The Comprehensive Aramaic Lexicon

13:01	ܘܣܠ݂ܩ ܐܒܪܡ ܡܢ ܡܨܪܝܢ܂ ܗ݂ܘ ܘܐܢܬܬܗ ܘܟܠ ܕܐܝܬ ܠܗ܂ ܘܠܘܛ ܥܡܗ ܠܬܝܡܢܐ܂
13:02	ܘܐܒܪܡ ܥܬܪ ܛܒ ܒܩܢܝܢܐ ܘܒܣܐܡܐ/ܘܒܟܣܦܐ#3#/ ܘܒܕܗܒܐ܂
13:03	ܘܐܙܠ ܠܡܫܩ̈ܠܢܘܗܝ ܡܢ ܬܝܡܢܐ ܘܥܕܡܐ ܠܒܝܬ ܐܝܠ܂ ܥܕܡܐ ܠܐܬܪܐ ܕܢܩܫ݂ ܗܘܐ ܬܡܢ ܡܫܟܢܗ ܡܢ ܩܕܝܡ܂ ܒܝܢ̈ܬ ܒܝܬ ܐܝܠ ܠܒܝܬ ܥܝ܂
13:04	ܠܐܬܪܐ ܕܡܕܒܚܐ ܕܥܒ݂ܕ ܗܘܐ/#3#/ ܬܡܢ ܒܩܕܡܝܬܐ܂ ܘܩ݂ܪܐ ܬܡܢ ܐܒܪܡ ܒܫܡܗ ܕܡܪܝܐ܂
13:05	ܘܐܦ ܠܠܘܛ ܕܐܙܠ ܥܡ ܐܒܪܡ܂ ܐܝܬ ܗܘܘ ܥܢܐ ܘܬܘܪ̈ܐ܂ ܘܡܫ̈ܟܢܐ ܣܘܓܐܐ ܕܛܒ܂
13:06	ܘܠܐ ܡܣܝܒܪܐ ܗܘܬ ܠܗܘܢ ܐܪܥܐ ܗ݀ܝ/#3#/ ܠܡܬܒ ܐܟܚܕܐ܂ ܡܛܠ ܕܣܓܝ ܗܘܐ ܩܢܝܢܗܘܢ ܛܒ/#3#/܂ ܘܠܐ ܡܫܟܚܝܢ ܗܘܘ ܠܡܬܒ ܐܟܚܕܐ܂
13:07	ܘܗܘܬ ܡܨܘܬܐ ܒܝܬ ܪ̈ܥܘܬܐ ܕܩܢܝܢܗ ܕܐܒܪܡ܂ ܠܒܝܬ ܪ̈ܥܘܬܐ ܕܩܢܝܢܗ ܕܠܘܛ܂ ܘܟܢܥ̈ܢܝܐ ܘܦܪ̈ܙܝܐ ܥܕܟܝܠ ܝܬܒܝܢ ܒܐܪܥܐ܂
13:08	ܘܐܡ݂ܪ ܐܒܪܡ ܠܠܘܛ܂ ܠܐ ܬܗܘܐ ܡܨܘܬܐ ܒܝ̈ܢܝ ܘܠܟ܂ ܘܒܝܬ ܪ̈ܥܘܬܝ ܠܪ̈ܥܘܬܟ܂ ܡܛܠ ܕܓܒܪ̈ܐ ܐܚ̈ܐ ܚܢܢ܂
13:09	ܗܐ ܟܠܗ݀ ܐܪܥܐ ܩܕܡܝܟ܂ ܦܪܘܫ ܡܢܝ܂ ܐܢ ܐܢܬ ܠܝܡܝܢܐ ܐܢܐ ܠܣܡܠܐ܂ ܘܐܢ ܐܢܬ ܠܣܡܠܐ ܐܢܐ ܠܝܡܝܢܐ܂
13:10	ܘܐܪܝܡ ܠܘܛ ܥܝܢ̈ܘܗܝ ܘܚ݂ܙܐ ܟܠܗ݀ ܐܪܥܐ ܕܝܘܪܕܢܢ ܕܟܠܗ݀ ܒܝܬ ܫܩܝܐ ܗܝ܂ ܩܕܡ ܕܢܚܒܠ ܡܪܝܐ/ܐܠܗܐ#3#/ ܠܣܕܘܡ ܘܠܥܡܘܪܐ ܐܝܟ ܦܪܕܝܣܗ ܕܐܠܗܐ܂ ܘܐܝܟ ܐܪܥܐ ܕܡܨܪܝܢ ܕܒܡܥܠܢܐ ܕܨܥܢ/ܕܨܥܪ#3#/܂
13:11	ܘܓܒ݂ܐ ܠܗ ܠܘܛ ܟܠܗ݀ ܐܪܥܐ ܕܝܘܪܕܢܢ܂ ܘܫ݂ܩܠ ܠܘܛ ܡܢ ܡܕܢܚܐ܂ ܘܦܪܫܘ ܓܒܪ ܡܢ ܐܚܘܗܝ܂
13:12	ܐܒܪܡ ܝܬ݂ܒ ܒܐܪܥܐ ܕܟܢܥܢ܂ ܘܠܘܛ ܝܬ݂ܒ ܒܩܘܪ̈ܝܐ ܕܟܟܪ܂ ܘܝܪܬ ܥܕܡܐ ܠܣܕܘܡ܂
13:13	ܘܐܢܫܐ ܕܣܕܘܡ ܒܝܫ̈ܝܢ ܘܚ̈ܛܝܝܢ ܛܒ ܩܕܡ ܡܪܝܐ/ܐܠܗܐ#3#/܀܂
13:14	ܘܐܡ݂ܪ ܡܪܝܐ ܠܐܒܪܡ܂ ܡܢ ܒܬܪ ܕܦܪܫ݂ ܠܘܛ ܡܢ ܠܘܬܗ܂ ܐܪܝܡ ܥܝܢ̈ܝܟ ܘܚܙܝ ܡܢ ܐܬܪܐ ܕܐܢܬ/ܕܝܬܒ ܐܢܬ#3#/ ܒܗ܂ ܠܓܪܒܝܐ ܘܠܬܝܡܢܐ ܘܠܡܕܢܚܐ ܘܠܡܥܪܒܐ܂
13:15	ܡܛܠ ܕܟܠܗ݀ ܐܪܥܐ ܕܚ݁ܙܐ ܐܢܬ܂ ܠܟ ܐܬܠܝܗ݀ ܘܠܙܪܥܟ ܥܕܡܐ ܠܥܠܡ܂
13:16	ܘܐܥܒܕܝܘܗܝ ܠܙܪܥܟ ܐܝܟ ܥܦܪܐ ܕܐܪܥܐ܂ ܕܐܢ ܡܫܟܚ ܐܢܬ ܠܡܡܢܐ ܥܦܪܐ ܕܐܪܥܐ܂ ܐܦ ܙܪܥ݁ܟ ܢܬܡܢܐ܂

13:17	ܩܘܡ ܗܠܟ ܒܐܪܥܐ ܠܐܘܪܟܗ݀ ܘܠܦܬܝܗ݀܂ ܡܛܠ ܕܠܟ ܐܬܠܝܗ݀܀

13:18	ܘܐܬ݂ܐ ܐܒܪܡ܂ ܘܥܠ ܘܝܬ݂ܒ ܒܝܬ ܒܠܘܛܐ ܕܡܡܪܐ ܐܡܘܪܝܐ/#3#/܂ ܕܒܚܒܪܘܢ܂ ܘܒܢ݂ܐ ܬܡܢ ܡܕܒܚܐ ܠܡܪܝܐ܀܂