← Back
The Comprehensive Aramaic Lexicon
← Return to the Text Browser
click on the file description for more information

60805: Proba's Prior Analytics

Click on a word for lexical analysis
Click on a red-colored coordinate for comments and/or translations of the line

144:01 ܕܝܠܝܬܐ ܕܝܢ ܕܐܣܟܝܡܐ ܩܕܡܝܐ ܐܝܬܝܗ݀ ܕܦܪܘܛܐܣܝܣ ܗ݀ܝ ܙܥܘܪܬܐ ܩܐܛܐܦܐܣܝܣ ܬܗܘܐ ܂
144:02 ܦܪܘܛܐܣܝܣ ܕܝܢ ܗ݀ܝ ܪܒܬܐ ܟܠܢܝܬܐ ܬܗܘܐ ܂ ܠܗܝܢ ܕܝܢ ܠܕܝ̈ܠܝܬܐ ܕܐܣܟܝܡܐ ܩܕܡܝܐ ܦܠܓ ܐܢܝܢ
144:03 ܐܣܟܝܡܐ ܕܬܪܝܢ ܘܕܬܠܬܐ ܂ ܘܗ݀ܘ ܡ݁ܢ ܐܣܟܝܡܐ ܕܬܪܝܢ ܫܩ݁ܠ ܕܬܗܘܐ ܠܗ ܗ݀ܝ ܦܪܘܛܐܣܝܣ
144:04 ܪܒܬܐ ܟܘܠܢܝܬܐ ܂ ܗ݀ܘ ܕܝܢ ܐܣܟܝܡܐ ܕܬܠܬܐ ܫܩ݁ܠ ܕܬܗܘܐ ܠܗ ܗ݀ܝ ܦܪܘܛܐܣܝܣ ܙܥܘܪܬܐ
144:05 ܩܐܛܐܦܐܣܝܣ ܂ ܕܝܠܝܬܐ ܕܝܢ ܕܐܣܟܝܡܐ ܕܬܪܝܢ ܐܝܬܝܗ݀ ܕܐ ܢܗܘ̈ܝܢ ܬܪܬܝܢ ܫܘ̈ܝܢ ܒܐܣܟܝܡܐ
144:06 ܠܚܕ̈ܕܐ ܂ ܗܢܘ ܕܝܢ ܕܐ ܢܗܘ̈ܝܢ ܐܝܬܝܗܝܢ ܬܪ̈ܬܝܗܝܢ ܐܘ ܩܐܛܐܦܐܣܝܣ ܐܘ ܐܦܘܦܐܣܝܣ ܂ ܐܠܐ
144:07 ܐܢܗܘ ܕܚܕܐ ܐܝܬܝܗ݀ ܩܐܛܐܦܐܣܝܣ ܗ݀ܝ ܐܚܪܬܐ ܐܦܘܦܐܣܝܣ ܐܢܐܢܩܐ ܕܬܗܘܐ ܂
144:08 ܟܠ ܦܪܘܛܐܣܝܣ ܕܡܫܐܠ ܠܟ ܐܢܫ ܗܦܘܟܝܗ݀ ܘܚܙܝ ܐܢ ܫܪܝܪܐ ܘܡܘܕܐ ܐܢܬ ܠܗ݀ ܂ ܐܢ ܒܗ݀ܘ
144:09 ܙܢܐ ܕܡܘܕܐ ܐܢܬ ܠܗ݀ ܡܫܐܠ ܠܟ݁ ܩܒܠ ܕܠܐ ܕܚܠܬܐ ܂
144:10 ܒܐܣܟܝܡܐ ܩܕܡܝܐ ܐܝܬ ܒܗ ܙܢ̈ܝܐ ܐܪܒܥܐ ܂
144:11 ܐ ܀ ܙܢܐ ܩܕܡܝܐ ܐܝܬܘܗܝ ܂ ܡ݂ܢ ܟܘܠܢܝܬܐ ܩܐܛܐܦܐܣܝܣ ܙܥܘܪܬܐ ܘܡ݂ܢ ܟܠܢܝܬܐ
144:12 ܩܐܛܐܦܐܣܝܣ ܪܒܬܐ ܂ ܩܐܛܐܦܐܣܝܣ ܟܘܠܢܝܬܐ ܡܬܟܢܫܐ ܂ ܕܐܝܟ ܐܝܟܢ ܇ ܐܢ ܐܠܦ ܒܟܠ݁ܗ

144:13 ܒܝܬ ܂ ܒܝܬ ܒܟܠܗ݀ ܓܡܠ ܂ ܐܠܦ ܒܟܠܗ݀ ܓܡܠ ܂ ܘܬܘܒ ܐܚܪܢܝܐܝܬ ܟܠ ܒܪܢܫܐ ܚܝܘܬܐ ܂ ܟܠ

144:14 ܚܝܘܬܐ ܐܘܣܝܐ ܂ ܟܠ ܒܪܢܫܐ ܐܘܣܝܐ ܂ ܐܢܕܝܢ ܡ݂ܢ ܗ݀ܘ ܕܡܬܩܛܪܓ ܡܫܪܐ ܐܢܫ ܕܢܗܦܘܟ ܂
144:15 ܐ݁ܡܪ ܗܟܢܐ ܐܘܣܝܐ ܥܠ ܟܠ ܚܝܘܬܐ ܂ ܚܝܘܬܐ ܥܠ ܟܠ ܒܪܢܫܐ ܂ ܐܘܣܝܐ ܥܠ ܟܠ ܒܪܢܫܐ ܂
144:16 ܒ ܀ ܙܢܐ ܕܬܪܝܢ ܐܝܬܘܗܝ ܇ ܡ݂ܢ ܟܠܢܝܬܐ ܩܐܛܐܦܐܣܝܣ ܙܥܘܪܬܐ ܘܡ݂ܢ ܟܘܠܢܝܬܐ ܐܦܘܦܐܣܝܣ
144:17 ܪܒܬܐ ܂ ܐܦܘܦܐܣܝܣ ܟܘܠܢܝܬܐ ܡܬܟܢܫܐ ܂ ܕܐܝܟ ܐܝܟܢ ܇ ܐܢ ܐܠܦ ܘܠܐ ܒܡܕܡ ܕܒܝܬ ܂ ܒܝܬ
144:18 ܒܟܠܗ݀ ܓܡܠ ܂ ܐܠܦ ܘܠܐ ܒܡܕܡ ܕܓܡܠ ܂ ܘܬܘܒ ܐܚܪܢܝܐܝܬ ܇ ܟܠ ܒܪܢܫܐ ܚܝܘܬܐ ܂ ܘܠܐ ܚܕܐ
144:19 ܚܝܘܬܐ ܟܐܦܐ ܂ ܘܡܬܟܢܫܐ ܇ ܘܠܐ ܚܕ ܒܪܢܫܐ ܟܐܦܐ ܂ ܐܢܕܝܢ ܡ݂ܢ ܗ݀ܘ ܕܡܬܩܛܪܓ ܡܫܪܐ ܐܢܫ
144:20 ܕܢܗܦܘܟ ܂ ܐ݁ܡܪ ܗܟܢܐ ܟܐܦܐ ܘܠܐ ܥܠ ܚܕܐ ܚܝܘܬܐ ܂ ܚܝܘܬܐ ܥܠ ܟܠ ܒܪܢܫܐ ܂ ܟܐܦܐ ܘܠܐ
144:21 ܥܠ ܚܕ ܒܪܢܫܐ ܂
144:22 ܓ ܀ ܙܢܐ ܕܝܢ ܕܬܠܬܐ ܐܝܬܘܗܝ ܇ ܡ݂ܢ ܡܢܬܝܬܐ ܩܐܛܐܦܐܣܝܣ ܙܥܘܪܬܐ ܘܡ݂ܢ ܟܠܢܝܬܐ
144:23 ܩܐܛܐܦܐܣܝܣ ܪܒܬܐ ܩܐܛܐܦܐܣܝܣ ܡܢܬܝܬܐ ܡܬܟܢܫܐ ܂ ܐܢ ܐܠܦ ܒܟܠܗ݀ ܒܝܬ ܂ ܒܝܬ ܒܡܕܡ
144:24 ܕܓܡܠ ܂ ܐܠܦ ܒܡܕܡ ܕܓܡܠ ܂ ܘܬܘܒ ܐܚܪܢܝܐܝܬ ܇ ܚܕ ܡܠܝܠܐ ܒܪܢܫܐ ܂ ܟܠ ܒܪܢܫܐ ܡܝܘܬܐ ܂
144:25 ܘܡܬܟܢܫ ܇ ܚܕ ܡܠܝܠܐ ܡܝܘܬܐ ܂ ܐܢܕܝܢ ܡܢ ܗ݀ܘ ܕܡܬܩܛܪܓ ܡܫܪܐ ܐܢܫ ܕܢܗܦܘܟ ܐܡ݁ܪ ܗܟܢܐ
144:26 ܇ ܡܝܘܬܐ ܥܠ ܟܠ ܒܪܢܫܐ݁ ܒܪܢܫܐ ܥܠ ܚܕ ܡܠܝܠܐ ܂ ܡܝܘܬܐ ܥܠ ܚܕ ܡܠܝܠܐ ܂
144:27 ܕ ܀ ܙܢܐ ܕܐܪܒܥܐ ܐܝܬܘܗܝ ܇ ܡ݂ܢ ܡܢܬܝܬܐ ܩܐܛܐܦܐܣܝܣ ܙܥܘܪܬܐ ܘܡ݂ܢ ܟܠܢܝܬܐ
144:28 ܐܦܘܦܐܣܝܣ ܪܒܬܐ ܐܦܘܦܐܣܝܣ ܡܢܬܝܬܐ ܡܬܟܢܫܐ ܂ ܐܢ ܐܠܦ ܘܠܐ ܒܡܕܡ ܕܒܝܬ ܂ ܒܝܬ
144:29 ܒܡܕܡ ܕܓܡܠ ܂ ܐܠܦ ܠܘ ܒܟܠܗ݀ ܓܡܠ ܂ ܘܬܘܒ ܐܚܪܢܝܐܝܬ ܇ ܚܕ ܒܪܢܫܐ ܦܝܠܣܘܦܐ ܂ ܘܠܐ ܚܕ
144:30 ܦܝܠܣܘܦܐ ܗܕܝܘܛܐ ܂ ܘܡܬܟܢܫܐ ܂ ܠܐ ܟܠ ܒܪܢܫܐ ܗܕܝܘܛܐ ܂ ܐܢܕܝܢ ܡ݂ܢ ܗ݀ܘ ܕܡܬܩܛܪܓ ܡܫܪܐ
144:31 ܐܢܫ ܕܢܗܦܘܟ ܂ ܐ݁ܡܪ ܗܟܢܐ ܇ ܗܕܝܘܛܐ ܘܠܐ ܥܠ ܚܕ ܦܝܠܣܘܦܐ݁ ܦܝܠܣܘܦܐ ܥܠ ܚܕ ܒܪܢܫܐ ܂
144:32 ܘܡܬܟܢܫܐ ܂ ܗܕܝܘܛܐ ܠܐ ܥܠ ܟܠ ܒܪܢܫܐ ܂
144:33 ܒܐܣܟܝܡܐ ܕܝܢ ܕܬܪܝܢ ܐܝܬ ܒܗ ܙܢܝ̈ܐ ܐܪܒܥܐ ܂
144:34 ܐ ܀ ܙܢܐ ܩܕܡܝܐ ܐܝܬܘܗܝ ܇ ܡ݂ܢ ܟܠܢܝܬܐ ܐܦܘܦܐܣܝܣ ܪܒܬܐ ܘܡ݂ܢ ܟܠܢܝܬܐ ܩܐܛܐܦܐܣܝܣ
144:35 ܙܥܘܪܬܐ ܐܦܘܦܐܣܝܣ ܟܠܢܝܬܐ ܡܬܟܢܫܐ ܂ ܘܐܝܬܘܗܝ ܗ݀ܘ ܪܒܐ ܢܘܢ ܗܢܘ ܕܝܢ ܟܐܦܐ ܂ ܘܗ݀ܘ
144:36 ܡܨܥܝܐ ܡܝܡ ܂ ܗܢܘ ܕܝܢ ܚܝܘܬܐ ܂ ܘܗ݀ܘ ܙܥܘܪܐ ܣܡܟܬ݁ ܗܢܘ ܕܝܢ ܒܪܢܫܐ ܂ ܘܡܬܚܘܝܐ ܒܝܕ ܚܕܐ
144:37 ܗܦܟܬܐ ܂ ܕܐܝܟ ܐܝܟܢ ܂ ܐܢ ܡܝܡ ܘܠܐ ܒܡܕܡ ܕܢܘܢ ܂ ܡܝܡ ܕܝܢ ܒܟܠܗ݀ ܣܡܟܬ ܂ ܢܘܢ ܘܠܐ ܒܡܕܡ
144:38 ܕܣܡܟܬ ܂ ܗܦܟܬܐ ܕܝܢ ܐܝܬܝܗ ܗܟܢܐ ܂ ܐܢ ܡܝܡ ܘܠܐ ܒܡܕܡ ܕܢܘܢ ܂ ܓܠܝܐ ܕܐܦ ܢܘܢ ܘܠܐ

▼ later lines