The Comprehensive Aramaic Lexicon

06:01	ܘܗܘܐ ܕܟܕ ܫܪܝܘ ܒܢ̈ܝ ܐܢܫܐ ܠܡܣܓܐ ܥܠ ܐ̈ܦܝ/#3#/ ܐܪܥܐ܂ ܘܒܢܬ̈ܐ ܐܬܝܠܕ ܠܗܘܢ܂
06:02	ܚܙܘ ܒܢ̈ܝ ܐܠܘܗܝܡ/ܕܝܢ̈ܐ#3#/ ܠܒܢ̈ܬ ܐܢܫܐ ܕܫܦܝܪ̈ܢ ܐܢܝ̈ܢ܂ ܘܢܣܒܘ ܐ̈ܢܝܢ ܠܗܘܢ ܢܫ̈ܐ܂ ܡܢ ܟܠ ܕܓܒܘ܂
06:03	ܘܐܡ݂ܪ ܡܪܝܐ܂ ܠܐ ܬܥܡ݂ܪ ܪܘܚܝ ܒܐܢܫܐ ܠܥܠܡ܂ ܡܛܠ ܕܒܣܪܐ ܗܘ܂ ܘܢܗܘܘܢ ܝܘܡ̈ܬܗ ܡܐܐ ܘܥܣܪ̈ܝܢ ܫ̈ܢܝܢ܂

06:04	ܘܓܢܒܪ̈ܐ ܗܘܘ ܒܐܪܥܐ ܒܝܘ̈ܡܬܐ ܗ݀ܢܘܢ܂ ܘܐܦ ܡܢ ܒܬܪܟܢ܂ ܡܛܠ ܕܥܠܘ ܒܢ̈ܝ ܐܠܘܗܝܡ/ܕܝܢ̈ܐ#3#/ ܥܠ ܒܢ̈ܬ ܐܢܫܐ܂ ܘܝܠܕ ܠܗܘܢ ܓܢܒܪ̈ܐ ܕܡܢ ܥܠܡ ܓܢܒܪ̈ܐ ܕܫܡ̈ܗܬܐ܀܀

06:05	ܘܚ݂ܙܐ ܡܪܝܐ ܕܣ݂ܓܝܬ ܒܝܫܬܐ ܕܐܢܫܐ ܒܐܪܥܐ/ܥܠ ܐܪܥܐ#3#/܂ ܘܟܠ ܝܨܪܐ ܕܡܚܫܒܬܐ ܕܠܒܗ ܒܝܫ ܒܟܠ ܝܘܡ܂
06:06	ܘܐܬܬܘܚ/ܘܐܬܬܘܝ#3#/ ܡܪܝܐ ܥܠ ܕܥܒ݂ܕ ܠܐܕܡ ܒܐܪܥܐ܂ ܘܟ݂ܪܝܬ ܒܠܒܗ܂
06:07	ܘܐܡ݂ܪ ܡܪܝܐ܂ ܐܥܛܐ ܠܒ̈ܢܝ ܐܢܫܐ ܕܒܪܝܬ ܡܢ ܐ̈ܦܝ ܐܪܥܐ܂ ܡܢ ܒܢ̈ܝ/#3#/ ܐܢܫܐ ܘܥܕܡܐ ܠܒܥܝܪ̈ܐ܂ ܘܥܕܡܐ ܠܪܚܫܐ ܘܥܕܡܐ ܠܦܪܚܬܐ ܕܫܡܝܐ܂ ܡܛܠ ܕܐܬܬܘܚܬ/ܕܐܬܬܘܝܬ#3#/ ܕܥܒ݁ܕܬ ܐܢܘܢ܀
06:08	ܘܢܘܚ ܐܫܟܚ ܪ̈ܚܡܐ ܒܥܝܢ̈ܝ ܡܪܝܐ܂
06:09	ܘܗܠܝܢ ܬ̈ܘܠܕܬܗ ܕܢܘܚ܂ ܢܘܚ ܓܒܪ ܙܕܝܩ ܘܬܡܝܡ ܗܘܐ ܒܕܪ̈ܘܗܝ܂ ܘܫ݂ܦܪ ܢܘܚ ܠܐܠܗܐ܂
06:10	ܘܐܘܠܕ ܢܘܚ ܬܠܬܐ ܒ̈ܢܝܢ܂ ܠܫܝܡ ܘܠܚܡ ܘܠܝܦܬ܂
06:11	ܘܐܬܚܒܠܬ ܐܪܥܐ ܩܕܡ ܐܠܗܐ/ܡܪܝܐ#3#/܂ ܘܐܬܡ݂ܠܝܬ ܐܪܥܐ ܥܘ݂ܠܐ܂
06:12	ܘܚ݂ܙܐ ܐܠܗܐ ܠܐܪܥܐ ܕܐܬܚ݂ܒܠܬ܂ ܡܛܠ ܕܚ݁ܒܠ ܟܠ ܒܣܪ ܐܘܪܚܗ ܥܠ ܐܪܥܐ܂
06:13	ܘܐܡ݂ܪ ܐܠܗܐ ܠܢܘܚ܂ ܩ݂ܨܐ ܕܟܠ ܒܣܪ ܥܠ ܩܕܡܝ܂ ܡܛܠ ܕܐܬܡ݂ܠܝܬ ܐܪܥܐ ܥܘ݂ܠܐ ܡܢ ܩܕܡܝܗܘܢ܂ ܗܐ ܡ݁ܚܒܠ ܐܢܐ ܠܗܘܢ ܥܡ ܐܪܥܐ܂
06:14	ܥܒ݂ܕ ܠܟ ܩܒܘܬܐ ܕܩܝܣܐ ܕܥܪܩܐ܂ ܡܕܝܪ̈ܐ ܥܒܕܝܗ݀ ܠܩܒܘܬܐ܂ ܘܫܘܥܝܗ݀ ܡܢ ܠܒܪ ܘܡܢ ܠܓܘ ܒܟܘܦܪܐ܂
06:15	ܘܗܟܢܐ ܥܒܕܝܗ݀ ‍<‍ܠܩܐܒܘܬܐ#3#‍>‍܂ ܬܠܬܡܐܐ ܐܡ̈ܝܢ ܐܘܪܟܗ݀ ܕܩܒܘܬܐ܂ ܘܚܡܫܝܢ ܐܡ̈ܝܢ ܦܬܝܗ݀܂ ܘܬܠܬܝܢ ܐܡ̈ܝܢ ܪܘܡܗ݀܂
06:16	ܘܙܘܝ̈ܕܢܐ ܥܒ݂ܕ ܠܩܒܘܬܐ܂ ܘܥܠ ܐܡܐ ܣܝܟܝܗ݀ ܡܢ ܠܥܠ܂ ܘܬܪܥܗ݀ ܕܩܒܘܬܐ ܒܣܛܪܗ݀ ܥܒ݂ܕ܂ ܡܕܝܪܐ ܬܚܬܝܐ ܘܬܢܝܢܐ ܘܬܠܝܬܝܐ ܥܒ݁ܕܝܗ݀܂
06:17	ܘܐܢܐ ܗܐ ܡ݁ܝܬܐ ܐܢܐ ܛܘܦܢܐ ܡ̈ܝܐ ܥܠ ܐܪܥܐ܂ ܠܡܚܒܠܘ ܟܠ ܒܣܪ ܕܐܝܬ ܒܗ ܪܘܚܐ ܕܚ̈ܝܐ ܡܢ ܬܚܝܬ ܫܡܝܐ܂ ܘܟܠ ܕܒܐܪܥܐ ܗ݂ܘ/#3#/ ܢܣܘܦ܂
06:18	ܘܐܩܝܡ ܩܝܡܝ ܥܡܟ܂ ܘܬܥܘܠ ܠܩܒܘܬܐ ܐܢܬ ܘܒܢܝܟ܂ ܘܐܢܬܬܟ ܘܢܫ̈ܐ ܕܒܢܝܟ ܥܡܟ܂
06:19	ܘܡܢ ܟܠ ܕܚܝ ܡܢ ܟܠ ܒܣܪ܂ ܬܪ̈ܝܢ ܬܪ̈ܝܢ ‍<‍ܡܢ ܟܠ#3#‍>‍ ܐܥܠ ‍<‍ܥܡܟ#3#‍>‍ ܠܩܒܘܬܐ ܠܡܐܚܝܘ ܥܡܟ܂ ܕܟܪ̈ܐ ܘܢܩ̈ܒܬܐ ܢܗܘܘܢ܂
06:20	ܡܢ ܦܪܚܬܐ ܠܓܢܣܗ݀܂ ܘܡܢ ‍<‍ܟܠ#3#‍>‍ ܒܥܝܪܐ ܠܓܢܣܗ݀܂ ܘܡܢ ܟܠܗ ܪܚܫܐ ܕܐܪܥܐ ܠܓܢܣ̈ܘܗܝ܂ ܬܪ̈ܝܢ ܬܪ̈ܝܢ ܡܢ ܟܠ ܢܥܠܘܢ ܥܡܟ ܠܡܐܚܐ܂
06:21	ܘܐܢܬ ܣܒ ܠܟ ܡܢ ܟܠ ܡܐܟܠܐ ܕܡܬܐܟܠ ܘܚܡܘܠ ܠܘܬܟ܂ ܘܢܗܘܐ ܠܟ ܘܠܗܘܢ ܠܡܐܟܘܠܬܐ܂
06:22	ܘܥܒ݂ܕ ܢܘܚ ܟܠ/ܐܝܟ#3#/ ܕܦܩܕܗ ܐܠܗܐ ܗܟܢܐ ܥܒ݂ܕ܀