The Comprehensive Aramaic Lexicon

136:01	ܥܠ ܦܝܠܣܦܘܬܐ܂ ܕܠܘ ܡܕܡ ܙܥܘܪܐ ܐܝܬܝܗ݀܂ ܐܠܐ ܒܡܘܗܒ̈ܬܐ ܕܕܐܝܟ
136:02	ܗ݀ܢܝܢ݂ ܬܘܫܛ ܝܡܝܢܟ ܠܡܝܬܪ̈ܐ܀ ܥܠܡܐ ܗܟܝܠ ܐܝܬܘܗܝ݂ ܩܘܝܡܐ ܕܡܢ
136:03	ܫܡܝܐ ܘܐܪܥܐ܃ ܘܡܢ ܟܝܢ̈ܐ ܕܚܒܝܫܝܢ ܒܓܘܗܘܢ܂ ܡܬܐܡܪ ܕܝܢ ܬܘܒ
136:04	ܥܠܡܐ݂܂ ܘܒܛܟܣܐ ܘܬܘܩܢܐ ܕܟܘܠܗܘܢ ܗܘ̈ܝܐ܂ ܗ݀ܘ ܕܡܬܢܛܪ ܘܡܬܩܝܡ
136:05	ܡܢ ܐܠܗ݂ܐ ܘܡܛܠ ܐܠܗܐ܂ ܡܨܥܬܗ ܗܟܝܠ ܕܗܢܐ ܬܘܩܢܐ ܗܝ݁ ܕܐܦ
136:06	ܐܝܬܝܗ݀ ܡܫܪܪܬܐ ܘܠܐ ܡܬܬܙܝܥܢܘܬܐ݂܂ ܠܐܪܥܐ ܕܐܝܬܝܗ݀ ܡܝܬܝܬ ܟܠ ܦܐܪ̈ܝܢ
136:07	ܡ݂ܛܬ܂ ܗܕܐ ܗܝ ܓܝܪ ܐܡܐ ܕܚܝܘܬܐ ܕܟܠ ܓܢܣ݂ ܘܡܪܒܝܢܝܬܐ܂ ܗ݀ܘ
136:08	ܕܝܢ ܕܡܢ ܠܒܪ ܠܗ݀ ܠܐܦ̈ܝ ܠܥܠ܃ ܟܠܗ ܡܢ ܟܘܠ ܓܒܝ̈ܝܗ݀ ܡܣܝܟ݂܂
136:09	ܡܥܡܪܐ ܐܝܬܘܗܝ݂ ܕܐܠܗ̈ܐ܂ ܘܡܫܬܡܗ݂ ܫܡܝܐ܂ ܘܡܠ݂ܐ ܟܠܗ݂ ܓܘܫ̈ܡܐ
136:10	ܐܠܗ̈ܝܐ܂ ܗ݀ܢܘܢ ܕܟܘܟܒ̈ܐ ܡܥܕܝܢ ܚܢܢ ܡܫܡܗܝܢܢ ܠܗܘܢ݁ ܡܬܙܝܥ ܕܝܢ

136:11	ܡܬܬܙܝܥܢܘܬܐ ܐܝܬܝܝܬܐ ܒܚܘܕܪܐ ܘܒܟܪܟܐ݂܂ ܟܕ ܡܬܗ݀ܦܟ ܥܡ ܗ݀ܢܝܢ

136:12	ܕܒܗ ܕܠܐ ܫܠܘܐ ܠܥܠܡ܂ ܡܛܠ ܗܟܝܠ ܕܟܠܗ݀ ܫܡܝܐ ܘܥܠܡܐ܃ ܐܣܦܝܪܐ
136:13	ܐܝܬܘܗܝ ܕܡܬܬܙܝܥ܃ ܐܝܟܢܐ ܕܐ݁ܡܪܬ݂܂ ܐܡܝܢܐܝܬ‍{‍܂‍}‍ ܐܠܨܐ݂ ܕܬܪ̈ܝܢ ܢܘܩ̈ܕܐ ܕܠܐ
136:14	ܡܬܬܙܝܥܝܢ݁܂ ܢܗܘܘܢ ܐܝܬܝܗܘܢ ܕܣܝܡܝܢ ܠܘܩܒܠ ܚ̈ܕܕܐ܂ ܐܟܙܢܐ
136:15	ܕܒܛܘܪܢܘܣ ܡܐ ܕܡܬܓܠܦܐ ܒܗ ܘܡܬܢܓܕܐ ܐܣܦܝܪܐ܃ ܗ݀ܢܘܢ ܕܡܟܬܪܝܢ
136:16	ܥܠ ܕܘܟܬܗܘܢ܃ ܘܐܚܝܕܝܢ ܠܗ݀ ܠܟܠܗ݀ ܐܣܦܝܪܐ܃ ܟܕ ܥܠܝܗܘܢ ܡܬܟܪܟ
136:17	ܒܚܘܕܪܐ ܟܠܗ ܓܘܫܡܗ݀܃ ܡܫܬܡܗܝܢ ܕܝܢ ܗ݂ܢܘܢ ܗܠܝܢ ܬܪ̈ܝܢ ܢܘܩ̈ܕܝ݂ܢ
136:18	ܦܘ̈ܠܘ܂ ܘܒܗܠܝܢ ܟܕ ܢܬܚܫܒ ܕܡܬܝܚ ܣܘܪܛܐ ܡܕܡ ܡܢ ܗܢܐ ܠܗܢܐ܃
136:19	ܗ݀ܘ ܕܐܢܫܝܢ ܐܘܟܣܢܐ ܡܫܡܗܝܢ ܠܗ܃ ܗܢܘ ܕܝܢ ܣܪܢܐ݂܂ ܐܡܪܝܢܢ݂܂
136:20	ܕܗܘ݂ ܗܢܐ ܣܘܪܛܐ ܕܝܡܛܪܘܣ ܐܝܬܘܗܝ ܕܥܠܡܐ܂ ܕܐܝܬܝܗ݂݀ ܡܨܥܬܗ
136:21	ܐܪܥܐ܂ ܣܟ̈ܘܗܝ ܕܝܢ ܐܝܬܘܗܘܢ݂ ܬܪ̈ܝܗܘܢ ܗ݀ܢܘܢ ܦܘ̈ܠܘ܂ ‍<‍ܡܢ‍>‍ ܗ݂ܢܘܢ ܕܝܢ
136:22	ܗ݀ܢܘܢ ܬܪ̈ܝܗܘܢ ܦܘ̈ܠܘ܃ ܕܐܝܬܝܗܘܢ ܕܠܐ ܡܬܬܙܝܥܢܘܬܐ݂܂ ܗ݀ܘ ܚܕ ܡ݂݁ܢ
136:23	ܡܬܚܙܐ ܗܘ ܠܢ܂ ܡܛܠ ܕܠܥܠ ܡܢ ܪܝܫܢ ܐܝܬܘܗܝ ܒܩܠܝܡܐ ܗ݀ܘ
136:24	ܓܪܒܝܝܐ܂ ܘܡܫܬܡܗ ܐܦ ܗܘ݂ ܦܘܠܣ ܓܪܒܝܝܐ܂ ܗ݀ܘ ܕܝܢ ܐܚܪܢܐ
136:25	ܬܚܝܬ ܐܪܥܐ ܡܛܫܝ݂ ܒܓܒܐ ܬܝܡܢܝܐ܂ ܘܡܬܩܪܐ݂ ܕܠܘܩܒܠ ܓܪܒܝܝܐ܂܀
136:26	ܠܐܘܣܝܐ ܕܝܢ ܕܫܡܝܐ ܘܕܟܘܟ̈ܒܐ݂܂ ܩܪܝܢܢ ܠܗ݂݀ ܐܬܝܪ܂ ܠܘ ܐܝܟ ܕܣܒܪܝܢ
136:27	ܐܢܫ̈ܝܢ݁܂ ܡܛܠ ܕܚܡܝܡܬܐ ܐܝܬܝܗ݀ ܘܡܫܠܗܒܐ݁܂ ܒܝܕ ܕܕܡ݁ܐ ܗܘ ܫܡܐ
136:28	ܗܢܐ ܕܡܫܠܗܒܐ ܒܝܘܢܝܐ ܠܐܬܝܪ܂ ܗ݀ܢܝ݂ܢ ܓܝܪ ܛܒ ܣܓܝ ܡܣܟ̈ܠܝܢ݁܂
136:29	ܒܚܝܠܐ ܗ݀ܘ ܕܛܒ ܪܚܝܩ ܡܢ ܢܘܪܐ܂ ܐܠܐ ܡܫܬܡܗܐ ܗܟܢܐ݂܂ ܡܛܠ
136:30	ܕܒܟܠܙܒܢ ܪܗ݂ܛܐ ܟܕ ܡܬܟܪܟܐ ܚܪܝܦܐܝܬ ܒܚܘܕܪܐ݁܂ ܟܕ ܐܝܬܝܗ݀