The Comprehensive Aramaic Lexicon

11:01	ܕܥܣܪܐ܂ ܬܫܪ̈ܝܬܐ ܠܡܫܢ̈ܩܐ ܒܝ̈ܫܢ܂
11:02	ܕܚܕܥܣܪ܂ ܥܠ ܙܒܢ̈ܐ ܕܝܢ ܕܫܢܬܐ܂ ܐܢܗܘ ܡ݁ܢ ܕܣܬܘܐ ܓܠܝܙ ܡ݂ܢ ܡܛܪܐ ܘܓ‍{‍ܕ‍}‍‍<‍ܪ‍>‍ܒܝܝܐ
11:03	ܢܗܘܐ ܬܐܕܐܐ ܕܝܢ ܡܛܝܪܐ ܘܬܝܡܢܝܐ ܐܠܨܐ ܕܒܩܝܛܐ ܐܫܬܘ̈ܬܐ ܚܪ̈ܝܦܬܐ ܢܗܘ̈ܝܢ܂
11:04	ܘܕܓܢ̈ܐ ܘܕܘܣܗܢܛܪܝܐ܂ ܝܬܝܪܐܝܬ ܕܝܢ ܠܢܫ̈ܐ ܘܠܐܝܠܝܢ ܕܪ̈ܛܝܒܝܢ ܒܟܝܢܗܘܢ܂
11:05	ܕܬܪܥܣܪ܂ ܐܢܕܝܢ ܣܬܘܐ ܡ݁ܢ ܢܗܘܐ ܬܝܡܢܝ ܘܡܛܝܪ ܘܒܗܝܠ ܬܐܕܐ ܕܝܢ ܢܗܘܐ
11:06	ܓܠܝ݂ܙ ܡܢ ܡܛܪܐ ܘܓܪܒܝܝ ܢ̈ܫܐ ܕܝܢ ܕܒ̈ܛܢܢ ܠܘܥܕܐ ܕܬܐܕܐ ܝ̈ܚܛܢ ܡ݂ܢ ܟܠ ܥܠܐ܂ ܐܝܠܝܢ ܕܝܢ
11:07	ܡܢܗܝܢ ܕܝ̈ܠܕܢ ܡܚܝ̈ܠܐ ܘܢܣܝ̈ܣܐ ܝ̈ܠܕܢ܂ ܐܝܟܢܐ ܕܡܚܕܐ ܢܐܒܕܘܢ܂ ܐܘ ܟܕ ܒܨܝܨܝܢ
11:08	ܘܡܟܪܗܝܢ ܢܐܚܘܢ܂ ܠܕܫܪܟܐ ܕܝܢ ܕܘܣܗܢܛܪܝܐ ܘܕܓ̈ܢܐ ܝܒܝ̈ܫܐ܂ ܠܕܝܬܝܪ ܕܝܢ ܩܫܝܫܝܢ
11:09	ܕܘ̈ܒܐ ܘܚܝܨܐܝܬ ܐ݁ܒܕܝܢ܂
11:10	ܕܬܠܬܥܣܪ܂ ܐܢܕܝܢ ܩܝܛܐ ܢܗ݂ܘܐ ܓܠܝܙ ܡ݂ܢ ܡܛܪܐ ܘܓܪܒܝܝܐ ܬܫܪ̈ܝܬܐ ܕܝܢ ܡܛܝܪ̈ܬܐ
11:11	ܘܬܝܡܢܝ̈ܬܐ܂ ܟܐܒ ܪܝܫܐ ܥܫܝܢܐ ܗ݀ܘܐ ܒܣܬܘܐ܂ ܘܫܥܠܐ܂ ܘܚܘܪܫܐ܂ ܘܩܘܪܪܐ܂ ܠܚܕܚܕܢ̈ܐ
11:12	ܕܝܢ ܦܬܣܝܣ܂ ܐܢܕܝܢ ܢܗܘ̈ܝܢ ܓܪ̈ܒܝܝܢ ܘܓܠܝܙ̈ܢ ܡ݂ܢ ܡܛܪܐ ܠܢ̈ܫܐ ܡ݁ܢ ܘܠܐܝܠܝܢ ܕܪ̈ܛܝܒܝܢ
11:13	ܒܟܝܢܗܘܢ ܡܗ̈ܢܝܢ܂ ܠܕܫܪܟܐ ܕܝܢ ܕܓ̈ܢܐ ܝܒܝ̈ܫܐ ܗܘ̈ܝܢ ܘܐܫܬܘ̈ܬܐ ܚܪ̈ܝܦܬܐ ܘܩܘܪܪܐ
11:14	ܢܓܝܪܐ܂ ܠܚܕܚܕܢ̈ܐ ܕܝܢ ܡܗܠܢܟܘܠܝܐ܂
11:15	ܕܐܪܒܬܥܣܪ܂ ܡ݂ܢ ܛܘܟ̈ܣܐ ܕܝܢ ܕܫܢܬܐ ܟܠܢܐܝܬ ܡ݁ܢ ܓܠܝܙܘܬ ܡܛܪܐ ܡ݂ܢ ܡܛܝܪܘܬܐ
11:16	ܝܬܝܪ ܡ݁ܢ ܚܠܝܡܐ ܘܒܨܝܪ ܡܡܝܬܢܐ
11:17	ܕܚܡܫܬܥܣܪ܂ ܟܘܪ̈ܗܢܐ ܕܝܢ ܗܘ̈ܝܢ ܐܝܟ ܕܒܣܘܓܐܐ ܒܙܒܢ ܡܛܝܪܘܬܐ ܡ݁ܢ܃
11:18	ܐܫܬܘ̈ܬܐ ܐܪ̈ܝܟܬܐ܂ ܘܪܕܝܐ ܕܟܪܣܐ܂ ܘܡܣܝܘܬܐ܂ ܘܗܦܝܠܝܡܦܝܣܝܐ܂ ܘܐܦܘܦܠܟܣܝܐ܂
11:19	ܘܚܢܘ̈ܩܐ܂ ܒܙܒܢ ܓܠܝܙܘܬ ܡܛܪܐ ܕܝܢ܃ ܦܬܣܝܣ܂ ܘܕܓܢ̈ܐ܂ ܘܟܐܒ ܫܪ̈ܝܬܐ܂ ܘܡܛܦܘܬ
11:20	ܬܦܫܘܪܬܐ܂ ܘܕܘܣܢܛܪܝܐ܂
11:21	ܕܐܫܬܥܣܪ܂ ܛܘܟ̈ܣܐ ܕܝܢ ܕܝܘܡ ܒܝܘܡ ܗ݀ܢܘܢ ܡ݁ܢ ܓܪ̈ܒܝܝܐ ܡܚܲܝܨܝܢ ܠܦܓܪ̈ܐ܂
11:22	ܘܚܝ̈ܠܬܢܐ ܘܕܠܝ̈ܠܝ ܠܙܘܥܐ܂ ܘܫܦܝܪ̈ܝ ܓܘܢܐ܂ ܘܝܬܝܪ ܕܠܝ̈ܠܝ ܠܫܡܥܐ ܥ݁ܒܕܝܢ ܠܗܘܢ܂
11:23	ܘܡܝܒܫܝܢ ܠܟܪܣܐ܂ ܘܡܢܟܬܝܢ ܠܥܝ̈ܢܐ܂ ܘܐܢ ܟܐܒ̈ܐ ܡܕܡ ܐܝܬ ܒܚܕܝܐ܃ ܝܬܝܪ
11:24	ܡܟܐܒܝܢ܂ ܗ݀ܢܘܢ ܕܝܢ ܬܝܡܢܝ̈ܐ܃ ܫܪ̈ܝܢ ܠܦܓܪ̈ܐ܂ ܘܡܪܛܒܝܢ ܠܗܘܢ܂ ܘܝܩܝܪܘܬ ܫܡܥܐ܂
11:25	ܘܝܩܝܪܘܬ ܪܝܫܐ܂ ܘܨܘܪ̈ܢܐ ܥ݁ܒܕܝܢ܂ ܘܒܥܝ̈ܢܐ ܘܒܫܪܟܐ ܕܦܓܪܐ ܥܣܩܘܬ ܡܬܬܙܝܥܢܘܬܐ܂
11:26	ܘܡܪܛܒܝܢ ܠܟܪܣܐ܂
11:27	ܕܫܒܬܥܣܪ܂ ܒܙܒܢ̈ܐ ܕܝܢ ܕܫܢܬܐ܂ ܒܬܐܕܐ ܡ݁ܢ ܘܒܫܘܪܝܐ ܕܩܝܛܐ ܛܠܝ̈ܐ ܡ݁ܢ ܘܐܝܠܝܢ
11:28	ܕܠܗܠܝܢ ܩܪܝܒܝܢ ܒܩܘܡܬܐ ܛܒ ܡܝܬܪܐܝܬ ܡܬܕܒܪܝܢ ܘܛܒ ܝܬܝܪܐܝܬ ܚܠܝܡܝܢ܂ ܒܩܝܛܐ
11:29	ܕܝܢ ܘܒܬܫܪ̈ܝܬܐ ܥܕܡܐ ܡ݁ܢ ܠܙܒܢܐ ܡܕܡ ܣܒ̈ܐ܂ ܒܫܪܟܢܗܝܢ ܕܝܢ ܕܬܫܪ̈ܝܬܐ ܘܕܣܬܘܐ
11:30	ܐܝܠܝܢ ܕܡܨܥܝܝܢ ܒܩܘܡܬܐ܂
11:31	ܕܬܡܢܬܥܣܪ܂ ܟܘܪ̈ܗܢܐ ܕܝܢ ܟܠܗܘܢ ܡ݁ܢ ܒܟܠܗܘܢ ܙܒܢ̈ܝܗ݀ ܕܫܢܬܐ ܗܘܝܢ܂ ܡܢܗܘܢ

11:32	ܕܝܢ ܒܪܡ ܕܟܘܪ̈ܗܢܐ ܒܡܢܗܘܢ ܕܙܒܢ̈ܐ ܝܬܝܪ ܗ݀ܘܝܢ ܐܘ݁ ܡܬܡܪܡܪܝܢ܂