← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


17:01 ܘܗܘ݂ܐ ܐܒܪܡ ܒܪ ܬܫܥܝܢ ܘܬܫܥ ܫ̈ܢܝܢ܂ ܘܐܬܓܠܝ ܡܪܝܐ ܥܠ ܐܒܪܡ ܘܐܡ݂ܪ ܠܗ܂ ܐܢܐ ܐܢܐ ܐܠܫܕܝ/#3#/ ܐܠܗܐ܂ ܫܦ݂ܪ ܩܕܡܝ ܘܗܘܝ ܕܠܐ ܡܘܡ܂
17:02 ܘܐܬܠ ܩܝܡܝ ܒܝܢ̈ܝ ܘܠܟ܂ ܘܐܣܓܝܟ ܛܒ ܛܒ/#3#/܂
17:03 ܘܢܦ݂ܠ ܐܒܪܡ ܥܠ ܐ̈ܦܘܗܝ܂ ܘܡܠܠ ܥܡܗ ܐܠܗܐ ܘܐܡ݂ܪ ܠܗ܂
17:04 ܐܢܐ ܗܐ ܡܩܝܡ ܐܢܐ ܩܝܡܝ ܥܡܟ܂ ܘܬܗܘܐ ܐܒܐ ܠܣܘܓܐܐ ܕܥܡ̈ܡܐ܂
17:05 ܘܠܐ ܢܬܩܪܐ ܬܘܒ ܫܡܟ ܐܒܪܡ܂ ܐܠܐ ܢܗܘܐ ܫܡܟ ܐܒܪܗܡ܂ ܡܛܠ ܕܐܒܐ ܠܣܘܓܐܐ ܕܥܡ̈ܡܐ ܝܗܒܬܟ܂
17:06 ܘܐܦܪܝܟ/ܘܐܦܪܥܟ#3#/ ܘܐܣܓܝܟ ܛܒ ܛܒ/#3#/܂ ܘܐܬܠܟ ܠܥܡ̈ܡܐ/ܠܣܘܓܐܐ ܕܥܡ̈ܡܐ#3#/ ܘܡ̈ܠܟܐ \ܡܢ ܚܨܟ /ܡܢܟ#3#/ ܢܦܩܘܢ܂
17:07 ܘܐܩܝܡ ܩܝܡܝ ܒܝܢ̈ܝ ܘܠܟ ܘܒܝܬ ܙܪܥܟ ܡܢ ܒܬܪܟ ܠܕܪ̈ܝܗܘܢ܂ ܠܩܝܡܐ ܕܠܥܠܡ܂ ܘܐܗܘܐ ܠܟ ܐܠܗܐ ܘܠܙܪܥܟ ܡܢ ܒܬܪܟ܂
17:08 ܘܐܬܠ ܠܟ ܘܠܙܪܥ݁ܟ ܡܢ ܒܬܪܟ܂ ܐܪܥܐ ܕܡܥܡܪܟ܂ ܟܠܗ݀ ܐܪܥܐ ܕܟܢܥܢ ܠܝܘܪܬܢܐ ܕܠܥܠܡ܂ ܘܐܗܘܐ ܠܗܘܢ ܐܠܗܐ܂
17:09 ܘܐܡ݂ܪ ܐܠܗܐ ܠܐܒܪܗܡ܂ ܐܢܬ ܩܝܡܝ ܛܪ܂ ܐܢܬ ܘܙܪܥܟ ܡܢ ܒܬܪܟ ܠܕܪ̈ܝܗܘܢ܂
17:10 ܗܢܘ ܩܝܡܝ ܕܬܛܪܘܢ ܒܝܢ̈ܝ ܘܠܟܘܢ܂ ܘܒܝܬ ܙܪܥܟ ܡܢ ܒܬܪܟ܂ ܕܬܓܙܪܘܢ ܟܠ ܕܟܪܐ܂
17:11 ܘܬܓܙܪܘܢ ܒܣܪܐ ܕܥܘܪܠܘܬܟܘܢ܂ ܘܬܗܘܐ ܐܬܐ ܕܩܝܡܐ ܒܝ̈ܢܝ ܘܠܟܘܢ܂
17:12 ܘܒܪ ܬܡܢܝܐ ܝܘܡ̈ܝܢ ܢܓܙܘܪ ܡܢܟܘܢ ܟܠ ܕܟܪܐ ܠܕܪ̈ܝܟܘܢ܂ ܝܠܝܕ ܒܝܬܐ ܘܙܒܝܢ ܟܣܦܐ܂ ܡܢ ܟܠ ܒܪ ܢܘܟܪ̈ܝܐ ܕܠܐ ܗܘ݂ܐ ܡܢ ܙܪܥܟ܂
17:13 ܡܓܙܪ ܢܓܙܘܪ܂ ܝܠܝܕ ܒܝܬܟ ܘܙܒܝܢ ܟܣܦܟ܂ ܘܢܗܘܐ ܩܝܡܝ ܒܒܣܪܟܘܢ ܠܩܝܡܐ ܕܠܥܠܡ܂
17:14 ܘܥܘܪܠܐ ܕܟܪܐ ܕܠܐ ܢܓܙܘܪ ܒܣܪܐ ܕܥܘܪܠܘܬܗ܂ ܬܐܒܕ ܢܦܫܐ ܗ݀ܝ ܡܢ ܥܡܗ݀܂ ܩܝܡܝ ܒ݁ܛܠܬ܂
17:15 ܘܐܡ݂ܪ ܐܠܗܐ ܠܐܒܪܗܡ܂ ܣܪܝ ܐܢܬܬܟ ܠܐ ܬܩܪܐ ܫܡܗ݀ ܣܪܝ܂ ܡܛܠ ܕܣܪܐ ܫܡܗ݀܂
17:16 ܘܐܒܪܟܝܗ݀ ܘܐܦ ܐܬܠ ܠܟ ܡܢܗ݀ ܒܪܐ܂ ܘܐܒܪܟܝܘܗܝ ܘܢܗܘܐ ܠܥܡ̈ܡܐ܂ ܘܡ̈ܠܟܐ ܕܥܡ̈ܡܐ ܡܢܗ ܢܗܘܘܢ܂
17:17 ܘܢܦ݂ܠ ܐܒܪܗܡ ܥܠ ܐ̈ܦܘܗܝ ܘܓܚܟ܂ ܘܐܡ݂ܪ ܒܠܒܗ܂ ܠܒܪ ܡܐܐ ܫܢܝ̈ܢ ܢܬܝܠܕ ܒܪܐ܂ ܐܘ ܣܪܐ ܒܪܬ ܬܫܥܝܢ ܫ̈ܢܝܢ ܬܐܠܕ܂
17:18 ܘܐܡ݂ܪ ܐܒܪܗܡ ܠܐܠܗܐ܂ ܐܫܬܘܦ ܕܝܢ ܐܝܫܡܥܝܠ ܢܚ݂ܐ ܩܕܡܝܟ܂
17:19 ܘܐܡ݂ܪ ܐܠܗܐ ܠܐܒܪܗܡ/#3#/ ܫܪܝܪܐܝܬ ܣܪܐ ܐܢܬܬܟ ܝܠܕܐ ܠܟ ܒܪܐ܂ ܘܩ݁ܪܐ ܐܢܬ ܫܡܗ ܐܝܣܚܩ܂ ܘܐܩܝܡ ܩܝܡܝ ܥܡܗ ܠܩܝܡܐ ܕܠܥܠܡ܂ ܘܠܙܪܥܗ/ܘܥܡ ܙܪܥܗ#3#/ ܡܢ ܒܬܪܗ܂
17:20 ܘܥܠ ܐܝܫܡܥܝܠ ܫܡܥܬܟ܂ ܗܐ ܒܪܟܬܗ ܘܐܣܓܝܬܗ܂ ܘܐܟܒܪܬܗ ܛܒ ܛܒ܂ ܬܪ̈ܥܣܪ ܪ̈ܘܪܒܢܝܢ ܢܘܠܕ ܘܐܬܠܝܘܗܝ ܠܥܡܐ ܪܒܐ܂
17:21 ܘܩܝܡܝ ܐܩܝܡ ܥܡ/ܥܠ#2#/ ܐܝܣܚܩ܂ ܕܬܐܠܕ ܠܟ ܣܪܐ ܠܙܒܢܐ ܗܢܐ ܠܫܢܬܐ ܐܚܪܬܐ܂
17:22 ܘܟܕ ܫ݁ܠܡ ܠܡܡܠܠܘ ܥܡܗ܂ ܐܬܪܝܡ ܐܠܗܐ ܡܢ ܐܒܪܗܡ܀
17:23 ܘܕܒ݂ܪ ܐܒܪܗܡ ܠܐܝܫܡܥܝܠ ܒܪܗ܂ ܘܠܟܠ ܝ̈ܠܝܕܝ ܒܝܬܗ ܘܠܟܠ ܙܒܝܢ̈ܝ ܟܣܦܗ܂ ܟܠ ܕܟܪܐ ܒܐܢܫ̈ܝ ܒܝܬ ܐܒܪܗܡ܂ ܘܓܙ݂ܪ ܒܣܪܐ ܕܥܘܪܠܘܬܗܘܢ ܒܗ ܒܝܘܡܐ ܗܢܐ ‍<‍ܓܙܪ ܐܒܪܗܡ ܠܐܫܡܥܐܝܠ#3#‍>‍܂ ܐܝܟ ܕܡܠܠ ܥܡܗ ܐܠܗܐ܂
17:24 ܘܐܒܪܗܡ ܒܪ ܬܫܥܝܢ ܗܘܐ ܘܬܫܥ ܫ̈ܢܝܢ ܟܕ ܓܙܪ ܒܣܪܐ ܕܥܘܪܠܘܬܗ܂
17:25 ܘܐܝܫܡܥܝܠ ܒܪܗ ܒܪ ܬܠܬܥܣܪܐ ܗܘܐ ܫ̈ܢܝ݂ܢ܂ ܟܕ ܓܙܪ ܒܣܪܐ ܕܥܘܪܠܘܬܗ܂
17:26 ܒܗ ܒܝܘܡܐ ܗܢܐ܂ ܓܙܪ ܐܒܪܗܡ ܠܐܝܫܡܥܝܠ ܒܪܗ܂
17:27 ܘܠܟܠܗܘܢ ܐܢܫ̈ܝ ܒܝܬܗ܂ ܝ̈ܠܝܕܝ ܒܝܬܗ ܘܙܒܝܢ̈ܝ ܟܣܦܗ܂ ܘܐܦ ܡܢ ܒܢ̈ܝ ܢܘܟܪ̈ܝܐ ܓܙܪ ܥܡܗ܂

next chapter