The Comprehensive Aramaic Lexicon

135:01	ܕܗ݂ܝ ܒܠܚܘܕܝܗ݀ ܐܬܬܪܝܡܬ ܠܘܬ ܚܙܝܐ ܕܟܘܠܗܘܢ ܗܘ̈ܝܐ܂ ܒܝܕ ܕܝ݂ܨܦܬ
135:02	ܠܡܕܪܟܘ ܫܪܪܐ ܕܒܗܘܢ݁ ܘܟܕ ܛܒ ܟܘܠܗܝܢ ܐܘܡ̈ܢܘܬܐ ܐܚܪ̈ܢܝܬܐ܃ ܐܪܚܩ
135:03	ܢܦܫܗܝܢ ܡܢ ܗܕܐ܃ ܡܛܠ ܪܘܡܗ݀ ܘܪܒܘܬܗ݀ ܕܨܒܘܬܐ܃ ܗܝ݂ ܒܠܚܘܕܝܗ݀
135:04	ܠܐ ܕܚܠܬ ܡܢܗ݀܂ ܘܠܐ ܬܘܒ ܚܫ݂ܒܬ ܢܦܫܗ݀ ܕܠܐ ܫܘܝܐ ܠܡܝܬܪܘܬܐ ܕܐܝܟ
135:05	ܗܕܐ܂ ܐܠܐ ܐܦ ܕܡܚܝܢܐ ܠܗ݀ ܛܒ ܘܦܐܝܐ ܠܗ݀܂ ܚܫܒܬܗ݀ ܠܐܝܕܥܬܗܘܢ
135:06	ܕܗܠܝܢ܂ ܘܡܛܘܠ ܕܠܐ ܡܨܝܐ ܗܘܬ ܒܓܘܫܡܐ ܗܢܐ ܥܒܝܐ ܠܡܬܡ݁ܛܝܘ
135:07	ܠܘܬ ܐܬܪܐ ܫܡܝܢܐ܃ ܘܠܡܫܒܩ ܐܪܥܐ ܗܕܐ܃ ܘܠܡܣܩ ܘܠܡܚܙܐ ܐܬܪܐ
135:08	ܗܘ݁ ܐܝܟ ܕܡܬܪ̈ܢܝܢ ܗܘܘ ܠܡܥܒܕ ܒܙܒܢ܃ ܐܠܘ̈ܕܝܐ ܚܣܝܪ̈ܝ ܪܥܝܢܐ݂܂ ܡܛܠ

135:09	ܗܕܐ܃ ܢܦܫܐ ܒܝܕ ܕܢܣ݂ܒܬ ܠܗ݀ ܥܕܪܐ ܦܝܠܣܘܦܘܬܐ݂܂ ܥܒ݂ܪܬ ܒܗܘܢܗ݀

135:10	ܘܚ݂ܙܩܬ݂܂ ܟܕ ܐܫ݂ܟܚܬ ܠܗ݀ ܐܘܪܚܐ ܡܕܡ ܕܠܐ ܥܡܠܐ܂ ܘܗ݀ܢܝܢ ܕܛܒ
135:11	ܣܓܝ ܪ̈ܚܝܩܢ ܗ̈ܘܝ ܒܡܬܚܐ ܡܢ ܚ̈ܕܕܐ܂݂ ܒܓܘ ܬܪܥܝܬܗ݀ ܟܢܫܬ ܘܚ݂ܒܫܬ
135:12	ܐܢܝ̈ܢ܂ ܘܦܫܝܩܐܝܬ ܐܝܟ ܕܡܣܬܒܪܐ ܠܝ ܐܫܬܘܕܥܬ ܐܢܝ̈ܢ ܠܨܒ̈ܘܬܐ܂
135:13	ܡܛܠ ܕܡܚܝܢܢ ܠܗ݀܂ ܘܒܥܝܢܐ ܐܠܗܝܬܐ ܕܢܦܫܐ ܚ݂ܙܬܝ ܨܒܘ̈ܬܐ ܐܠܗ̈ܝܬܐ܃
135:14	ܘܐܫܬܥܝܬ ܐܢܝ̈ܢ ܠܒܢܝܢ̈ܫܐ܂ ܗܕܐ ܕܝܢ ܣܥ݂ܪܬ݂܂ ܡܛܘܠ ܕܡܨܝܐ ܗܘܬ ܒܝܕ
135:15	ܛܒܘܬܗ݀ ܠܟܠܢܫ ܠܡܬܠ ܡܢ ܨ̈ܒܘܬܗ݀ ܡܝܩܪ̈ܬܐ܀ ܡܛܠܗܕܐ ܗܟܝܠ
135:16	ܒܗ݀ܢܘܢ ܕܪ̈ܫܡܝܢ ܠܢ ܒܚܨܝܦܘܬܐ ܪܒܬܐ ܟܝܢܐ ܕܚܕ ܐܬܪܐ܃ ܐܘ ܐܣܟܡܐ
135:17	ܕܚܕܐ ܡܕܝܢܬܐ܃ ܐܘ ܪܒܘܬܐ ܕܚܕ ܡܢ ܢܗܪ̈ܘܬܐ܃ ܐܘ ܫܘܦܪܐ ܕܛܘܪܐ ܡܕܡ܃
135:18	ܐܟܙܢܐ ܕܥ݂ܒܕܘ ܐܢܫܝܢ ܡܢ ܟܕܘ܃ ܟܕ ܡܟܬܒܝܢ ܡܢܗܘܢ ܠܗܝ݁ ܕܡܬܩܪܝܐ
135:19	ܘܣܐܢ܃ ܘܡܢܗܘܢ ܠܢܘܣܢ܃ ܘܡܢܗܘܢ ܬܘܒ ܗܝܟܠܐ܃ ܗܘ݁ ܕܡܬܩܪܝܐ
135:20	ܕܩܘܪܘܩܝܘܢ܃ ܘܐܚܪ̈ܢܐ ܬܘܒ ܚܕ ܡܕܡ ܡܢ ܗ̈ܢܝܢ ܕܒܐܪܥܐ݂܂ ܒܗܠܝ݂ܢ ܠܘ
135:21	ܠܡܬܕܡܪܘ ܙܕܩ݁܂ ܐܠܐ ܠܡ݁ܚܣ ܥܠ ܚܣܝܪܘܬ ܪܥܝܢܗܘܢ݁܂ ܕܗܟܘܬ
135:22	ܐܬܕܡܪܘ ܒܨܒܘ̈ܬܐ ܐܝܠܝܢ ܕܗ݂ܘ݁܂ ܘܐܣܒܪܘ ܥܠ ܢܦܫܗܘܢ ܪ̈ܘܪܒܬܐ݁܂
135:23	ܡܛܠ ܬܐܘܪ̈ܝܘܣ ܙܥܘܪ̈ܝܬܐ܂ ܗܕܐ ܕܝܢ ܓܕܫܬ ܐܢܘܢ܃ ܡܛܠ ܕܠܐ ܗܘܘ
135:24	ܚ̈ܙܝܐ ܕܡܝܬܪ̈ܬܐ܂ ܗܢܘ ܕܝܢ ܕܥܠܡܐ ܘ‍<‍ܕ‍>‍ܪ̈ܘܪܒܬܐ ܕܒܥܠܡܐ܂ ܐܠܘ ܓܝܪ ܐܕܪܟܘ
135:25	ܝܕܥܬܗܝܢ ܕܗܠܝ݂ܢ܂ ܠܐ ܡܟܝܠ ܡܬܕܡܪܝܢ ܗܘܘ ܒܡܕܡ ܡܢ ܗܠܝܢ
135:26	ܐܚܪ̈ܢܝܬܐ܂ ܐܠܐ ܟܠܗܝܢ ܙܥܘܪ̈ܝܬܐ ܡܬܚܙܝܢ ܗܘ̈ܝ ܠܗܘܢ݂܂ ܘܕܠܐ ܫܘ݂ܝܢ
135:27	ܠܡܕܡ ܠܦܘܬ ܡܥܠܝܘܬܐ ܕܗ݀ܢܝܢ܀ ܐܡܪܝܢܢ ܗܟܝܠ ܗܫܐ݂܂ ܘܐܝܟ ܕܡܨܝܐ݂
135:28	ܢܦܩܝܢܢ ܐܠܗܐܝܬ ܥܠ ܟܠܗܝܢ ܗܘ̈ܝܐ݁܂ ܕܐܝܟܢܐ ܩ݂ܢܐ ܟܠ ܚܕ ܚܕ ܡܢܗܘܢ
135:29	ܟܝܢܐ ܘܡܬܙܝܥܢܘܬܐ܂ ܦܐܝܐ ܕܝܢ ܐܦ ܠܟ ܐܝܟ ܕܡܣܬܒܪܐ ܠܝ ܕܐܝܬܟ
135:30	ܡܝܬܪܐ ܕܟܠܗܘܢ ܡܕܒܪ̈ܢܐ܂ ܕܬܫܬܘܬܦ ܒܐܝܕܥܬܐ ܕܪ̈ܘܪܒܬܐ܂ ܘܬܬܚܫܒ