The Comprehensive Aramaic Lexicon

16:01	ܕܘܓܘܬܐ܃ ܢ݁ܝܚܐ ܠܗ݀܂ ܘܐܝܠܝܢ ܕܐܝܬ ܠܗܘܢ ܕܘܓܘܬܐ ܐܢ ܬܐ݂ܬܐ ܡܢܗܘܢ ܝܬܒܬܐ
16:02	ܡܪܬܢܝܬܐ ܢ݁ܝܚܐ ܠܗ݀ ܕܘܓܘܬܗܘܢ܂
16:03	ܕܥܣܪܝܢ ܘܬܫܥܐ܂ ܐܝܠܝܢ ܕܒܐܫܬܐ ܗ݀ܘܝܐ ܠܗܘܢ ܒܝܘܡܐ ܫܬܝܬܝܐ ܥܪܘܝܬܐ
16:04	ܥܣܩܐܝܬ ܡܬܒܚܪܝܢ܂
16:05	ܕܬܠܬܝܢ܂ ܐܝܠܝܢ ܕܗ݀ܘܝܢ ܠܗܘܢ ܥܕܝ̈ܐ ܕܒܐܝܕܐ ܕܗ݂ܝ ܫܥܬܐ ܫ݁ܒܩܝܢ ܐܢܗܘ

16:06	ܕܠܒܬܪܗ ܕܝܘܡܐ ܒܗ݀ ܟܕ ܒܗ݀ ܒܫܥܬܐ ܐܚܕܝܢ ܥܣܩܐܝܬ ܡܬܒܚܪܝܢ܂

16:07	ܕܬܠܬܝܢ ܘܚܕ܂ ܠܐܝܠܝܢ ܕܠܐܝ̈ܢ ܒܐܫܬܘ̈ܬܐ ܒܫܪ̈ܝܬܗܘܢ ܘܒܐܬܪ̈ܘܬܐ ܕܥܠ ܓܢܒ
16:08	ܠܘܥܝ̈ܗܘܢ ܝܬܝܪܐܝܬ ܗ݀ܘܐ ܠܗܘܢ ܩܘܒܝܢܐ܂
16:09	ܕܬܠܬܝܢ ܘܬܪܝܢ܂ ܠܐܝܠܝܢ ܕܝܢ ܕܟܕ ܩܝܡܝܢ ܡܢ ܟܘܪ̈ܗܢܐ ܥ݁ܡܠ ܒܗܘܢ ܡܕܡ ܡܢ
16:10	ܦܓܪ̈ܝܗܘܢ ܬܡܢ ܗ݀ܘܝܢ ܠܗܘܢ ܩܘܒܝ̈ܢܐ܂
16:11	ܕܬܠܬܝܢ ܘܬܠܬ܂ ܐܠܐ ܂܂܂ ܥ݁ܡܠ ܒܗܘܢ ܡܕܡ
16:12	ܟܘܪܗܢܗܘܢ܃ ܬܡܢ ܡܬܩܲܝܡ ܟܘܪܗܢܐ܂
16:13	ܕܬܠܬܝܢ ܘܐܪܒܥ܂ ܐܢܗܘ ܕܠܐܝܢܐ ܕܐܚܝܕ ܒܐܫܬܐ܃ ܟܕ ܠܝܬ ܠܗ ܪܘܒܠܐ ܒܚܟܐ܃
16:14	ܚܢܘܩܝܐ ܡܢܫܝܠ ܢܗܘܐ܂ ܡܡܝܬܢܐ ܗܘ܂
16:15	ܕܬܠܬܝܢ ܘܗ܊܂ ܠܐܝܢܐ ܕܐܚܝܕ ܒܐܫܬܐ ܗ݀ܝ ܕܩܕܠܐ ܢܙܕܠܡ ܘܠܡܚܣܢ ܢܬܡ݂ܨܐ
16:16	ܠܡܒ݂ܠܥ ܟܕ ܠܝܬ ܠܗ ܥܘܒܝܢܐ ܡܡܝܬܢܝܬܐ ܗܝ܂
16:17	ܕܬܠܬܝܢ ܘܫܬ܂ ܠܐܝܠܝܢ ܕܐܚܝܕܝܢ ܒܐܫܬܐ ܛܒܐ ܕܘܥܬܐ ܐܢܗܘ ܕܬܫܪܐ ܒܝܘܡܐ
16:18	ܬܠܝܬܝܐ܃ ܐܘ ܒܚܡܝܫܝܐ܃ ܐܘ ܒܫܒܝܥܝܐ܃ ܐܘ ܒܬܫܝܥܝܐ܃ ܐܘ ܒܚܕ ܥܣܝܪܝܐ܃ ܐܘ
16:19	ܒܐܪܒܬܥܣܝܪܝܐ܃ ܐܘ ܒܫܒܬܥܣܝܪܝܐ܃ ܐܘ ܒܕܥܣܪܝܢ܃ ܘܕܥܣܪܝܢ ܘܐܪܒܥܐ܃ ܘܕܥܣܪܝܢ
16:20	ܘܫܒܥܐ܃ ܘܕܬܠܬܝܢ ܘܐܪܒܥܐ܃ ܘܕܬܠܬܝܢ ܘܫܒܥܐ܂ ܗܠܝܢ ܓܝܪ ܕܘܥ̈ܬܐ ܒܚܪ̈ܢ
16:21	ܠܟܘܪ̈ܗܢܐ܂ ܐܝܠܝܢ ܕܝܢ ܕܠܘ ܗܟܢܐ ܗ̈ܘܝܢ ܥܠ ܟܐܒܐ ܡܫܘܕܥ̈ܢ ܘܐܘܪܟܗ ܕܟܘܪܗܢܐ
16:22	ܘܗܦܘܟܝܗ܂
16:23	ܕܠܙ܊܂ ܕܘܥܬܐ ܩܪܝܪܬܐ ܥܡ ܐܫܬܐ ܡ݁ܢ ܚܪܝܦܬܐ܃ ܥܠ ܡܘܬܐ ܡܫܘܕܥܐ܂ ܥܡ
16:24	ܐܫܬܐ ܕܝܢ ܢܝܚܬܐ܃ ܥܠ ܢܘܓܪܐ ܕܟܘܪܗܢܐ ܡܫܘܕܥܐ܂
16:25	ܕܠܚ܊܂ ܐܝܟܐ ܕܐܝܬܝܗ ܕܘܥܬܐ ܡܢ ܦܓܪܐ܂ ܬܡܢ ܡܒܕܩܐ ܕܐܝܬܘܗܝ ܟܘܪܗܢܐ܂
16:26	ܕܠܛ܊܂ ܘܐܝܟܐ ܕܐܝܬ ܡܢ ܦܓܪܐ ܚܡܝܡܘܬܐ ܐܘ݁ ܩܪܝܪܘܬܐ܂ ܬܡܢ ܐܝܬܘܗܝ ܟܘܪܗܢܐ܂
16:27	ܕܡ܊܂ ܡܐ ܕܡܫܬܚ̈ܠܦܢܘܬܐ ܗܘ̈ܝܢ ܒܟܠܗ ܦܓܪܐ ܘܩ݁ܐܪ ܦܓܪܐ ܘܡܢ ܕܪܝܫ ܚ݁ܐܡ܂
16:28	ܐܘ݁ ܓܘܢܐ ܐܚܪܢܐ ܚܠܦ ܐܚܪܢܐ ܩ݁ܢܐ܃ ܥܠ ܢܘܓܪܐ ܕܟܘܪܗܢܐ ܡܫܘ̈ܕܥܢ܂
16:29	ܡܐ܊܂ ܕܘܥܬܐ ܣܓܝܐܬܐ ܕܗܘܝܐ ܒܬܪ ܫܢܬܐ ܒܠܥܕ ܥܠܬܐ ܡܕܡ ܝܕܝܥܬܐ
16:30	ܡܫܘܕܥܐ ܕܒܬܪܣܝܬܐ ܝܬܝܪܬܐ ܡܬܚܲܫܚ ܦܓܪܐ܂ ܐܢܕܝܢ ܟܕ ܠܐ ܢ݁ܣܒ ܐܢܫ ܣܝܒܪܬܐ
16:31	ܗ݂ܝ ܗܕܐ ܢܚ݂ܫ ܡܫܘܕܥܐ ܕܥܠ ܣܘܦܩܐ ܣܢܝ݂ܩ ܦܓܪܗ܂
16:32	ܕܡܒ܊܂ ܕܘܥܬܐ ܣܓܝܐܬܐ ܚܡܝܡܬܐ ܐܘ݁ ܩܪܝܪܬܐ ܕܒܐܡܝܢܘ ܪܕܝܐ ܥܠ ܟܘܪܗܢܐ
16:33	ܡܫܘܕܥܐ܂ ܗ݀ܝ ܡ݁ܢ ܕܩܪܝܪܐ܃ ܕܝܬܝܪ ܪܒ܂ ܗ݀ܝ ܕܝܢ ܕܚܡܝܡܐ܃ ܕܝܬܝܪ ܒܨܝܪ܂