← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


11:01 ܘܗܘܬ ܟܠܗ݀ ܐܪܥܐ܂ ܠܫܢܐ ܚܕ ܘܡܡܠܠܐ ܚܕ܂
11:02 ܘܗ݂ܘܐ ܕܟܕ ܫܩܠܘ ܡܢ ܡܕܢܚܐ܂ ܐܫܟܚܘ ܦܩܥܬܐ ܒܐܪܥܐ ܕܣܢܥܪ ܘܝܬܒܘ ܬܡܢ/ܒܗ݀#3#/܂
11:03 ܘܐܡܪܘ ܓܒܪ ܠܚܒܪܗ܂ ܬܘ ܢܪܡܐ ܠܒܢ̈ܐ ܘܢܘܩܕ ܐ̈ܢܝܢ ܒܢܘܪܐ܂ ܘܗܘܝܐ ܠܗܘܢ ܠܒܬܐ ܠܟܐܦܐ܂ ܘܣܝܕܐ ܗ݀ܘܐ ܠܗܘܢ ܠܡ݁ܠܛܐ܂
11:04 ܘܐܡܪܘ܂ ܬܘ ܢܒܢܐ ܠܢ ܩܪܝܬܐ܂ ܘܡܓܕܠܐ ܕܪܫܗ ܒܫܡܝܐ܂ ܘܢܥܒܕ ܠܢ ܫܡܐ܂ ܕܠܡܐ/ܕܠܐ#3#/ ܢܬܒܕܪ ܥܠ ܐ̈ܦܝ ܟܠܗ݀ ܐܪܥܐ܀
11:05 ܘܢܚ݂ܬ ܡܪܝܐ ܠܡܚܙܐ/ܕܢܚܙܐ#3#/ ܩܪܝܬܐ܂ ܘܡܓܕܠܐ ܕܒܢܝܢ ܒ̈ܢܝܢܫܐ܂
11:06 ܘܐܡ݂ܪ ܡܪܝܐ܂ ܗܐ ܥܡܐ ܚܕ ܘܠܫܢܐ ܚܕ ܠܟܠܗܘܢ܂ ܘܗܟܢܐ ܐܬܚܫܒܘ ܠܡܥܒܕ܂ ܡܟܝܠ ܠܐ ܢܬܒܨܪ ܡܢܗܘܢ ܟܠܡܕܡ/ܟܠ ܡܐ#3#/ ܕܐܬܚܫܒܘ ܠܡܥܒܕ܂
11:07 ܬܘ ܢܚܘܬ ܘܢ݁ܦܠܓ ܬܡ݁ܢ ܠܫ̈ܢܐ܂ ܕܠܐ ܢܫܡܥܘܢ ܓܒܪ ܠܫܢ ܚܒܪܗ܂
11:08 ܘܒ݁ܕܪ ܐܢܘܢ ܡܪܝܐ \ܡܢ ܬܡܢ /#3#/ ܥܠ ܐ̈ܦܝ ܟܠܗ݀ ܐܪܥܐ܂ ܘܦܫܘ ܡܢ ܕܠܡܒܢܐ ܩܪܝܬܐ܂
11:09 ܡܛܠ ܗܢܐ ܩ݂ܪܐ ܫܡܗ݀ ܒܒܠ܂ ܡܛܠ ܕܬܡ݁ܢ ܒܠܒܠ/ܐܬܒܠܒܠܘ ܡܢ#3#/ ܡܪܝܐ ܠܫ̈ܢܐ ܕܟܠܗ݀ ܐܪܥܐ܂ ܘܡܢ ܬܡ݁ܢ ܒ݁ܕܪ ܐܢܘܢ ܡܪܝܐ ܥܠ ܐ̈ܦܝ ܟܠܗ݀ ܐܪܥܐ܀
11:10 ܘܗܠܝܢ ܬܘ̈ܠܕܬܗ ܕܫܝܡ܂ ܫܝܡ ܒܪ ܡܐܐ ‍<‍ܗܘܐ#3#‍>‍ ܫܢ̈ܝܢ܂ ‍<‍ܟܕ#3#‍>‍ ܐܘܠܕ ܠܐܪܦܟܫܪ܂ ܬܪ̈ܬܝܢ ܫ̈ܢܝܢ ܡܢ ܒܬܪ ܛܘܦܢܐ܂
11:11 ܘܚܝ݂ܐ ܫܝܡ ܡܢ ܒܬܪ ܕܐܘܠܕ ܠܐܪܦܟܫܪ ܚܡܫܡܐܐ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀܀
11:12 ܘܐܪܦܟܫܪ ܚ݂ܝܐ ܬܠܬܝܢ ܘܚܡܫ ܫܢܝܢ܂ ܘܐܘܠܕ ܠܫܠܚ܂
11:13 ܘܚ݂ܝܐ ܐܪܦܟܫܪ ܡܢ ܒܬܪ ܕܐܘܠܕ ܠܫܠܚ܂ ܐܪ̈ܒܥܡܐܐ ܘܬܠܬ/ܘܬܠܬܝܢ#3#/ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀
11:14 ܘܫܠܚ ܚܝܐ ܬܠܬܝܢ ܫ̈ܢܝܢ܂ ܘܐܘܠܕ ܠܥܒ݁ܪ܂
11:15 ܘܚ݂ܝܐ ܫܠܚ ܡܢ ܒܬܪ ܕܐܘܠܕ ܠܥܒ݁ܪ ܐܪ̈ܒܥܡܐܐ ܘܬܠܬ ܫܢܝ̈ܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀܀
11:16 ܘܚܝܐ ܥ݁ܒܪ ܬܠܬܝܢ ܘܐܪ̈ܒܥ ܫ̈ܢܝܢ܂ ܘܐܘܠܕ ܠܦܠܓ܂
11:17 ܘܚ݂ܝܐ ܥܒܪ ܡܢ ܒܬܪ ܕܐܘܠܕ ܠܦܠܓ܂ ܐܪ̈ܒܥܡܐܐ ܘܬܠܬܝܢ ܫ̈ܢܝܢ܂ ܘܐܘܠܕ ܒܢ̈ܝܐ ܘܒܢ̈ܬܐ܀܂
11:18 ܘܚܝ݂ܐ ܦܠܓ ܬܠܬܝܢ ܫܢܝ̈ܢ܂ ܘܐܘܠܕ ܠܐܪܥܘ܂
11:19 ܘܚܝ݂ܐ ܦܠܓ ܡܢ ܒܬܪ ܕܐܘܠܕ ܠܐܪܥܘ܂ ܡܐܬܝܢ ܘܬܫܥ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀
11:20 ܘܚܝ݂ܐ ܐܪܥܘ ܬܠܬܝܢ ܘܬܪ̈ܬܝܢ ܫ̈ܢܝܢ܂ ܘܐܘܠܕ ܠܣܪܘܓ܂
11:21 ܘܚ݂ܝܐ ܐܪܥܘ ܡܢ ܒܬܪ ܕܐܘܠܕ ܠܣܪܘܓ ܡܐܬܝܢ ܘܫܒܥ ܫ̈ܢܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܂܀
11:22 ܘܚ݂ܝܐ ܣܪܘܓ ܬܠܬܝܢ ܫ̈ܢܝܢ܂ ܘܐܘܠܕ ܠܢܚܘܪ܂
11:23 ܘܚ݂ܝܐ ܣܪܘܓ ܡܢ ܒܬܪ ܕܐܘܠܕ ܠܢܚܘܪ܂ ܡܐܬ̈ܝܢ ܫܢ̈ܝܢ܂ ܘܐܘܠܕ ܒ̈ܢܝܐ ܘܒܢ̈ܬܐ܀܂
11:24 ܘܚ݂ܝܐ ܢܚܘܪ ܥܣܪ̈ܝܢ ܘܬܫܥ ܫܢܝ̈ܢ܂ ܘܐܘܠܕ ܠܬܪܚ܂
11:25 ܘܚܝ݂ܐ ܢܚܘܪ ܡܢ ܒܬܪ ܕܐܘܠܕ ܠܬܪܚ܂ ܡܐܐ ܘܬܫܥܣܪܐ ܫ̈ܢܝܢ܂ ܘܐܘܠܕ ܒܢ̈ܝܐ ܘܒܢ̈ܬܐ܀
11:26 ܘܚ݂ܝܐ ܬܪܚ ܫܒܥܝܢ ܘܚܡܫ/#3#/ ܫ̈ܢܝܢ܂ ܘܐܘܠܕ ܠܐܒܪܡ ܘܠܢܚܘܪ܂ ܘܠܗܪܢ܂
11:27 ܘܗܠܝܢ ܬ̈ܘܠܕܬܗ ܕܬܪܚ܂ ܬܪܚ ܐܘܠܕ ܠܐܒܪܡ܂ ܘܠܢܚܘܪ ܘܠܗܪܢ܂ ܘܗܪܢ ܐܘܠܕ ܠܠܘܛ܂
11:28 ܘܡܝܬ ܗܪܢ ܒܚ̈ܝܝ ܬܪܚ ܐܒܘܗܝ܂ ܒܐܪܥܐ ܕܐܬܝܠܕ ܒܗ݀ ܒܐܘܪ ܕܟ̈ܠܕܝܐ܂
11:29 ܘܢܣܒ݂ܘ ܠܗܘܢ ܐܒܪܡ ܘܢܚܘܪ ܢܫ̈ܐ܂ ܫܡ ܐܢܬܬܗ ܕܐܒܪܡ ܣܪܝ܂ ܘܫܡ ܐܢܬܬܗ ܕܢܚܘܪ ܡܠ݂ܟܐ ܒܪܬ ܗܪܢ܂ ܐܒܘܗ݀ ܕܡܠ݂ܟܐ ܘܐܒܘܗ݀ ܕܐܣܟܐ܂
11:30 ܘܗܘܬ ܣܪܝ ܥܩܪܬܐ܂ ܘܠܐ ܗ݀ܘܝܢ ܠܗ݀ ܒ̈ܢܝܐ܂
11:31 ܘܕܒ݂ܪ ܬܪܚ ܠܐܒܪܡ ܒܪܗ ܘܠܠܘܛ ܒܪ ܗܪܢ ܒܪ ܒܪܗ܂ ܘܠܣܪܝ ܟܠܬܗ ܐܢܬܬ ܐܒܪܡ ܒܪܗ܂ ܘܢܦܩ݂ܘ ܥܡܗܘܢ ܡܢ ܐܘܪ ܕܟ̈ܠܕܝܐ ܠܡܐܙܠ ܠܐܪܥܐ ܕܟܢܥܢ܂ ܘܐܬܘ ܥܕܡܐ ܠܚܪܢ ܘܝܬܒܘ ܬܡܢ܂
11:32 ܘܗܘܘ ܝܘܡ̈ܬܗ ܕܬܪܚ܂ ܡܐܬܝܢ ܘܚܡܫ ܫ̈ܢܝܢ܂ ܘܡܝܬ ܬܪܚ/#3#/ ܒܚܪܢ܀

next chapter