← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


08:01 ܘܐܬ݁ܕܟܪ ܐܠܗܐ ܠܢܘܚ܂ ܘܠܟܠܗ݀ ܚܝܘܬܐ ܘܠܟܠܗ݀ ܒܥܝܪܐ܂ \ܘܠܟܠܗ݀ ܦܪܚܬܐ /#3#/ ܕܥܡܗ ܒܩܒܘܬܐ܂ ܘܐܥܒܪ ܐܠܗܐ ܪܘܚܐ ܥܠ ܐܪܥܐ܂ ܘܐܬܬܢܝܚܘ ܡ̈ܝܐ܂
08:02 ܘܐܣܬܟܪ̈ܘ ܡܒ̈ܘܥܐ ܕܬܗܘܡܐ ܘܢܣ̈ܟܐ ܕܫܡܝܐ܂ ܘܐܬܟܠܝ ܡܛܪܐ ܡܢ ܫܡܝܐ܂
08:03 ܘܗܦܟܘ ܡ̈ܝܐ ܡܢ ܐܪܥܐ܂ ܐܙܠܝܢ ܘܗܦܟܝܢ܂ ܘܚܣܪܘ ܡ̈ܝܐ ܡܢ ܒܬܪ ܡܐܐ ܘܚܡܫܝܢ ܝܘܡ̈ܝܢ܂
08:04 ܘܐܬܬܢܝ݂ܚܬ ܩܒܘܬܐ ܒܝܪܚܐ ܫܒܝܥܝܐ܂ ܒܫܒܥܣܪ̈ܐ ܒܗ ܒܝܪܚܐ ܥܠ ܛܘܪ̈ܝ ܩܪܕܘ܂
08:05 ܘܡ̈ܝܐ ܐܙܠܝܢ ܗܘܘ ܘܚܣܪܝܢ܀ ܥܕܡܐ ܠܝܪܚܐ ܥܣܝܪܝܐ܂ ܒܚܕ ܒܝܪܚܐ ܥܣܝܪܝܐ/ܕܥܣܪܐ#3#/܂ ܐܬܚܙܝܘ ܪ̈ܫܝ ܛܘܪ̈ܐ܂
08:06 ܘܗܘ݂ܐ ܡܢ ܒܬܪ ܐܪ̈ܒܥܝܢ ܝܘܡ̈ܝܢ܂ ܦܬ݂ܚ ܢܘܚ ܟܘܬܐ ܕܩܒܘܬܐ ܕܥܒ݂ܕ܂
08:07 ܘܫܕܪ ܠܥܘܪܒܐ܂ ܘܢܦ݂ܩ ܡܦܩ/#3#/ ܘܠܐ ܗ݂ܦܟ܂ ܥܕܡܐ ܕܝܒܫܘ ܡ̈ܝܐ ܡܢ ‍<‍ܐ̈ܦܝ#3#‍>‍ ܐܪܥܐ܂
08:08 ܘܫܕܪ ܠܝܘܢܐ ܡܢ ܠܘܬܗ܂ ܕܢܚܙܐ ܐܢ ܩܠܘ ܡ̈ܝܐ ܡܢ ܐ̈ܦܝ ܐܪܥܐ܂
08:09 ܘܠܐ ܐܫܟ݂ܚܬ ܠܗ݀/#3#/ ܝܘܢܐ ܢܝܚܐ ܠܦܣܬ ܪܓܠܗ݀܂ ܘܗܦܟ݂ܬ ܠܘܬܗ ܠܩܒܘܬܐ܂ ܡܛܠ ܕܡ̈ܝܐ ܐܝܬ ܗܘܘ ܥܠ ܐ̈ܦܝ ܟܠܗ݀ ܐܪܥܐ܂ ܘܐܘܫܛ ܐܝܕܗ ܘܢܣܒܗ݀܂ ܘܐܥܠܗ݀ ܠܘܬܗ ܠܩܒܘܬܐ܂
08:10 ܘܦ݂ܫ ܬܘܒ ܫܒܥܐ ܝܘܡ̈ܝܢ ܐܚܪ̈ܢܝܢ܂ ܘܗ݂ܦܟ ܘܫܕܪܗ݀ ܠܝܘܢܐ ܡܢ ܩܒܘܬܐ܂
08:11 ܘܐܬܬ ܠܘܬܗ ܝܘܢܐ ܠܥܕܢ/ܒܥܕܢ#3#/ ܪܡܫܐ܂ ܘܗܐ ܛܪܦܐ݁ ܕܙܝܬܐ ܐܚܝܕܐ ܒܦܘܡܗ݀܂ ܘܝܕܥ݂ ܢܘܚ ܕܩܠܘ ܡ̈ܝܐ ܡܢ ܐ̈ܦܝ ܐܪܥܐ܂
08:12 ܘܦܫ/ܘܩܘܝ#3#/ ܬܘܒ ܫܒܥܐ ܝܘ̈ܡܝܢ ܐܚܪ̈ܢܝܢ܂ ܘܫܕܪܗ݀ ܠܝܘܢܐ܂ ܘܠܐ ܐܘܣ݂ܦܬ ܬܘܒ ܝܘܢܐ/#3#/ ܠܡܗܦܟ ܠܘܬܗ܀
08:13 ܘܗܘ݂ܐ ܒܫܢܬ ܫܬܡܐܐ ܘܚܕܐ܂ ܒܚܕ ܒܝܪܚܐ ܩܕܡܝܐ܂ ܝܒܫܘ ܡ̈ܝܐ ܡܢ ܐܪܥܐ܂ ܘܐܥܒ݂ܪ ܢܘܚ ܟܣܝܐ ܕܩܒܘܬܐ ܘܚ݂ܙܐ ܘܗܐ ܝܒ݂ܫ ܐ̈ܦܝ ܐܪܥܐ܂
08:14 ܘܒܝܪܚܐ ܕܬܪ̈ܝܢ ܒܫܒܥܐ ܘܥܣܪ̈ܝܢ ܒܗ ܒܝܪܚܐ܂ ܝܒ݂ܫܬ ܐܪܥܐ܂
08:15 ܘܡܠܠ ܐܠܗܐ ܥܡ ܢܘܚ ܘܐܡ݂ܪ ܠܗ܂
08:16 ܦܘܩ ܡܢ ܩܒܘܬܐ ܐܢܬ ܘܐܢܬܬܟ܂ ܘܒ̈ܢܝܟ ܘܢܫ̈ܐ ܕܒ̈ܢܝܟ ܥܡܟ܂
08:17 ܘܟܠܗ݀ ܚܝܘܬܐ ܕܥܡܟ ܡܢ ܟܠ ܒܣܪ܂ ܘܦܪܚܬܐ ܘܒܥܝܪܐ ‍<‍ܘܚܝܘܬܐ#3#‍>‍܂ ܘܟܠܗ ܪܚܫܐ ܕܪܚܫ ܥܠ ‍<‍ܐ̈ܦܝ#3#‍>‍ ܐܪܥܐ ܐܦܩ ܥܡܟ/ܡܢ ܩܒܘܬܐ#3#/܂ ܘܢܘܠܕܘܢ ܒܐܪܥܐ܂ ܘܢܦܪܘܢ ܘܢܣܓܘܢ ܥܠ ܐܪܥܐ܂
08:18 ܘܢܦ݂ܩ ܢܘܚ ܘܐܢܬܬܗ ܘܒܢ̈ܘܗܝ܂ ܘܢܫ̈ܐ ܕܒܢ̈ܘܗܝ ܥܡܗ܂
08:19 ܘܟܠܗ݀ ܚܝܘܬܐ ܘܟܠܗ݀ ܒܥܝܪܐ/ܪܚܫܐ#3#/ ܘܟܠܗ݀ ܦܪܚܬܐ܂ ܘܟܠ ܕܪܚܫ ܥܠ ܐܪܥܐ ܠܫܪ̈ܒܬܗܘܢ܂ ܢܦܩܘ ܡܢ ܩܒܘܬܐ܀܂
08:20 ܘܒܢ݂ܐ ܢܘܚ ܡܕܒܚܐ ܠܡܪܝܐ܂ ܘܢܣ݂ܒ ܡܢ ܟܠܗ݀ ܚܝܘܬܐ/ܒܥܝܪܐ#3#/ ܕܟܝܬܐ܂ ܘܡܢ ܟܠܗ݀/#3#/ ܦܪܚܬܐ ܕܟܝܬܐ܂ ܘܐܣܩ ܝܩܕܐ ܥܠ ܡܕܒܚܐ܂
08:21 ܘܐܪܝܚ ܡܪܝܐ \ܪܝܚܐ ܕܣܘܬܐ /#3#/ ܪܝܚܐ ܕܢܝܚܐ܂ ܘܐܡ݂ܪ ܡܪܝܐ ܒܠܒܗ܂ ܠܐ ܐܘܣܦ ܬܘܒ ܠܡܠܛܗ݀ ܠܐܪܥܐ ܡܛܠ ܒܪ ܐܢܫܐ܂ ܡܛܠ ܕܝܨܪܐ ܕܠܒܗ ܕܒܪ ܐܢܫܐ ܒܝܫ ‍<‍ܗܘ#3#‍>‍ ܡܢ ܛܠܝܘܬܗ܂ ܘܠܐ ܐܘܣܦ ܬܘܒ ܠܡܡܚܐ \ܠܟܠ ܕܚܝ /ܠܒܪ ܐܢܫܐ#3#/ ܐܝܟ ܕܥܒ݁ܕܬ܂
08:22 ܘܡܟܝܠ ܟܠܗܘܢ ܝܘܡ̈ܬܐ ܕܐܪܥܐ܂ ܙܪܥܐ ܘܚܨܕܐ܂ ܥܪܝܐ ܘܚܘܡܐ܂ ܩܝܛܐ ܘܣܬܘܐ܂ ܐܝܡܡܐ ܘܠܠܝܐ ܠܐ ܢܒܛܠܘܢ܀

next chapter