← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


04:01 ܘܐܕܡ ܚܟ݂ܡ ܠܚܘܐ ܐܢܬܬܗ܂ ܘܒܛܢ݂ܬ ܘܝܠ݂ܕܬ ܠܩܐܝܢ܂ ܘܐܡ݂ܪܬ ܩ݁ܢܝܬ ܓܒܪܐ ܠܡܪܝܐ܂
04:02 ܘܐܘܣܦܬ ܠܡܐܠܕ ܠܐܚܘܗܝ ܗܒܝܠ܂ ܘܗܘ݂ܐ ܗܒܝܠ ܪܥ݁ܐ ܥܢܐ܂ ܘܩܐܝܢ ܗܘ݂ܐ ܦܠܚ ܒܐܪܥܐ/ܒܐܘܥܐ#2#/܂
04:03 ܘܗܘ݂ܐ ܡܢ ܒܬܪ ܝܘܡ̈ܬܐ܂ ܘܐܝܬܝ ܩܐܝܢ ܡܢ ܦܐܪ̈ܐ ܕܐܪܥܗ܂ ܩܘܪܒܢܐ ܠܡܪܝܐ܂
04:04 ܘܗܒܝܠ ܐܝܬܝ ܐܦ ܗ݂ܘ ܡܢ ܒܘܟܪ̈ܐ ܕܥܢܗ ܘܡܢ ܫ̈ܡܝܢܝܗܘܢ܂ ܘܐܨܛܒܝ ܡܪܝܐ ܒܗܒܝܠ ܘܒܩܘܪܒܢܗ܂
04:05 ܘܒܩܐܝܢ ܘܒܩܘܪܒܢܗ ܠܐ ܐܨܛܒܝ܂ ܘܐܬܒܐܫ ܠܩܐܝܢ ܛܒ܂ ܘܐܬܟܡܪ ܐ̈ܦܘܗܝ܂
04:06 ܘܐܡ݂ܪ ܡܪܝܐ ܠܩܐܝܢ܂ ܠܡܢܐ ܐܬܒܐܫ ܠܟ܂ ܘܠܡܢܐ ܐܬܟܡܪ ܐ̈ܦܝܟ܂
04:07 ܗܐ ܐܢ ܬܫܦܪ ܩܒ݁ܠܬ܂ ܘܐܠܐ ܬܫ݂ܦܪ܂ ܥܠ ܬܪܥܐ ܚܛܗܐ ܪܒܝܥ܂ ܐܢܬ ܬܬܦܢܐ ܠܘܬܗ ܘܗ݂ܘ ܢܫܬܠܛ ܒܟ܀
04:08 ܘܐܡ݂ܪ ܩܐܝܢ ܠܗܒܝܠ ܐܚܘܗܝ܂ ܢܪܕܐ ܠܦܩܥܬܐ܂ ܘܗܘ݂ܐ ܕܟܕ ܗ݂ܢܘܢ ܒܚܩܠܐ/ܒܦܩܥܬܐ#3#/܂ ܩܡ ܩܐܝܢ ܥܠ ܗܒܝܠ ܐܚܘܗܝ ܘܩܛܠܗ܂
04:09 ܘܐܡ݂ܪ ܡܪܝܐ ܠܩܐܝܢ܂ ܐܝܟܐ ܗܘ ܗܒܝܠ ܐܚܘܟ܂ ܘܐܡ݂ܪ ܠܐ ܝܕܥ݁ ܐܢܐ܂ ܢܛܘܪܗ ܐܢܐ ܓܝܪ ܕܐܚܝ܂
04:10 ܘܐܡ݂ܪ \ܠܗ ܡܪܝܐ /#3#/܂ \ܡܢܐ ܥܒ݂ܕܬ /ܡܢܘ ܗܢܐ ܕܥܒ݂ܕܬ#3#/܂ ܩܠܐ ܕܕܡܗ ܕܐܚܘܟ ܓܥ݁ܐ ܠܘܬܝ ܡܢ ܐܪܥܐ܂
04:11 ܡܟܝܠ ܠܝܛ ܐܢܬ ܡܢ ܐܪܥܐ܂ ܕܦܬ݂ܚܬ ܦܘܡܗ݀ ܘܩܒ݂ܠܬ ܕܡܗ ܕܐܚܘܟ ܡܢ ܐ̈ܝܕܝܟ܂
04:12 ܟܕ ܬܦܠܘܚ ܒܐܪܥܐ܂ ܠܐ ܬܘܣܦ ܕܬܬܠ ܠܟ ܚܝܠܗ݀܂ ܙܐܥ ܘܢܐܕ ܬܗܘܐ ܒܐܪܥܐ܂
04:13 ܘܐܡ݂ܪ ܩܐܝܢ ܠܡܪܝܐ܂ ܪܒܐ ܗܝ ܣܟܠܘܬܝ ܡܢ ܕܠܡܫܒܩ܂
04:14 ܗܐ ܐܦܩܬܢܝ ܝܘܡܢܐ ܡܢ ܐ̈ܦܝ ‍<‍ܟܠܗ݀#3#‍>‍ ܐܪܥܐ܂ ܘܡܢ ܩܕܡܝܟ ܐܬ݁ܛܫܐ܂ ܘܐܗܘܐ ܙܐܥ ܘܢܐܕ ܒܐܪܥܐ ܘܟܠ ܡ݁ܢ ܕܢܫܟܚܢܝ ܢܩܛܠܢܝ܂
04:15 ܘܐܡ݂ܪ ܠܗ ܡܪܝܐ ܠܐ ܗܟܢܐ ܟܠ ܩܛ݁ܘܠܐ ‍<‍ܢܬܩܛܠ#3#‍>‍܂ ܩܐܝܢ ܚܕ ܒܫܒܥܐ ܢܬܦܪܥ܂ ܘܣܡ ܡܪܝܐ ܐܬܐ ܒܩܐܝܢ ܕܠܐ ܢܩܛܠܝܘܗܝ ܟܠ ܡ݁ܢ ܕܡܫܟܚ ܠܗ܂
04:16 ܘܢܦ݂ܩ ܩܐܝܢ ܡܢ ܩܕܡ ܡܪܝܐ܂ ܘܝܬ݂ܒ ܒܐܪܥܐ ܕܢܘܕ ܡܢ ܡܕܢܚܝܗ݀ ܕܥܕܢ܀
04:17 ܘܚ݂ܟܡ ܩܐܝܢ ܠܐܢܬܬܗ܂ ܘܒܛܢ݂ܬ ܘܝܠ݂ܕܬ܂ ܠܚܢܘܟ ܘܗܘ݂ܐ ܒ݁ܢܐ ܩܪܝܬܐ܂ ܘܩ݂ܪܐ ܫܡܗ݀ ܕܩܪܝܬܐ ܥܠ ܫܡ ܒܪܗ ܚܢܘܟ܂
04:18 ܘܐܬܝܠܕ ܠܚܢܘܟ ܥܝܕܪ܂ ܘܥܝܕܪ ܐܘܠܕ ܠܡܚܘܐܝܠ܂ ܘܡܚܘܐܝܠ ܐܘܠܕ ܠܡܬܘܫܝܠ܂ ܘܡܬܘܫܝܠ ܐܘܠܕ ܠܠܡܟ܂
04:19 \ܘܠܡܟ ܢܣܒ݂ ܠܗ /ܘܢܣܒ ܠܗ ܠܡܟ#3#/ ܬܪ̈ܬܝܢ ܢܫ̈ܝܢ܂ ܫܡܗ݀ ܕܚܕܐ ܥܕܐ܂ \ܘܫܡܗ݀ ܕܐܚܪܬܐ /ܘܕܐܚܪܝܬܐ#3#/ ܨܠ݂ܐ܂
04:20 ܘܝܠ݂ܕܬ ܥܕܐ ܠܝܒܠ܂ ܗ݂ܘ ܗܘ݂ܐ ܐܒܐ ܠܥܡܪ̈ܝ ܡܫܟܢܐ ܘܩܢܝ̈ܝ/ܘܠܩܢܝ̈ܝ#3#/ ܩܢܝܢܐ܂
04:21 ܘܫܡܐ ܕܐܚܘܗܝ ܝܘܒܠ܂ ܗ݂ܘ ܗܘܐ ܐܒܐ ܠܟܠ ܕܐܚܝܕ ܩܝܬܪܐ ܘܟܢܪܐ܂
04:22 ܘܨܠ݂ܐ ܐܦ ܗ݂ܝ ܝܠ݂ܕܬ ܠܬܘܒܠܩܝܢ܂ ܐܘܡܢ ܒܟܠ ܥܒ݁ܕ/ܥܒ݂ܕ#3#/ ܕܢܚܫܐ ܘܕܦܪܙܠܐ܂ ܘܚܬܗ ܕܬܘܒܠܩܝܢ ܢܥܡܐ܂
04:23 ܘܐܡ݂ܪ ܠܡܟ ܠܢܫ̈ܘܗܝ܂ ܥܕܐ ܘܨܠܐ ܫܡܥܝܢ ܩܠܝ܂ ܢܫ̈ܝ ܠܡܟ ܨܘܬܝܢ ܠܡܐܡܪܝ܂ ܡܛܠ ܕܓܒܪܐ ܩ݁ܛܠܬ ܒܨ̈ܘܠܦܬܝ ܘܛܠܝܐ ܒܫ̈ܘܩܦܝ܂
04:24 ܡܛܠ ܕܚܕ܆ܒܫܒܥܐ ܕܚܕ܆ܒܫܒܥܐ ܢܬܦܪܥ ܩܐܝܢ܂ ܘܠܡܟ ܠܫܒܥܝܢ ܘܫܒܥܐ܂
04:25 ܘܚ݂ܟܡ ܐܕܡ ܬܘܒ ܠܚܘܐ ܐܢܬܬܗ܂ ܘܒܛܢ݂ܬ ܘܝܠ݂ܕܬ ܒܪܐ܂ ܘܩܪܬ ܫܡܗ ܫܝܬ܂ ܡܛܠ ܕܝܗ݂ܒ ܠܝ ܐܠܗܐ ܙܪܥܐ ܐܚܪܢܐ ܚܠܦ ܗܒܝܠ ܕܩܛܠܗ ܩܐܝܢ܂
04:26 ܘܠܫܝܬ ܐܦ ܠܗ ܐܬܝܠܕ ܠܗ/#3#/ ܒܪܐ܂ ܘܩ݂ܪܐ ܫܡܗ ܐܢܘܫ܂ ܗܝܕܝܢ ܫ݁ܪܝ ܠܡܩܪܐ ܒܫܡܗ ܕܡܪܝܐ܂

next chapter