← Back
The Comprehensive Aramaic Lexicon
← Return to the Text Browser
click on the file description for more information

60801: HippAp (Hippocrates Aphorisms)

Click on a word for lexical analysis
Click on a red-colored coordinate for comments and/or translations of the line

previous chapter


20:01 ܥܠ ܣܒܪܐ ܕܐܠܗܐ ܟܬܒܝܢܢ ܦܣܩܐ ܚܡܝܫܝܐ ܕܐܦܘܪ̈ܝܣܡܘ ܕܐܝܦܦܘܩܪܛܝܣ
20:02 ܪܝܫ ܐܣܘ̈ܬܐ܂
20:03 ܩܕ܊܂ ܡܩܲܝܣܘܬܐ ܕܗ݀ܘܝܐ ܡܢ ܚܘܪܒܟܢܐ ܡܡܝܬܢܝܬܐ ܗܝ܂
20:04 ܕܒ܊܂ ܡܩܝܣܘܬܐ ܕܗ݀ܘܝܐ ܡܢ ܚܒܪܬܐ ܡܡܝܬܢܝܬܐ ܗܝ܂
20:05 ܕܓ܊܂ ܡܐ ܕܕܡܐ ܣܓܝܐܐ ܢܪܕܐ܃ ܐܢܗܘ ܕܡܩܝܣܘܬܐ ܐܘ݁ ܦܘܩܬܐ ܬܗܘܐ܃ ܒܝܫܐ܂
20:06 ܕܕ܊܂ ܐܢܗܘ ܕܟܕ ܪܘܐ ܐܢܫ ܡܢܫܝܠ ܢܫܬܬܩ ܟܕ ܡܬܩܲܝܣ ܡ݁ܐܬ܂ ܐܢܗܘ ܕܠܐ
20:07 ܬܐܚܕܝܘܗܝ ܐܫܬܐ ܒܫܥܬܐ ܕܒܗ݀ ܡܫܬܪܐ ܨܘܕܪܐ ܐܘ݁ ܢܡ݁ܠܠ܂
20:08 ܕܗ܊܂ ܐܝܠܝܢ ܕܒܛܗܛܐܢܘܣ ܡܬܬܚܕܝܢ ܒܐܪܒܥܐ ܝܘܡܝ̈ܢ ܐܒ݁ܕܝܢ܂ ܐܢܕܝܢ ܥ݁ܒܪܝܢ ܠܗܠܝܢ
20:09 ܡܬܚ݁ܠܡܝܢ܂
20:10 ܕܘ܊܂ ܚܫ̈ܐ ܐܦܝܠܝܦܛܝܩܝ̈ܐ܃ ܐܢܗܘ ܕܩܕܡ ܡܘܥܝܬܐ ܕܐܙ̈ܒܐ ܗ݀ܘܝܢ܃ ܫܘܢܝܐ ܢ݁ܣܒܝܢ܂
20:11 ܐܢܕܝܢ ܠܒܢ̈ܝ ܥܣܪܝܢ ܘܚܡܫ ܫ̈ܢܝܢ ܢܗܘܘܢ܂ ܥܡܗܘܢ ܡ݁ܝܬܝܢ܂

20:12 ܕܙ܊܂ ܐܝܠܝܢ ܕܐܚܝܕܝܢ ܒܕܩܪܬܐ ܐܢܗܘ ܕܝܢ ܕܠܐ ܢܬܕܟܘܢ ܒܐܪܒܬܥܣܪ ܝܘܡܝ̈ܢ

20:13 ܠܩܒܝܐ ܕܡܘܓܠܐ ܫ݁ܪܟܝܢ܂
20:14 ܕܚ܊܂ ܦܬܝܣܝܣ ܗ݀ܘܝܐ ܝܬܝܪܐܝܬ ܒܩܘ̈ܡܬܐ ܕܡܢ ܬܡܢܥܣܪ̈ܐ ܫܢ̈ܝܢ ܘܥܕܡܐ ܠܬܠܬܝܢ
20:15 ܘܚܡܫ ܫܢܝ̈ܢ܂
20:16 ܕܬܫܥܐ܂ ܐܝܠܝܢ ܕܟܕ ܡܫܬܘܙܒܝܢ ܡ݂ܢ ܚܢܘ̈ܩܐ ܠܪܬܗܘܢ ܦܢܐ ܪܗܘܡܐ ܒܫܒܥܐ
20:17 ܝܘܡ̈ܝܢ ܡ݁ܝܬܝܢ܂ ܐܢܕܝܢ ܥ݁ܒܪܝܢ ܠܗܠܝܢ ܠܩܒܝܐ ܕܡܘܓܠܐ ܒܚܕܝܐ ܫ݁ܪܟܝܢ܂
20:18 ܕܥܣܪܐ܂ ܒܐܝܠܝܢ ܕܐܚܝܕܝܢ ܒܦܬܣܝܣ܂ ܐܢܗܘ ܕܪܘܩܐ ܕܡܣܩܝܢ ܒܫܥܠܐ ܪܝܚܐ ܣܪܝܐ
20:19 ܢܦ݂ܘܚ ܡܢܗ ܟܕ ܢܬܪܡܐ ܥܠ ܓܘܡܪ̈ܐ ܘܢܬܪ ܣܥܪܐ ܕܪܝܫܗܘܢ ܫܘܘܕܥܐ ܗܘ
20:20 ܡܡܝܬܢܐ܂
20:21 ܕܝܐ܊܂ ܐܝܠܝܢ ܕܐܚܝܕܝܢ ܒܦܬܝܣܝܣ ܘܢ݁ܬܪ ܣܥܪܐ ܕܪܝܫܗܘܢ ܐܢܗܘ ܕܕܝܠܐ ܢܗܘܐ
20:22 ܠܗܘܢ ܡ݁ܝܬܝܢ܂
20:23 ܕܝܒ܊܂ ܐܝܠܝܢ ܕܕܡܐ ܪܘܥܬܢܐ ܪܩܝܢ܃ ܡ݂ܢ ܪܐܬܐ ܐܝܬܘܗܝ ܡܣܩܬܗ܂
20:24 ܕܝܓ܊܂ ܠܐܝܢܐ ܕܐܚܝܕ ܒܦܬܝܣܝܣ܂ ܐܢܗܘ ܕܕܝܠܐ ܢܗܘܐ܂ ܫܘܕܥܐ ܗܘ ܡܡܝܬܢܐ܂
20:25 ܕܝܕ܊܂ ܐܝܠܝܢ ܕܡ݂ܢ ܕܩܪܬܐ ܗ݀ܘܐ ܠܗܘܢ ܩܒܝܐ ܕܡܘܓܠܐ ܒܚܕܝܐ ܐܢܗܘ ܕܢܬܕܟܘܢ
20:26 ܒܐܪ̈ܒܥܝܢ ܝܘܡܝܢ ܡܢ ܝܘܡܐ ܗ݀ܘ ܕܒܗ ܗܘܐ ܦܬܩܐ܃ ܢ݁ܝܚܝܢ܂ ܘܐܢܕܝܢ ܠܐ܃ ܠܦܬܝܣܝܣ ܫ݁ܪܟܝܢ

next chapter