The Comprehensive Aramaic Lexicon

27:01	ܠܚ܊܂ ܡܩܝܣܘܬܐ ܗ݀ܘܝܐ ܐܘ݁ ܡ݂ܢ ܡܠܝܘܬܐ ܐܘ݁ ܡ݂ܢ ܣܘܦܩܐ܂ ܗܟܢܐ ܕܝܢ ܐܦ ܦܘܩܬܐ܂
27:02	ܠܛ܊܂ ܐܝܠܝܢ ܕܗ݀ܘܐ ܠܗܘܢ ܟܐܒܐ ܒܐܬܪ̈ܘܬܐ ܕܬܚܝܬ ܚܣܚܘ̈ܣܐ ܕܐܠܥ̈ܐ ܣܛܪ
27:03	ܡܢ ܦܠܗܓܡܘܢܝ܂ ܟܕ ܬܗܘܐ ܠܗܘܢ ܐܫܬܐ ܫ݁ܪܝܐ ܠܗ ܠܟܐܒܗܘܢ܂
27:04	ܡ܊܂ ܐܝܠܝܢ ܕܟܕ ܐܝܬ ܡܘܓܠܐ ܡܕܡ ܡܢ ܦܓܪܗܘܢ܃ ܠܐ ܝܕܝܥ ܡܛܠ ܥܒܝܘܬܐ
27:05	ܕܡܘܓܠܐ ܐܘ ܕܘܟܬܐ ܠܐ ܝܕܝܥ ܒܗܘܢ܂
27:06	ܡܐ܊܂ ܒܚܫܐ ܕܝܪܩܢܐ ܕܬܬܩܲܫܐ ܟܒܕܐ ܒܝܫܐ܂
27:07	ܡܒ܊܂ ܐܝܠܝܢ ܡܢ ܛܚܠܢ̈ܐ ܕܡܬܬܚܕܝܢ ܒܕܘܣܢܛܪܝܐ ܟܕ ܬܗܘܐ ܢܓܝܪܬܐ ܕܘܣܢܛܪܝܐ܂
27:08	ܟܢܫ ܡܝ̈ܐ ܗ݀ܘܐ ܠܗܘܢ ܐܘ ܫܥܝܥ݂ܘܬ ܡܥ̈ܝܐ ܘܐܒ݁ܕܝܢ܂
27:09	ܡܓ܊܂ ܐܝܠܝܢ ܕܗ݀ܘܐ ܠܗܘܢ ܡܢ ܡܛܦܘܬ ܬܦܫܘܪܬܐ ܐܝܠܗܐܘܣ܂ ܒܫܒܥܐ ܝܘ̈ܡܝܢ
27:10	ܐ݁ܒܕܝܢ ܐܢܗܘ ܕܠܐ ܬܗܘܐ ܠܗܘܢ ܐܫܬܐ ܘܣܦܩܐܝܬ ܬܪܕܐ ܬܦܫܘܪܬܗܘܢ܂
27:11	ܫܘܚ̈ܢܐ ܕܢ݁ܓܪܝܢ ܙܒܢܐ ܐܘ݁ ܫܢܬܐ ܐܠܨܐ ܕܢܦܘܩ ܡܢܗܘܢ ܓܪܡܐ ܘܫܘܡܬܐ ܕܡܢ
27:12	ܚܬܡܗܘܢ ܥܡܝܩܬܐ ܬܗܘܐ܂
27:13	ܡܕ܊܂ ܐܝܠܝܢ ܕܗ݀ܘܝܢ ܟܘܣ̈ܬܢܐ ܡܢ ܠܗܬܐ ܐܘ݁ ܫܥܠܐ ܩܕܡ ܕܢܐ݂ܥܐ ܣܥܪܐ
27:14	ܒܡܚܣܢ̈ܝܗܘܢ ܐܒ݁ܕܝܢ܂
27:15	ܡܗ܊܂ ܠܐܝܠܝܢ ܕܚ݁ܫܚ ܠܗܘܢ ܬܪܥ ܘܪܝܕܐ ܐܘ݁ ܫܩܝ ܣܡܐ܂ ܒܙܒܢܐ ܕܬܐܕܐ ܗܒ
27:16	ܠܗܘܢ ܣܡܐ ܐܘ ܦܣܘܩ ܠܗܘܢ ܘܪܝܕܐ܂
27:17	ܡܘ܊܂ ܠܛܚܠܢ̈ܐ ܟܕ ܬܗܘܐ ܕܘܣܢܛܪܝܐ܃ ܛܒܬܐ ܗܝ ܠܗܘܢ܂
27:18	ܡܙ܊܂ ܒܟܘܪ̈ܗܢܐ ܕܦܘܕܐܓܪ̈ܐ ܟܕ ܬܗܘܐ ܠܗܘܢ ܦܠܗܓܡܘܢܝ ܒܐܪ̈ܒܥܝܢ ܝܘ̈ܡܝܢ ܢ݁ܝܚܐ܂
27:19	ܡܚ܊܂ ܐܝܠܝܢ ܕܟܕ ܡܕܡ ܡܢ ܡܘܚܐ ܕܪܝܫܗܘܢ ܡܬܦ݂ܣܩ ܐܠܨܐ ܕܬܗܘܐ ܠܗܘܢ
27:20	ܐܫܬܐ ܘܬܝܒܬܐ ܕܡܪܬܐ܂
27:21	ܡܛ܊܂ ܐܝܠܝ̈ܢ ܕܟܕ ܚܠܝ̈ܡܝܢ ܡܢܫܝܠ ܗ݀ܘܝܢ ܠܗܘܢ ܟܐܒ̈ܐ ܒܪܝܫܐ ܘܒܪܫܥܬܗ ܕܠܐ
27:22	ܩܠܐ ܗ݀ܘܝܢ ܘܢ݁ܚܪܝܢ ܒܫܒܥܐ ܝ̈ܘܡܝܢ ܐܒ݁ܕܝܢ ܐܢܗܘ ܕܠܐ ܐܫܬܐ ܢ݁ܩܦܐ ܠܗܘܢ܂
27:23	ܢܢ܊܂ ܙܕܩ ܕܝܢ ܕܬܒ݂ܩܐ ܒܓܘܝ̈ܗܝܢ ܕܥܝ̈ܢܐ ܒܙܒܢ ܫܢܬܐ܂ ܐܢܗܘ ܓܝܪ ܕܢܬܚ݂ܙܐ
27:24	ܡܕܡ ܡܢ ܚܘܪܐ ܕܝܠܗܝܢ ܟܕ ܛܦܝܢ ܬܠܝ̈ܦܐ܂ ܟܕ ܠܐ ܗܘܬ ܠܟܪܝܗܐ ܡܪܕܝܬܐ ܕܟܪܣܐ
27:25	ܐܘ ܐܫܬܝ ܣܡܐ܂ ܐܬܐ ܗܝ ܒܝܫܬܐ ܡܡܝܬܢܝܬܐ ܗܝ ܕܛܒ܂
27:26	ܢܐ܊܂ ܨܒܪ̈ܐ ܗ݀ܢܘܢ ܕܥܡ ܓܘܚܟܐ ܗ݀ܘܝܢ ܝܬܝܪ ܙܗܝܪܝܢ܂ ܗ݀ܢܘܢ ܕܝܢ ܕܥܡ ܚܦܝܛܘܬܐ
27:27	ܝܬܝܪ ܠܐ ܙܗܝܪܝܢ܂

27:28	ܢܒ܊܂ ܒܚ̈ܫܐ ܚܪ̈ܝܦܐ ܕܥܡ ܐܫܬܐ ܢܫܡܐ ܒܟܝܢܝܐ ܒܝܫ܂

27:29	ܢܓ܊܂ ܚܫ̈ܐ ܕܦܘܕܐܓܪ̈ܐ ܒܬܐܕܐܐ ܘܒܬܫܪ̈ܝܬܐ ܡܬܬܙܝܥܝ݂ܢ ܐܝܟ ܕܒܣܘܓܐܐ܂
27:30	ܟܘܪ̈ܗܢܐ ܡܠܢܟܘ̈ܠܝܩܝܐ ܠܗܠܝܢ ܐܝܬ ܩܢܕܘܢܘܣ ܕܢܫܪܟܘܢ ܠܡܪܫܠܘܬܐ ܕܦܓܪܐ܂ ܐܘ݁
27:31	ܠܡܩܝܣܘܬܐ܂ ܐܘ݁ ܠܫܢܝܘܬܐ܂ ܐܘ݁ ܠܣܡܝܘܬܐ܂
27:32	ܢܕ܊܂ ܐܦܘܦܠܝܟܣܝܐ ܕܝܢ ܗ݀ܘܝܐ ܝܬܝܪܐܝܬ ܡܢ ܩܘܡܬܐ ܕܐܪ̈ܒܥܝܢ ܫܢܝ̈ܢ ܥܕܡܐ
27:33	ܠܐܫܬܝܢ ܫܢ̈ܝܢ܂