The Comprehensive Aramaic Lexicon

18:01	ܕܢܒ܊܂ ܐܢܗܘ ܕܒܐܫܬܘ̈ܬܐ ܐܘ݁ ܒܟܘܪ̈ܗܢܐ ܐܚܪ̈ܢܐ ܒܨܒܝܢܐ ܢܕܡܥܘܢ ܟܪ̈ܝܗܐ ܠܐ
18:02	ܫܟܝܪܐ܂ ܐܢܕܝܢ ܠܘ ܒܨܒܝܢܐ ܡܕܡܥܝܢ ܝܬܝܪ ܫܟܝܪܐ܂
18:03	ܕܢܓ܂܊ ܐܝܠܝܢ ܕܥܠ ܫܢܝ̈ܗܘܢ ܗ݀ܘܝܐ ܛܠܘܫܘܬܐ ܒܐܫܬܘ̈ܬܐ܃ ܥܫܝ̈ܢܬܐ ܗܘ̈ܝܢ
18:04	ܐܫܬܘ̈ܬܗܘܢ܂
18:05	ܕܢܕ܊܂ ܐܝܠܝܢ ܕܣܓܝܐܝܬ ܗ݀ܘܝܢ ܠܗܘܢ ܫܥ̈ܠܐ ܝܒܝ̈ܫܐ ܕܩܠܝܠ ܡܚܬܚܬܝܢ ܒܐܫܬܘ̈ܬܐ
18:06	ܘܡܘܩܕܢܝ̈ܬܐ ܠܘ ܣܓܝ ܨܗܝܢ܂
18:07	ܕܢܗ܊܂ ܐܫܬܘ̈ܬܐ ܕܥܡ ܫܪ̈ܥܘܛܐ ܟܠܗܝܢ ܒܝ̈ܫܢ ܣܛܪ ܡܢ ܗܦܝܡܗܪ̈ܘ܂
18:08	ܕܢܘ܂܊ ܐܢܗܘ ܕܠܐܝܢܐ ܕܐܝܬ ܠܗ ܐܫܬܐ ܬܗܘܐ ܕܘܥܬܐ ܘܠܐ ܬܢܘܚ ܐܫܬܗ܂
18:09	ܒܝܫܐ܂ ܢ݁ܓܪ ܓܝܪ ܟܘܪܗܢܗ ܘܡܫܘܕܥܐ ܥܠ ܣܓܝܐܘܬܐ ܕܪܛܝܒܘܬܐ܂
18:10	ܕܢܙ܊܂ ܐܝܢܐ ܕܐܚܝܕ ܒܡܩܝܣܘܬܐ ܐܘ݁ ܒܛܗܛܐܢܗܘܣ܂ ܐܢ܂ ܬܐܩ݂ܦ ܠܗ ܐܫܬܐ܃
18:11	ܫܪܝܐ ܠܟܘܪܗܢܗ܂
18:12	ܕܢܚ܊܂ ܐܝܢܐ ܕܐܝܬ ܠܗ ܩܐܘܣܘܣ܃ ܐܢ ܐܝܬ ܠܗ ܥܪܘܝܬܐ܃ ܫ݁ܪܝܐ ܠܐܫܬܗ܂
18:13	ܕܢܛ܊܂ ܛܪܝܛܗܐܘܣ ܟܕ ܣܓܝ ܐܪܝܟܐ ܒܫܒܥܐ ܚܘܕܪ̈ܐ ܡܬܒܚܪܐ܂
18:14	ܕܣ܊܂ ܐܝܠܝܢ ܕܒܐܫܬܘ̈ܬܐ ܡܕܓ̈ܢ ܐܕܢ̈ܝܗܘܢ ܐܢ ܢܪܕܐ ܕܡܐ ܡܢ ܢܚܝܪ̈ܝܗܘܢ ܐܘ
18:15	ܡܬܕܠܚܐ ܟܪܣܗܘܢ ܡܫܬܪܐ ܟܘܪܗܢܗܘܢ܂
18:16	ܕܣܐ܂܊ ܐܝܢܐ ܕܐܝܬ ܠܗ ܐܫܬܐ ܐܢܗܘ ܕܠܘ ܒܝܘܡܐ ܝܬܝܪܐ ܬܫܒܩܝܘܗܝ ܐܫܬܐ܂
18:17	ܕܬܥܛܘܦ ܡܥܕܐ܂
18:18	ܕܣܒ܊܂ ܝܪܩܢܐ ܕܗ݀ܘܐ ܒܐܫܬܐ ܩܕܡ ܝܘܡܐ ܫܒܝܥܝܐ ܒܝܫ܂ ܐܢܗܘ ܕܠܐ ܢܘܦ̈ܨܐ
18:19	ܕܪܛܝܒܘܬܐ ܒܝܕ ܟܪܣܐ ܗ݀ܘܝܢ܂
18:20	ܕܣܓ܊܂ ܐܝܠܝܢ ܕܒܐܫܬܘ̈ܬܐ ܟܠܝܘܡ ܗ݀ܘܝܐ ܥܪܘܝܬܐ܂ ܟܠܝܘܡ ܡܫܬܪܝܐ ܐܫܬܗܘܢ܂
18:21	ܕܣܕ܊܂ ܒܐܫܬܘ̈ܬܐ܃ ܐܢܗܘ ܕܒܝܘܡܐ ܫܒܝܥܝܐ ܐܘ ܒܬܫܝܥܝܐ ܐܘ ܒܐܪܒܬܥܣܝܪܝܐ
18:22	ܗ݀ܘܝܢ ܝܪ̈ܩܢܐ ܛܒ̈ܝܢ܂ ܐܢܗܘ ܕܠܐ ܢܗܘܐ ܩܫܐ ܓܒܐ ܕܝܡܝܢܐ܂ ܐܢܕܝܢ ܠܐ ܠܐ ܛܒ̈ܝܢ܂
18:23	ܕܣܗ܊܂ ܐܢܗܘ ܕܒܐܫܬܘ̈ܬܐ ܝܩܕܢܐ ܥܫܝܢܐ ܢܗܘܐ ܒܟܪܣܐ ܘܓܢܚ ܠܒܐ܃ ܫܘܘܕܥܐ
18:24	ܗܘ ܒܝܫܐ܂

18:25	ܕܣܘ܊܂ ܒܐܫܬܘ̈ܬܐ ܚܪ̈ܝܦܬܐ ܐܢܗܘ ܕܡܩܝܣܘܬܐ ܘܟܐܒ̈ܐ ܥܫܝ̈ܢܐ ܢܗܘܘܢ ܒܡܐܢ̈ܝ

18:26	ܓܘܐ ܫܘܘܕܥܐ ܗܘ ܒܝܫܐ܂
18:27	ܕܣܙ܊܂ ܒܐܫܬܘ̈ܬܐ܃ ܕܚܠܬܐ ܘܡܩܝܣܘܬܐ ܕܗ݀ܘܝܐ ܡܢ ܫܢܬܐ ܒܝܫܐ܂
18:28	ܕܣܚ܊܂ ܒܐܫܬܘ̈ܬܐ܃ ܪܘܚܐ ܕܡܬܬܩ݂ܠܐ ܒܝܫܐ܂ ܥܠ ܡܩܝܣܘܬܐ ܓܝܪ ܡܫܘܕܥܐ܂
18:29	ܕܣܛ܊܂ ܐܝܠܝܢ ܕܬܦܫܘܪܬܐ ܥܒܝܬܐ ܘܒܨܝܪܬܐ ܡܬܬܦܫܪ̈ܝܢ ܟܕ ܠܘ ܕܠܐ ܐܫܬܐ
18:30	ܐܝܬܝܗܘܢ܃ ܐܢܗܘ ܕܣܓܝܐܬܐ ܘܩܛܝܢܬܐ ܢܬܬܦܫܪܘܢ ܡܗܢܝܐ ܠܗܘܢ܂ ܝܬܝܪܐܝܬ ܕܝܢ
18:31	ܡܬܬܦܫܪܝܢ ܕܐܝܟ ܗܕܐ ܐܝܠܝܢ ܕܡܢ ܫܘܪܝܐ ܐܘ ܩܠܝܠܐܝܬ ܗܘ݁ܐ ܫܟܢܐ ܒܬܦܫܘܪܬܗܘܢ܂
18:32	ܕܥ܊܂ ܐܝܠܝܢ ܕܒܐܫܬܘܬܐ ܐ݁ܬܝܐ ܡܢܗܘܢ ܬܦܫܘܪܬܐ ܕܠ݂ܝܚܬܐ ܕܕܡ݁ܝܐ ܠܕܒܥܝܪܐ
18:33	ܠܗܠܝܢ ܟܐܒ ܪܝܫܐ ܐܝܬ ܐܘ݁ ܗ݀ܘܐ܂