The Comprehensive Aramaic Lexicon

21:01	ܕܝܗ܊܂ ܚܡܝ̈ܡܐ ܗܠܝܢ ܣܘܓܦܢ̈ܐ ܥ݁ܒܕܝܢ܃ ܐܢܗܘ ܕܙܒܢ̈ܝܢ ܣܓܝ̈ܐܢ ܢܬܚܲܫܚ ܒܗܘܢ
21:02	ܐܢܫ܂ ܢܫܝܫܘܬܐ ܕܒܣܪ̈ܬܐ ܬܢܘܒܘܬܐ ܕ݁ܓܝ̈ܕܐ ܘܐܠܝܠܘܬܐ ܕܬܪܥܝܬܐ ܘܬܪܝܥܘܬ ܕܡܐ
21:03	ܘܥܦܬܐ܂ ܠܗܠܝܢ ܕܝܢ ܡܐ ܕܢܗܘܝܢ ܡܘܬܐ ܢ݁ܩܦ܂
21:04	ܕܝܘ܊܂ ܩܪܝܪ̈ܐ ܕܝܢ ܡܩܝܣܘܬܐ܂ ܘܛܗܛܐܢܘܣ܂ ܘܐܘܟܡܘܬܐ ܘܥܪ̈ܘܝܬܐ ܐܫܬܢܝ̈ܬܐ܂
21:05	ܩܪܝܪ̈ܐ ܡܣܓܦ̈ܢܐ ܐܢܘܢ ܠܓܪ̈ܡܐ ܘܠܫܢ̈ܐ ܘܠܓܝ̈ܕܐ ܘܠܡܘܚܐ ܕܪܝܫܐ ܘܠܡܘܚܐ ܕܓܪܡ
21:06	ܚܨܐ܂ ܚܡܝ̈ܡܐ ܕܝܢ ܪ̈ܚܝܡܐ ܘܡܘܬܪ̈ܢܐ ܐܝܬܝܗܘܢ ܠܗܠܝܢ܂
21:07	ܕܝܙ܊܂ ܟܠ ܡܐ ܕܐܬܩܘܪܪ ܕܢܫܬܚܢ ܙ݁ܕܩ܂ ܣܛܪ ܡ݂ܢ ܗ݀ܘ ܡܐ ܕܡܛܝܒ ܕܬܗܘܐ ܒܗ
21:08	ܬܪܝܥܘܬ ܕܡܐ܂
21:09	ܕܝܚ܊܂ ܠܫܘܚܢ̈ܐ ܡܢܟܬܢ̈ܐ ܐܝܬܝܗܘܢ ܩܪܝܪ̈ܐ ܘܡܩ݁ܫܝܢ ܡܫܟܐ ܘܟܐܒ̈ܐ ܕܒܠܥܕ
21:10	ܚܫܠ ܡܘܓܠܐ ܥ݁ܒܕܝܢ ܘܡܘܟܡܝܢ ܘܥܪܘܝܬܐ ܐܫܬܢܝܬܐ ܥ݁ܒܕܝܢ ܘܡܩܝܣܘܬܐ ܘܛܗܛܢܘܣ܂
21:11	ܕܝܛ܊܂ ܐܝܬ ܕܝܢ ܐܡܬܝ ܕܒܛܗܛܐܢܘܣ ܟܕ ܠܝܬ ܫܘܚܢܐ ܒܥܠܝܡܐ ܫܦܝܪ ܒܣܪ̈ܬܐ
21:12	ܡܨܥܬ ܩܝܛܐ ܢܣܟܐ ܕܡܝ̈ܐ ܩܪܝܪ̈ܐ ܣܓܝܐܐ ܥܛܦܐ ܕܚܡܝܡܘܬܐ ܣܓܝܐܬܐ ܥ݁ܒܕ܂
21:13	ܚܡܝܡܘܬܐ ܕܝܢ ܠܗܠܝܢ ܡܦܨܝܐ܂
21:14	ܕܟܟ܊܂ ܚܡܝ̈ܡܐ ܚܫ̈ܠܝ ܡܘܓܠܐ ܐܝܬܝܗܘܢ܂ ܐܠܐ ܠܘ ܒܟܠ ܫܘܚܢܐ܂ ܘܫܘܕܥܐ

21:15	ܪܒܐ ܐܝܬܘܗܝ ܗܢܐ ܠܘܬ ܙܗܝܪܘܬܐ ܘܡܪܟܟܝܢ ܠܡܫܟܐ ܘܡܒܨܨܝܢ܂ ܘܡܢܝܚܝܢ ܠܟܐܒܐ

21:16	ܘܡܫܝܫܝܢ ܠܥܪܘܝܬܐ ܘܠܡܩܝܣܘܬܐ ܘܠܛܗܛܐܢܘܣ ܘܠܝܘܩܪܐ ܕܪܝܫܐ ܫ݁ܪܝܢ ܘܛܒ ܣܓܝ
21:17	ܡ݁ܗܢܝܢ ܠܬܒܪ̈ܐ ܕܓܪܡܐ܂ ܝܬܝܪܐܝܬ ܕܝܢ ܠܐܝܠܝܢ ܕܐܫܬܠܚܘ܂ ܘܡ݂ܢ ܗܠܝܢ ܝܬܝܪܐܝܬ
21:18	ܠܗ݀ܢܘܢ ܕܒܪܝܫܐ܂ ܘܠܟܠ ܡܐ ܕܡ݂ܢ ܩܪܝܪܘܬܐ ܚ݂ܫ ܡܝܬܘܬܐ ܐܘ݁ ܫܘܚܢܐ܂ ܘܠܪ̈ܚܫܐ
21:19	ܐܟܘ̈ܠܐ ܘܠܗܕܪܐ ܘܠܩܢܝܐ ܕܓܒܪܘܬܐ ܘܠܡܪܒܥܐ ܘܠܫܠܦܘܚܬܐ܂ ܠܗܠܝܢ ܚܡܝ̈ܡܐ ܡ݁ܢ
21:20	ܪ̈ܚܝܡܐ ܐܝܬܝܗܘܢ ܘܒܚܘܪ̈ܐ ܩܪܝܪ̈ܐ ܕܝܢ ܣܩܘܒ̈ܠܝܐ ܘܡܘܒ̈ܕܢܐ܂
21:21	ܕܥܣܪܝܢ ܘܚܕ܂ ܠܘܬ ܗܠܝܢ ܕܝܢ ܙ݁ܕܩ ܕܢܬܚ݁ܫܚ ܒܩܪܝܪ̈ܐ܂ ܠܘܬ ܕܘܟܝ̈ܬܐ ܕܗܘ݁ܝܐ ܐܘ݁
21:22	ܥܬܝܕܐ ܕܬܗܘܐ ܒܗܝܢ ܬܪܝܥܘܬ ܕܡܐ܂ ܠܘ ܥܠܝܗܝܢ ܐܠܐ ܚܕܪܝܗܝܢ܂ ܡܢ ܐܝܟܐ ܕܪܕܐ
21:23	ܕܡܐ ܘܠܘܬ ܦܠܗܓܡܘܢܗ݀ ܐܘ݁ ܡܫܬܠܗܒܢ̈ܘܬܐ ܕܨ̈ܠܝܢ ܠܣܘܡܩܘܬܐ ܘܠܓܘܢܐ ܕܕܡܐ
21:24	ܚܕܬܐ܂ ܠܕܥܬܝ̈ܩܢ ܓܝܪ ܡܘܟܡܝܢ܂ ܘܠܘܬ ܡܫܪܐ ܕܠܝܬ ܥܡܗ ܫܘܚܢܐ܂ ܠܗ݀ܘ ܓܝܪ
21:25	ܕܐܝܬ ܥܡܗ ܫܘܚܢܐ ܡܣܓܦܝܢ܂
21:26	ܕܥܣܪܝܢ ܘܬܪܝܢ܂ ܐܝܠܝܢ ܕܩܪܝܪ̈ܝܢ ܐܟܙܢܐ ܕܬܠܓܐ ܘܓܠܝܕܐ ܣܩܘܒ̈ܠܝܢ ܠܚܕܝܐ ܘܡܙܝܥܝܢ
21:27	ܫܥܠܐ ܘܬܪܝܥܘܬ ܕܡܐ ܘܕܘ̈ܒܐ܂
21:28	ܕܥܣܪܝܢ ܘܓ܊܂ ܠܥܘܒܝ̈ܢܐ ܕܒܫܪ̈ܝܬܐ ܘܠܟ̈ܐܒܐ ܕܒܠܥܕ ܫܘܚܢ̈ܐ ܘܠܥ̈ܒܝܐ
21:29	ܦܘܕܐܓܪ̈ܝܩܝܐ ܘܠܬܠܚ̈ܐ ܘܠܣܘܓܐܐ ܕܐܝܠܝܢ ܕܕܐܝܟ ܗܠܝܢ ܡܝ̈ܐ ܩܪܝܪ̈ܐ ܣܓܝ̈ܐܐ ܟܕ
21:30	ܢܬܢܣܟܘܢ ܡܢܝܚܝܢ ܘܩ݁ܦܣܝܢ ܘܫ݁ܪܝܢ ܠܟܐܒܐ ܒܝܕ ܬܢܘܒܘܬܐ ܕܥ݁ܒܕܝܢ܂ ܬܢܘܒܘܬܐ ܕܝܢ
21:31	ܒܨܝܪܬܐ ܡܢܝܚܢܝܬܐ ܗܝ ܕܟܐܒܐ܂
21:32	ܕܥܣܪܝܢ ܘܕ܊܂ ܡܝ̈ܐ ܕܩܠܝܠܐܝܬ ܚ݁ܐܡܝܢ ܘܩܠܝܠܐܝܬ ܩ݁ܐܪܝܢ ܛܒ ܩܠܘ̈ܠܝܢ܂