The Comprehensive Aramaic Lexicon

139:01	ܐܬܪ̈ܘܬܐ ܕܚܒܝܫܝܢ ܒܓܘ ܚ̈ܕܕܐ ܐܣܦܪܐܝܬ݁܂ ܟܕ ܚܒܝܫܐ ܟܠܗ݀ ܐܣܦܝܪܐ
139:02	ܕܙܥܘܪܝܐ ܡܢ ܚܒܪܬܗ݀܃ ܒܗܝ܂ ܕܪܒܐ ܡܢܗ݀܂ ܗܢܘ ܕܝܢ ܐܪܥܐ݂ ܒܡ̈ܝܐ܂
139:03	ܘܡ̈ܝܐ ܒܐܐܪ܂ ܘܐܐܪ ܒܢܘܪܐ܂ ܘܢܘܪܐ ܒܐܬܝܪ܂ ܘܗܟܘܬ݂ ܗܠܝܢ
139:04	ܩܝܡܘܗܝ ܠܟܠܗ ܥܠܡܐ܂ ܘܠܐܬܪܐ ܡ݁ܢ ܗ݀ܘ ܕܠܥܠ܃ ܟܠܗ ܡܥܡܪܐ
139:05	ܕܐܠܗ̈ܐ ܚܘܝܘܗܝ܂ ܠܗܢܐ ܕܝܢ ܕܠܬܚܬ݂ ܥܘܡܪܐ ܕܚܝܘ̈ܬܐ ܡܝܘ̈ܬܬܐ܂ ܐܠܐ
139:06	ܡܢܗ ܕܝܠܗ ܕܗܢܐ ܕܠܬܚܬ ܐܝܬܘܗܝ݂ ܪܛܝܒܐ܂ ܗ݀ܘ ܕܐܦ ܢܗܪ̈ܘܬܐ
139:07	ܘܡ̈ܥܝܢܐ݂܂ ܘܝܡ̈ܡܐ ܡܥܕܝܢ ܚܢܢ ܕܢܫܡܗܝܘܗܝ܂ ܘܡܢܗ ܬܘܒ ܐܝܬܘܗܝ݂
139:08	ܝܒܫܐ܂ ܗܘ݁ ܕܐܪܥܐ ܘܥܡܪܬܐ݂ ܘܓܙܪ̈ܬܐ ܡܫܡܗܝܢܢ ܠܗ܂ ܐܠܐ ܐܦ
139:09	ܓܙܪ̈ܬܐ ܬܘܒ ܡܢܗܝܢ ܐܝܬܝܗܝ݂ܢ ܪ̈ܘܪܒܬܐ܂ ܐܟܙܢܐ ܕܐܡܪܝܢܢ ܥܠ ܗܕܐ
139:10	ܟܠܗ݀ ܥܡܪܬܐ݁܂ ܕܚܕܝܪܐ ܡܢ ܝܡ̈ܡܐ ܐܚܪ̈ܢܐ ܪ̈ܘܪܒܐ܂ ܗ݀ܢܝܢ ܕܝܢ ܕܐܝܬܝܗܝܢ
139:11	ܙܥܘܪ̈ܝܬܐ݂܂ ܐܝܕܝ̈ܥܢ ܐܢܝ̈ܢ ܠܢ ܟܠܗܝ݂ܢ ܘܐܝܬܝܗܝܢ ܡܢ ܠܓܘ܂ ܘܡܢܗܝܢ
139:12	ܕܗܠܝܢ ܐܢܝ̈ܢ ܕܥ̈ܠܒܢ ܒܪܒܘܬܐ ܐܝܬܝܗܝ݂ܢ܂ ܣܝܩܝܠܝܐ ܘܐܘܒܘܐܐ܂
139:13	ܘܩܘܦܪܘܣ݂ ܘܣܪܕܘܢ݁ ܘܩܘܪܘܢܘܣ܂ ܘܩܪܛܐ܂ ܘܦܘܠܘܦܝܣܘܣ
139:14	ܘܐܣܒܘܒ݁ ܗ݀ܢܝܢ ܕܝܢ ܕܒܨܝܪ̈ܢ ܡܢܗܝܢ ܐܝܬܝܗܝ݂ܢ܂ ܗܠܝܢ ܕܡܫܬܡܗܢ
139:15	ܣܦܘܪܕܝܣ܂ ܘܗܠܝܢ ܕܡܬܩܪ̈ܝܢ ܩܘܩܠܝܕܘܣ܂ ܘܐܚܪ̈ܢܝܬܐ ܕܐܚܪܢܝܐܝܬ
139:16	ܡܫܬܡܗܢ܂ ܝܡܐ ܕܝܢ ܗܘ݁ ܡ݁ܢ ܕܐܝܬܘܗܝ ܠܒܪ ܡܢ ܟܠܗ݀ ܥܡܪܬܐ݂܂
139:17	ܐܛܐܠܢܛܝܩܘܣ݂܂ ܘܐܘܩܐܢܣ ܡܫܬܡܗ܂ ܘܪܕܐ ܐܦ ܚܕܪ̈ܝܢ ܗܪܟܐ܂
139:18	ܒܝܕ ܕܒܓܒܐ ܡܥܪܒܝܐ ܡܢ ܠܓܘ܃ ܦܘܡܐ ܐܠ‍<‍ܝ‍>‍ܨܐ ܦܬܝܚ ܠܗ܂ ܘܡܢ
139:19	ܨܝܕ ܗ݀ܢܝܢ ܕܡܬܩܪܝܢ ܣܛܠܘܣ ܕܗܪܩܠܘܣ݁܂ ܢ݁ܦܩ ܪܕܝܗ ܠܝܡܐ ܗܢܐ

139:20	ܕܠܘܬܢ݁܂ ܐܝܟ ܕܠܠܡܐܢܐ ܡܕܡ܂ ܘܗܟܘܬ ܒܩܠܝܠ ܩܠܝܠ ܡܬܦܬܐ

139:21	ܗܪܟܐ݂܂ ܟܕ ܡܬܐܫܕ ܥܕܡܐ ܕܠܒ݁ܟ ܥܘܒ̈ܐ ܪ̈ܘܪܒܐ ܕܐܚܝܕܝܢ ܚܕ ܒܚܕ܃
139:22	ܕܐܝܬܘܗܝ ܦܘܡܗܘܢ ܡܢ ܗ݀ܘ ܕܠܬܡܢ ܐܠܨܐ܂ ܠܐܦ̈ܝ ܕܝܢ ܗܪܟܐ݂ ܦ̈ܬܝܢ
139:23	ܘܪܘܝܚܝܢ܀ ܩܕܡܐܝܬ ܗܟܝܠ ܡܬܐܡܪ ܕܡܬܦܬܐ ܠܝܡܝܢܐ݂܂ ܡܢ ܒܬܪ
139:24	ܕܢ݁ܦܩ ܡܢ ܣܛܠܣ ܕܗܪܩܠܝܣ݁܂ ܘܡܬܦܠܓ ܠܬܪ̈ܝܢ ܥܘܒ̈ܝܢ ܘܥ݁ܒܪ
139:25	ܓܙܪ̈ܬܐ܃ ܗܠܝܢ ܕܡܫܬܡܗܢ ܣܘܪܛܝܣ܂ ܗ݀ܢܝܢ ܕܠܚܕܐ ܡܢܗܝ݂ܢ
139:26	ܣܘܪܛܝܣ ܪܒܬܐ ܡܫܡܗܝܢ ܠܗ݀܂ ܠܗܝ݁ ܕܝܢ ܐܚܪܬܐ݂܂ ܣܘܪܛܝܣ
139:27	ܙܥܘܪܬܐ܂ ܠܓܒܐ ܕܝܢ ܗ݀ܘ ܐܚܪܢܐ ܓܪܒܝܝܐ݂܂ ܠܘ ܒܗ݀ ܒܕܡܘܬܐ݁܂
139:28	ܒܪܫܥܬܗ ܡܬܦܬܐ܂ ܘܥ݁ܒܕ ܕܝܢ ܬܘܒ݂܂ ܐܦ ܬܡ݂ܢ ܬܠܬܐ ܥܘܒ̈ܝܢ܂
139:29	ܗ݀ܘ ܕܡܫܬܡܗ ܣܘܪܕܘܢܝܩܘܢ݂܂ ܘܗܘ݁ ܕܡܬܩܪܐ ܓܐܠܛܝܩܘܢ܂ ܘܐܕܪܝܣ
139:30	ܪܒܐ܂ ܘܒܬܪ ܗܠܝܢ ܗ݀ܘܐ ܥܘܒܐ ܐܚܪܢܐ ܙܠܝܡܐܝܬ܂ ܗ݀ܘ ܕܡܬܩܪܐ