← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60809: Book of Treasures

Click on a word for lexical analysis
Click on a red-colored coordinate for comments and/or translations of the line

407.1:01 ܘܪܛܝܒܘܬܐ ܕܐܝܬ ܠܗ ܠܘܬ ܡ̈ܝܐ ܘܗ̈ܘܝ ܥܝ̈ܢܬܐ
407.1:02 ܒܪܝܫ ܛܘܪ̈ܐ ܘܪܕܘ ܡܢܗܘܢ ܡ̈ܝܐ ܐܟܙܢܐ ܕܢܬܦܝܢܢ
407.1:03 ܠܐܐܪ ܒܐܟܡܬܐ ܚܠܝܠܬܐ ܒܡܨܨܐ ܘܡܬܢܓܕܝܢ
407.1:04 ܡܝ̈ܐ ܒܬܪܗ ܘܐܫܕܝܢܢ ܠܗܘܢ ܠܒܪ܂ ܗܟܢܐ
407.1:05 ܓܕܫ ܐܦ ܬܡܢ ܒܦܩ̈ܥܬܐ ܕܝܢ ܠܐ ܓܕܫܬ̤
407.1:06 ܗܕܐ ܡܛܠ ܡܦܪܣܥܘܬܗܝܢ܂ ܐܠܐ ܐܢ ܕܠܡܐ ܒܨܝܪܐܝܬ
407.1:07 ܘܡܛܠܗܕܐ ܒܨܝܪ̈ܢ ܒܗܘܢ ܥܝ̈ܢܬܐ ܘܢܗܪ̈ܘܬܐ
407.1:08 ܘܐܝ̈ܠܢܐ ܕܝܢ ܕܗ݀ܘܝܢ ܒܗܘܢ ܝܬܝܪ ܡ݂ܢ ܕܒܦܩ̈ܥܬܐ
407.1:09 ܡܛܠ ܪܨܝܦܘܬ ܡܢ̈ܘܬܗܘܢ ܡܬܚ̈ܫܒܢ ܒܗܝܢ
407.1:10 ܚܡܝܡܘܬܐ ܘܪܛܝܒܘܬܐ ܘܡܘܠܕܐ ܠܐܝ̈ܠܢܐ ܘܐܦ
407.1:11 ܠܥܣܒ̈ܐ ܣܓܝ̈ܐܐ܂ ܘܡ̈ܝܐ ܕܒܗܘܢ ܐܝܬܝܗܘܢ ܩܪ̈ܝܪܐ
407.1:12 ܘܚ̈ܠܝܐ ܡܛܠ ܕܪܚܝܩܝܢ ܡ݂ܢ ܫܡܫܐ܂ ܗܐ ܓܝܪ
407.1:13 ܡܐ ܕܡܬܪܚܩ ܡܢܢ ܫܡܫܐ ܒܙܒܢܐ ܣܬܘܝܐ
407.1:14 ܠܐܬܪܐ ܬܝܡܢܝܐ ܛܒ ܩܐܪܝܢ ܡ̈ܝܐ܂ ܘܡܐ ܕܡܬܩܪܒ
407.1:15 ܒܩܝܛܐ ܚ݁ܐܡܝܢ ܒܐܬܪ̈ܘܬܐ ܕܝܢ ܕܬܝܡ̈ܢܝܐ܂ ܐܦ
407.1:16 ܐܝܬ ܛܘܪ̈ܐ ܙܥܘܪ̈ܐ ܐܠܐ ܙܥܘܪ̈ܝܢ ܥܝ̈ܢܬܐ ܕܒܗܘܢ
407.1:17 ܗܘ̈ܝܢ ܐܘ݁ ܠܓܡܪ ܠܝܬ ܒܗܘܢ ܘܐܦܢ ܗ݀ܘܝܢ ܒܗܘܢ
407.1:18 ܐܝ̈ܠܢܐ ܐܠܐ ܙܥܘܪ̈ܐ ܐܢܘܢ ܘܫܝܘ̈ܒܐ ܘܡܝ̈ܝܗܘܢ ܠܐ
407.1:19 ܩܪܝܪܝܢ ܘܥܒܝܢ ܡܛܠ ܕܡܬܛܘܝܢ ܡܢ ܫܡܫܐ
407.1:20 ܘܡܬܥܠܝ̈ܢ ܡܢܘ̈ܬܐ ܩܛܝ̈ܢܬܐ ܘܩܠܝ̈ܠܬܐ ܡ̈ܝܐ
407.1:21 ܕܝܢ ܓܪ̈ܒܝܝܐ ܚܠܝܢ ܀ ܝ ܀
407.1:22 ܡܛܠܡܢܐ ܥܠ ܛܘܪ̈ܐ ܢܚ݁ܬ ܬܠܓܐ ܣܓܝܐܝܬ
407.1:23 ܒܦܩ̈ܥܬ̤܂ ܕܝܢ ܚܕܐ ܠܟܡܐ܃ ܒܣܬܘܐ ܓܝܪ
407.1:24 ܐܬܪ̈ܘܬܐ ܥܠܝ̈ܐ ܩܪ̈ܝܪܐ ܐܢܘܢ ܘܠܐܬܪ̈ܘܬܐ ܬܚ̈ܬܝܐ
407.1:25 ܚܡܝ̈ܡܐ ܘܗܕܐ ܗ݀ܘܝܐ ܡܢ ܗ݀ܝ ܕܫܡܫܐ ܢܚ݁ܬ
407.1:26 ܠܐܬܪ̈ܘܬܐ ܬܚܬܝ̈ܐ ܘܪܚܝܩ ܡ݂ܢ ܐܬܪ̈ܘܬܐ ܓܪ̈ܒܝܝܐ
407.1:27 ܘܡܛܠܗܕܐ ܚܡܝܡܘܬܐ ܗ݀ܝ ܕܐܝܬ ܗܘܐ ܒܐܐܪ
407.1:28 ܒܙܒܢܐ ܩܝܛܝܐ ܥܪܩܐ ܠܬܚܬ ܠܥܘܡܩܐ ܘܙܟܝܐ
407.1:29 ܩܪܝܪܘܬܐ ܗ݀ܝ ܕܒܙܒܢܐ ܕܩܝܛܐ ܒܐܪܥܐ ܐܝܬܝܗ݀
407.1:30 ܗܘܬ̤ ܡܛܠ ܩܘܪܒܗ ܕܫܡܫܐ ܘܣ݁ܠܩܐ ܠܥܠ
407.2:01 ܘܟܠ ܟܡܐ ܕܣ݁ܠܩܐ ܠܥܠ ܘܡܬܪܚܩܐ ܡ݂ܢ
407.2:02 ܚܡܝܡܘܬܐ ܗ݀ܝ ܕܒܐܪܥܐ ܝܬܝܪ ܩܐܪܐ܂ ܘܡܛܠ
407.2:03 ܗܕܐ ܐܬܪ̈ܘܬܐ ܕܛܘܪ̈ܐ ܪ̈ܡܐ ܛܒ ܩܪܝܪܝܢ ܘܐܐܪ ܕܒܗܘܢ
407.2:04 ܛܒ ܩܪܝܪ ܕܡܛܠ ܗܕܐ ܡܬܪܨܦܐ ܪܛܝܒܘܬܐ ܗ݀ܝ
407.2:05 ܕܠܥܠ ܡܢܗܘܢ ܡܛܠ ܩܪܝܪܘܬܐ ܪܝܫܝܬܐ ܕܗ݀ܘܝܐ
407.2:06 ܬܡܢ܂ ܘܗܘܐ ܬܠܓܐ ܘܢܚ݁ܬ ܥܠܝܗܘܢ ܕܛܘܪ̈ܐ ܘܐܦ
407.2:07 ܡܟܬܪ ܘܐܦܢ ܓܝܪ ܚܕܐ ܠܟܡܐ ܢܚ݁ܬ ܥܠ
407.2:08 ܦܩ̈ܥܬܐ ܡܛܠ ܚܡܝܡܘܬܐ ܕܒܓܘ ܐܪܥܐ ܕܩܪܝܒܐ
407.2:09 ܥܓܠ ܘܡܬܦܫܪ ܒܛܘܪ̈ܐ ܕܝܢ ܡܟܬܪ ܡܛܠ
407.2:10 ܪܚܝܩܘܬܐ ܕܡ݂ܢ ܚܡܝܡܘܬܐ ܕܒܓܘ ܐܪܥܐ܀
407.2:11 ܝܐ ܀ ܡܛܠ ܡܢܐ ܙܒ̈ܢܐ ܕܫܢ̄ܬܐ ܐܪܒܥܐ ܐܝܬܝܗܘܢ
407.2:12 ܘܠܐ ܝܬܝܪ ܘܠܐ ܒܨܝܪ܃ ܣܬܘܐ ܘܩܝܛܐ ܘܬܐܕܐ
407.2:13 ܘܬܫܪ̈ܝܬܐ ܐܪܒܥܐ ܓܝܪ ܐܣ̈ܛܘܟܣܐ ܐܝܬܝܗܘܢ
407.2:14 ܕܡܢܗܘܢ ܐܬܪܟܒ ܗܢܐ ܟܠ܂ ܘܡܛܠܗܕܐ ܗܘܘ
407.2:15 ܙܒ̈ܢܐ ܐܪ̈ܒܥܐ ܠܦܘܬ ܡܢܝܢܐ ܕܐܣ̈ܛܘܟܣܐ ܬܪܝܢ
407.2:16 ܙܒ̈ܢܐ ܡܐܚ̈ܫܢܐ ܘܬܪܝܢ ܚܫ̈ܘܫܐ ܒܕܡܘܬܐ ܕܐܣ̈ܛܘ
407.2:17 ܩܝܛܐ ܡܐܚܫ ܒܚܡܝܡܘܬܐ ܘܣܬܘܐ ܡܐܚܫ
407.2:18 ܒܩܪܝܪܘܬܐ܂ ܘܙܒܢܐ ܕܬܐܕܐ ܠܐ ܡܐܚܫ ܡܛܠ

▼ later lines