The Comprehensive Aramaic Lexicon

147:01	ܪ̈ܘܚܐ܂ ܘܡܢܗܘܢ ܗܠܝܢ ܗ݀ܘܝܢ ܒܥܘܒ̈ܐ ܪ̈ܘܪܒܐ܂ ܘܡܢܗܘܢ ܒܠܫ̈ܢܐ
147:02	ܙܥܘܪ̈ܐ܂ ܣܓܝ̈ܐܐ ܓܝܪ ܡܢܗܘܢ ܐܦ ܗܦܟܐ ܕܡܝ̈ܐ ܘܡܬܪܡܝܢܘܬ ܓ̈ܠܠܐ
147:03	ܚܘܕܪܐ ܡܕܡ ܥܡ ܣܗܪܐ ܥ݁ܒܕܝܢ ܒܙܒ̈ܢܐ ܡ̈ܬܚܡܐ܂܀ ܒܚܕܐ ܡܠܐ
147:04	ܗܟܝܠ ܠܡܐܡܪ܂ ܡܛܠ ܕܡܙܝܓܝܢ ܐܢܘܢ ܐܣܛܘܟܣ̈ܐ ܒܚ̈ܕܕܐ܂ ܟܐܢܐ
147:05	ܗܝ ܕܒܐܐܪ ܘܒܐܪܥܐ ܘܒܝܡܐ ܗܢ݂ܘܢ ܟܕ ܗܢ݂ܘܢ ܕܘܡ̈ܝܐ ܕܫܘܚ̈ܠܦܐ
147:06	ܢܬܩܝܡܘܢ݁ ܕܥ݁ܒܕܝܢ ܚܒ݁ܠܐ ܡ݁ܢ ܘܡܘܠܕܐ ܕܗ݀ܢܝܢ ܕܒܐܝܕܐ ܒܐܝܕܐ܂ ܢܛ݁ܪܝܢ

147:07	ܓܝܪ ܠܓܘ‍{‍ܢ‍}‍‍<‍ܝ‍>‍ܘܬܗ ܕܗܢܐ ܟܠ܂ ܕܠܐ ܒܪܝܘ ܘܕܠܐ ܚܒܠ܂܀ ܘܐܟܒܪ ܢܐܡܪ

147:08	ܐܢܫ܂ ܕܐܝܟܢܐ ܡܢ ܪ̈ܝܫܐ ܕܕܠܩܘܒܠܐ ܡܩܝܡ ܥܠܡܐ܂ ܗܢܘ ܕܝܢ ܡܢ
147:09	ܝܒܝܫܐ ܘܪܛܝܒܐ܂ ܘܚܡܝܡܐ ܘܩܪܝܪܐ܂ ܘܠܐ ܡܚ݂ܒܠ ܘܐܒܝܕ ܗܐ ܡܢ
147:10	ܩܕܝܡ܂܀ ܗܕܐ ܕܝܢ ܕܡ݁ܝܐ ܠܗܝ݁ ܕܐܝܟܢܐ ܕܐܦ ܡܛܘܠ ܡܕܝܢܬܐ ܡܕܡ
147:11	ܢܬܕܡܪ ܐܢܫ܂ ܕܐܝܟܢܐ ܡܟܬܪܐ ܟܕ ܡܩܝܡܐ ܡܢ ܫܪ̈ܒܬܐ ܕܕܠܩܘܒܠܐ܂
147:12	ܗܢܘ ܕܝܢ ܡܢ ܡܣܟ̈ܢܐ ܘܥܬܝܪ̈ܐ܂ ܘܥ̈ܠܝܡܐ ܘܣܒ̈ܐ ܘܡܚܝ̈ܠܐ܂ ܘܚܝ̈ܠܬܢܐ
147:13	ܘܛܒ̈ܐ ܘܒܝ݂ܫ̈ܐ܂ ܠܐ ܕܝܢ ܚܟܡܝܢ ܗܠܝܢ ܕܗܕܐ ܐܝܬܝܗ݀ ܡܗܝܪܘܬܐ ܕܐܘܝܘܬܐ
147:14	ܡܕܝܢܬܐ܂ ܐܡ݁ܪ ܐܢܐ ܕܝܢ ܕܬܗܘܐ ܚܕܐ ܫܠܡܘܬܐ ܡܢ ܣܓܝ̈ܐܬܐ܂ ܘܕܕܡ݁ܝܐ
147:15	ܡܢ ܗܠܝܢ ܕܠܐ ܕܡ̈ܝܢ܂ ܕܡܩܒܠܐ ܠܟܠ ܟܝܢ ܘܠܟܠ ܓܕ܂ ܐܢܗܘ݂ ܗܟܝܠ
147:16	ܕܠܗܢ݁ܝܢ ܕܕܠܩܘܒܠܐ ܡܬܪܓܪܓ ܟܝܢܐ܃ ܘܡܢܗܘܢ ܡܫܡܠܐ ܠܗ ܠܫܠܡܘܬܐ܃
147:17	ܐܟܙܢܐ ܕܡܢ ܩܕܝܡ ܕܟܪܐ ܐܩܦ ܠܢܩܒܬܐ܃ ܘܠܐ ܗܘܐ ܟܠ ܚܕ ܚܕ ܡܢܗܘܢ
147:18	ܠܒܪ ܬܓܡܗ݂܂ ܝܕܝܥܐ ܗܝ ܕܐܦ ܠܫܠܡܘܬܐ ܗܝ݁ ܩܕܡܝܬܐ ܕܗܘ̈ܝܐ ܒܝܕ
147:19	ܗܠܝܢ ܕܕܠܩܘܒܠܐ ܐܘܝܗ݀ ܘܠܘ ܒܝܕ ܗܠܝܢ ܕܕܡ̈ܝܢ܂ ܕܡ݁ܝܐ ܠܝ ܕܝܢ ܕܐܦ
147:20	ܐܘܡܢܘܬܐ݂܂ ܡܛܠ ܕܒܟܠܡܕܡ ܒܟܝܢܐ ܡܡܪܝܐ݂܂ ܗܝ݂ ܗܕܐ ܣܥܪܐ܂܀
147:21	ܨܝܪܘܬܐ ܓܝܪ ܟܕ ܚܒ݁ܟܐ ܓܘ̈ܢܐ ܐܘܟܡ̈ܐ܃ ܘܚܘܪ̈ܐ ܘܚܪ̈ܘܥܐ ܘܣܘܡ̈ܩܐ܂
147:22	ܡܫܡܠܝܐ ܠܗܘܢ ܠܨ̈ܠܡܐ ܕܢܗܘܘܢ ܕܡܝ̈ܢ ܠܬܦ̈ܢܟܝܗܘܢ܂ ܘܡܘܣܝܩܪܘܬܐ
147:23	ܬܘܒ݂܂ ܒܡ̈ܢܐ ܝܩܝܪ̈ܬܐ ܐܘ ܚܪ̈ܝܦܬܐ܃ ܘܐܪ̈ܝܟܬܐ ܘܟܪ̈ܝܬܐ܃ ܒܒ̈ܢܬ ܩ̈ܠܐ
147:24	ܕܡܫܚܠܦܝ݂ܢ܂ ܚܕܐ ܐܪܡܘܢܝܐ ܡܢ ܟܠܗܝܢ ܡܫܡܠܝܐ܂ ܐܦ ܓܪܡܛܝܩܘܬܐ
147:25	ܬܘܒ̈ ܐܬܘ̈ܬܐ ܡܫ̈ܚܠܦܬܐ ܡܙܓܬ݂܂ ܘܗܟܘܬ ܩܝܡܬܗ݀ ܠܟܘܠܗ݀
147:26	ܐܘܡܢܘܬܐ ܕܣܦ݂ܪܐ܂ ܕܐܝܟ ܗܕܐ ܕܝܢ ܐܝܬܝܗ݂݀܂ ܐܦ ܗܝ݁ ܕܐܬܐܡܪܬ ܡܢ
147:27	ܗܪܩܠܝ‍<‍ܛ‍>‍ܣ ܗܘ݁ ܕܡܫܬܡܗ ܥܡܘܛܐ݁܂ ܕܐܡܪ ܟܢܝܫܘܬܐ ܠܟܠܐ݁܂ ܘܠܠܐ
147:28	ܟܠܐ݁܂ ܘܚܕ ܡܕܡ ܡܢ ܟܠ ܕܡܟܢܫ ܘܐܝܬ‍{‍ܚ‍}‍‍<‍ܝܝ‍>‍ ܘܥܒܪ܃ ܘܡܢ ܚܕ ܬܘܒ
147:29	ܟܠܡܕܡ܂܀ ܗܟܢܐ ܗܟܝܠ ܐܦ ܠܩܘܝܡܐ ܕܟܠܗܘܢ ܗܘ̈ܝܐ܂ ܐܡ݁ܪ ܐܢܐ ܕܝܢ
147:30	ܕܫܡܝܐ ܘܕܐܪܥܐ܂ ܘܕܟܠܗ ܗܢܐ ܥܠܡܐ܂ ܡܢ ܗ݀ܢܝܢ ܕܕܠܩܘܒܠܐ ܡܙܓܗ ܐܝܟ