐ ܝܩܝܪܘܬ ܫܡܥܐ ܥܒ̈ܕܢ ܘܥܡܛܢܐ ܒܚܙܬܐ ܘܝܘܩܪܐ
10:13 ܒܪܝܫܐ ܘܡܐܝܢܘܬܐ ܘܪܘܫܠܐ܂ ܡܐ ܕܗܕܐ ܪܘܚܐ ܥ݁ܠܒܐ ܕܐܝܟ ܗܠܝܢ ܟܘܪ̈ܗܢܐ
10:14 ܚ݁ܐܫܝܢ ܟܪ̈ܝܗܐ܂ ܐܢܕܝܢ ܓܪܒܝܝܬܐ ܬܗܘܐ܂ ܫܥ̈ܠܐ ܗܘ̈ܝܢ܂ ܚܟ̈ܐ܂ ܟܪ̈ܣܬܐ ܩܫܝ̈ܬܐ܂
10:15 ܥܣܩܘܬ ܬܦܫܘܪܬܐ܂ ܩܒܒܝܬܐ܂ ܟܐܒ̈ܐ ܕܐܠܥ̈ܐ ܘܕܚܕܝܐ܂ ܡܐ ܕܗܕܐ ܪܘܚܐ ܥ݁ܫܢܐ
10:16 ܠܕܐܝܟ ܗܠܝܢ ܙ݁ܕܩ ܠܡ݁ܣܟܝܘ ܒܟܘܪ̈ܗܢܐ܂
10:17 ܕܐܫܬܐ܂ ܡܐ ܕܩܝܛܐ ܢܗܘܐ ܕܡ݁ܐ ܠܬܐܕܐܐ܂ ܠܕܘܥ̈ܬܐ ܣܓܝ̈ܐܬܐ ܙ݁ܕܩ ܠܡܣ݁ܟܝܘ
10:18 ܒܐܫܬܘ̈ܬܐ܂
10:19 ܕܫܒܥܐ܂ ܒܙܒܢ ܓܠܝܙܘܬ ܡܛܪܐ ܐܫܬܘ̈ܬܐ ܚܪ̈ܝܦܬܐ ܗ̈ܘܝܢ܂ ܘܐܢܗܘ ܡ݁ܢ ܕܣܓܝ
10:20 ܐܝܬܝܗ݀ ܫܢܬܐ ܗܟܢܐ ܘܐܝܬܘܗܝ ܐܝܟ ܛܘܟܣܐ ܗܟܢܐ ܠܕܐܝܟ ܗܠܝܢ ܟܘܪ̈ܗܢܐ ܐܝܟ
10:21 ܕܒܣܘܓܐܐ ܙ݁ܕܩ ܠܡܣ݁ܟܝܘ܂
10:22 ܕܬܡܢܝܐ܂ ܒܙܒܢ̈ܐ ܡܛܟܣ̈ܐ ܘܕܠܙܒ̈ܢܐ ܒܙܒܢܗ̈ܝܢ ܦܪܥܝܢ ܫܦܝܪ̈ܝ ܩܘܡܐ ܘܫܦܝܪ̈ܝ ܒܘܚܪܢܐ
10:23 ܗܘܝ̈ܢ ܟܘܪ̈ܗܢܐ܂ ܒܙܒ̈ܢܐ ܕܝܢ ܠܐ ܡܛܟ̈ܣܐ܃ ܠܐ ܡܛܟܣ̈ܐ ܘܥܣ̈ܩܝ ܒܘܚܪܢܐ܂
10:24 ܕܬܫܥܐ܂ ܒܬܫܪ̈ܝܬܐ ܛܒ ܚܪ̈ܝܦܝܢ ܟܘܪ̈ܗܢܐ ܘܛܒ ܡܡܝ̈ܬܢܝܢ ܐܝܟ ܕܒܣܘܓܐܐ܂
10:25 ܬܐܕܐ ܕܝܢ ܛܒ ܚܘܠܡܢܝܐ ܐܝܬܘܗܝ ܘܛܒ ܒܨܝܪ ܡܡܝܬܢܐ܂

next chapter