The Comprehensive Aramaic Lexicon

143:01	ܐܝܬܘܗܝ݂ ܗ݀ܘ ܕܢܫ݁ܒ ܡܢ ܐܬܪܐ ܕܡܨܥܬܗ ܕܡܕܢܚܐ܂ ܘܩܝܩܢܣ ܕܝ݂ܢ ܗܘ݁
143:02	ܕܢܫ݁ܒ ܡܢ ܐܬܪܐ ܕܡܣܩ̈ܝ ܫܡܫܐ܂ ܩܝܛܝܐ݂܂ ܘܐܦܝܠܝܘܛܝܣ ܐܝܬܘܗܝ݂
143:03	ܗܘ݁ ܕܢܫ݁ܒ ܡܢ ܐܬܪܐ ܕܡܣܩ̈ܝ ܫܡܫܐ ܣܬܘܝܐ܂ ܘܡܥܪ̈ܒܝܐ ܗܢ݁ܘܢ
143:04	ܕܠܘܩܒܠ ܗܠܝ݂ܢ܂ ܐܦ ܗ݂ܢܘܢ ܡܬܦܠܓܝ݂ܢ ܬܠܝܬܐܝܬ܂ ܘܡܬܩܪܐ
143:05	ܡܥܪܒܝܐ݂܂ ܗܘ݁ ܕܠܘܩܒܠ ܡܕܢܚܝܐ ܡܢ ܐܬܪܐ ܡܨܥܝܐ ܕܡܥܪܒܐ ܢܫ݁ܒ܂
143:06	ܐܓܪܐܣܛܝܣ ܕܝܢ ܡܫܬܡܗ݂܂ ܗܘ݁ ܕܡܢ ܐܬܪܐ ܕܡܥܪ̈ܒܝ ܫܡܫܐ ܩܝܛܝܐ
143:07	ܢܫ݁ܒ܂ ܘܠܗ ܠܗܢܐ ܐܢܫ̈ܝܢ ܡ݂݁ܢ ܐܠܘܡܦܝܘܢ ܩ݁ܪܝܢ܂ ܐܢܫܝܢ ܕܝܢ
143:08	ܐܝܦܘܓܐ܂ ܠܝܒܐ ܕܝܢ ܡܬܩܪܐ݂ ܗ݀ܘ ܕܢܫ݁ܒ ܡܢ ܐܬܪܐ ܡܥܪ̈ܒܝ ܫܡܫܐ
143:09	ܣܬܘܝܐ܂ ܐܠܐ ܐܦ ܗ݀ܢܘܢ ܬܘܒ ܓܪ̈ܒܝܝܐ݂܂ ܗܟܘܬ ܡܬܦܠܓܝ݂ܢ ܠܬܠܬܐ܂
143:10	ܘܡܬܩܪܐ ܓܪܒܝܝܐ݂ ܗ݀ܘ ܕܡܢܗ ܕܦܘܠܣ ܓܪܒܝܝܐ ܢܫ݁ܒ܂ ܗ݀ܘ ܕܝܢ
143:11	ܕܡܢ ܠܐܦ̈ܝ ܐܪܓܣܛܝܣ ܢܫ݁ܒ݂܂ ܡܬܩܪܐ ܛܪܝܣܩܘܣ܂ ܐܢܫ̈ܝܢ ܕܝܢ
143:12	ܩܐܢܐܩܐܢ ܩ݁ܪܝܢ ܠܗ܂ ܗ݀ܘ ܕܝܢ ܕܡܢ ܠܐܦ̈ܝ ܩܝܩܢܣ ܢܫ݁ܒ݂܂ ܐܦܪܝܩܝܣ
143:13	ܡܫܬܡܗ܂ ܒܗ݀ ܕܝܢ ܒܕܡܘܬܐ݂܂ ܐܦ ܗ݀ܢܘܢ ܬܝܡ̈ܢܝܐ܂ ܗܘ݁ ܡ݁ܢ ܕܡܢ
143:14	ܐܬܪܗ ܕܝܠܗ ܕܦܘܠܘܣ ܬܝܡܢܝ݂܃ ܗ݀ܘ ܕܠܐ ܡܬܚܙܐ ܠܢ ܢܫ݁ܒ݂܂
143:15	ܠܘܩܒܠ ܪܘܚܐ ܗܘ݁ ܓܪܒܝܝܐ ܡܫܬܡܗ݂ ܬܝܡܢܝܐ܂ ܐܘܪܘܢܛܘܣ ܕܝܢ
143:16	ܡܬܩܪܐ ܗܘ݁ ܕܢ݁ܫܒ ܡܢ ܐܬܪܐ ܗ݀ܘ ܕܒܝܢܬ ܬܝܡܢܐ ܠܐܦܝܠܝܘܛܝܣ܂ ܗ݀ܘ

143:17	ܕܝܢ ܕܡܢ ܓܒܐ ܗ݀ܘ ܐܚܪܢܐ܃ ܕܢܫ݁ܒ ܡܢ ܐܬܪܐ ܕܒܝܢܬ ܠܝܒܐ ܠܗܘ݁

143:18	ܬܝܡܢܝܐ݂܂ ܐܢܫܝ݂ܢ ܡܢ ܠܝܒܐܢܛܘܢ ܡܫܡܗܝܢ ܠܗ܂ ܐܚܪ̈ܢܐ ܕܝܢ ܠܝܒܐ݂
143:19	ܦܘܢܝܩܐ ܩܪܝܢ ܠܗ܂ ܡܢܗܘܢ ܕܝܢ ܕܪ̈ܘܚܢܐ ܐܝܬܝܗܘܢ ܕܢܫܒܝܢ ܬܪܝܨܐܝܬ݂܂
143:20	ܟܘܠܗܘܢ ܐܝܠܝܢ ܕܪ̈ܗܛܝܢ ܠܩܘܕܡܝܗܘܢ ܕܠܐ ܦܬܝܠܘ܂ ܡܢܗܘܢ ܕܝܢ
143:21	ܐܝܬܝܗܘܢ ܕܗܦ݁ܟ ܢܫܒܗܘܢ܂݂ ܐܟܙܢܐ ܕܗ݀ܘ ܕܡܫܬܡܗ ܩܝܩܢܣ܂
143:22	ܘܡܢܗܘܢ ܬܘܒ ܒܣܬܘܐ݂ ܚܝ̈ܠܬܢܝܢ܂ ܐܟܙܢܐ ܕܗ݀ܢܘܢ ܬܝܡ̈ܢܝܐ܂ ܘܡܢܗܘܢ
143:23	ܒܩܝܛܐ݂܂ ܐܟܙܢܐ ܕܗ݀ܢܘܢ ܕܡܬܩܪܝܢ ܐܛܐܣ̈ܝܐ݁܂ ܕܡܚܒܟܝܢ ܡܢ ܓܪ̈ܒܝܝܐ
143:24	ܘܡܢ ܬܝܡ̈ܢܝܐ܂܀ ܐܘܪ̈ܢܝܬܝܐ ܕܝܢ ܡܫܬܡܗܝ݂ܢ܂ ܪ̈ܘܚܐ ܗ݀ܢܘܢ ܕܡܬܬܚܝܢ
143:25	ܥܙܝܙܐܝܬ݁܂ ܡܢ ܓܒܐ ܗܢܐ ܓܪܒܝܝܐ܂ ܘܡܢ ܪ̈ܘܚܐ ܕܝܢ ܥܙܝ̈ܙܐ݂܂ ܥܠܥܠܐ ܡ݁ܢ
143:26	ܡܫܬܡܗܐ݁܂ ܪܘܚܐ ܗܝ݁ ܕܩܛܝܪܐܝܬ ܠܥܠ ܓܕܝܐ܂ ܩܪܚܐ ܕܝܢ ܘܟܘܟܝܬܐ
143:27	ܡܬܩܪܐ݂܂ ܪܘܚܐ ܗܘ݁ ܕܡܬܟܪܟ ܠܥܠ ܘܠܬܚܬ܂ ܪܘܚܐ ܕܝܢ ܗ݀ܘ ܕܣ݁ܠܩ
143:28	ܡܢ ܬܠܚܐ ܐܘ ܡܢ ܦܩܥܐ ܕܐܪܥܐ܃ ܕܗ݀ܘܐ ܥܕܡܐ ܠܥܘܡܩܐ݂܂ ܡܦܘܚܝܬܐ
143:29	ܡܬܩܪܐ܂ ܡܐ ܕܝܢ ܕܟܕ ܡܬܟܪܟ ܬܟܝܒܐܝܬ܃ ܢܣܩ ܡܢ ܠܬܚܬ ܣܓܝܐܝܬ݂܂
143:30	ܦܪܝܣܛܘܪ ܕܠܬܚܠܬ ܡܢ ܐܪܥܐ ܡܬܩܪܐ܂ ܐܢ ܕܝܢ ܟܕ ܢܬܚܒܫ ܪܘܚܐ