The Comprehensive Aramaic Lexicon

18:01	ܘܐܬܓܠܝ ܥܠܘܗܝ ܡܪܝܐ ܒܝܬ ܒܠܘܛܐ ܕܡܡܪܐ ܘܗ݂ܘ ܝܬ݁ܒ ‍<‍ܗܘܐ#3#‍>‍ ܒܬܪܥܐ ܕܡܫܟܢܐ܂ ܟܕ ܚܡ ܝܘܡܐ܂
18:02	ܘܐܪܝܡ ܥܝܢ̈ܘܗܝ ܘܚ݂ܙܐ܂ ܘܗܐ ܬܠܬܐ ܓܒܪ̈ܝܢ ܩܝܡܝܢ ܠܥܠ ܡܢܗ܂ ܘܚ݂ܙܐ ܐܢܘܢ ܘܪܗܛ ܠܐܘܪܥܗܘܢ ܡܢ ܬܪܥܐ ܕܡܫܟܢܐ܂ ܘܣܓ݂ܕ ܥܠ ܐܪܥܐ܂

18:03	ܘܐܡ݂ܪ ܡܪܝܐ܂ ܐܢ ܐܫ݁ܟܚܬ ܪ̈ܚܡܐ ܒܥܝܢ̈ܝܟ܂ ܠܐ ܬܥܒܪ ܡܢ ܥܒ݂ܕܟ܂

18:04	ܐܣܒ ܩܠܝܠ ܡ̈ܝܐ ܘܐܫܝܓܘ ܪ̈ܓܠܝܟܘܢ܂ ܘܐܣܬܡܟܘ ܬܚܝܬ ܐܝܠܢܐ/ܒܛܡܬܐ#3#/܂
18:05	ܘܣܒܘ ܦܬܬܐ ܕܠܚܡܐ ܘܣܡܘܟܘ ܠܒܟܘܢ܂ ܘܒܬܪ ܟܝܢ ܬܥܒܪܘܢ܂ ܡܛܠ ܕܗܟܢܐ ܥܒܪܬܘܢ ܥܠ ܥܒܕܟܘܢ܂ ܘܐܡܪܘ܂ ܗܟܢܐ ܬܥܒܕ ܐܝܟ ܕܐܡ݂ܪܬ܂
18:06	ܘܐܣܬܪܗܒ ܐܒܪܗܡ܂ ܘܪܗܛ/#3#/ ܠܡܫܟܢܐ/#3#/ ܠܘܬ ܣܪܐ ܘܐܡ݂ܪ܂ ܒܥܓܠ ܬܠܬ ܣܐ̈ܝܢ ܩܡܚܐ ܢܫܝܦܐ܂ ܠܘܫܝ ܘܥܒܕܝ ܪܥܦܐ܂
18:07	ܘܠܒܩܪܐ ܪܗܛ ܐܒܪܗܡ܂ ܘܢܣ݂ܒ ܥܓܠܐ ܚܕ ܕܫܡܝܢ ܘܛܒ܂ ܘܝܗܒܗ ܠܛܠܝܐ ܘܣܪܗܒ ܕܢܥܒܕܝܘܗܝ/ܠܡܥܒܕܗ#3#/܂
18:08	ܘܢܣ݂ܒ ܚܐܘܬܐ ܘܚܠܒܐ ܘܥܓܠܐ ܕܥܒ݂ܕ ܘܣܡ ܩܕܡܝܗܘܢ܂ ܘܗ݂ܘ ܩܐܡ ‍<‍ܗܘܐ#3#‍>‍ ܠܥܠ ܡܢܗܘܢ ܬܚܝܬ ܐܝܠܢܐ ܘܐܟܠܘ܂
18:09	ܘܐܡܪܘ ܠܗ܂ ܐܝܟܐ ܗܝ ܣܪܐ ܐܢܬܬܟ܂ ܘܐܡ݂ܪ ܗܐ ܒܡܫܟܢܐ܂
18:10	ܘܐܡ݂ܪ ܠܗ/#3#/ ܡܗܦܟ ܐܗܦܘܟ ܠܘܬܟ ܠܙܒܢܐ ܗܢܐ ܟܕ ܗ݂ܝ ܚܝܐ܂ ܘܢܗܘܐ ܒܪܐ ܠܣܪܐ ܐܢܬܬܟ܂ ܘܣܪܐ ܫܡ݂ܥܬ ܒܬܪܥܐ ܕܡܫܟܢܐ܂ ܘܗ݂ܘ ܒܣܬܪܗ݀܂
18:11	ܘܐܒܪܗܡ ܘܣܪܐ \ܣܐܒܘ ܘܥܠܘ /ܥܠܘ#3#/ ܒܫܢ̈ܝܐ܂ ܥܒܪ ܡܢ ܕܠܡܗܘܐ ܠܣܪܐ ܐܘܪܚܐ ܕܢܫ̈ܐ܂
18:12	ܘܓܚ݂ܟܬ ܣܪܐ ܒܠܒܗ݀ ܘܐܡ݂ܪܬ܂ ‍<‍ܡܢ#2#‍>‍ ܒܬܪ ܕܒ݁ܠܝܬ ܗܘܝܐ ܠܝ ܥܠܝܡܘܬܐ܂ ܘܡܪܝ ܣܐܒ܂
18:13	ܘܐܡ݂ܪ ܡܪܝܐ ܠܐܒܪܗܡ܂ ܠܡܢܐ ܓܚ݂ܟܬ ܣܪܐ ‍<‍ܒܠܒܗ݀#3#‍>‍ ܘܐܡ݂ܪܬ܂ ܫܪܝܪܐܝܬ ܐܠܕ ܐܢܐ ܕܣܐܒܬ܂
18:14	ܪܒܐ ܗܝ ‍<‍ܗܕܐ#3#‍>‍ ܨܒܘܬܐ ܡܢ ܡܪܝܐ܂ ܕܠܙܒܢܐ/ܕܒܙܒܢܐ#3#/ ܗܢܐ ܐܗܦܘܟ ܠܘܬܟ ܟܕ ܗ݂ܝ ܚܝܐ܂ ܘܢܗܘܐ ܒܪܐ ܠܣܪܐ ܐܢܬܬܟ܂
18:15	ܘܟܦ݂ܪܬ ܣܪܐ ܘܐܡ݂ܪܬ܂ ܠܐ ܓܚ݁ܟܬ܂ ܡܛܠ ܕܕܚ݂ܠܬ܂ ܘܐܡ݂ܪ ‍<‍ܠܗ݀#3#‍>‍܂ ܠܐ ܒܪܡ ܓܚ݂ܟܬܝ܀
18:16	ܘܩܡܘ ܡܢ ܬܡܢ ܓܒܪ̈ܐ܂ ܘܚܪܘ ܠܐ̈ܦܝ ܣܕܘܡ܂ ܘܐܒܪܗܡ ܐܙ݂ܠ ܥܡܗܘܢ ܕܢܠܘܐ ܐܢܘܢ܂
18:17	ܘܡܪܝܐ ܐܡ݂ܪ ܡܟܣ݁ܐ ܐܢܐ ܡܢ ܥܒܕܝ ܐܒܪܗܡ܂ ܡܕܡ ܕܥܒ݁ܕ ܐܢܐ܂
18:18	ܘܐܒܪܗܡ ܡܗܘܐ ܢܗܘܐ ܠܥܡܐ ܪܒܐ ܘܣܓܝܐܐ܂ ܘܢܬܒܪܟܘܢ ܒܗ ܟܠܗܘܢ ܥܡ̈ܡܐ ܕܐܪܥܐ܂
18:19	ܡܛܠ ܕܝܕܥ݁ ܐܢܐ ܠܗ ܕܡܦܩ݁ܕ ܠܒܢ̈ܘܗܝ ܘܠܒ̈ܢܝ ܒܝܬܗ܂ ܡܢ ܒܬܪܗ܂ ܕܢܛܪܘܢ ܐܘܪ̈ܚܬܗ ܕܡܪܝܐ ܠܡܥܒܕ ܙܕܝܩܘܬܐ ܘܕܝܢ݂ܐ܂ ܡܛܠ ܕܢܝܬܐ ܡܪܝܐ ܥܠ ܐܒܪܗܡ ܡܕܡ/ܟܘܠ#3#/ ܕܐܡ݂ܪ ܥܠܘܗܝ܀
18:20	ܘܐܡ݂ܪ ܡܪܝܐ܂ ܓܥܬܐ ܕܣܕܘܡ ܘܕܥܡܘܪܐ \ܥܠ݂ܬ ܩܕܡܝ /ܣܓܝܬ#3#/܂ ܘܚ̈ܛܗܝܗܘܢ ܛܒ ܥܫܢܘ܂
18:21	ܐܚܘܬ ܐܚܙܐ ܐܢ ܐܝܟ ܓܥܬܐ ܕܥܠ݂ܬ ܠܘܬܝ/ܩܕܡܝ#3#/ ܥܒܕܘ ܘܫܡܠܝܘ܂ ܘܐܠܐ ܐܕܥ܂
18:22	ܘܐܬܦܢܝܘ ܡܢ ܬܡܢ ܓܒܪ̈ܐ܂ ܘܐܙܠܘ ܠܣܕܘܡ܂ ܘܐܒܪܗܡ ܥܕܟܝܠ ܩܐܡ ܗܘܐ ܩܕܡ ܡܪܝܐ/ܐܠܗܐ#3#/܂
18:23	ܘܩ݂ܪܒ ܐܒܪܗܡ ܘܐܡ݂ܪ܂ ܒܚܕ ܪܘܓܙܐ ܡܘܒܕ ܐܢܬ ܙܕܝܩ̈ܐ ܥܡ ܚ̈ܛܝܐ܂
18:24	ܐܢ ܐܝܬ ܚܡܫܝܢ ܙܕܝܩ̈ܝܢ ܒܓܘ ܩܪܝܬܐ܂ ܒܪܘܓܙܐ ܚܕ ܡܘܒܕ ܐܢܬ܂ ܘܠܐ ܫܒ݁ܩ ܐܢܬ ܠܐܬܪܐ ܡܛܠ ܚܡܫܝܢ ܙܕܝܩ̈ܝܢ ܕܒܓܘܗ܂
18:25	ܚܣ ܠܟ ܕܬܥܒܕ ‍<‍ܐܝܟ#2#‍>‍ ܦܬܓܡܐ ܗܢܐ܂ ܕܬܩܛܘܠ ܙܟܝܐ ܥܡ/ܐܝܟ#3#/ ܚܝ݁ܒܐ܂ ܘܢܗܘܐ ܙܟܝܐ ܐܝܟ ܚܝ݁ܒܐ܂ ܚܣ ܠܟ ܕܝ݁ܢܐ ܕܟܠܗ݀ ܐܪܥܐ܂ ܠܐ ܢܬܥܒܕ ܕܝܢ݂ܐ ܗܢܐ܂
18:26	ܘܐܡ݂ܪ ܡܪܝܐ܂ ܐܢ ܐܫܟܚ ܒܣܕܘܡ ܚܡܫܝܢ ܙܕܝ̈ܩܝܢ ܒܓܘ ܩܪܝܬܐ ܐܫܒܘܩ ܠܟܠܗ ܐܬܪܐ ܡܛܠܬܗܘܢ܂
18:27	ܘܥܢ݂ܐ ܐܒܪܗܡ ܘܐܡ݂ܪ܂ ܗܐ ܫ݁ܪܝܬ ܠܡܡܠܠܘ ܩܕܡ ܡܪܝܐ܂ ܘܐܢܐ ܥܦܪܐ ܐܢܐ ܘܩܛܡܐ܂
18:28	ܘܐܢ ܚܣܝܪ̈ܝܢ ܡܢ ܚܡܫܝܢ ܙܕܝܩ̈ܝܢ ܚܡܫܐ܂ ܡ݁ܚܒܠ ܐܢܬ ܡܛܠ ܚܡܫܐ ܟܠܗ݀/ܠܟܠܗ݀#3#/ ܩܪܝܬܐ܂ ܘܐܡ݂ܪ ܠܐ ܐܚ݁ܒܠ܂ ܐܢ ܐܫܟܚ ܬܡ݁ܢ ܐܪ̈ܒܥܝܢ ܘܚܡܫܐ܂
18:29	ܘܐܘܣܦ ܬܘܒ ܐܒܪܗܡ ܠܡܐܡܪ ܠܗ܂ ܘܐܢ ܡܫܬܟܚܝܢ ܬܡܢ/#3#/ ܐܪ̈ܒܥܝܢ܂ ܘܐܡ݂ܪ܂ ܠܐ ܐܚܒܠ ܐܢ ܐܫܟܚ ܬܡ݁ܢ ܐܪ̈ܒܥܝܢ܂
18:30	ܘܐܡ݂ܪ܂ ܠܐ ܢܬܒܐܫ ܠܡܪܝܐ ܘܐܡܠܠ܂ ܘܐܢ ܡܫܬܟܚܝܢ ܬܡ݁ܢ ܬܠܬܝܢ܂ ܘܐܡ݂ܪ܂ ܠܐ ܐܚܒܠ ܐܢ ܐܫܟܚ ܬܡܢ ܬܠܬܝܢ܂
18:31	ܘܐܡ݂ܪ ‍<‍ܐܒܪܗܡ#3#‍>‍܂ ܗܐ ܫ݁ܪܝܬ ܠܡܡܠܠܘ ܩܕܡ ܡܪܝܐ܂ ܘܐܢ ܡܫܬܟܚܝܢ ܬܡ݁ܢ ܥܣܪ̈ܝܢ܂ ܘܐܡ݂ܪ܂ ܠܐ ܐܚ݁ܒܠ ܡܛܠ ܥܣܪ̈ܝܢ܂
18:32	ܘܐܡ݂ܪ܂ ܠܐ ܢܬܒܐܫ ܠܡܪܝܐ ܘܐܡܠܠ܂ ܒܠܚܘܕ ܙܒܢܬܐ ܗܕܐ܂ ܘܐܢ ܡܫܬܟܚܝܢ ܬܡ݁ܢ ܥܣܪܐ܂ ܘܐܡ݂ܪ܂ ܠܐ ܐܚ݁ܒܠ ܡܛܠ ܥܣܪܐ܀܀܂
18:33	ܘܐܙ݂ܠ ܡܪܝܐ ܟܕ ܫ݁ܠܡ ܠܡܡܠܠܘ ܥܡ ܐܒܪܗܡ܂ ܘܐܒܪܗܡ ܗܦ݂ܟ ܠܐܬܪܗ܂