The Comprehensive Aramaic Lexicon

207:02	ܡܢܗ ܕܩܦܠܐܘܢ ܕܫܬܐ܂ ܥܠܗ݀ܝ ܕܡܛ݁ܠ ܡܢܐ ܡ݂ܬܩܪܝܢ ܟܘܟ̈ܒܐ ܡ݂ܢܗܘܢ ܛܒ̈ܐ ܘܡ݂ܢܗܘܢ ܒܝ݂ܫ̈ܐ܂ ܟܕ ܚܐܪܘܬܐ
207:03	ܠܝܬ ܠܗܘܢ܂ ܡܛ݁ܠܡܢܐ ܡܬ݂ܩܪܝܢ ܛܥ̈ܝܐ܂ ܘܡܛ݁ܠܡܢܐ ܙܗܪܘ ܘܟܠܘ ܡ݂ܢ ܝܘ݂ܠܦܢܗܘܢ ܟܠܗܝܢ ܬܘܕܝ̈ܬܐ܂
207:04	ܘܗ݀ܝ ܡ݁ܢ ܕܡܬ݂ܩܪܝܢ ܡܢ݂ܗܘܢ ܛܒ̈ܐ ܘܡ݂ܢܗܘܢ ܒܝ݂ܫ̈ܐ܂ ܗܕܐ ܗ݀ܝ ܥܠ݂ܬܐ܂ ܘܩܕܡܐܝ݂ܬ ܡ݁ܢ ܐܡ݁ܪܝܢܢ ܕܠܘ ܚܐܪܘ݂ܬܐ
207:05	ܐܝ݂ܬ ܠܗܘܢ ܕܒܨܒܝ݁ܢܗܘܢ ܢܐܛܒܘܢ ܐܘ ܢܐܒܫܘܢ܂ ܐܠܐ ܒܟܝ݁ܢܗܘ݁ܢ ܐܝ݂ܬܝܗ݀ ܗܕܐ ܕܐܫ݂ܬܡܗܘ ܛܒ̈ܐ ܘܒܝ̈ܫܐ܂
207:06	ܕܐܝܟܢ ܕܝܢ ܫܡ݂ܥ܂ ܘܣܝ݂ܡ ܒܠܐ ܘܐܣܬܟ̄ܠ݁܂ ܟܠ ܡܕܡ ܕܡܢܛܪ ܩܘ݂ܝܡܗ ܕܗ݀ܢ ܥ݁ܠܡܐ܂ ܕܐܝܟ ܚܝ̈ܐ
207:07	ܘܚܘ݂ܠܡܢܐ ܘܫܦܝ݂ܪܘ݂ܬ ܡܡܙܓܘ݂ܬܐ ܕܐܐܪ̈ܣ ܘܫܦܝ݂ܥܘ݂ܬܐ ܕܥܠ̈ܠܬܐ ܘܫܘܪ̈ܬܚܐ ܕܦܐܪ̈ܐ܂ ܡ݂ܬܩܪܐ ܘܐܝ݂ܬܘ̄
207:08	ܫܪܝ݂ܪܐܝ݂ܬ ܛܒ݁ܬܗ܂ ܘܟܠܡܕܡ ܕܐܝ݂ܬܘ̄ ܡܚܒܠܢܐ ܘܡܘܒܕܢܐ܂ ܕܐܝܟ ܡܘܬܐ ܘܒܝ݂ܫܘ݂ܬ ܐܐܪ̈ܣ܂ ܘܚܘ݂ܒܠܐ
207:09	ܕܦܐܪ̈ܐ ܘܐܒܕܢ ܕܥܠ̈ܠܬܐ ܘܕܐܝܟ ܗ݀ܠܝܢ܂ ܐܝ݂ܬܘܗܝ ܒܝ݂ܫܬܗ ܕܗܢ ܥ݁ܠܡܐ܂ ܘܢܟܝ̈ܢܐ ܐܼܚܪ̈ܢܐ ܕܐܝܟ
207:10	ܟܘ݂ܪ̈ܗܢܐ ܘܚܘ݂ܣܪ̈ܢܐ ܙܥܘܪ̈ܐ܃ ܡ݂ܬܩܪܝܢ ܣܘܓܦ̈ܢܘ̄ ܘܢܣܝ݂ܢܢ ܘܝ݂ܕܥܢܢ ܘܐܫ݂ܬ݁ܪܪܢܢ ܥܠ ܟ݁ܝܢܐ ܕܗ݀ܠܝܢ ܐܪܒܥܐ
207:11	ܐܣܛܘ݂ܟ̈ܣܐ ܡܩܝ݂ܡ̈ܢܘܗܝ ܕܗܢ ܥ݁ܠܡܐ܂ ܕܟܠܡܕܡ ܡ݂ܢ ܟܠܗܘܢ ܟܝ̈ܢܐ ܕܐܝ݂ܬ ܒܥ݁ܠܡܐ܂ ܕܐܝ݂ܬܘ̄ ܦܓܪܐ ܘܕܟܠܒܣܪ
207:12	ܕܚܝ̈ܘܢ܂ ܐܟܙܢ ܕܐܣܛܘ݂ܟܣܐ ܕܐܐܪ ܕܐܝ݂ܬܘܗܝ ܚܡܝ݂ܡܐ ܪܛܝ݂ܒܐ܂ ܗ݂ܘ ܐܝ݂ܬܘܗܝ ܣܘܩܐ ܘܢܫܡܬܐ ܕܚܝ̈ܐ܂ ܘܟܠ
207:13	ܐܡ݂ܬܝ ܕܦܐܫ ܐܐܪ ܫܦܝܐ ܒܟܝ݁ܢܗ܂ ܕܐܝ݂ܬܘܗܝ ܚܡܝ݂ܡܐ ܪܛܝ݂ܒܐ܂ ܫܦܝ݂ܪܘ݂ܬ ܡܡܙܓܘ݂ܬܐ ܘܚܘ݂ܠܡܢܐ ܘܚܝ̈ܐ
207:14	ܘܢܛܝ݂ܪܘ݂ܬ ܥܠ̈ܠܬܐ ܘܦܐܪ̈ܐ ܡܥܒܕ ܒܒܪܝ݂ܬܐ܂ ܐܡ݂ܬܝ ܕܝܢ ܕܡ݂ܬܚܠܛܝ݂ܢ ܥܡܗ ܠ̈ܗܓܐ ܡܕܡ ܕܣ݁ܠܩܝܢ ܡ݂ܢ ܐܪܥܐ܂
207:15	ܐܘ݁ ܪܝ݂ܚܐ ܕܡܣܝܘ݂ܬܐ ܘܩܡܘ݂ܠܘ݂ܬܐ ܕܐܕ̈ܫܐ ܘܙܪ̈ܥܐ ܘܥܣ݂̈ܒܐ ܕܥܠ ܡܝ̈ܐ ܐܝܟ ܐܪܒܢܐ ܘܣܢܓܝ݂ܪ̈ܬܐ ܘܪܘ݂ܙܐ ܘܕܘ݂ܚܢܐ܃
207:16	ܒܗ݀ܝ ܕܐܡܝ݂ܢܝ݂ܢ ܡܝ̈ܐ ܥܠܝܗܘܢ܂ ܥ݁ܒܕܝܢ ܬܡܣܘ݂ܬܐ ܘܩܡܘ݂ܠܘ݂ܬܐ ܘܡ݂ܬܚܠܛ ܪܝܚܗܘܢ ܥܠ ܐܐܪ܃ ܡܚܒܠ
207:17	ܠܗ ܠܟܝ݁ܢܗ ܘܡܥܒܕ ܟܘ݂ܪ̈ܗܢܐ ܘܫܘܒ̈ܢܐ ܘܝܪ̈ܩܢܐ ܘܘܚܘ݂̈ܒܠܐ ܣ݁ܓܝ̈ܐܐ܂ ܘܐܣܛܘ݂ܟܣܐ ܬܘ݂ܒ ܗ̄ ܟܝ݁ܢܗ݀ ܕܐܪܥܐ
207:18	ܐܝ݂ܬܘܗܝ ܩܪܝ݂ܪܐ ܝܒܝ݂ܫܐ܂ ܐܡ݂ܬܝ ‍[‍ܕ‍]‍ܢܦܘ݂ܫ ܒܠܚܘ݂ܕܘܗܝ ܕܠܐ ܡܬ݂ܚܠܛ ܥܡܗ ܡ݂ܢ ܐܣܛܘ݂ܟ̈ܣܐ ܕܡܝ̈ܐ ܐܘ݁
207:19	ܕܐܐܪ܃ ܕܐܝ݂ܬܘܗܝ ܡܛܠܩܢܐ ܕܚܝ̈ܐ ܕܟܠ ܦܓܪܐ ܕܡܬܛܡܪ ܒܗ܂ ܘܗܟܘܬ ܟܠ ܡܕܡ ܕܐܝ݂ܬܘ ܩܪܝ݂ܪܐ ܝܒܝ݂ܫܐ ܡܘܬܐ
207:20	ܡܥܒܕ܂ ܘܟܝ݁ܢܗ ܕܡܘܬܐ ܩܪܝ݂ܪܐ ܝܒܝ݂ܫܐ ܐܝ݂ܬܘܗܝ܂ ܒܗ݀ܝ ܕܐܝ݂ܬܘ ܣܩܘ݂ܒܠܐ ܕܚܡܝ݂ܡܐ ܪܛܝ݂ܒܐ܂ ܕܐܝ݂ܬܘ̄ ܟܝ݁ܢܐ ܕܚܝ̈ܐ܂
207:21	ܐܫ݂ܬ݁ܪܪܢܢ ܗ݀ܟܝܠ ܕܚܡܝ݂ܡܐ ܪܛܝ݂ܒܐ ܕܡܥܒܕ ܚܝ̈ܐ ܛܒ݁ܬܐ ܐܝ݂ܬܘܗܝ ܘܛܒ݁ܐ ܡ݂ܬܩܪܐ܀ ܘܐܦ ܩܪܝ݂ܪܐ ܝܒܝ݂ܫܐ
207:22	ܕܡܥܒܕ ܡܘܬܐ ܒܝ݂ܫܬܐ ܐܝ݂ܬܘ̄ ܘܒܝ݂ܫܬܐ ܡ݂ܬܩܪܐ܀ ܐܝܠܝܢ ܕܝܢ ܕܐܝ݂ܬܝܗܘܢ ܡܡܙ̈ܓܐ ܡ݂ܢ ܟܝ̈ܢܐ ܗ݀ܠܝܢ܃ ܕܐܝܟ ܚܡܝ݂ܡܐ
207:23	ܝܒܝ݂ܫܐ܂ ܐܘ݁ ܪܛܝ݂ܒܐ ܩܪܝ݂ܪܐ܂ ܗ݀ܠܝܢ ܠܐ ܡܘܬܐ ܡ݁ܢ ܥ݁ܒܕܝܢ ܘܠܐ ܚܝ̈ܐ܂ ܒܪܡ ܡܥܒܕܝܢ ܟܘ݂ܪ̈ܗܢܐ܂ ܒܕܓܘܢ ܐܫ݂ܬܡܗܘ
208:01	ܟܝ̈ܢܐ ܗ݀ܠܝܢ ܡܣܓܦ̈ܢܐ܂ ܘܗܠܝܢ ܟܘܟ̈ܒܐ ܢܣܝ݂ܢܢ ܚܢܢ ܒܢܝ̈ܢܫܐ ܒܐܪܝ݂ܟܘ݂ܬ ܙܒܢܐ ܣ݁ܓܝ݂ܐܐ܃ ܕܐܝ݂ܬ ܡܢ݂ܗܘܢ ܕܐܝ݂ܬܝܗܘܢ
208:02	ܒܟܝ݁ܢܗܘܢ ܚܡܝ݂ܡ̈ܐ ܪ̈ܛܝ݂ܒܐ܂ ܕܐܝܟ ܙܘܣ ܘܐܦܪܘܕܝܛܝ܂ ܩܪ݂ܘ ܐܢܘܢ ܛܒ̈ܐ ܒܟܝ݁ܢܗܘܢ ܘܠܘ ܒܨܒܝ݁ܢܗܘܢ܂
208:03	ܘܩܪܘܢܘܣ ܐܝ݂ܬܘܗܝ ܩܪܝ݂ܪܐ ܝܒܝ݂ܫܐ ܩܪܐܘ݂ܗܝ ܒܝ݂ܫܐ܂ ܐܪܝ݂ܣ ܕܝܢ ܐܝ݂ܬܘܗܝ ܚܡܝ݂ܡܐ ܝܒܝ݂ܫܐ ܩܪ݂ܐܘ̄ ܣܘܓܦܢܐ
208:04	ܐܘܟܝ݂ܬ ܡܣܓܦܢܐ܂ ܫܡ݂ܫܐ ܕܝܢ ܘܣܗܪܐ܂ ܡܛ݁ܠ ܕܗ݂ܢܘܢ ܗ݀ܐ ܡܩܝ݂ܡܝ݂ܢ ܠܟܠܗܘ݁ܢ ܓܢ݂̈ܣܐ ܘܐܕܫ̈ܐ ܕܟܝ̈ܢܐ ܕܒܪܝ݂ܬܐ܂ ܩܪ݂ܘ
208:05	ܐܢܘܢ ܫܠ̈ܝ݂ܛܐ ܘܡܕܒܪ̈ܢܐ܂ ܒܗ݀ܝ ܕܫܡ݂ܫܐ ܡܚܡ ܘܡܒܫܠ ܘܡܝܒܫ ܠܬܡܣܘ݂ܬܐ ܘܣܪܝܘ݂ܬܐ ܕܪܛܝ݂ܒܘ݂ܬܐ ܝܬܝ݂ܪܬܐ
208:06	ܘܩܡܘ݂ܠܘ݂ܬܐ܂ ܘܣܗܪܐ ܬܘ݂ܒ ܡܪܛܒܐ ܘܡܪܓܝܐ ܘܡܪܒܝܐ ܠܟܝ̈ܢܐ܂ ܘܐܝܟ ܡܫܩܝܐ ܘܡܦܝܓܐ ܠܗܘ݁ܢ ܡ݂ܢ
208:07	ܚܡܝ݂ܡܘ݂ܬܐ ܝܬܝ݂ܪܬܐ ܕܩܢ݂ܘ ܡ݂ܢ ܥܘ݂ܙܐ ܕܙܠ̈ܝ݂ܩܘܗܝ ܕܫܡ݂ܫܐ܂ ܘܬܘ݂ܒ ܠܐܝܠܝܢ ܕܣ݁ܓܝ݂ ܡܬ݂ܪܛܒܝ݂ܢ ܡ݂ܢ
208:08	ܙܠ̈ܝ݂ܩܝܗ݀ ܕܣܗܪܐ܂ ܗ݀ܦܟ ܫܡ݂ܫܐ ܡܕܟܐ ܘܡܝܒܫ ܘܡܚܡ܂ ܘܒܝܕ ܗ݀ܠܝܢ ܡܥܒܕܢ̈ܘܬܐ ܕܗ݀ܠܝܢ ܬܪܝܢ
208:09	ܢܗܝ݂ܪ̈ܐ ܪܘܪ̈ܒܐ܂ ܗ݀ܐ ܡܬ݂ܪܒܝܢ ܘܡ݂ܬܩܝܡܝ݂ܢ ܘܡܬ݂ܢܛܪܝܢ ܟܠܗܘ݁ܢ ܟܝ̈ܢܐ ܕܒܪܝ݂ܬܐ܂ ܥܠܗ݀ܝ ܩܪ݂ܘ ܐܢܘܢ ܫ̈ܠܝ݂ܛܐ
208:10	ܘܡܪ̈ܝܐ܂ ܒܗ݀ܝ ܬܘ݂ܒ ܕܫܡ݂ܫܐ ܗ݂ܘ ܪܒ ܘܫܒܝ݂ܚ ܡ݂ܢ ܟܠܗܘ݁ܢ ܟܘܟ̈ܒܐ܂ ܘܣܗܪܐ ܒܗ݀ܝ ܕܐܝ݂ܬܝܗ݀ ܬܚܬܝܬܐ
208:11	ܕܟܠܗܘ݁ܢ ܢܗܝ݂ܪ̈ܐ܂ ܘܩܪܝ݂ܒܐ ܠܐܪܥܐ ܘܦܪܝ݂ܣܝܢ ܙܠ̈ܝ݂ܩܝܗ݀ ܘܡܥܒܕܝܢ ܒܒܪܝ݂ܬܐ܂ ܘܟܝ݁ܢܗ݀ ܡ݁ܢ ܐܝ݂ܬܘܗܝ ܩܪܝ݂ܪܐ
208:12	ܪܛܝ݂ܒܐ܂ ܐܠܐ ܕܠܝܬ ܠܗ݀ ܢܘ݂ܗܪܐ ܘܙܠ̈ܝ݂ܩܐ ܒܟܝ݁ܢܗ݀ ܐܠܐ ܡ݂ܢ ܫܡ݂ܫܐ ܐܝ݂ܬܘ̄ ܢܘ݂ܗܪܗ݀܂ ܡܬ݂ܚܠܛ ܟܝ݁ܢܗ݀ ܥܡ ܟܝ݁ܢܐ
208:13	ܕܫܡ݂ܫܐ܂ ܐܘ݁ ܕܚܕ ܡ݂ܢ ܟܘܟ̈ܒܐ ܕܫ݁ܕܐ ܥܠܝܗ݀ ܙܠ̈ܝ݂ܩܐ܂ ܗܟܘܬ ܡܥܒܕܝܢ ܙܠ̈ܝܩܝܗ݀ ܡܡܙܓܐܝ݂ܬ܂ ܘܐܢ ܬܐܡܪ ܕܐܝܟܢ
208:14	ܐܬ݂ܢܣܝ݂ ܘܐܬ݂ܝ݂ܕܥ ܟܝ݁ܢܐ ܕܟܘܟ̈ܒܐ܂ ܘܐܡ݁ܪܝܢܢ ܕܡ݂ܢ ܙܠ̈ܝܩܝܗܘܢ܂ ܘܕܐܝܟܢ ܐܬܝ݂ܕܥ ܙܠ̈ܝ݂ܩܝܗܘܢ܂ ܫܡ݂ܥ܂ ܢܣܝ݂ܢܢ ܕܟܕ
208:15	ܚ݁ܝܪܝܢ ܟܘܟ̈ܒܐ ܒܣܗܪܐ ܐܘ݁ ܒܚܕ̈ܕܐ܂ ܡ݂ܢ ܣܘܢܢܕܘ݁ܣ ܐܘܟܝ݂ܬ ܢܩܝ݂ܦܘܬܗܘܢ ܕܠܚܕ̈ܕܐ ܐܡ݂ܬܝ ܕܡܬܟܝܢܝܢ
208:16	ܬܪܝܢ ܐܘ݁ ܣ݁ܓܝ݂̈ܐܐ ܒܚܕܐ ܩܛܝ݂ܢܬܐ܂ ܐܘ݁ ܐܡ݂ܬܝ ܕܡ݂ܢ ܐܟܣܓܘܢܐ ܕܐܝ݂ܬܝܗ݀ ܫܬܝ݂ܬܝܘ݂ܬܐ܂ ܐܘ݁ ܛܛܪܐܓܘܢܐ ܕܐܝ݂ܬܝܗ݀
208:17	ܪܒܝ݂ܥܝܘ݂ܬܐ܂ ܗ̄ ܕܐܝ݂ܬ ܒܝܢܬܗܘܢ ܬܠܬܐ ܡܠ̈ܘܫܐ ܪܘ݂ܒܥܗ݀ ܕܡܘܙܠܬܐ܂ ܐܘ݁ ܛܪܝܓܘܢܐ ܕܐܝ݂ܬܝܗ݀ ܬܠܝ݂ܬܝܘ݂ܬ
208:18	ܓܘܢ̈ܘܬܐ܂ ܗ̄ ܬܘ݂ܠܬܗ݀ ܕܡܘܙܠܬܐ ܕܐܝ݂ܬܘܗܝ ܡܠ̈ܘܫܐ ܐܪܒܥܐ܂ ܐܘ݁ ܡ݂ܢ ܕܝܡܐܛܪܘܢ ܕܐܝ݂ܬܘܗܝ ܕܠܩܘ݂ܒܠܝܘ݂ܬܐ
208:19	ܕܗ݀ܘܐ ܒܝܢܬܗܘܢ ܦܠܓܗ݀ ܕܡܘܙܠܬܐ܂ ܗ̄ ܡܠ̈ܘܫܐ ܫܬܐ܂ ܐܡ݂ܬܝ ܗ݀ܟܝ݂ܠ ܕܚ݁ܝܪܝܢ ܒܚܕ̈ܕܐ ܡ݂ܢ ܐܣܟ̈ܡܐ ܗ݀ܠܝܢ܂
209:01	ܫ݁ܕܝܢ ܥܠ ܚܕܕ̈ܐ ܙܠ̈ܝ݂ܩܝܗܘܢ܂ ܘܟܕ ܚ݁ܝܪܝܢ ܒܣܗܪܐ ܘܫܕܝܢ ܥܠܝܗ݀ ܙܠ̈ܝ݂ܩܐ܂ ܙܠ̈ܝܩܗ݀ ܕܝܠܗ݀ ܕܣܗܪܐ ܢܣܝ݂ܒ̈ܝ
209:02	ܡ݂ܢ ܢܘ݂ܗܪܗ ܕܫܡ݂ܫܐ ܡܬܦܪܣܢ ܥܠ ܒܪ̈ܝܬܐ ܡܥܒܕܝܢ ܐܝܟ ܟܝ݁ܢܐ ܕܟܘܟ݁ܒܐ ܕܚ݁ܐܪ ܒܣܗܪܐ ܘܫ݁ܕܐ ܥܠܝܗ݀
209:03	ܙܠ̈ܝ݂ܩܘܗܝ܂ ܐܢ ܚܕ ܐܝܟ ܟܝ݁ܢܗ ܘܐܢ ܬܪܝܢ ܐܘ݁ ܣ݁ܓܝ݂̈ܐܐ ܡܡܙܓܐܝ݂ܬ ܘܡܠ݂ܬܐ ܕܥܠ ܗ݀ܠܝܢ ܣ݁ܓܝ݂ܐܐ ܗ݀ܝ܂ ܐܠܐ
209:04	ܟܝ݂ܬ ܡ݂ܢ ܕܐܝܟ ܗ݀ܠܝܢ ܐܣܟ̈ܡܐ ܘܡܥܒܕ̈ܢܘܬܐ܃ ܕܐܕܪܟܘ ܒܢܝ̈ܢܫܐ ܟܝܢ̈ܝܗܘܢ ܕܟܘܟ̈ܒܐ܂ ܘܩ݂ܪܘ ܠܡ݂ܢܗܘܢ
209:05	ܛܒ̈ܐ ܘܡ݂ܢܗܘܢ ܒܝ݂̈ܫܐ܂ ܘܠܡ݂ܢܗܘܢ ܡܣܓܦ̈ܢ܂ ܘܐܡܬܝ ܕܡ݂ܬܬܚܠܛܝ݂ܢ ܙܠ̈ܝ݂ܩܐ ܕܛ̈ܒܐ ܘܕܒܝ݂̈ܫܐ܃
209:06	ܘܡ݂ܫܬܕܝܢ ܥܠ ܣܗܪܐ ܘܡ݂ܬܦܪܣܝܢ ܥܠ ܒܪܝ݂ܬܐ ܒܗ݀ܝ ܕܡ݂ܬܚܛܠܝܢ ܒܐܐܪ܃ ܡ݂ܬܩܪܝܢ ܡܡ̈ܙܓܐ܂
209:07	ܟܘܟܒܐ ܕܝܢ ܕܢ݁ܒܘ ܕܗܘ݂ ܗܪܡܝܣ ܐܘܟܝ݂ܬ ܥܘܛܪܕ ܥܒ݂ܕܗ ܒܪܘܝܐ ܒܟܝ݁ܢܗ ܕܘ݂ܡܪܐ܂ ܕܐܝ݂ܬܘ̄ ܡܡܙܓܐ܂
209:08	ܘܐܝܟ ܟܝ݁ܢܐ ܕܟܠ ܟܘܟܒܐ ܕܡ݂ܬܚܠܛܝ݂ܢ ܙܠ̈ܝ݂ܩܘܗܝ ܥܡܗ܃ ܐܝܟ ܟܝ݁ܢܗ ܕܗ݀ܘ ܟܘܟܒܐ ܗ݀ܘܐ ܐܦ ܟܝ݁ܢܗ
209:09	ܕܝ݂ܠܗ܂ ܗܕܐ ܗ݀ܝ ܥܠ݂ܬܐ ܕܡ݂ܬܩܪܝܢ ܛܒ̈ܐ ܘܒܝ݂̈ܫܐ܂ ܡܛ݁ܠ ܕܝ݂ܠ̈ܝܬܐ ܕܣ݂ܡ ܒܪܘܝܐ ܒܟܝ݁ܢܗܘܢ܂ ܐܝܟ ܫܪܟܐ
209:10	ܕܟܝ̈ܢܐ ܐܼܚܪ̈ܢܐ܂ ܗ̄ ܕܐܝ݂ܠ̈ܢܐ ܘܕܦܐܪ̈ܐ ܘܕܥܩܪ̈ܐ ܘܕܟ̈ܐܦܐ ܘܕܐܪ̈ܥܬܐ ܘܕܫܪܟܐ ܕܐܕ̈ܫܐ܂ ܕܒܟܝ݁ܢܗܘܢ ܐܝ݂ܬܝܗ݀
209:11	ܡܛܐܒܢܘ݂ܬܗܘܢ ܐܘܟܝ݂ܬ ܡܥܕܪܢܘ݂ܬܗܘ݁ܢ ܘܡܐܒܫܢܘܬܗܘܢ ܐܘܟܝ݂ܬ ܡܣܓܦܢܘ݂ܬܗܘܢ܂ ܘܠܘ ܒܨܒܝ݁ܢܗܘܢ
209:12	ܐܘܟܝ݂ܬ ܙܘܥܐ ܕܚܐܪܘܬܗܘܢ܂ ܡܛ݁ܠ ܕܠܝܬ ܠܗܘܢ ܗ݀ܠܝܢ܂ ܡܛ݁ܠ ܕܠܘ ܡܠ̈ܝ݂ܠܐ ܐܢܘܢ ܘܫܠ̈ܝ݂ܛܝ ܒܝ݁ܬܗܘܢ܂ ܐܠܐ
209:13	ܟܝ̈ܢܐ ܟܕܝ݂̈ܢܐ ܡܫܥܒ̈ܕܐ ܕܣܝ݂ܡܝܢ ܠܐܬܘ̈ܬܐ ܘܙܒ̈ܢܐ ܘܫܘ݂ܘܕ̈ܥܐ ܐܝܟ ܫܪܟܐ ܕܒܪ̈ܝܬܐ܂ ܟܠܚܕ ܡܛ݁ܠ ܡܕܡ
209:14	ܐܬ݂ܬܩܢ܂ ܘܢ݁ܡܘ݁ܣܐ ܣܡ ܠܗܘܢ ‍[‍ܥܒܘܕܐ‍]‍ ܡܛܟܣܐܝ݂ܬ ܘܣܕܝ݂ܪܐܝܬ ܘܡܡܫܚܐܝ݂ܬ ܘܡܟܬܪܢܐܝ݂ܬ܂ ܘܠܐ ܣܟ
209:15	ܥ݁ܒܪ ܘܠܐ ܡܫ݂ܬ݁ܚܠܦ܂ ܘܗܟܢܐ ܐܩܝ݂ܡ ܐܢܘ݁ܢ ܠܥ݁ܠܡܥ݁ܠܡܝܢ݁܂ ܗ݀ܝ ܬܘ݂ܒ ܕܡ݂ܬܩܪܝܢ ܛܥܝ̈ܐ ܗ݀ܢܘ

209:16	ܣܘ݂ܟܠܗ݀܂ ܟܠܡܕܡ ܕܡܗܠܟ ܘܪܕܐ܃ ܛܥ݁ܝܐ ܡܬ݂ܩܪܐ܂ ܠܘ ܡ݂ܢ ܛܘ݂ܥܝܝ܂ ܐܠܐ ܡ݂ܢ ܡܪܕܝ݂ܬܐ ܕܠܘ݂ܩܒܠ ܐܦ̈ܘܗܝ܂

209:17	ܐܝܟ ܐܼܢܫ ܢܐܡܪ ܕܦܠܢ ܗ݀ܐ ܛ݁ܥܐ ܒܡܕܒܪܐ ܦܠܢ܂ ܗ̄ ܕܗܐ ܪܕܐ ܘܡܗܠܟ ܠܘ݂ܩܒܠ ܐܦ̈ܘܗܝ ܠܐ
209:18	ܡܬ݂ܦܢܝ݁ܢܐܝܬ܂ ܘܗ݀ܠܝܢ ܫܒܥܐ ܟܘܟ̈ܒܐ ܕܡ݂ܬܩܪܝܢ ܛܥ̈ܝܐ܂ ܗ̄ ܫܡ݂ܫܐ ܘܣܗܪܐ܃ ܘܩܪܘܢܘܣ܂ ܘܙܘܣ܂
209:19	ܘܐܪܝܣ܂ ܘܐܦܪܘܕܝܛܝ܂ ܘܗܪܡܝܣ܂ ܡܛ݁ܠ ܕܐܡܝ݂ܢܐܝ݂ܬ ܪܕܝܢ ܘܡܗܠܟܝܢ ܒܡܘܙܠܬܐ ܠܘ݂ܩܒܠ ܐܦܝ̈ܗܘܢ
209:20	ܠܐ ܡ݂ܬܦܢܝ݁ܢܐܝ݂ܬ܂ ܡܛܠܗ݀ܕܐ ܡ݂ܬܩܪܝܢ ܛܥܝ̈ܐ܂ ܕܗܐ ܠܡ ܛ݁ܥܝܢ܂ ܗ̄ ܕܪܕܝܢ ܠܘ݂ܩܒܠ ܡܕܢܚܐ ܘܠܐ ܣܟ
209:21	ܡ݂ܬܗܦܟܢܐܝ݂ܬ܂ ܒܗ݀ܝ ܕܡܘܙܠܬܐ ܠܘ݂ܩܒܠ ܡܥܪܒܐ ܗ݀ܐ ܩ݁ܛܝܐ ܐܘܟܝ݂ܬ ܡܬܟܪܟܐ܂ ܟܘܟ̈ܒܐ ܕܝܢ ܗ݀ܠܝܢ
209:22	ܣܩܘ݂ܒܠܐܝ݂ܬ ܗ݀ܐ ܛ݁ܥܝܢ ܘܪܕܝܢ ܒܗ݀ ܠܘ݂ܩܒܠ ܐܦ̈ܝܗܘܢ܂ ܗ̄ ܠܘ݂ܩܒܠ ܡܕܢܚܐ܂ ܘܒܗ݀ܝ ܕܩܠܝ݂ܠ ܘܣ݁ܓܝ݂
209:23	ܚܪܝ݂ܦ ܟܪܘ݂ܟܝܗ݀ ܕܡܘܙܠܬܐ܂ ܒܪܗܝ݂ܒܘ݂ܬܐ ܡ݂ܬܟܪܟ ܣܪܢܗ݀ ܕܓܝ݂ܓܠܐ܂ ܟܘܟ̈ܒܐ ܕܝܢ ܟܠܚܕ ܠܦܘ݂ܬ ܪܘܝ݂ܚܘ݂ܬܗ
210:01	ܕܚܘܕܪܗ݀ ܕܓܝܓܠܗ ܕܒܣܪܢܗ݀ ܕܡܘܙܠܬܐ܂ ܡܫܡܠܐ ܪܗ݂ܛܗ݀܀ ܘܣܗܪܐ ܡ݁ܢ ܡܛ݁ܠ ܕܐܠܝ݂ܨ ܚܘ݂ܕܪܗ݀ ܘܠܓܘ ܡ݂ܢ ܟܠܗܘ݁ܢ
210:02	ܟܘܟ̈ܒܐ ܐܘܟܝ݂ܬ ܠܬܚ݂ܬ ܐܝ݂ܬܘܗܝ܃ ܠܥ݂ܠ ܡ݂ܢ ܐܬܝܪ ܢܘ݂ܪܢܐ܂ ܒܬܠܬܝܢ ܝܘܡ̈ܝܢ ܡܗܠܟ ܘܪܕܐ ܘܩ݁ܛܐ ܐܘܟܝ݂ܬ
210:03	ܡ݂ܬܟܪܟ ܠܟܠܗ݀ ܡܘܙܠܬܐ܂ ܗܪܡܝܣ ܕܝܢ ܠܥ݂ܠ ܡ݂ܢ ܣܗܪܐ ܐܝ݂ܬܘܗܝ ܚܘ݂ܕܪܗ ܘܪܕܐ ܐܘܟܝ݂ܬ ܡ݂ܬܟܪܟ ܠܟܠܗ݀
210:04	ܓܝܓܠܐ ܕܡܘܙܠܬܐ ܒܐܫܬܐ ܝܪ̈ܚܝ݂ܢ܀ ܐܦܪܘܕܝܛܝ ܐܘܟܝ݂ܬ ܒܠܬܝ ܕܐܝ݂ܬܘܗܝ ܟܘܟܒ ܢܘܓܗܐ ܠܥܠ
210:05	ܡ݂ܢ ܗܪܡܝܣ ܐܝ݂ܬܘܗܝ ܚܘ݂ܕܪܗ݀܂ ܘܡ݂ܬܟܪܟܐ ܠܗ݀ ܒܬܡܢܝܐ ܝܪ̈ܚܝ݂ܢ ܝܬܝ݂ܪ܂ ܐܠܐ ܡܛ݁ܠ ܕܐܝ݂ܬ ܠܙܠ̈ܝܩܝ ܫܡ݂ܫܐ
210:06	ܡܥܒܕܢܘ݂ܬܐ ܡܕܡ ܡ݂ܢ ܗ݀ܠܝܢ ܬܪܝܢ ܟܘܟ̈ܒܐ ܕܗܪܡܝܣ ܘܐܦܪܘܕܝܛܝ܃ ܐܡܝ݂ܢܐܝ݂ܬ ܥܡ ܫܡ݂ܫܐ ܪܕܝܢ܂ ܐܘ݁ ܡܢ ܩܕܡܘܗܝ
210:07	ܡ݁ܢ ܡܥܪܒܐ ܒܙܒܢ ܥܡ ܪܡܫܐ܂ ܐܘ݁ ܬܘ݂ܒ ܡ݂ܢ ܒܣܬܪܗ ܡ݂ܢ ܡܕܢܚܐ܃ ܘܡܬ݂ܚܙܝܢ ܥܡ ܢܘܓܗܐ܂ ܘܠܐ ܡ݂ܨܝܐ ܕܢܪܚܩ
210:08	ܐܦܪܘܕܝܛܝ ܡ݂ܢ ܫܡ݂ܫܐ ܝܬܝܪ ܡ݂ܢ ܡܠܘ݂ܫܐ ܘܠܦܓܠܗ ܣܟ܂ ܗܪܡܝܣ ܕܝܢ ܥܕܡܐ ܠܟ̄ܗ̄ ܡܢܘ̈ܢ ܐܘܟܝ݂ܬ
210:09	ܕܪ̈ܓܐ ܡܪܚܩ ܡ݂ܢ ܫܡ݂ܫܐ ܠܚܘ݂ܕ܂ ܘܐܝ݂ܬ ܡܥܒܕܢܘܬܐ ܡܕܡ ܒܙܠ̈ܝܩܝ ܫܡ݂ܫܐ ܕܡܗܦܟ ܠܗܘܢ
210:10	ܠܘܬܗ܂ ܘܐܝܟ ܕܐܡ݂ܪܢܢ ܒܙܒܢ ܡܢ ܡ݂ܢ ܩܕܡܘܗܝ ܕܫܡ݂ܫܐ܃ ܗ݀ܘܝܢ ܘܡܬ݂ܚܙܝܢ ܒܪܡܫܐ ܒܡܥܪܒܐ܂ ܘܒܙܒܢ
210:11	ܬܘ݂ܒ ܡ݂ܢ ܒܣܬܪܗ܂ ܘܡܬܚܙܝܢ ܥܡ ܢܘ݂ܓܗܐ܂ ܘܗ݀ܠܝܢ ܬܠܬܐ ܠܬܚ݂ܬ ܡ݂ܢ ܫܡ݂ܫܐ ܐܢܘܢ
210:12	ܗ̄ ܐܦܪܘܕܝܛܝ ܘܐܪܡܝܣ ܘܣܗܪܐ܂ ܘܗ݀ܢ ܬܠܬܐ ܐܚܪ̈ܢܐ ܐܪܝܣ ܘܙܘܣ ܘܩܪܘܢܘܣ܂ ܠܥܠ ܡ݂ܢ
210:13	ܫܡ݂ܫܐ܂ ܘܟܠ ܐܡ݂ܬܝ ܕܡ݂ܪܚܩ ܫܡ݂ܫܐ ܡ݂ܢ ܚܕ ܡ݂ܢ ܗ݀ܠܝܢ ܬܠܬ ܥܠ̈ܝܐ܃ ܡܠ̈ܘ݂ܫܐ ܐܪܒܥܐ ܡ݂ܢ
210:14	ܩܕܡܘܗܝ܃ ܫܕܐ ܥܠܘܗܝ ܫܡ݂ܫܐ ܙܠ̈ܝ݂ܩܐ ܡ݂ܢ ܛܪܝܓܢܘܢ܃ ܘܡܗܦܟ ܠܗ ܠܒܣܪܬܗ܂ ܘܗ݀ܟܢ ܦܐܫ
210:15	ܗܦܝ݂ܟܐ ܠܒܣܬܪܗ܂ ܗ݀ܘ ܟܘܟܒܐ ܥܕܡܐ ܕܪܕܐ ܫܡ݂ܫܐ ܐܪܒܥܐ ܡܠ̈ܘ݂ܫܐ ܐܼܚܪ̈ܢܐ܂ ܘܬܘ݂ܒ ܫܕܐ ܥܠܘܗܝ
210:16	ܕܟܘܟܒܐ ܗ݀ܘ ܗܦܝ݂ܟܐ ܙܠ̈ܝ݂ܩܐ ܡ݂ܢ ܒܣܬܪܗ܂ ܡ݂ܢ ܛܪܝܓܢܘ݁ܢ ܡܥܪܒܝܐ܂ ܘܗ݀ܝܕܝܢ ܬܪܨ ܗ݀ܘ ܟܘܟܒܐ ܘܪܕܐ
210:17	ܐܝܟ ܛܟܣ݂ܗ ܒܨܒܝܢ ܒܪܘ݂ܝܗ݀܂ ܫܡ݂ܫܐ ܡ݁ܢ ܕܥܠܘܗܝ ܡܛܟ݂ܣ ܡܢܝ݁ܢܐ ܕܫܢܝ̈ܐ ܘܙܒ̈ܢܐ܂ ܘܗ݂ܘ
210:18	ܡܥܒܕ ܣܬܘ̈ܐ ܘܩܝ̈ܛܐ ܘܫܪܟܐ ܕܫܘ݂ܚܠ̈ܦܐ܂ ܟܠ ܬܠܬ ܡܐܐ ܘܫܬܝܢ ܘܚܡܫ ܘܪܘ݂ܒܥܐ ܙܒ̈ܢܬܐ
210:19	ܕܡܬܟܪܟܐ ܡܘܙܠܬܐ܂ ܡ݂ܬܟܪܟ ܗܘ݂ ܫܡ݂ܫܐ ܠܟܠܗ݀ ܡܘܙܠܬܐ ܙܒܢ̄ܬܐ ܚܕܐ܂ ܗ̄ ܠܟܠ ܡܠܘ݂ܫܐ ܪܕܐ ܠܗ
210:20	ܒܬܠ̈ܬܝܢ ܝܘܡ̈ܝܢ܂ ܗܘ݂ ܝܘܡܐ ܕܝܢ ܐܝ݂ܬܘܗܝ ܟܪܘ݂ܟܝܐ ܕܟܠܗ݀ ܓܝ݂ܓܠܐ ܕܡܘܙܠܬܐ܂ ܘܒܗܢܐ ܟܪܘܟܝܐ ܕܟܠܗ
210:21	ܣܪܢܐ ܪܕܐ ܗ݂ܘ ܫܡ݂ܫܐ ܠܩܕܡܘܗܝ ܡܢ݁ܬܐ ܚܕܐ ܐܘܟܝ݂ܬ ܕܪܓܐ܂ ܘܟܠ ܐܪܒܥ ܫܢ̈ܝܢ ܡܬ݂ܟܒܫ ܗ݀ܘ ܪܘ݂ܒܥܐ ܘܗ݀ܘܐ
210:22	ܝܘܡܐ ܚܕ ܡܫܡܠܝܐ܂ ܘܡܬ݂ܬܘܣܦ ܥܠ ܝܘܡ̈ܬܐ ܕܫܒܛ ܘܗ݀ܘܝܐ ܫܢ̄ܬܐ ܗ݀ܝ ܝܘܡ̈ܬܐ ܫ̄ܣ̄ܘ̄ ܘܡ݂ܬܩܪܝܐ
210:23	ܟܒܝ݂ܫܬܐ܀ ܐܪܝܣ ܕܝܢ ܕܪܕܐ ܠܥ݂ܠ ܡ݂ܢ ܫܡ݂ܫܐ ܒܡܕܝܪܐ ܐܘܟܝ݂ܬ ܪܩܝ݂ܥܐ ܚܡܝ݂ܫܝܐ ܪܕܐ ܠܟܠܗ݀ ܓܝܓܠܐ ܕܡܘܙܠܬܐ
211:01	ܒܝܪ̈ܚܐ ܝܚ ܕܗ݀ܘܝܢ ܫܢ̄ܬܐ ܚܕܐ ܘܦܠܓܗ݀܀ ܙܘܣ ܕܝܢ ܒܗ݀ܝ ܕܪܘܝ݂ܚܐ ܓܝܓܠܗ݀܂ ܡܛܠ ܕܟܡܐ ܕܣ݁ܠܩ
211:02	ܐܘܟܝ݂ܬ ܢ݁ܦܩ ܠܒܪ ܪܘܝ݂ܚܐ ܓܝܓܠܐ܂ ܪܕܐ ܒܪܩܝ݂ܥܐ ܫܬܝ݂ܬܝܐ ܘܟܪܟ ܐܘܟܝ݂ܬ ܩܛܐ ܠܟܠܗ݀ ܡܘܙܠܬܐ ܒܫܢ̈ܝܐ
211:03	ܬܪܥܣܪ܂ ܟܠܚܕ ܡܠܘ݂ܫܐ ܒܫܢ̄ܬܐ ܚܕܐ܀ ܩܪܘܢܘܣ ܕܝܢ ܕܪܕܐ ܒܚܘ݂ܕܪܐ ܫܒܝ݂ܥܝܐ܂ ܘܣ݁ܓܝ݂ ܡܬܝ݂ܚ ܘܪܘܝ݂ܚ
211:04	ܪܩܝ݂ܥܗ܂ ܪ݁ܕܐ ܠܟܠܗ݀ ܓܝܓܠܐ ܕܡܘܙܠܬܐ ܒܫܢ̈ܝܐ ܬܠܬܝܢ܂ ܗ̄ ܗ݀ܘܐ ܒܟܠ ܡܠܘ݂ܫܐ ܫܢ̈ܝܐ ܬܪ̈ܬܝܢ ܘܦܠܓܗ݀܂
211:05	ܗ݀ܘ ܡܕܡ ܕܣܗܪܐ ܒܚܕ ܝܘܡܐ ܪܕܝܐ ܠܗ݀ ܒܚܘ݂ܕܪܐ ܕܝ݂ܠܗ݀܃ ܩܪܘ݂ܢܘܣ ܒܫܢ̄ܬܐ ܚܕܐ ܪܕܐ ܠܗ ܡܛ݁ܠ
211:06	ܪܘܝ݂ܚܘܬܗ ܕܚܘ݂ܕܪܗ܀ ܒܪܩܝ݂ܥܐ ܕܝܢ ܕܬܡܢܝܐ܂ ܒܗ݀ܘ ܕܠܥ݂ܠ ܡ݂ܢ ܩܪܘܢܘ݁ܣ܃ ܪܕܝܢ ܟܘܟ̈ܒܐ ܢܗܝ݂ܪ̈ܐ
211:07	ܕܗܘܝܢ ܒܡܢܝ݁ܢܐ ܐܠܦܐ ܚܕ ܘܡܐܐ ܘܥܣܪܝܢ܂ ܘܡܛ݁ܠ ܕܣ݁ܓܝ݂ ܪܘܝ݂ܚ ܚܘ݂ܕܪܐ ܕܝ݂ܠܗܘܢ ܠܚܕܐ ܡܢ݁ܬܐ
211:08	ܕܐܝ݂ܬܘ̄ ܚܕ ܕܪܓܐ ܒܫܒܥܝ݂ܢ ܫܢ̈ܝܢ ܪܕܐ ܠܗ݀ ܠܚܕܐ ܡܢ݁ܬܐ ܡ݂ܢ ܬܠܬܝܢ ܕܡܠܘܫ̈ܐ܀ ܚܘܕܪܐ ܕܝܢ ܬܫܝ݂ܥܝܐ܃
211:09	ܗ݀ܘ ܣ݁ܓܝ݂ ܪܘܝ݂ܚܐ ܡܛܠ ܡܥܠܝܘ݂ܬܗ ܐܘܟܝ݂ܬ ܒܪܢܝܘ݂ܬܗ܂ ܒܣܪܢܐ ܕܓܝܓܠܐ ܕܡܘܙܠܬܐ܂ ܠܚܕܐ ܡܢ݁ܬܐ ܐܘܟܝ݂ܬ
211:10	ܕܪܓܐ ܠܡܚܣܢ ܪܕܝܢ ܠܗ݀ ܟܘܟ̈ܒܐ ܕܒܗ ܒܡܐܐ ܫܢ̈ܝܢ݁܂ ܡܕܝܢ ܗ݀ܘ ܚܘ݂ܕܪܐ ܕܟܠܝ݂ܠ ܡܠ̈ܘ݂ܫܐ܃ ܕܡܬ݂ܚܙܝܢ ܒܗ
211:11	ܟܘܟ̈ܒܐ ܕܩܕ̈ܩܐ܂ ܐܝܟ ܥܢ̈ܢܐ ܡܕܡ ܚܘܪܘܪ̈ܬܐ܂ ܟܡܐ ܠܟܡܐ ܪܘܝ݂ܚ ܘܪܒ܀ ܘܟܕ ܛܒ݁ ܗ݂ܝ ܡܪܕܝ݂ܬܐ ܕܟܘܟ̈ܒܐ
211:12	ܟܠ ܚܕ ܒܚܘ݂ܕܪܐ ܕܝܠܗ܃ ܝܬܝ݂ܪ ܡ݂ܢ ܥܠܥܠܐ ܩܠܝ݂ܠܝܢ܂ ܡܕܝܢ ܟܝ܃ ܟܡܐ ܗ݀ܘ ܡܬ݂ܚܐ ܕܪܘܝ݂ܚܘ݂ܬܗ ܕܣܪܢܐ ܒܪܝܐ
211:13	ܕܓܝܓܠܗ݀ ܕܡܘܙܠܬܐ ܗ݀ܕܐ ܠܐ ܡܬܡ݂ܫܚ ܐܦܠܐ ܡ݂ܬܬܟܝܠ܂ ܗ݀ܘ ܡܕܡ ܕܚܕܐ ܡܢ݁ܬܐ ܡ݂ܢ ܫܣܘ ܕܟܠܗ݀ ܓܝܓܠܐ
211:14	ܠܐ ܪܕܝܢ ܠܗ ܟܘܟ̈ܒܐ ܕܐܝܟ ܥܠܥܠܐ ܦܪܚܝ݂ܢ ܒܡܐܐ ܫܢ̈ܝܢ܂ ܟܠܗ ܡܬ݂ܚܐ ܡ݁ܕܝܢ ܒܟܡ݁ܐ ܐ̈ܠܦܝܢ ܕܫܢ̈ܝܐ ܐܠܘ
211:15	ܡܟܬܪ ܗܘ݂ܐ ܥ݁ܠܡܐ ܘܠܐ ܥ݁ܒܪ܂ ܒܬܠܬܝܢ ܘܫܬܐ ܐ̈ܠܦܝܢ ܠܡܚܣܢ ܪܕܝܢ ܗܘ݂ܘ ܠܟܠܗ ܡܬ݂ܚܐ ܕܚܘ݂ܕܪܐ
211:16	ܬܫܝ݂ܥܝܐ܂ ܕܡܘܙܠܬܐ܀ ܡܕܝܢ ܗ݀ܘ ܥܣܝܪܝܐ ܟܡܐ ܠܟܡܐ ܪܒ ܘܪܘܝ݂ܚ܂ ܠܐ ܣܟ ܡܕܪܟ ܠܗ ܗܘܢܐ ܕܐܼܢܫ܂
211:17	ܐܪܐ ܟܝ ܡܕܝܢ ܗ݀ܘ ܝܡܐ ܪܒܐ ܕܡܝ̈ܐ ܗ݀ܢܘܢ ܕܠܥ݂ܠ ܡ݂ܢ ܫܡ݁ܝܐ܂ ܗ݀ܘ ܕܐܝܟ ܝܪܝ݂ܥܬܐ ܡܬܝ݂ܚ ܥܠ ܟܠܗܝܢ ܒܪ̈ܝܬܐ܂
211:18	ܠܥܠ ܐܘܟܝ݂ܬ ܠܒܪ ܡ݂ܢ ܟܠܗܘܢ ܫܡ̈ܝ ܫܡ̈ܝܐ܂ ܘܐܝܟ ܫܪ̈ܩܬܐ ܕܒܝ݂ܥܬܐ ܐܚܝ݂ܕ ܠܓܘ ܡܢܗ ܠܟܠܗܘܢ ܪ̈ܩܝܥܐ
211:19	ܘܚܘ݂ܕܪܐ ܕܣܪܢܐ ܗܢܐ ܕܓܝܓܠܗ݀ ܕܡܘܙܠܬܐ܂ ܘܠܓܘ ܡ݂ܢ ܗ݀ܢܐ ܟܠܗ ܪܩܝ݂ܥܐ ܕܐܐܪ܂ ܘܬܘ݂ܒ ܐܘܟܝ݂ܬ
211:20	ܠܬܚ݂ܬ ܟܠܗ݀ ܒܪܝ݂ܬܐ ܗ݀ܕܐ ܝܒܝ݂ܫܬܐ ܘܕܝܡ̈ܡܐ ܕܠܐ ܣܘ݂ܦ ܕܩ݁ܒ݂ܝܢ ܒܐܪܥܐ܂ ܟܡܐ ܗ݀ܝ ܗ݀ܟܝܠ ܪܒܘ݂ܬܗ
211:21	ܕܝܡܐ ܗ݀ܘ ܥܠܝܐ ܕܡ݂ܬܚܙܐ ܐܝܟ ܩܘ݂ܢܐܐ ܡܕܡ ܘܐܚܝ݂ܕ ܠܟܠ ܡܕܡ ܠܓܘ ܡ݂ܢܗ ܡ݁ܨܐ݂ ܟܝ ܗܘܢܐ ܕܢܕܪܟ܂ ܐܘ݁ ܕܣܟ
211:22	ܢ݂ܬܚܫܒ ܥܠܘܗܝ ܪܥܝ݁ܢܐ ܡܕܡ܂ ܠܐ ܣܟ ܡ݂ܨܝܐ܂ ܐܘ݁ ܠܬ݂ܗܪܐ ܕܠܐ ܡ݂ܬܡܠܠ܂ ܟܡܐ ܫܒܝ݂ܚܐ ܒ݁ܪܘܝܘ݂ܬܟ܂ ܐܘ݁
211:23	ܥ݁ܒܘܕܐ ܬܡܝ݂ܗܐ ܘܚܟܝ݂ܡ ܒܟܠ܂ ܘܐܡ݂ܬܝ ܕܚܕܐ ܡ݂ܢ ܒܪ̈ܝܬܟ ܠܐ ܡܣܬ݁ܝܟܐ ܐܦܠܐ ܣܟ ܡܬܕܪܟܐ܂ ܐܢ̄ܬ ܟܝ
212:01	ܒܪܘܝܐ ܘܥܒܘ݁ܕܐ ܕܟܠܗܝܢ܃ ܕܡ݁ܢ ܡܘܦܐ ܠܟ܂ ܡܢܘ݂ ܡ݁ܨܐ݂ ܕܢܐܡܪܟ܂ ܡܢܘ݂ ܡܫ݂ܟܚ ܠܡܡܠܠܘ݂ ܥܠ ܠܐ ܡ݂ܬܕܪܟܢܘܬܐ
212:02	ܕܐܝ݂ܬܘ݂ܬܟ܂ ܠܝܬ ܠܡܐܡܪ ܘܠܐ ܠܡܡܠܠܘ܂ ܐܠܐ ܠܡܬ݂ܡܗ ܒܥܒܝ݂ܕ̈ܬܟ܂ ܘܠܡܫܒܚܘ݂ ܠܚܝܠܐ ܪܒܐ ܕܐܝ݂ܬܘ݂ܬܟ܂
212:03	ܒܟܠܙܒܢ ܐܡܝܢ܀ ܗ݀ܝ ܕܬܘ݂ܒ ܕܢܟܪܝ݂ܘ ܬܘܕ̈ܝܬܐ ܟܠܗܝܢ ܠܝ݂ܕܥܬܐ ܕܟܘܟ̈ܒܐ ܘܐܣܠܝ݂ܘ ܠܝܘ݂ܠܦܢܐ
212:04	ܕܐܣܛܪܘܠܘܝܓܝܐ܂ ܗ̄ ܡܡܠܠܘܬ ܟܘܟ̈ܒܐ܂ ܗ݀ܕܐ ܗ݀ܝ ܥܠ݂ܬܐ ܘܛܒ݁ ܫܦܝ݂ܪ ܘܒܝ݂ܕܥܬܐ ܕܒܪܘ ܘܙܗܪܘ ܣ݁ܓܝ݂ ܘܟܠܘ
212:05	ܠܡܗܝ̈ܡܢܐ ܡ݂ܢ ܝܕܥܬܐ ܕܐܣܛܪܘܠܘܓܝܐ ܡܛ݁ܠ ܕܠܘ ܟܠ ܐܼܢܫ ܣ݁ܦܩ ܠܗ݀ ܠܡܠ݂ܬܐ ܕܝ݂ܕܥܬܐ ܘܚܕ ܡ݂ܢ ܐ݁ܠܦ
212:06	ܝܕܘ݂ܥ̈ܬܢܐ܃ ܠܡܚܣܢ ܡܫ݂ܟܚ ܕܢܥܘ݁ܠ ܠܗ݀ܠܝܢ ܥܡܝ݂ܩ̈ܬܐ ܘܢܣ݂ܬ݁ܟܠ ܠܩܛܝ݂ܢܘ݂ܬܐ ܕܗ݀ܠܝܢ ܕܪܫ݂ܡܢܢ ܡ݂ܢ ܠܥ݂ܠ܂
212:07	ܘܡ݂ܢ ܗܕܝܘ݂ܛܘ݂ܬܗܘܢ ܘܦܫܝܛܘ݂ܬܗܘܢ ܠܐ ܡܣ݂ܬܟܠܝܢ ܠܚܬܝ݂ܬܘ݂ܬܗ ܕܫܪܒܐ ܡ݂ܢ ܫܘ݂ܪܝܗ܂ ܘܕܡܢܐ ܗ݀ܝ
212:08	ܥܠ݂ܬܗ܂ ܐܠܐ ܒܚܪܬܗ ܘܒܫܘ݂ܠܡܗ ܕܝܘ݂ܠܦܢܐ ܚ݁ܝܪܝܢ܂ ܘܟܕ ܫ݁ܡܥܝܢ ܠܐܣܛܪܘܠܘܓܘ ܕܒܝܕ ܐܘ݂ܡܢܘܬܗܘܢ
212:09	ܡܚܫܒܝܢ ܘܡܩܕܡܝܢ ܘܡܫܘܕܥܝܢ ܠܐܼܢܫ ܥܬܝ݂ܕ̈ܬܐ܃ ܬ݁ܗܪܝܢ܂ ܘܣ݁ܒܪܝܢ ܕܚܠ݂ܩܐ ܗ݀ܘ ܩܛܝ݂ܪܐ ܘܐܢܢܩܝܐ܂ ܘܡܒܛܠܝܢ
212:10	ܠܚܐܪܘ݂ܬܐ ܘܐܡ݁ܪܝܢ܂ ܕܡܟܝܠ ܕܗ݀ܠܝܢ ܚ݁ܠܩܝܢ ܕܡܢܟܠܦܪܘ݁ܣ ܢܗ̈ܘܝ݁ܢ܂ ܡܢܐ ܡܘܬܪܐ ܚܐܪܘ݂ܬܐ܂ ܘܠܐ ܡ݂ܬܒܝܢܝ݂ܢ
212:11	ܚܬܝ݂ܬܐܝ݂ܬ ܕܗ݀ܘ ܡܐ ܕܥܬܝ݂ܕܐ ܚܐܪܘܬܐ ܕܬܣܥܘ݂ܪܝ ܗ݂ܝ ܒܨܒܝ݁ܢܗ݀ ܡܪܢܝܐ ܘܒܫܠܝ݂ܛܘ݂ܬ ܒܝ݁ܬܗ݀ ܡܩܕܡܝܢ
212:12	ܡܫܘܕܥܝܢ܃ ܘܠܘ ܡܕܡ ܩܛܝ݂ܪܝܐ ܕܥ݁ܨܐ ܠܚܐܪܘ݂ܬܐ܂ ܐܝܟ ܕܐܦ ܢܒܝܘ݂ܬܐ܂ ܒܪܡ ܬܘ݂ܒ ܐ݁ܡܪ̈ܢ ܬܘܕ̈ܝܬܐ ܕܟܕ ܫ݁ܡܥ
212:13	ܒܪܢܫܐ ܡ݂ܢ ܐܣܛܪܘܠܘܓܘ݁ܣ ܠܐܝܠܝܢ ܕܥܬܝܕ̈ܢ ܠܗ܃ ܐܢ ܛܒ̈ܬܐ ܘܐܢ ܒܝ݂ܫ̈ܬܐ܂ ܡܗܡܐ ܘܠܐ ܡܘܕܐ ܥܠ ܛܒ̈ܬܐ܂
212:14	ܘܐܢ ܒ݁ܥܐ ܘܡܦܝ݂ܣ ܡܛ݁ܠ ܒܝ݂ܫ̈ܬܐ܂ ܘܛܒ݁ ܫܪܝ݂ܪܝܢ ܒܗ݀ܕܐ܂ ܘܣ݁ܓܝ݂ ܫܦܝܪ ܕܒܪܘ ܘܟܠܘ ܠܡܗܝ̈ܡܢܐ ܡ݂ܢ
212:15	ܝܘܠܦܢܐ ܗ݀ܢܐ܂ ܘܐܢ ܡ݁ܨܝܢ݂ ܗܘ݂ܘ ܡܗܝ̈ܡܢܐ ܦܫܝ݂̈ܛܐ ܕܢܣ݂ܬܟܠܘܢ ܠܥܡܝ݂ܩ̈ܬܐ ܘܚܬܝ݂̈ܬܐ܃ ܡܣ݂ܬܟܠܝܢ ܗܘ݂ܘ
212:16	ܘܝ݁ܕܥܝܢ܃ ܕܐܦ ܘܗ݂ܝ ܗܕܐ ܕܢܗܡܐ ܐܢܫ ܐܘ݁ ܕܢܒܥܐ ܘܢܬܚܲܦܛ ܩܲܕܡ ܝ݂ܕܥ ܐܠܗܐ܂ ܒܪܡ ܡܢ ܟܠ݁ܦܪܘ݁ܣ܃
212:17	ܚܐܪܘܬܐ ܙܕܩ ܠܗ݀ ܕܠܐ ܬܒ݂ܛܠܝ ܡ݂ܢ ܕܝ݂ܠ̈ܝܬܗ݀ ܘܠܐ ܬܗܡܐ ܣܟ ܐܝܟ ܕܦܩܕܢ ܬܘܕ̈ܝܬܐ܂ ܐܠܐ ܕܬܐܨܦܝ
212:18	ܐܡܝ݂ܢܐܝ݂ܬ ܘܬܥܒܕܝ ܛܒ̈ܬܐ ܟܡܐ ܕܡ݂ܨܝܐ܂ ܘܬܒܛܠܝ ܠܒܝ݂ܫ̈ܬܐ܂ ܡܛ݁ܠ ܕܟܠܗܘܢ ܥܡ‍{‍ܛ̈ܢ‍}‍‍<‍ܡ̈‍>‍ܐ ܕܬܚܝ݂ܬ ܫܡܝܐ
212:19	ܡܩܠܣܝܢ ܠܣܥܘ݂ܪܘ݂ܬ ܛܒ̈ܬܐ ܘܡܣܠܝܢ ܠܣ݁ܥܘ݂ܪܘ݂ܬ ܒܝ݂ܫ̈ܬܐ܂ ܗ݀ܕܐ ܗ݀ܝ ܙܕܝ݂ܩܘ݂ܬܐ ܘܗܕܐ ܗ݀ܝ ܚܛܝ݂ܬܐ܂ ܗ̄
212:20	ܐܝܠܝܢ ܕܫܠܝܛܘܬ݁ ܒܝ݁ܬܐ ܣ݁ܥܪܐ ܒܙܘܥܐ ܕܚܐܪܘ݂ܬܗ݀܃ ܕܐܝ݂ܬܘܗܝ ܨܒܝ݁ܢܐ܂ ܐܝܠܝܢ ܕܝܢ ܕܓܕܫܢܐܝ݂ܬ ܗ̈ܘܝܢ
212:21	ܘܡܣܬܥܪ̈ܢ ܡ݂ܢ ܡܪܕܘ݂ܬܐ ܡܪܢ݁ܝܬܐ ܘܡܟܘܢܢܝ݂ܬܐ܃ ܐܢ ܩ̈ܛܠܐ ܘܐܢ ܚܢܘ݂ܩ̈ܝܐ܃ ܘܐܢ ܛܘ݂ܒܥܐ ܕܒܡܝ̈ܐ܂ ܘܐܢ ܛܡ݂ܪ̈ܐ
212:22	ܕܬܚܝ݂ܬ ܡܕܝܪ̈ܐ ܘܬܠ݂̈ܠܐ ܘܚܦܪ̈ܐ܃ ܘܐܢ ܫܒ݂̈ܝ܂ ܘܐܢ ܚܘ݂ܒܠ ܦܐܪ̈ܐ ܘܥܠ̈ܠܬܐ܂ ܘܐܢ ܟ̈ܐܒܐ ܥܣ̈ܩܐ ܘܐܢ ܟܘ݂ܪ̈ܗܢܐ
212:23	ܡܫܚܠ̈ܦܐ܃ ܗ݀ܠܝܢ ܠܐ ܡܬ݂ܐܡܪ̈ܢ ܡܪܐܢܐܝ݂ܬ ܒܝ݂ܫ̈ܬܐ܂ ܐܠܐ ܡܪ̈ܕܘܬܐ ܡܟܘܢܢ̈ܝܬܐ ܕܒܝ݂ܫܬܐ ܕܐܝ݂ܬܝܗ݀ ܚܛܝ݂ܬܐ
213:01	ܕܡ݂ܢ ܨܒܝ݁ܢܐ܀ ܘܬܘ݂ܒ ܢܟܪܝ݂ܘ ܠܝܘ݂ܠܦܢܐ ܕܐܣܛܪܘܠܘܓܝܐ ܟܠܗܝܢ ܬܘܕ̈ܝܬܐ܂ ܡܛ݁ܠ ܕܪܘܝ݂ܚ ܣ݁ܓܝ݂ ܘܥܡܝ݂ܩ
213:02	ܘܩܛܝ݂ܢ܂ ܘܣܢܝ݂ܩ ܥܠ ܒܛܝ݂ܠܘ݂ܬܐ ܘܐܡܝ݂ܢܘ݂ܬܐ ܘܕܘܪܫܐ ܣ݁ܓܝ݂ܐܐ ܕܒܗ܂ ܘܐܠܘ݂ ܐܠܦ ܫܢ̈ܝܢ ܗܘ݂ܘ ܚܝ̈ܘܗܝ
213:03	ܕܒܪܢܫܐ ܠܐ ܣ݁ܦܩ ܕܢܐܠܦ ܓܡܝ݂ܪܐܝ݂ܬ ܘܢܕܥ ܚܬܝ݂ܬܐܝ݂ܬ ܟܠܗܘ݁ܢ ܙܘܥ̈ܘܗܝ ܘܡܥܒܕ̈ܢܘܬܗ ܘܫܘܘܕ̈ܥܘܗܝ܂
213:04	ܘܒ݁ܛܠܝܢ ܗܘ݂ܘ ܒܗ ܒܢܝ̈ܢܫܐ ܡ݂ܢ ܝܘܠ̈ܦܢܐ ܐܼܚܪ̈ܢܐ ܡܘܬܪ̈ܢܐ ܕܢܦܫܐ܂ ܘܡܩܪ̈ܒܝ ܠܘܬ݁ ܐܠܗܐ܂ ܗ݀ܝ ܕܢܬ݂ܢܒܐ
213:05	ܐܼܢܫ ܘܢܕܥ ܥܬܝ݂ܕ̈ܬܐ܂ ܐܢ ܡ݂ܢ ܡܘܗܒܬܐ ܕܢܒܝܘ݂ܬܐ܂ ܘܐܢ ܡ݂ܢ ܝܘ݂ܠܦܢܐ ܕܐܣܛܪܘܠܘܓܝܐ ܠܐ ܡܥܕܪܐ ܠܐܼܢܫ ܐܢ ܠܝܬ
213:06	ܒܗ݀ ܥܒ݁ܕ̈ܐ ܛܒ̈ܐ܂ ܡܛ݁ܠ ܕܢܒܝܘ݂ܬܐ ܡܡܠܠܐ ܒܦܘ݂ܡܐ ܕܚܛܝ̈ܐ ܘܕܢܘ݂ܟܪ̈ܝܐ ܘܕܟܦܘ݂ܪ̈ܐ ܡܛ݁ܠ ܦܘ݂ܪ̈ܢܣܐ ܘܕܝ݂̈ܢܐ
213:07	ܠܐ ܡܬ݂ܕܪ̈ܟܢܐ ܕܐܠܗܐ܂ ܘܠܘ ܡ݂ܢ ܗܕܐ ܡ݂ܙܕܕܩܝܢ܂ ܐܠܐ ܡܐܠܠܘܢ ܘܗ݀ܘܝܐ ܠܗܘ݁ܢ ܗ݀ܕܐ ܠܕܝ݂ܢܐ ܘܠܬܒܥܬܐ
213:08	ܘܠܩܘ݂ܛܪܓܐ ܪܒܐ܂ ܒܪܡ ܘܐܝ݂ܬ ܣ݁ܓܝ̈ܐܐ ܗܕܝܘ݂̈ܛܐ ܘܒܪܝ݂ܪ̈ܐ܂ ܦܫܝ݂̈ܛܐ ܒܟܝ݁ܢܐ ܕܡܡܠܠܐ ܒܗܘܢ ܢܒܝܘ݂ܬܐ܃
213:09	ܟܕ ܗ݂ܢܘܢ ܠܐ ܡܣ݂ܬܟܠܝ݂ܢ ܢܝ݂ܫܗ ܘܚܝܠܗ݀܃ ܘܡܛ݁ܠܗܕܐ ܠܐ ܡ݂ܙܕܕܩܝܢ ܘܠܐ ܡ݂ܬܚܝܒܝ݂ܢ܂ ܐܝܠܝܢ ܕܝܢ
213:10	ܕܡܣ݂ܬ݁ܟܠܝ݂ܢ ܚܝܠܗ݀ ܘܢܝ݂ܫܗ݀ ܕܢܒܝܘ݂ܬܐ ܘܠܐ ܣ݁ܥܪܝܢ ܫܦܝ݂ܪ̈ܬܐ܂ ܗ݀ܠܝܢ ܟܐܢܐܝ݂ܬ ܡ݂ܬܚܝܒܝ݂ܢ܂ ܐܝܠܝܢ ܕܝܢ
213:11	ܕܣ݁ܥܪܝܢ ܛܒ̈ܬܐ ܕܦܩ݁ܕܐ ܢܒܝܘ݂ܬܐ ܡܬܩܠܣܝܢ܀ ܗܟܘܬ݁ ܘܣ݁ܓܝ݂̈ܐܐ ܕܡ݂ܢ ܚܪܝ݂ܦܘ݂ܬ ܟܝ݁ܢܗܘܢ ܘܡܪܟܒܘ݂ܬ
213:12	ܡܘܙܓܗܘܢ ܡܕܪܟܝܢ ܚܝܠܗ݀ ܕܐܣܛܪܘܠܘܓܝܐ ܘܙܘ̈ܥܝܗ݀ ܘܫܘ݂ܘܕܥܝܗ݀܂ ܘܡ݂ܢ ܒܛܝ݂ܠܘ݂ܬܐ ܣ݁ܓܝ݂̈ܐܬܐ ܘܕ‍<‍ܘ‍>‍ܪܫܐ
213:13	ܕܥ݁ܒܕܝܢ ܥܠܝܗ݀܂ ܐܢܕܝܢ ܣܘ݂ܥܪ̈ܢܐ ܛܒ̈ܐ ܕܫܦܝ݂ܪܝܢ ܥܠ ܟܠܢܫ ܘܡܩܠܣܝܢ ܡ݂ܢ ܟܠܗܝܢ ܬܘܕ̈ܝܬܐ ܠܐ ܥ݁ܒܕܝܢ܃
213:14	ܡ݂ܣܠ̈ܝܐ ܐܢܘ݁ܢ ܘܡܚܝ̈ܒܐ܂ ܘܡܬ݂ܬܒܥܝ݂ܢ ܕܝ݂ܢܐ ܝܬܝ݂ܪܐ܂ ܘܢܝ݂ܫܗ݀ ܘܚܝܠܗ݀ ܕܬܘܕܝ݂ܬܐ ܐܝ݂ܬܘܗܝ ܗܝܡܢܘ݂ܬܐ
213:15	ܕܠܐ ܡܥܩܒܐ܂ ܘܗܝܡܢܘ݂ܬܐ ܐܝ݂ܬܝܗ݀ ܣܘ݂ܟܠܐ ܪܘ݂ܚܢܝܐ ܕܡܕܪܟܐ ܠܗ ܢܦܫܐ ܟܝ݁ܢܐܝ݂ܬ ܡ݂ܢ ܗ݀ܝ ܕܟܝ݁ܢܐܝܬ ܩܒܝ݂ܥ
213:16	ܒܗ ܒܟܝ݁ܢܗ݀ ܚܝܐ ܘܡܠܝ݂ܠܐ ܘܪܘ݂ܚܢܝܐ ܘܝܲܕܘ݂ܥܬܵܢܐ ܕܢܦܫܐ܂ ܘܢܦܫܐ ܦܩܕܐ ܘܝ݁ܕܥܐ ܘܡܡܲܠܠܐ ܥܠ ܡܲܘܙܠܬܐ܂
213:17	ܡܸܛ݁ܠ ܕܠܥܠ ܡܢܗ݀ ܐܝ݂ܬܝܗ݀܂ ܘܡ݂ܢ ܟܝ݁ܢܐ ܪܘ݂ܚܢܝܐ ܕܡܥܠܝ ܡ݂ܢ ܟܝ݁ܢܐ ܕܡܲܘܙܠܬܐ܂ ܘܗ݂ܝ ܝ݁ܕܥܐ ܠܡܲܘܙܠܬܐ܂ ܘܠܐ
213:18	ܡ݂ܬܝܲܕܥܐ ܡ݂ܢ ܡܲܘܙܠܬܐ܂ ܡܘܙܠܬܐ ܕܝܢ ܥܠ ܐܣܛܘ݂ܟ̈ܣܐ ܕܠܓܘ ܐܘܟܝ݂ܬ ܠܬ݂ܚܬ ܡܢܗ݀ ܦܩܕܐ ܘܒܗܘܢ
213:19	ܡܲܥܒܕ܂ ܘܢܦܫܐ ܠܘ ܡ݂ܢ ܪܘ݂ܟܵܒ ܐܣܛܘ݂ܟ̈ܣܐ ܐܝ݂ܬܘܗܝ ܟܝ݁ܢܗ݀܃ ܐܠܐ ܡ݂ܢ ܪܘ݂ܚܢܝܘ݂ܬܐ ܩܲܛܝ݂ܢܬܐ ܘܠܐ ܣܵܟ
213:20	ܗܘ݂ܠܵܢܝܘܬܐ܂ ܡܲܘܙܠܬܐ ܡ݁ܢ ܥܠ ܦܓܪ̈ܐ ܡܪ̈ܟܒܐ ܕܡ݂ܢ ܐܣܛܘ݂ܟ̈ܣܐ ܦܩ݁ܕܐ ܘܒܗܘܢ ܡܲܥܒܕܐ
213:21	ܘܡܛ݁ܠ ܕܐܣܝ݂ܪܐ ܢܦܫܐ ܥܡ ܦܓܪܐ ܡܫܬܥܒܕܐ ܥܡ ܟܝ݁ܢܗ ܠܐܣܛܘ݂ܟ̈ܣܐ ܐܒ̈ܗܘ̄܂ ܒܪܡ ܥܝܪܐ ܘܫܦܝܐ
213:22	ܘܩ݁ܝܡܐ ܒܟܝܢ ܒܪ̈ܝܬܗ݀ ܠܐ ܣܟ ܡܫܬܥܒܕܐ ܠܟܝ݁ܢܗ ܕܦܓܪܐ ܡܛܠ ܕܦܓܪܐ ܪܐܸܓ ܡܕܡ ܕܢܵܟܸܐ ܠܪܘ݂ܚܐ
213:23	ܕܐܝ݂ܬܘ̄ ܡܕܡ ܕܡܫܲܡܢ ܠܗ ܘܡܥܲܒܸܐ ܕܐܝܟ ܬܘܪܣܝܐ ܘܢܝ݁ܚܐ ܘܦܘܪ̈ܥܢܐ ܘܫܢܬܐ ܘܙܘܘܓܐ ܘܫܘܪܬܚܐ
214:01	ܘܗܠܝܢ ܡܲܥܡܛܝܢ ܠܗܘܢܐ ܘܡܲܚܫܟܝܢ ܠܠܒܐ܂ ܘܡܣܲܡܸܝܢ ܠܡܕܥܐ ܘܢܵܟܝܢ ܠܪܘܚܐ܂ ܡܵܕܝܢ ܐܡܬܝ ܕܡܫܘܕܥܝܢ
214:02	ܟܘܟ̈ܒܐ ܡܕܡ ܥܠ ܟܝ݁ܢܗ ܕܦܓܪܐ ܡܫܘܕܥܝܢ܂ ܕܡܪܟܒ ܡ݂ܢ ܐܣܛܘܟ̈ܣܐ ܕܒܗܘܢ ܡܲܥܒܕܝܢ ܗܢܘܢ ܟܘܟ̈ܒܐ܂
214:03	ܘܡܛܠ ܕܡܥܕܝܢ ܕܢܫܲܡܗ ܠܒܪܢܫܐ ܡ݂ܢ ܚܕܐ ܡܢܬܗ܂ ܒܙܒܢ ܡ݂ܢ ܦܓܪܗ܂ ܒܙܒܢ ܡܢ ܢܦܫܗ܂ ܐܡܬܝ ܡܲܢ
214:04	ܕܚ݁ܐܫ ܦܓܪܗ ܐܘ݁ ܡ݂ܢ ܟܘܪܗܢܐ܂ ܐܘ ܡ݂ܢ ܡܚܘܬܐ܂ ܕܚܵܐܫ ܦܠܢ ܐܡ݁ܪܝ݂ܢܢ܂ ܟܕ ܢܦܫܐ ܠܐ ܟܪܝܗܐ ܘܠܐ ܒܠܝ݂ܠܐ
214:05	ܡܛܠ ܕܝܢ ܕܐܣܝ݂ܪܐ ܥܡܗ܃ ܡܢ ܟܠ ܦܪܘܣ܂ ܚܵܐܫܵܐ ܒܚܲܫܗ܂ ܟܕ ܟܝ݁ܢܗ݀ ܡܥܲܠܵܝ ܡܢ ܚܫ̈ܐ ܗܘܠ̈ܢܝܐ܂ ܐܡܬܝ
214:06	ܬܘܒ ܕܢܦܫܐ ܬܗܘܐ ܚܵܐܫܵܐ ܡ݂ܢ ܥܩ݁ܬܐ ܐܘ݁ ܡ݂ܢ ܟܡܝܪܘܬܐ ܕܡܢ ܛܒ݂ܐ ܡܕܡ ܡܥܝ݂ܩܵܢܵܐ ܐܘ݁ ܥܠ ܡܝ݂ܬܐ
214:07	ܐܘ݁ ܥܠ ܚܘܣܪܵܢܵܐ ܡܕܡ܂ ܐܘ݁ ܡܬܪܥܝܐ ܣܩܘ݂ܒܠ̈ܝܬܐ ܘܡܲܒܥܐ ܗܪ‍{‍ܡ‍}‍‍<‍ܣ‍>‍ܝܣ܂ ܐܘ݁ ܬܘ݂ܒ ܚ݁ܕܝܵܐ ܘܦܨܝܚܵܐ
214:08	ܘܡܬܪܥܝܐ ܬܪ̈ܝܨܬܐ ܘܡܲܒܥܐ ܝܘܠ̈ܦܢܐ ܫܪܝܪ̈ܐ܂ ܥܠ ܟܠܗ ܒܪܐܢܫܐ ܡ݂ܬܐܡܪ̈ܢ ܗܠܝܢ ܘܗܠܝܢ܂ ܘܐܦ ܗ݂ܠܝܢ
214:09	ܗܘ݂ܠ̈ܢܝܬܐ܂ ܘܠܘ ܥܠ ܦܠܓܗ܂ ܡܕܝܢ ܗܕܐ ܕܦܫܝ݂ܩܐ ܡܣܬܲܟܠܘܬܗ݀܃ ܬܗ݂ܘܐ ܚܲܬܝ݂ܬܐ ܘܡܩܒܠܐ ܥܠ
214:10	ܟܠ ܐܢܫ܂ ܕܟܘܟ̈ܒܐ ܥܠ ܓܕ̈ܫܐ ܕܦܓܪܐ ܡܫܘܕܥܝܢ܂ ܒܗܝ݁ ܕܒܐܣܛܘ݂ܟ̈ܣܐ ܡܥܒܕܝܢ܂ ܥܠ ܢܦܫܐ ‍[‍ܕܝܢ ܘܠܐ ܣܟ
214:11	ܡܛܠ ܕܟܝܢܗ݀ ܕܢܦܫܐ‍]‍ ܡܥܠܝ ܡ݂ܢ ܐܣܛܘܟ̈ܣܐ ܘܡܢ ܟܘܟ̈ܒܐ ܘܡܢ ܡܘܙܠܬܐ ܘܡܨܝܐ ܢܦܫܐ ܡܠܝܠܬܐ
214:12	ܒܫܠܝ݂ܛܘ݂ܬ ܒܝ݁ܬܗ݀ ܘܒܙܘܥܐ ܕܚܐܪܘ݂ܬܗ݀ ܕܐܝ݂ܬܘ̄ ܨܒܝ݁ܢܗ݀܃ ܕܬܫܚܠܦ ܠܟܝ̈ܢܐ܂ ܘܬܥܨܐ ܠܕܝ̈ܠܝܬܗ
214:13	ܕܦܓܪܐ܀ ܒܪܡ ܣܘܓܐܗܘܢ ܕܒܢܝ̈ܢܫܐ ܥܡ ܕܝܠ̈ܝܬܗ ܕܦܓܪܐ ܟܕܝܢܝܢ ܒܥܝ݂ܪܐܝܬ܂ ܘܐܝܟ ܡܟܢܘܬܐ ܕܪܘ݂ܟܒܐ
214:14	ܕܡܘܙܓܗܘܢ܂ ܘܠܐ ܐܬܕܪܫܘ ܡܠܝ݂ܠܐܝ݂ܬ ܕܡܨܝܢ ܥ݁ܨܝܢ ܠܟܝ̈ܢܐ ܘܡܬܪܨܝܢ ܥܝ̈ܕܐ ܘܕܝܠ̈ܝܬܐ ܕܩܢ݂ܘ ܒܙܒܢܐ ܣܓܝܐܐ܂
214:15	ܐܘ݁ ܡ݂ܢ ܡܘܙܓ̈ܘܗܝ ܕܦܓܪܐ ܐܘ݁ ܕܒܐܬܪܐ ܐܬܪܒܝܘ܂ ܐܘ݁ ܡ݂ܢ ܢܩܦܐ ܘܝܘܠܦܢܐ ܕܒܗ ܐܬܕܪܫܘ܂ ܐܘ݁ ܡ݂ܢ ܐܼܚܪ̈ܢܝܬܐ
214:16	ܕܕܐܝܟ ܗܠܝܢ܂ ܚܕܚܕ̈ܢܐ ܐܝ݂ܬܝܗܘܢ ܐܝܠܝܢ ܕܡܨܝܢ ܡܕܒܪܝܢ ܝ݁ܬܗܘܢ ܡܠܝ݂ܠܐܝܬ܂ ܘܡܬܪܨܝܢ ܥܝ̈ܕܐ ܘܕܝܠ̈ܝܬܐ
214:17	ܕܐܬܣܒ݁ܥܘ ܘܐܣܬܬܬܘ ܒܗܘܢ ܒܙܒܢܐ ܐܪܝ݂ܟܐ܂ ܘܚܕ ܡܢ ܐ̈ܠܦܐ ܣܓܝ̈ܐܐ ܠܡܚܣܢ ܡܫ݂ܬܟܚ ܕܝ݂ܕܥ ܗ݀ܠܝܢ
214:18	ܘܐܬܚܟܡ ܒܝܕܥܬܐ ܕܫܪܪܐ܂ ܠܗܢܐ ܢ݁ܡܘ݁ܣܐ ܠܝܬ܂ ܘܠܐ ܟܕܝܢ ܬܚܝܬ ܢܡܘܣܐ ܣܟ܂ ܐܠܐ ܡܐܠܠܘܢ ܗ݂ܘ ܣܐܡ
214:19	ܢܡܘܣܐ ܘܡܬܚܡ ܛܟ݂ܣ̈ܐ ܘܕܝ݂ܢ̈ܐ܂ ܘܡܒܥ ܝܘ݂ܠ̈ܦܢܐ ‍[‍ܫܪ̈ܝܪܐ‍]‍ ܘܦܘܫ̈ܩܐ ܕܟܣ̈ܝܬܐ ܘܓܢ̈ܝ݂ܙܬܐ܂ ܡܛܠ ܕܐܬܕܟܝ
214:20	ܠܒܗ ܘܐܫܬܦܝ ܗܘܢܗ܂ ܘܐܬܢܗܪ ܡܕܥܗ܂ ܘܩ݂ܡ ܒܟܝܢ ܒܪܝܬܗ ܘܐܬܐܠܗ ܘܐܬܥܠܝ ܠܪܘܚܢܘܬܐ܂ ܒܗ݀ܝ
214:21	ܕܐܬܚܝܕܬ݁ ܢܦܫܗ ܥܡ ܒ݁ܪܘ݂ܝܗ܂ ܡܕܝܢ ܣ݁ܓܝ݂ ܫܦܝ݂ܪ ܥܒܕܘ ܘܕܒܪܘ ܪ̈ܫܝ ܟܠܗܝܢ ܬܘܕ̈ܝܬܐ ܕܟܠ݂ܘ ܠܦܫ̈ܝܛܐ
214:22	ܘܠܓܘܐ ܕܒܢܝ̈ܢܫܐ ܡ݂ܢ ܝܘ݂ܠܦܢܐ ܕܐܣܛܪܘܠܘܓܝܐ܃ ܡܛܠ ܒܪܝ݂ܪ̈ܐ ܘܗܕ̈ܝܘ݂ܛܐ ‍[‍ܘܣܘܓܐܗܘܢ ܕܒ̈ܢܝ ܐܢܫܐ ܒܪ̈ܝܪܐ
214:23	ܐܢܘܢ ܘܗܕܝ̈ܘܛܐ‍]‍ ܘܦܓܪ̈ܢܝܐ ܕܠܡܐ ܢܬ݂ܢܟܘܢ ܒܗܝܡܢܘ݂ܬܐ ܘܢܬ݂ܦܠܓܘܢ ܥܠ ܚܐܪܘ݂ܬܐ ܡܫܠܛܬܐ ܕܐܝܬ ܠܗܘܢ
215:01	ܡ݂ܢ ܒܪܘ݂ܝܗܘܢ ܚܟܝ݂̈ܡܐ ܕܝܢ ܘܝܕܘ݂ܥ̈ܬܢܐ ܕܫܪܪܐ܂ ܠܝܬ ܥܠ ܗ݀ܠܝܢ ܢ݁ܡܘ݁ܣܐ܂ ܡܛ݁ܠ ܕܐܕܪܟܘ ܠܫܪܪܐ ܕܗ݂ܘ ܐܠ݁ܦ
215:02	ܘܣ݂ܡ ܢ݁ܡܘ̈ܣܐ ܘܕܝ݂̈ܢܐ܂ ܠ̈ܟܐܢܐ ܢ݁ܡܘ݁ܣܐ ܠܐ ܣܝ݂ܡ܂ ܐܠܐ ܠܥ݁ܘ̈ܠܐ ܘܠܚܛܝ̈ܐ ܕܫܪܟܐ܀