The Comprehensive Aramaic Lexicon

157:02	ܚܕ ܐܝܬܘܗܝ ܗܘ݂ ܟܕ ܗܘ݂ ܣ݁ܓܝ ܫܡ̈ܗܐ ܐܝܬܘܗܝ܂ ܡܫܡܗܝܢ ܠܗ
157:03	ܓܝܪ ܡܢ ܓܕܫ̈ܐ ܣܓܝ̈ܐܐ ܕܠܘܬܢ܂ ܡܫܡܗܝܢ ܠܗ ܓܝܪ ܚܝܐ݂܂ ܡܛܠ
157:04	ܕܚܐܝܢܢ ܒܗ܂ ܐܝܟ ܕܐܢ ܐܢܫ ܢܐܡܪ ܕܒܐܪܘܣ ܚܐ݁ܝܢ ܚܢܢ ܘܒܩܪܢܘܣ
157:05	ܬܘܒ܂ ܐܝܟ ܡ݁ܢ ܕܗܘ݂ ܡܕܒܪ ܠܗ ܠܟܪܢܘܣ܂ ܗܢܐ ܗܘ ܕܝܢ ܠܙܒܢܐ ܡܢ
157:06	ܥܠܡ ܫܘܝܐܝܬ ܘܥܕܡܐ ܠܥܠܡ܂ ܡܒ‍{‍ܕ‍}‍‍<‍ܪ‍>‍ܩܢܐ ܕܝܢ ܘܡܪܥܡܢܐ܂ ܐܬܝܪܝܐ
157:07	ܘܫܡܝܢܐ܃ ܘܡܡܛܪܢܐ ܘܡܫܡܗܝܢܢ ܠܗ݂܂ ܡܢ ܗܝ݁ ܕܡܡܛܪ ܘܐܝܬܘܗܝ
157:08	ܒܐܬܝܪ̈܂ ܘܥ݁ܒܕ ܒܪ̈ܩܐ ܘܪ̈ܥܡܐ ܘܕܐܝܟ ܗܠܝܢ܂ ܘܡܦܪܝܢܐ ܬܘܒ ܡܫܬܡܗ݂
157:09	ܡܛܠ ܦܐܪ̈ܐ܂ ܘܡܬܪܣܝܢܐ݂ ܡܛܠ ܕܡܬܪܣܐ܂ ܘܡܪܚܡܢܐ ܘܫܘܪܐ ܘܐܒܐ݂܂
157:10	ܡܢ ܕܘܡܝܐ ܘܫܘܬܦܘܬܐ ܕܗܠܝܢ܂ ܘܚܒܪܢܐ ܬܘܒ ܡܬܩܪܐ܂ ܘܐܪܚܡܝܐ
157:11	ܘܐܟܣܢܝܐ ܘܙܟܝܐ܂ ܘܐܪܢܝܬܐ ܘܡܨܠܝܢܐ ܘܬܟܫܦܝܐ܂ ܘܢܝܚܐ ܘܦܪܘܩܐ ܘܒܪ
157:12	ܚܐܪ̈ܐ܂ ܒܗܠܝܢ ܓܝܪ ܟܘܠܗܘܢ ܫܡ̈ܗܐ ܩ݁ܪܝܢ ܠܗ ܦܐܘ̈ܛܐ ܡܢ ܕܘܡܝܐ
157:13	ܕܩܢ݂ܐ ܠܘܬ ܗܠܝܢ܂ ܘܡܥܒܕܢܘ̈ܬܐ ܕܠܘܬ ܗܠܝܢ ܡܫܡܗܝ݂ܢ ܗܟܢܐ܂ ܒܚܕܐ
157:14	ܓܝܪ ܡܠܐ ܠܡܐܡܪ݂܂ ܐܦ ܫܡܝܢܐ ܘܐܪܥܢܐ ܡܬܩܪܐ܂ ܡܛܠ ܡܥܒܕܢܘܬܗ
157:15	ܕܠܟܠ ܟܝܢ ܘܓܢܣ܂ ܒܝܕ ܕܗܘܝܘ ܥܠ݂ܬܐ ܕܟܠܗܘܢ ܗܘ̈ܝܐ܂ ܘܒܕܓܘܢ
157:16	ܫܦܝܪܐܝܬ ܐܡ݂ܪ ܬܐܘܪܦܘܣ܂ ܕܙܘܣ ܩܕܡܐܝܬ ܗܘ݂ܐ܂ ܘܙܘܣ ܠܚܪܬܐ
157:17	ܗܘ ܐܝܬܘܗܝ܂ ܘܗܘ݂ ܡܒܪܩ ܒܪ̈ܩܐ܂ ܘܪܝܫܐ ܗܘ ܙܘܣ ܐܝܬܘܗܝ
157:18	ܘܡܨܥܬܐ܂ ܘܟܠܡܕܡ ܡܢܗ ܗ݂ܘܐ܂ ܘܗܘ݂ ܐܝܬܘܗܝ ܐܫܬܗ݀ ܕܐܪܥܐ݂ ܘܪܝܫܗ݀
157:19	ܕܫܡܝܐ܂ ܘܗܘ݂ ܙܘܣ ܠܕܟܪ̈ܐ ܥܒ݂ܕ ܘܠܢܩܒ̈ܬܐ܂ ܘܠܥܘ݂̈ܠܐ ܐܬܩܝܢ܂ ܘܗܘ݂
157:20	ܐܝܬܘܗܝ ܥܩܒܗ ܕܦܢܛܘܣ܂ ܘܗܘ ܐܝܬܘܗܝ ܫܡܫܐ ܘܣܗܪܐ܂܀
157:21	ܘܗ݂ܘ ܬܘܒ ܡ݁ܠܟܐ ܕܟܠ܂ ܘܗ݂ܘ ܐܝܬܘܗܝ ܪܫܐ ܕܟܠ ܡܕܡ܂ ܘܗ݂ܘ ܡܛܫܐ
157:22	ܟܘܠ ܡܕܡ܂ ܘܒܪܫܥܬܗ ܬܘܒ ܠܓܠܝܐ ܡ݁ܝܬܐ܂ ܟܕ ܡܢ ܠܒܗ ܕܟܝܐ
157:23	ܒܟܠ ܡܬܚܒܫ ܘܡ݁ܣܩ ܠܗܝܢ܂ ܡܣܒܪ ܐܢܐ ܕܝܢ ܕܐܦ ܐܢܢܩܐ ܠܘ
157:24	ܡܕܡ ܐܚܪܝܢ ܡܫܬܡܗܐ܂ ܒܪܡ ܐܠܐ ܐܢܗ݂ܘ‍{‍܂‍}‍ ܐܝܟ ܡ݁ܢ ܕܐܦ ܕܗܕܐ ܥܠ݂ܬܐ
157:25	ܗܝ ܡܕܡ ܕܠܐ ܡܙܕܟܝܢܐ܂ ܠܐ ܡܙܕܟܝܢܐ ܕܝܢ ܒܠܫܢܐ ܝܘܢܝܐ ܐܢܝܩܝܛܘܢ
157:26	ܡܫܬܡܗܐ܂ ܗܟܘܬ ܬܘܒ ܡܣܬܒܪܐ ܠܝ݂܂ ܕܗܘܝܘ ܕܡܬܩ݂ܪܐ ܐܡܪܡܢܐ

157:27	ܘܦܐܦܪܘܡܢܐ܂ ܗܢܘ ܕܝܢ ܚܠܩܐ ܘܓܕܐ܂ ܐܡܪܡܢܐ ܕܝܢ ܕܚܒ݂ܫ ܘܐܩܦ

157:28	ܟܠܡܕܡ ܕܠܐ ܟܠܝܢ܂ ܟܪܣܐ ܓܝܪ ܒܠܫܢܐ ܝܘܢܝܐ ܐܬ݁ܢܩܦ ܡܬܦܫܩܐ܂
157:29	ܦܐܦܪܘܡܢܐ ܕܝܢ ܡܢ ܗܝ݁ ܕܒܗ݀ ܡܣܝܟ ܟܠ ܡܕܡ ܘܠܐ ܐܝܬ ܒܥܠܡܐ
157:30	ܡܕܡ ܕܪܚܝܩ ܡܢ ܣܟܐ܂ ܦܐܦܪܛܘܣܬܐ ܓܝܪ ܒܠܫܢܐ ܝܘܢܝܐ ܡܣܝܟܢܘܬܐ