← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60801: HippAp (Hippocrates Aphorisms)

Click on a word for lexical analysis
Click on a red-colored coordinate for comments and/or translations of the line

previous chapter


23:01 ܡܘ܊܂ ܠܘܬ ܡܦܘܠܬܐ ܕܫܠܝܬܐ ܩ݁ܪܒ ܡܥܛܫܢ̈ܐ ܘܠܒܘܟ ܠܢܚܝܪ̈ܐ ܘܦܘܡܐ܂
23:02 ܡܙ܊܂ ܐܢ ܨ݁ܒܐ ܐܢܬ ܕܬܟ݂ܠܐ ܟܦܣܗ݀ ܕܐܢܬܬܐ ܟܘܣܠܬܐ ܕܛܒ ܪܒܐ ܐܪܡܐ
23:03 ܬܚܘܬ ܬܕܝ̈ܗ݀܂
23:04 ܡܚ܊܂ ܐܝܠܝܢ ܕܒ̈ܛܢܢ ܥ݁ܡܨ ܦܘܡܐ ܕܡܪ̈ܒܥܝܗܝܢ܂
23:05 ܡܛ܊܂ ܐܢܬܬܐ ܕܒ݁ܛܢܐ ܐܢܗܘ ܕܚܠܒܐ ܢܪܕܐ ܡܢ ܬܕܝ̈ܗ݀ ܡܫܘܕܥ ܕܡܚܝ݂ܠ
23:06 ܥܘܠܗ݀ ܐܢܕܝܢ ܚ̈ܝ݂ܨܝܢ ܬܕܝ̈ܗ݀ ܡܫܘܕܥ ܕܚܠܝܡ ܥܘܠܗ݀܂
23:07 ܢܢ܊܂ ܐܝܠܝܢ ܕܥܬܝ̈ܕܢ ܕܢܐܚ̈ܛܢ ܟܡܫ̈ܝܢ ܬܕܝ̈ܗܝܢ ܐܢܕܝܢ ܒܗܦܟܐ ܩܫ̈ܝܐ ܢܗܘܘܘܢ܂
23:08 ܟܐܒܐ ܗ݀ܘܐ ܒܬܕܝ̈ܐ܂ ܐܘ ܒܚܪ̈ܘܬܐ܂ ܐܘ ܒܥܝܢ̈ܐ܂ ܐܘ ܒܒܘܪ̈ܟܐ܂ ܘܠܐ ܝܚ̈ܛܢ܂
23:09 ܢܐ܊܂ ܐܝܠܝܢ ܕܩܫܐ ܦܘܡܐ ܕܡܪ̈ܒܥܝܗܝܢ ܐܠܨܐ ܕܢܗܘܐ ܥܡܨ܂
23:10 ܢܒ܊܂ ܐܝܠܝܢ ܕܟܕ ܒܛܢ̈ܢ ܡܬܬܚ̈ܕܢ ܒܐܫܬܘ̈ܬܐ ܘܥܫܝܢܐܝܬ ܡܫܬܚ̈ܢܢ ܒܠܥܕ
23:11 ܥܠܬܐ ܓܠܝܬܐ ܥܣܩܐܝܬ ܝ̈ܠܕܢ ܘܥܡ ܩܝܢܕܘܢܘܣ ܐܘ ܟܕ ܝ̈ܚܛܢ ܠܩܝܢܕܘܢܘܣ ܫܪ̈ܟܢ܂
23:12 ܢܓ܊܂ ܡܢ ܒܬܪ ܕܘܒܐ ܢܫܝܐ ܐܢܗܘ ܕܡܩܝܣܘܬ‍<‍ܐ‍>‍ ‍{‍ܐܘ݁‍}‍ ‍<‍ܘ‍>‍ܥܦܬܐ ܬܗܘܐ܂ ܒܝܫܐ܂
23:13 ܢܕ܊܂ ܐܢ ܣ݁ܓܐ ܟܦܣܐ ܟܘܪ̈ܗܢܐ ܓܕܫܝܢ܂ ܘܐܢ ܠܐ ܗ݀ܘܐ ܟܘܪ̈ܗܢܐ ܕܡܢ
23:14 ܡܪܒܥܐ ܗ݀ܘܝܢ܂
23:15 ܢܗ܊܂ ܠܥܘܒܝܢܐ ܕܪܝܫ ܡܥܝ̈ܐ ܬܪ̈ܝ݂ܨܐ ܘܕܡܪܒܥܐ ܘܠܚܫܠ ܡܘܓܠܐ ܕܒܟܘܠܝ̈ܬܐ
23:16 ܡܛܦܘܬ ܬܦܫܘܪܬܐ ܢ݁ܩܦܐ܂ ܠܥܘܒܝܢܐ ܕܝܢ ܕܟܒܕܐ ܦܘܩܬܐ ܢ݁ܩܦܐ܂
23:17 ܢܘ܊܂ ܐܢ ܠܐ ܒ݁ܛܢܐ ܐܢܬܬܐ ܘܨ݁ܒܐ ܐܢܬ ܕܬܕܥ ܕܐܢ ܒ݁ܛܢܐ ܟܣܗ݀
23:18 ܒܡܐܢ̈ܐ ܘܐܥܛܪ ܬܚܘܬܝܗ݀ ܘܐܢ ܢܬܚܙܐ ܠܟ ܪܝܚܐ ܕܥ݁ܒܕ ܒܝܕ ܦܓܪܗ݀ ܠܢܚܝܪܗ݀
23:19 ܘܠܦܘܡܗ݀ ܕܥ݂ ܕܠܘ ܡܛܠܬܗ݀ ܐܝܬܝܗ݀ ܠܐ ܡܦܪܝܢܘܬܗ݀܂
23:20 ܢܙ܊܂ ܠܐܢܬܬܐ ܕܒܛܢܐ ܐܢܗܘ ܕܟܦ̈ܣܝܗ݀ ܢܪܕܘܢ ܠܐ ܡܨܝܐ ܕܢܗܘܐ ܚܠܝܡ ܥܘܠܗ݀܂
23:21 ܢܚ܊܂ ܐܢܗܘ ܕܟܦܣ̈ܝܗ݀ ܕܐܢܬܬܐ ܡ݁ܢ ܠܐ ܪܕܝܢ܂ ܫ̈ܗܝܐ ܕܝܢ ܓܕܫܝܢ ܠܗ݀ ܟܕ ܠܐ
23:22 ܩܒܒܝܬܐ ܐܦܠܐ ܐܫܬܐ ܢ݁ܩܦܐ ܠܗ݀܂ ܐܬܪܥܐ ܠܗ݀ ܕܒ݁ܛܢܐ܂
23:23 ܢܛ܊܂ ܐܝܠܝܢ ܕܩܪܝܪ̈ܝܢ ܘܪܨܝ̈ܦܝܢ ܡܪ̈ܒܥܝܗܝܢ ܠܐ ܒܛܢ̈ܢ܂ ܘܐܝܠܝܢ ܕܣܓܝ ܪ̈ܛܝܒܝܢ
23:24 ܡܪ̈ܒܥܝܗܝܢ ܠܐ ܒܛܢ̈ܢ ܡܬܕܥ݂ܟ ܒܗܝܢ ܓܝܪ ܙܪܥܐ܂ ܘܬܘܒ ܐܦ ܐܝܠܝܢ ܕܝܬܝܪ ܝܒܝ̈ܫܝܢ
23:25 ܡܪ̈ܒܥܝܗܝܢ ܐܘ ܣܓܝ ܡܚܪܟܢܝܢ ܡܢ ܚܣܝܪܘܬ ܬܪܣܝܬܐ ܓܝܪ ܡܬܚ݁ܒܠ ܠܗ ܒܗܝܢ ܙܪܥܐ܂
23:26 ܐܝܠܝܢ ܕܝܢ ܕܡܡܫܚ ܡܘܙܓܐ ܕܡܪܒܥܗܝܢ ܒܝܢܬ ܬܪ̈ܬܝܗܝܢ ܝܠ̈ܕܬܐ ܐܝܬܝܗܝܢ܂
23:27 ܣ܊܂ ܚܠܒܐ ܠܡܬ݂ܠ ܠܡܟܐܒܝ̈ ܪܝܫܐ ܒܝܫܐ܂ ܒܝܫܐ ܕܝܢ ܕܢܬܝ݂ܗܒ ܘܠܐܝܠܝܢ ܕܐܚܝ̈ܕܝܢ
23:28 ܒܐܫܬܐ܂ ܘܠܐܝܠܝܢ ܕܙܘܝܢ ܐܬܪ̈ܘܬܐ ܕܬܚ݂ܝܬ ܚܣܚܘ̈ܣܐ ܕܐܠܥܝ̈ܗܘܢ ܘܗ݀ܘܝܢ ܒܗܘܢ
23:29 ܒܘܓܒ̈ܓܐ ܘܠܐܝܠܝܢ ܕܨܗܝܢ܂ ܒܝܫ ܕܝܢ ܘܠܐܝܠܝܢ ܕܡܪܬܐ ܝܬܒܬܗܘܢ ܘܐܝܬ ܠܗܘܢ
23:30 ܐܫܬܐ ܚܪܝܦܬܐ܂ ܘܠܐܝܠܝܢ ܕܝܬܒܬܐ ܕܕܡܐ ܣܓܝܐܐ ܗܘܬ ܠܗܘܢ܂ ܚ݁ܫܚ ܕܝܢ ܕܢܬܝ݂ܗܒ
23:31 ܠܡܫܢ̈ܩܐ ܡܐ ܕܠܐ ܒܐܫܬܐ ܐܚܝ̈ܕܝܢ܂ ܒܐܫܬܐ ܕܛܒ ܪܒܐ ܘܒܐܫܬܘ̈ܬܐ ܢܓܝܪ̈ܬܐ
23:32 ܘܕܩܝ̈ܩܬܐ ܟܕ ܠܝܬ ܡ݁ܢ ܡܕܡ ܡ݂ܢ ܐܝܠܝܢ ܕܐܬܩ݁ܕܡ ܐܬܐܡ݂ܪ܂ ܠܒܪ ܡܢ ܙܕܩܐ ܕܝܢ ܡܕܝܒ
23:33 ܦܓܪܐ܂

next chapter