← Back
The Comprehensive Aramaic Lexicon
← Return to the Text Browser
click on the file description for more information

60809: Book of Treasures

Click on a word for lexical analysis
Click on a red-colored coordinate for comments and/or translations of the line

459.1:01 ܥܠܗ݀ܝ ܕܐܢ ܐܝܬܝܗ݀ ܘܡܢܐ ܐܝܬܝܗ݀ ܘܕܐܝܟ ܐܝܟܢܐ
459.1:02 ܘܡܛܠܡܢܐ ܘܕܠܐ ܡܝܘܬܬܐ ܗܝ ܘܕܠܐ ܓܫܘܡ
459.1:03 ܘܐܡܝܢܬ ܙܘ̈ܥܐ ܘܝܬܢܝܬ ܙܘܥܐ܃ ܘܥܠܗ݀ܝ
459.1:04 ܕܐܝܟܢܐ ܐܝܬܝܗ݀ ܩܕܡ ܦܓܪܐ ܐܝܟ ܡܢܝܢܐ ܕܓܘܫ̈ܡܐ
459.1:05 ܒܕܘܟܬܐ ܐܘ݁ ܠܐ ܘܕܥܡ ܦܓܪܐ ܡܬܪܒܝܐ ܐܘ݁ ܩܕܡ
459.1:06 ܘܕܒܬܪ ܦܓܪܐ ܐܝܟܢܐ ܐܝܬܝܗ݀܃ ܘܥܠܗ݀ܝ ܕܠܘ
459.1:07 ܡ݂ܢ ܐܣ̈ܛܘܟܣܐ ܗ݂ܝ ܐܝܟ ܒܕܝܐ ܕܐܢܫ̈ܝܢ ܐܦ ܥܠ
459.1:08 ܥܘܩ̈ܒܐ ܕܙܢܝ̈ܢ ܙܢܝ̈ܢ ܕܥܠ ܢܦܫܐ ܟܕ ܠܐ ܐܬܥܗܕܢܢ
459.1:09 ܠܬܚ̈ܘܝܬܐ ܕܥܬܝ̈ܩܐ ܕܥܠ ܢܦܫܐ ܐܘ ܠܪ̈ܥܝܢܐ
459.1:10 ܕܝܠܗܘܢ܃ ܘܒܗܕܐ ܠܐ ܢܦܩܝܢ ܡ݂ܢ ܪܥܝܢܐ ܕܥܕܬܐ
459.1:11 ܩܕܝܫܬܐ܃ ܘܗܢܘ ܪܥܝܢܐ ܕܝܠܢ ܒܟܠܗܘܢ ܣܝ̈ܡܝܢ
459.1:12 ܕܡ݂ܢ ܙܘ̈ܕܐ ܟܝ̈ܢܝܐ ܢܚܘܐ ܠܫܪܪܐ ܘܐܝܟ ܕܒܦܣܝ̈ܩܬܐ
459.1:13 ܐܟܡܢ ܕܢܗ݂ܘܐ ܝܘܬܪܢܐ ܒܝܕ ܙܥܘܪ̈ܝܬܐ ܠܩܪܘܝܐ
459.1:14 ܘܕܠܐ ܬܘܒ ܢܝܬܐ ܠܫ̈ܟܚܬܐ ܕܪ̈ܥܝܢܐ ܕܣܡܘ
459.1:15 ܐܚܪ̈ܢܐ ܒܕܡܘܬ ܗ݀ܘ ܕܚܕܐ ܒܙܪܥܐ ܒܐܪܥܐ
459.1:16 ܕܠܐ ܕܝܠܗ ܐܟܡܐ ܕܚܙܝܬܘܢ ܒܢܝܫܐ ܕܝܠܢ
459.1:17 ܕܒܟܬܒܐ ܗܢܐ܃ ܠܐ ܓܝܪ ܣܒܪ ܐܢܐ ܕܠܐ ܕܐܠܐܝܢܢ
459.1:18 ܒܗ ܠܐܢܫ ܒܝܕ ܥܡܠܐ ܕܐܚܪ̈ܢܐ܂ ܥܬܕܢܢ ܓܝܪ

459.1:19 ܐܦ ܣܝ̈ܡܐ ܐܚܪ̈ܢܐ ܩܕܡ ܗܢܐ ܐܣܝܝ̈ܐ ܥܠ ܥܠ̈ܠܬܐ

459.1:20 ܕܐܫܬܘ̈ܬܐ ܘܥܠ ܟܠܒܐ ܦܩܪܐ ܥܒܕܢܢ ܕܝܢ
459.1:21 ܐܦ ܕܥܠ ܬܦܫܘܪܬܐ ܘܙܢܝ̈ܐ ܐܚܪ̈ܢܐ ܐܣ̈ܝܝܐ
459.1:22 ܘܠܐ ܐܣ̈ܝܝܐ ܘܗܘ ܗܢܐ ܢܝܫܐ ܛܥܝܢܝܢ ܘܗ݂ܢܘܢ
459.1:23 ܡܚܘܝܢ ܥܠ ܢܦܫܗܘܢ ܕܡ݂ܢ ܥܡܠܢ ܐܢܘܢ ܒܝܕ
459.1:24 ܥܘܬܕܐ ܕܡ݂ܢ ܟܝܢܐ ܕܣܘܥܪ̈ܢܐ ܕܒܗܘܢ܃ ܘܡ̈ܠܐ
459.1:25 ܕܒܦܣܝ̈ܩܬܐ ܘܛܒ̈ܥܐ ܕܪ̈ܥܝܢܐ܃ ܥܠܬܐ
459.1:26 ܕܝܢ ܬܪܝܢܝܬܐ ܘܟܝܢܝܬܐ ܕܐܡܪܢܢ ܡܢ ܠܥܠ
459.1:27 ܕܒܡܢܐ ܡܫܚܠܦ ܥܠܡܐ ܗܢܐ ܡܢ ܗ݀ܘ ܕܥܬܝܕ
459.1:28 ܘܒܡܢܐ ܫܘ݂ܐ ܠܗ ܐܝܬܝܗ݀ ܗܕܐ܃ ܣ݂ܡ ܒܗܘܢ
459.1:29 ܓܝܪ ܐܠܗܐ ܒܐܣ̈ܛܘܟܣܐ ܕܢܗ݂ܘܐ ܙܘܥܗܘܢ
459.1:30 ܥܠܬܐ ܕܫܘܚܠܦܐ ܣܩܘܒܠܝܐ ܘܓܘܢܝܐ
459.2:01 ܝܕܥܬܐ ܠܡ̈ܠܫܠܐ ܕܢܕܪܟܘܢܝܗܝ ܠܗܢܐ ܫܘܚܠܦܐ
459.2:02 ܘܡܬܝܕܥܐ ܡܢ ܗ݀ܝ ܕܐܣ̈ܛܘܟܣܐ܃ ܠܘ ܚܕ ܟܝܢܐ
459.2:03 ܐܢܘܢ ܐܠܐ ܐܪܒܥܐ ܡܫ̈ܚܠܦܝ ܡ݂ܢ ܚ̈ܕܕܐ ܐܠܘ
459.2:04 ܓܝܪ ܚܕ ܟܝܢܐ ܗܘ݂ܘ܃ ܠܐ ܡܩܒܠܝܢ ܗܘ݂ܘ
459.2:05 ܫܘܚܠܦܐ ܘܡܛܠ ܕܡܫ̈ܚܠܦܐ ܓܘܢܝ̈ܐ
459.2:06 ܘܣܩܘܒ̈ܠܝܐ ܡ݂ܢ ܐܢܢܩܝ ܢܩܦ ܠܗܘܢ ܫܘܚܠܦܐ
459.2:07 ܓܘܢܝܐ ܘܣܩܘܒܠܝܘܬܐ ܡܛܠ ܣܩܘܒܠܝܘܬܐ
459.2:08 ܟܝܢܝܬܐ ܘܓܘܢܝܬܐ ܘܡܛܠ ܕܫܘܚܠܦܐ ܟܝܢܝܐ
459.2:09 ܘܣܩܘܒܠܝܐ ܕܡܫܚܠܦ ܗ݂ܘ ܗ݀ܘ ܫܘܚܠܦܐ܃
459.2:10 ܐܪܐ ܬܪ̈ܝܢ ܣܘܥܪ̈ܢܐ ܡܫ̈ܚܠܦܐ ܕܩܢܝܢ ܬܪ̈ܝܢ
459.2:11 ܓܘ̈ܐ ܣܩ̈ܘܒܠܝܐ܃ ܙܕܩ݁ ܕܢܗܘܘܢ ܠܗܘܢ
459.2:12 ܠܐܣ̈ܛܘܟܣܐ ܗ ܬܪܝܢ ܥܠܡ̈ܐ ܕܡܫܚܠܦܝܢ
459.2:13 ܡܢ ܚ̈ܕܕܐ ܟܠ ܚܕ ܚܕ ܡܢܗܘܢ ܓܘܢܐܝܬ
459.2:14 ܘܣܩܘܒܠܐܝܬ ܘܡܛܠ ܕܫܘܚܠܦܐ ܗܘ݂ܐ ܗܪܟܐ

▼ later lines