The Comprehensive Aramaic Lexicon

14:01	ܬܘܒ ܦܣܩܐ ܪܒܝܥܝܐ ܕܐܦܘܩܪܛܝܣ܂
14:02	ܩܕܡܝܐ܂ ܠܒܛܢ̈ܬܐ ܙ݁ܕܩ ܠܡܢܦܨܘ ܐܢܗܘ ܕܥܗܪܝܢ ܒܗܝܢ ܟܘܡ̈ܘ ܡ݂ܢ ܕܟܕ ܒܢ̈ܝ ܐܪ̈ܒܥܐ
14:03	ܝܪ̈ܚܝܢ ܐܝܬܝܗܘܢ ܥܘܠܝ̈ܗܝܢ ܘܥܕܡܐ ܕܒܢ̈ܝ ܫܒܥܐ ܝܪ̈ܚܝܢ ܢܗܘܘܢ܂ ܒܨܝܪ ܕܝܢ ܠܗܠܝܢ ܡܢ
14:04	ܐܝܠܝܢ ܕܝܢ ܕܙܥܘܪ̈ܝܢ ܐܘ݁ ܪܘܪ̈ܒܝܢ ܡܢ ܗܠܝܢ ܠܡܙܕܗܪܘ ܙ݁ܕܩ܂
14:05	ܬܪܝܢܐ܂ ܒܝܗܝܒܘܬ ܣܡܡ̈ܢܐ܃ ܕܐܝܟ ܗܠܝܢ ܙ݁ܕܩ ܠܡܣܲܦܩܘ ܡܢ ܦܓܪܐ ܐܝܟ ܗ̈ܢܝ݂ܢ
14:06	ܕܟܕ ܡܢ ܨܒܘܬ ܢܦܫܗܝܢ ܡܣܬܦܩܢ ܚܫ̈ܚܢ܂ ܠܕܣܩܘܒܠܐܝܬ ܕܝܢ ܡܣܬܦ̈ܩܢ ܠܡܢܚܘ܂
14:07	ܬܠܝܬܝܐ܂ ܐܢܗܘ ܕܐܝܠܝܢ ܕܙܕܩ ܕܢܬܕܟ̈ܝܢ ܡܬܕܟ̈ܝܢ܂ ܡܗ̈ܢܝܢ ܟܝܬ ܘܕܠܝܠܐܝܬ ܡܣܝܒܪܝܢ
14:08	ܠܗܝܢ܂ ܗ̈ܢܝܢ ܕܝܢ ܕܠܩܘܒܠܐ ܥܣܩܐܝܬ܂
14:09	ܪܒܝܥܝܐ܂ ܙ݁ܕܩ ܠܡܢܦܨܘ ܝܬܝܪܐܝܬ ܒܩܝܛܐ ܡ݁ܢ ܠܥܠܝ̈ܬܐ܂ ܒܣܬܘܐ ܕܝܢ ܠܬܚ̈ܬܝܬܐ܂
14:10	ܚܡܝܫܝܐ܂ ܒܬܪ ܟܠܒܐ ܘܩܕܡ ܟܠܒܐ ܥ݁ܣܩܝܢ ܢܘܦܨ̈ܐ܂
14:11	ܫܬܝܬܝܐ܂ ܠܒܨܝܨ̈ܐ ܘܕܦܫܝܛܐܝܬ ܡܬܝܒܝܢ ܡܢ ܠܥܠ ܙܕܩ ܠܡܢܦܨܘ܂ ܟܕ ܡܙܕܗܪ ܐܢܬ
14:12	ܡܢ ܣܬܘܐ܂
14:13	ܕܫܒܥܐ܂ ܠܕܥܣܩܐܝܬ ܕܝܢ ܡܬܝܒܝܢ ܘܕܡܨܥܐܝܬ ܫܦܝܪ̈ܢ ܒܣܪ̈ܬܗܘܢ ܡܢ ܠܬܚܬ
14:14	ܟܕ ܡܙܕܗܪ ܐܢܬ ܡܢ ܩܝܛܐ܂
14:15	ܕܬܡܢܝܐ܂ ܠܡܫܢ̈ܩܐ ܕܝܢ ܐܙܕܗܪ ܡܢ ܕܬܕܟܐ ܐܢܘܢ ܡܢ ܠܥܠ܂

14:16	ܕܬܫܥܐ܂ ܠܡܗܠܢܟܘܠܝ̈ܩܝܐ ܕܝܢ ܝܬܝܪ ܣܡܝܟܐܝܬ ܠܕܠܬܚܬ܂ ܟܕ ܡܘܣܦ ܐܢܬ ܒܗ݀ ܟܕ

14:17	ܒܗ݀ ܒܡܚܫܒܬܐ ܗ̈ܢܝܢ ܕܕܠܩܘܒܠܐ܂
14:18	ܕܥܣܪܐ܂ ܒܟܘܪ̈ܗܢܐ ܕܣܓܝ ܚܪ̈ܝܦܝܢ܃ ܐܢܗܘ ܕܥ݁ܗܪܝܢ ܟܘܡ̈ܘ܃ ܒܗ ܒܝܘܡܐ ܙܕܩ
14:19	ܕܬܢܦܨ܂ ܠܡܫܬܘܚܪܘ ܓܝܪ ܒܕܐܝܟ ܗܠܝܢ ܒܝ݂ܫܐ܂
14:20	ܕܚܕܥܣܪ܂ ܐܝܠܝܢ ܕܗ݀ܘܝܢ ܠܗܘܢ ܡܥܣ̈ܐ ܘܟܐܒܐ ܒܟܘܢܬ ܫܪܐ ܘܒܡܐܣܪ ܚܨ̈ܐ
14:21	ܗ݀ܘܐ ܠܗܘܢ ܟܐܒܐ ܕܠܐ ܡܫܬܪܐ ܠܐ ܒܢܘܦ̈ܨܐ ܐܦܠܐ ܐܚܪܢܝܐܝܬ܂ ܠܟܢܫ ܡܝ̈ܐ
14:22	ܝܒܝ݂ܫܐ ܫܪܟܝܢ܂
14:23	ܕܬܪܥܣܪ܂ ܠܐܝܠܝܢ ܕܐܝܬ ܠܗܘܢ ܫܥܝܥܘܬ ܡܥܝܐ ܒܣܬܘܐ ܒܝܫܐ ܕܢܕ݁ܟܐ ܐܢܘܢ
14:24	ܡ݂ܢ ܠܥܠ܂