← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60805: Proba's Prior Analytics

Click on a word for lexical analysis
Click on a red-colored coordinate for comments and/or translations of the line

142:01 ܩܐܛܐܦܐܣܝܣ ܕܝܢ ܡܢܬܝܬܐ ܨܝܕ ܢܦܫܗ݀ ܗܦܟܐ ܂ ܕܐܝܟ ܐܝܟܢ ܇ ܚܕ ܒܪܢܫܐ ܚܝܘܬܐ ܐܝܬܘܗܝ ܂
142:02 ܗܦܟܐ ܕܝܢ ܗܟܢܐ ܂ ܚܕܐ ܚܝܘܬܐ ܒܪܢܫܐ ܐܝܬܝܗ݀ ܘܫܪܝܪܐ ܂
142:03 ܟܠ ܦܪܘܛܣܝܣ ܕܐܝܬ ܬܪܝܢ ܐܝܬ ܠܗ݀ ܂ ܗ݀ܘ ܕܣܝܡ ܘܗ݀ܘ ܕܡܬܩܛܪܓ ܂ ܘܗ݀ܘ ܕܝܢ ܕܣܝܡ ܘܗ݀ܘ
142:04 ܕܡܬܩܛܪܓ ܬܚܘܡܐ ܡܫܬܡܗ ܂ ܘܗ݀ܘ ܕܡܬܩܛܪܓ ܡܝܬܪ ܂ ܗ݀ܘ ܕܝܢ ܕܣܝܡ ܒܨܝܪ ܂
142:05 ܟܠ ܣܘܢܠܘܓܝܣܡܘܣ ܕܝܢ ܡ݂ܢ ܬܪ̈ܬܝܢ ܦܪ̈ܘܛܐܣܝܣ ܐܝܬܘܗܝ ܂ ܘܬܠܬܐ ܬܚܘ̈ܡܐ ܐܝܬ ܠܗ ܂
142:06 ܘܡܬܒܥܝܐ ܕܐܢ ܠܟܠ ܦܪܘܛܐܣܝܣ ܬܪܝܢ ܬܚܘ̈ܡܐ ܐܝܬ ܠܗ݀ ܡܛܠ ܡܢܐ ܠܐ ܐܪܒܥܐ ܬܚܘ̈ܡܐ
142:07 ܐܝܬ ܠܗ ܠܣܘܢܠܘܓܝܣܡܘܣ ܂ ܘܐܡܪܝܢܢ ܕܚܕ ܡ݂ܢ ܗܠܝܢ ܬܠܬܐ ܂ ܗ݀ܘ ܕܐܝܬܘܗܝ ܡܨܥܝܐ ܂
142:08 ܒܬܪܬܝܗܝܢ ܦܪ̈ܘܛܐܣܝܣ ܡܫܬܟܚ ܂ ܡܛܠ ܕܡܨܥܝܐ ܐܝܬܘܗܝ ܘܐܚ݁ܕ ܒܝܕ ܡܨܥܝܘܬܐ ܂ ܕܐܝܟ
142:09 ܐܝܟܢ ܟܠ ܒܪܢܫܐ ܚܝܘܬܐ ܐܝܬܘܗܝ ܂ ܟܠ ܚܝܘܬܐ ܐܘܣܝܐ ܐܝܬܝܗ݀ ܂ ܗܐ ܚܝܘܬܐ ܒܬܪ̈ܬܝܗܝܢ
142:10 ܦܪ̈ܘܛܐܣܝܣ ܐܫܬܩܠ ܂ ܘܐܝܬܘܗܝ ܡܨܥܝܐ ܂
142:11 ܐܣܟܝ̈ܡܐ ܕܝܢ ܬܠܬܐ ܐܝܬ ܠܗ ܂ ܘܐܣܟܝܡܐ ܩܕܡܝܐ ܐܝܬܘܗܝ ܐܡܬܝ ܕܗ݀ܘ ܡܨܥܝܐ
142:12 ܡܬܩܛܪܓ ܥܠ ܚܕ ܘܣܝܡ ܬܚܝܬ ܗ݀ܘ ܐܚܪܢܐ ܂ ܐܟܙܢܐ ܕܢܐܡܪ ܕܒܪܢܫܐ ܚܝܘܬܐ ܐܝܬܘܗܝ ܂
142:13 ܚܝܘܬܐ ܐܘܣܝܐ ܐܝܬܝܗ݀ ܂ ܗܐ ܚܝܘܬܐ ܡܬܩܛܪܓܐ ܥܠ ܒܪܢܫܐ ܘܣܝܡܐ ܬܚܝܬ ܐܘܣܝܐ ܂
142:14 ܐܣܟܝܡܐ ܕܝܢ ܕܬܪܝܢ ܐܝܬܘܗܝ ܐܡܬܝ ܕܥܠ ܬܪܝܗܘܢ ܡܬܩܛܪܓ ܗ݀ܘ ܡܨܥܝܐ ܂ ܡܬܩܛܪܓ
142:15 ܕܝܢ ܗܟܢܐ ܂ ܟܠ ܒܪܢܫܐ ܚܝܘܬܐ ܐܝܬܘܗܝ ܂ ܘܠܐ ܚܕ ܩܝܣܐ ܚܝܘܬܐ ܂ ܗܐ ܚܝܘܬܐ ܘܥܠ ܒܪܢܫܐ
142:16 ܐܬܩܛܪܓܬ ܘܥܠ ܠܐ ܡܢܦܫܐ ܂
142:17 ܐܣܟܝܡܐ ܕܝܢ ܕܬܠܬܐ ܐܝܬܘܗܝ ܐܡܬܝ ܕܬܪܝܗܘܢ ܡܬܩܛܪܓܝܢ ܥܠܘܗܝ ܂ ܡܬܩܛܪܓܝܢ ܕܝܢ
142:18 ܗܟܢܐ ܂ ܟܠ ܒܪܢܫܐ ܚܝܘܬܐ ܐܝܬܘܗܝ ܘܬܘܒ ܟܠ ܒܪܢܫܐ ܐܘܣܝܐ ܐܝܬܘܗܝ ܂
142:19 ܡܬܒܥܝܐ ܕܝܢ ܕܠܡܢܐ ܗܢܐ ܛܟܣܐ ܗܘܐ ܠܗܘܢ ܂ ܘܐܡܪܝܢܢ ܕܟܐܢܐܝܬ ܗ݀ܘ ܕܐܝܬ ܠܗ ܬܚܘܡܐ
142:20 ܡܨܥܝܐ ܕܡܬܩܛܪܓ ܘܕܣܝܡ ܛܟܣܐ ܩܕܡܝܐ ܡܛܝܗܝ ܂ ܡܪܢܐܝܬ ܓܝܪ ܗܝܕܝܢ ܢܛܪ ܡܨܥܝܘܬܐ ܂
142:21 ܐܡܬܝ ܕܠܘ ܪܒܘܬܐ ܒܠܚܘܕ ܐܝܬ ܠܗ ܡܛܠ ܕܡܬܩܛܪܓ ܂ ܐܠܐ ܘܙܥܘܪܘܬܐ ܡܛܠ ܕܣܝܡ ܂ ܗܟܢܐ
142:22 ܓܝܪ ܡܫܘܬܦ ܠܬܪܝܗܘܢ ܥܒܪ̈ܐ ܂ ܒܗ݀ܝ ܕܬܪ̈ܬܝܗܝܢ ܕܝܠܝܬ̈ܗܘܢ ܩܢܐ ܂ ܘܡܛܠܗܢܐ ܡܨܥܝܐ
142:23 ܡܪܢܐܝܬ ܂ ܘܡܛܠܗܕܐ ܐܝܬܘܗܝ ܐܣܟܝܡܐ ܩܕܡܝܐ ܗ݀ܘ ܕܫܟܝܚ ܒܗ ܡܨܥܝܐ ܕܕܐܝܟ ܗܢܐ ܂
142:24 ܡܛܠ ܕܝܢ ܕܗܘ ܡܨܥܝܐ ܐܘ ܡܬܩܛܪܓ ܥܠ ܬܪܝܗܘܢ ܐܘ ܣܝܡ ܬܚܝܬ ܬܪܝܗܘܢ ܂ ܘܢܦܠ ܠܗ
142:25 ܡ݂ܢ ܗ݀ܝ ܕܢܗܘܐ ܡܪܢܐܝܬ ܡܨܥܝܐ ܂ ܟܐܢܐܝܬ ܐܣܟܝܡܐ ܕܬܪܝܢ ܐܝܬܘܗܝ ܂ ܗ݀ܘ ܕܐܝܬ ܠܗ ܗ݀ܘ
142:26 ܡܨܥܝܐ ܕܡܬܩܛܪܓ ܥܠ ܬܪ̈ܝܗܘܢ ܂ ܗܢܐ ܗ݀ܝ ܕܡܝܬܪܐ ܫܟܝܚܐ ܠܗ ܂ ܒܛܟܣܐ ܕܝܢ ܐܚܪܝܐ
142:27 ܣܝܡ ܗ݀ܘ ܕܐܝܬ ܠܗ ܗ݀ܘ ܡܨܥܝܐ ܕܣܝܡ ܬܚܝܬ ܬܪܝܗܘܢ ܂
142:28 ܟܠ ܣܘܢܠܘܓܝܣܡܘܣ ܕܝܢ ܬܪ̈ܬܝܢ ܦܪ̈ܘܛܐܣܝܣ ܐܝܬ ܠܗ ܂ ܚܕܐ ܪܒܬܐ ܘܚܕܐ ܙܥܘܪܬܐ ܂
142:29 ܐܝܕܐ ܐܝܬܝܗ݀ ܪܒܬܐ ܂ ܗ݀ܝ ܕܐܝܬ ܠܗ݀ ܬܚܘܡܐ ܕܪܒ ܂ ܬܚܘܡܐ ܕܝܢ ܪܒܐ ܐܝܬܘܗܝ ܗ݀ܘ
142:30 ܕܡܬܩܛܪܓ ܒܟܘܢܫܐ ܂ ܘܐܝܕܐ ܐܝܬܝܗ݀ ܙܥܘܪܬܐ ܂ ܗ݀ܝ ܕܐܝܬ ܠܗ݀ ܬܚܘܡܐ ܕܙܥܘܪ ܂ ܬܚܘܡܐ
142:31 ܕܝܢ ܕܙܥܘܪ ܐܝܬܘܗܝ ܗ݀ܘ ܕܣܝܡ ܒܟܘܢܫܐ ܂ ܕܐܝܟ ܐܝܟܢ ܟܠ ܒܪܢܫܐ ܚܝܘܬܐ ܐܝܬܘܗܝ ܂ ܟܠ
142:32 ܚܝܘܬܐ ܐܘܣܝܐ ܂ ܟܘܢܫܐ ܐܝܬܘܗܝ ܟܠ ܒܪܢܫܐ ܚܕܐ ܐܘܣܝܐ ܂ ܗܐ ܒܪܢܫܐ ܣܝܡ ܂ ܐܘܣܝܐ ܕܝܢ
142:33 ܡܬܩܛܪܓܐ ܂ ܡܕܝܢ ܐܘܣܝܐ ܡ݁ܢ ܬܚܘܡܐ ܕܪܒ ܐܝܬܝܗ݀ ܂ ܒܪܢܫܐ ܕܝܢ ܬܚܘܡܐ ܙܥܘܪ ܂ ܡܛܠܗܢܐ
142:34 ܗ݀ܝ ܕܐܡ݁ܪܐ ܟܠ ܚܝܘܬܐ ܐܘܣܝܐ ܦܪܘܛܐܣܝܣ ܪܒܬܐ ܐܝܬܝܗ݀ ܂ ܗ݀ܝ ܕܐܡ݁ܪܐ ܟܠ ܒܪܢܫܐ ܚܝܘܬܐ
142:35 ܐܝܬܘܗܝ ܦܪܘܛܐܣܝܣ ܙܥܘܪܬܐ ܐܝܬܝܗ݀ ܂

▼ later lines