The Comprehensive Aramaic Lexicon

15:01	ܕܬܠܬܥܣܪ܂ ܨܝܕ ܫܩܝܐ ܕܚܘܪܒܟܢܐ ܠܗܢܘܢ ܕܠܘ ܦܫܝܩܐܝܬ ܡܬܕܟܝܢ ܡ݂ܢ ܠܥܠ
15:02	ܕܢܩܕܘܡ ܙܕܩ ܩܕܡ ܫܩܝܗ ܒܕܢܪܛܒ ܠܦܓܪ̈ܝܗܘܢ ܒܣܝܒܪ̈ܬܐ ܝܬܝܪ̈ܬܐ ܘܒܢܝܚܐ܂
15:03	ܕܐܪܒܬܥܣܪ܂ ܡܐ ܕܫ݁ܬܐ ܐܢܫ ܚܘܪܒܟܢܐ܂ ܠܘܬ ܡܬܬܙܝܥܢܘܬܐ ܡ݁ܢ ܕܦܓܪܐ
15:04	ܝܬܝܪ ܙܕܩ ܠܡܝܬܝܘܬܗ ܠܘܬ ܫܢܬܐ ܕܝܢ ܘܠܐ ܡܬܬܙܝܥܢܘܬܐ ܒܨܝܪ܂ ܡܫܘܕܥܐ ܕܝܢ
15:05	ܡܪܕܝܬܐ ܕܒܐܠܦܐ ܕܙܘܥܐ ܫ݁ܓܫ ܠܦܓܪܐ܂
15:06	ܕܚܡܫܬܥܣܪ܂ ܡܐ ܕܝܬܝܪ ܨ݁ܒܐ ܐܢܬ ܕܬܢ݁ܦܨ ܠܦܓܪܐ ܒܚܘܪܒܟܢܐ܂ ܐܙܝܥ ܠܦܓܪܐ܂
15:07	ܡܐ ܕܝܢ ܕܨ݁ܒܐ ܐܢܬ ܕܬܢܝܚ ܠܢܘܦܨܐ܂ ܫܢܬܐ ܥܒܕ ܘܠܐ ܬܙܝ݂ܥ܂
15:08	ܕܐܫܬܥܣܪ܂ ܕܩܢܕܘܢܘܣ ܐܝܬܘܗܝ ܚܘܪܒܟܢܐ ܠܗ݀ܢܘܢ ܕܒܣܪ̈ܬܐ ܚ̈ܠܝܡܬܐ ܩܢܝܢ܂
15:09	ܡܩܝܣܘܬܐ ܓܝܪ ܥ݁ܒܕ ܒܗܘܢ܂
15:10	ܕܫܒܬܥܣܪ܂ ܟܐܒ̈ܐ ܕܠܥܠ ܡܢ ܦܪܗܢܗܣ ܡܫܘܕܥܝܢ ܕܡܢ ܠܥܠ ܙܕܩ ܕܢܣ݁ܦܩ܂ ܗ݀ܢܘܢ
15:11	ܕܝܢ ܕܠܬܚܬ ܡ݂ܢ ܠܬܚܬ܂
15:12	ܕܬܡܢܬܥܣܪ܂ ܐܢܗܘ ܕܐܢܫ ܕܠܝܬ ܠܗ ܐܫܬܐ ܢܬܟ݂ܠܐ ܡܢ ܡܐܟܘܠܬܐ ܘܢܗܘܐ
15:13	ܠܗ ܓܢܚ ܠܒܐ ܘܚܫܟ̈ܢܐ ܘܡܐܪ ܦܘܡܗ܃ ܡܫܘܕܥ ܕܥܠ ܣܘܦܩܐ ܣܢܝ݂ܩ ܡܢ ܠܥܠ܂
15:14	ܕܬܫܬܥܣܪ܂ ܐܝܠܝܢ ܕܟܕ ܫ݁ܬܝܢ ܣܡܐ ܡܢܦܨܢܐ ܘܡܬܢܦܨܝܢ ܠܐ ܨܗܝܢ܃ ܠܐ ܢ݁ܝܚܝܢ
15:15	ܡܢ ܢܘܦܨܐ ܩܕܡ ܕܢܨܗܘܢ܂
15:16	ܕܥܣܪܝܢ܂ ܐܢܗܘ ܕܟܕ ܐܝܬܘܗܝ ܐܢܫ ܕܠܐ ܐܫܬܐ܃ ܢܗܘܐ ܠܗ ܡܥܣ̈ܐ܂ ܘܝܘܩܪܐ
15:17	ܕܒܘܪ̈ܟܐ܂ ܘܟܐܒܐ ܕܡܐܣܪ ܚܨ̈ܐ܂ ܡܫܘܕܥܐ ܗܕܐ ܕܥܠ ܢܘܦܨܐ ܕܡܢ ܠܬܚܬ ܣܢܝ݂ܩ܂
15:18	ܕܥܣܪܝܢ ܘܚܕ܂ ܝܬܒܬܐ ܕܐܘܟܡܐ ܘܕ݁ܡܝܐ ܠܕܡܐ ܐܢ ܗ݂ܘ ܕܐܬܝܐ ܡܢ ܨܒܘܬ
15:19	ܢܦܫܗ݀܂ ܒܐܫܬܐ ܘܕܠܐ ܐܫܬܐ܂ ܛܒ ܒܝܫܐ܂ ܘܟܠ ܟܡܐ ܕܝܬܝܪ ܢܗܘܘܢ ܩܫܝܢ ܓܘ̈ܢܝܗ݀
15:20	ܝܬܝܪ ܒܝܫܐ܂ ܥܡ ܣܡܐ ܕܝܢ ܡܢܦܨܢܐ܃ ܛܒܐ܂ ܘܟܠ ܟܡܐ ܕܣܓܝܐܝܢ ܓܘ̈ܢܝܗ݀܂ ܠܐ ܒܝܫܐ܂
15:21	ܕܥܣܪܝܢ ܘܬܪܝܢ܂ ܟܘܪ̈ܗܢܐ ܐܝܠܝܢ ܕܒܫܘܪ̈ܝܗܘܢ ܡܪܬܐ ܐܘܟܡܬܐ ܐܬܝܐ ܐܘ ܡܢ
15:22	ܠܥܠ ܐܘ ܡܢ ܠܬܚܬ ܡܡ̈ܝܬܢܐ ܐܢܘܢ܂
15:23	ܕܥܣܪܝܢ ܘܬܠܬ܂ ܐܝܠܝܢ ܕܡܢ ܟܘܪ̈ܗܢܐ ܚܪ̈ܝܦܐ ܐܘ݁ ܢܓܝܪ̈ܐ ܐܘ݁ ܡܢ ܝܚܛܘܬܐ ܐܘ݁
15:24	ܡܢ ܡܕܡ ܐܚܪܝܢ ܩܛ݂ܢܘ܂ ܐܢܗܘ ܕܡܪܬܐ ܐܘܟܡܬܐ ܐܘ݁ ܕܕܡ݁ܝܐ ܠܕܡܐ ܐܘܟܡܐ
15:25	ܬܐܬܐ ܡܢܗܘܢ܂ ܐܘ݁ ܡܢ ܠܥܠ ܐܘ݁ ܡܢ ܠܬܚܬ܂ ܠܒܬܪܗ ܕܝܢ ܕܝܘܡܐ݁ ܡܝܬܝܢ܂
15:26	ܕܥܣܪܝܢ ܘܐܪܒܥ܂ ܕܘܣܗܢܛܐܪܝܐ ܐܢܗܘ ܕܡܢ ܡܪܬܐ ܐܘܟܡܬܐ ܬܫܪܐ
15:27	ܕܡܘܬܐ ܗܝ܂
15:28	ܕܥܣܪܝܢ ܘܚܡܫ܂ ܕܡܐ ܟܕ ܡܢ ܠܥܠ ܢܣܬܦܩ ܟܠ ܐܝܟܢ ܕܗܘ ܐܝܬܘܗܝ ܒܝܫ܂ ܡܢ
15:29	ܠܬܚܬ ܕܝܢ ܫܦܝܪ ܐܢܗܘ ܕܐܝܠܝܢ ܕܐܘܟܡܝܢ ܢ݁ܚܬܝܢ܂
15:30	ܕܥܣܪܝܢ ܘܘ܊܂ ܕܘܣܢܛܪܝܐ ܐܝܕܐ ܕܐܝܟ ܒܣܪ̈ܬܐ ܡܬܢܦ̈ܨܢ ܒܗ݀ ܡܡܝܬܢܝܬܐ ܗܝ܂
15:31	ܕܥܣܪܝܢ ܘܫܒܥ܂ ܐܝܠܝܢ ܕܗ݀ܘܝܐ ܠܗܘܢ ܒܐܫܬܐ ܬܪܝܥܘܬ ܕܡܐ ܣܓܝܐܐ ܡ݂ܢ

15:32	ܐܝܟܐ ܕܗܘ ܒܙܒܢܐ ܕܡܣܝܢܘܬܗܘܢ ܡܬܪ̈ܛܒܢ ܟܪ̈ܣܬܗܘܢ܂

15:33	ܕܥܣܪܝܢ ܘܬܡܢܝܐ܂ ܐܝܠܝܢ ܕܝܬܒܬܐ ܡܪܬܢܝܬܐ ܐܬܝܐ ܡܢܗܘܢ܃ ܐܢ ܬܗܘܐ ܠܗܘܢ