← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60805: Proba's Prior Analytics

Click on a word for lexical analysis
Click on a red-colored coordinate for comments and/or translations of the line

▲ earlier lines

136:05 ܚܕܝܘܬܐ ܂ ܒܝܕ ܗܠܝܢ ܓܝܪ ܕܐܡܪܢܢ ܟܠܗܝܢ ܦܪ̈ܘܛܐܣܝܣ ܚܒܝ̈ܫܝܢ ܂ ܟܕ ܓܝܪ ܡܬܬܘܣܦ ܕܐܝܬܘܗܝ
136:06 ܘܕܠܐ ܐܝܬܘܗܝ ܂ ܗܘ̈ܝܢ ܦܪ̈ܘܛܣܝܣ ܕܐܝܬ ܠܗܝܢ ܬܠܝܬܝܐ ܗ݀ܘ ܕܐܟܚܕܐ ܡܬܩܛܪܓ ܂ ܟܕ ܕܝܢ
136:07 ܡܬܒܨܪ ܕܐܝܬܘܗܝ ܘܕܠܐ ܐܝܬܘܗܝ ܂ ܗܘ̈ܝܢ ܦܪ̈ܘܛܐܣܝܣ ܕܡ݂ܢ ܗ݀ܘ ܕܣܝܡ ܘܡ݂ܢ ܗ݀ܘ ܕܡܬܩܛܪܓ
136:08 ܒܠܚܘܕ ܂ ܬܘܒ ܟܕ ܡܬܪܟܒ ܕܐܝܬܘܗܝ ܘܕܠܐ ܐܝܬܘܗܝ ܂ ܗܘ̈ܝܢ ܦܪ̈ܘܛܣܝܣ ܕܡܗܛܬܣܝܣ ܂ ܘܗܠܝܢ
136:09 ܕܥܡ ܙܢܐ ܕܐܡܪ̈ܢ ܂ ܣܘܩܪܐܛܝܣ ܚܫܚܐܝܬ ܠܐ ܥܘ݁ܐ ܐܝܬܘܗܝ ܂ܣܘܩܪܐܛܝܣ ܠܐ ܚܫܚܐܝܬ
136:10 ܠܐ ܥ݁ܘܠܐ ܐܝܬܘܗܝ ܂ ܘܗܠܝܢ ܕܠܘ ܥܡ ܙܢܐ ܕܡܗܛܬܣܝܣ ܂ ܟܕ ܕܝܢ ܡܬܦܠܓ ܕܐܝܬܘܗܝ ܘܕܠܐ
136:11 ܐܝܬܘܗܝ ܂ ܗܘ̈ܝܢ ܦܪ̈ܘܛܐܣܝܣ ܦܫܝ̈ܛܬܐ ܕܥܡ ܙܢܐ ܂
136:12 ܐܢܫܝ̈ܢ ܕܝܢ ܐܚܪܢܝܐܝܬ ܡܬܚܡܝܢ ܠܗ ܠܬܚܘܡܐ ܘܐܡ݁ܪܝܢ ܇ ܬܚܘܡܐ ܐܝܬܘܗܝ ܗ݀ܘ ܕܒܠܥܕܘܗܝ
136:13 ܠܐ ܗܘܝܐ ܦܪܘܛܐܣܝܣ ܘܡܫܪܝܢ ܡ݁ܢ ܕܒܠܥܕܘܗܝ ܠܐ ܗܘܝܐ ܦܪܘܛܣܝܣ ܂ ܠܐ ܕܝܢ ܣܦ݁ܩ ܕܢܬܚܡ
136:14 ܠܬܚܘܡܐ ܂ ܐܟܙܢܐ ܕܠܐ ܣܦ݁ܩܐ ܕܢܐܡܪ ܐܢܫ ܕܬܚܘܡܐ ܕܒܪܢܫܐ ܚܝܘܬܐ ܐܝܬܘܗܝ ܂ ܗ݀ܘ ܕܒܠܥܕܘܗܝ
136:15 ܠܐ ܡܫܟܚܐ ܕܢܗܘܐ ܬܚܘܡܐ ܕܒܪܢܫܐ ܂ ܠܐ ܓܝܪ ܣܦܩܐ ܚܝܘܬܐ ܕܬܩܝܡ ܒܪܢܫܐ ܂ ܗܟܢܐ ܘܠܐ
136:16 ܬܚܘ̈ܡܐ ܐܝܠܝܢ ܕܗܘ ܟܕ ܡܫܬܩܠܝܢ ܐܝܟܢ ܕܗܘ ܣܦܩܝܢ ܕܢܩܝܡܘܢ ܦܪܘܛܐܣܝܣ ܂ ܣܢܝܩܐ ܓܝܪ
136:17 ܕܗܢܐ ܡ݁ܢ ܢܗܘܐ ܐܝܬ ܠܗ ܛܟܣܐ ܕܗ݀ܘ ܕܣܝܡ ܗܢܐ ܕܝܢ ܕܗ݀ܘ ܕܡܬܩܛܪܓ ܂
136:18 ܐܝܬ ܕܝܢ ܠܡܐܡܪ ܕܒܝܕ ܗ݀ܝ ܡ݁ܢ ܕܡܬܬܘܣܦ ܕܐܝܬܘܗܝ ܘܕܠܐ ܐܝܬܘܗܝ ܠܟܠ ܦܪܘܛܐܣܝܣ ܕܥܡ
136:19 ܗ݀ܘ ܬܠܝܬܝܐ ܕܐܟܚܕܐ ܡܬܩܛܪܓ ܡܫܘܕܥ ܂ ܒܝܕ ܕܝܢ ܗ݀ܝ ܕܡܬܦܠܓ ܠܟܠ ܦܪܘܛܐܣܝܣ ܕܠܝܬ ܠܗ݀
136:20 ܕܐܝܬܘܗܝ ܘܕܠܐ ܐܝܬܘܗܝ ܡܫܘܕܥ ܂
136:21 ܒܬܪ ܕܐ݂ܡܪ ܡܛܠ ܦܪܘܛܐܣܝܣ ܘܡܛܠ ܬܚܘܡܐ ܒ݁ܥܐ ܕܢܠܦܢ ܡܛܠ ܣܘܢܠܘܓܝܣܡܘܣ ܘܐܡ݁ܪ
136:22 ܇ ܣܘܢܠܘܓܝܣܡܘܣ ܕܝܢ ܐܝܬܘܗܝ ܡܐܡܪܐ ܟܕ ܒܗ ܐܬܬܣܝ̈ܡܝܢ ܡܕܡ ܂ ܡܕܡ ܐܚܪܢܐ ܕܗܠܝܢ
136:23 ܕܐܬܬܣܝ̈ܡܝܢ ܡ݂ܢ ܐܠܨܬܐ ܓ݁ܕܫ ܒܗ݀ܝ ܕܗܠܝܢ ܐܝܬܝܗܝܢ ܂ ܐܬܬܣܝ̈ܡܝܢ ܚܠܦ ܐܬܬܘ̈ܕܝܝܢ ܐܡ݁ܪ ܂
136:24 ܘܒܝܕ ܗܕܐ ܦܪܫ݂ ܠܣܘܢܠܘܓܝܣܡܘܣ ܡ݂ܢ ܦܪܘܛܣܝܣ ܂ ܦܪܘܛܐܣܝܣ ܓܝܪ ܘܐܦܢ ܐܝܬܝܗ݀ ܡܐܡܪܐ
136:25 ܘܐܦܢ ܐܬܬܣܝ̈ܡܢ ܒܗ݀ ܡܕܡ ܡܕܡ ܂ ܗܢܘ ܕܝܢ ܬܚܘ̈ܡܐ ܂ ܐܠܐ ܠܘ ܡܬܬܘܕܝܢ̈ܝܬܐ ܐܝܬܝܗܝܢ ܒܗ݀ܝ
136:26 ܕܠܐ ܡܫܘ̈ܕܥܢ ܫܪܪܐ ܘܕܓܠܘܬܐ ܂
136:27 ܐ݁ܡܪܝܢ ܕܝܢ ܠܡܢܐ ܐ݁ܡܪ ܡܬܬܘ̈ܕܝܢ ܘܠܐ ܐ݂ܡܪ ܡܬܬܘܕܝܐ ܂ ܘܐ݁ܡܪܝܢܢ ܕܢܦܪܘܫ ܠܣܘܢܠܘܓܝܣܡܘܣ
136:28 ܕܝܠܗ ܡ݂ܢ ܕܪܗܛܪ̈ܐ ܂ ܘܡ݂ܢ ܣܘܢܠܘܓܝܣܡܘܣ ܗܝܘܦܘܬܛܝ̈ܩܘ ܂ ܪܗܛܪ̈ܐ ܓܝܪ ܚܕ ܡܕܡ ܒܠܚܘܕ
136:29 ܣܝ݁ܡܝܢ ܘܡܚܕܐ ܥܒܕܝܢ ܠܣܘܢܠܘܓܝܣܡܘܣ ܕܝܠܗܘܢ ܂ ܕܐܝܟ ܐܝܟܢ ܕܣܟܢܝܣ ܐܡ݁ܪܝܢ ܩܢܝ̈ܢܐ ܫܩ݂ܠ
136:30 ܡ݂ܢ ܦܝܠܝܦܘܣ ܂ ܡܕܝܢ ܡܫܠܡܢܐ ܐܝܬܘܗܝ ܂ ܦܠܢ ܡܨܛܒܬܢܐ ܐܝܬܘܗܝ ܂ ܡܕܝܢ ܓܝܪܐ ܐܝܬܘܗܝ ܂
136:31 ܗܕܐ ܕܝܢ ܥܒ݁ܕܝܢ ܐܘ ܡܛܠ ܕܪܫܝܢ ܘܠܩܛܪܓܢܘܬܐ/ܘܠܩܛܓܪܢܘܬܐ/ ܘܠܡܦܩ ܒܪܘܚܐ ܕܠܐ ܢܗܘܐ ܐܬܪܐ ܕܐܘܪܟܐ
136:32 ܣܓܝܐܐ ܢܦܩܘܢ ܂ ܡܛܠܗܢܐ ܡܬܐܠܨܝܢ ܗܘܘ ܕܢܦܣܩܘܢ ܡ̈ܠܠܐ ܂ ܐܘ ܡܛܠ ܕܐ ܒ݁ܥܝܢ ܗܘܘ
136:33 ܕܢܚܘܘܢ ܕܣܘܠܘܓܝܣܣܬܐ ܥ݁ܒܕܝܢ ܂ ܐܝܟ ܡ݁ܢ ܕܐ ܢܣܬܒܪܘܢ ܕܒܐܘܡܢܘܬ ܡ̈ܠܠܐ ܘܒܨܢܝܥܘܬܐ
136:34 ܙ݁ܟܝܢ ܂ ܘܠܘ ܐܝܟ ܡ݁ܢ ܕܐܝܬ ܠܗܘܢ ܫܪܪܐ ܂ ܐܘ ܟܕ ܠܕܝܢܐ ܡܝܩܪܝܢ ܂ ܐܝܟ ܡ݁ܢ ܕܠܐ ܙ݁ܕܩ ܕܗܠܝܢ
136:35 ܕܓܘܢܐܝܬ ܝܕ̈ܝܥܢ ܢܐܡܪܘܢ ܠܗܘܢ ܂ ܐܘ ܗ݀ܝ ܕܝܬܝܪ ܫܪܝܪܐ ܐܝܟ ܡ݁ܢ ܕܠܐ ܙ݁ܕܩ ܕܗܠܝܢ ܕܓܘܢܐܝܬ
136:36 ܕܡܚܝܠܝܢ ܠܘܬ ܦܪܘܛܐܣܝܣ ܪܒܬܐ ܂ ܐܝܟ ܡ݁ܢ ܕܣܓܝ ܓܠܝܐ ܡܟܣܢܘܬܗ݀ ܕܐܝܬܝܗ݀ ܓܘܢܝܬܐ ܂
136:37 ܠܐ ܓܝܪ ܡܫܟ݁ܚܝܢ ܠܡܐܡܪ ܕܟܠ ܕܫ݂ܩܠ ܩܢ̈ܝܢܐ ܡ݂ܢ ܦܝܠܝܦܘܣ ܡܫܠܡܢܐ ܐܝܬܘܗܝ ܂ ܐܘ ܕܟܠ
136:38 ܕܡܨܛܒܬ ܓܝܪܐ ܐܝܬܘܗܝ ܂