The Comprehensive Aramaic Lexicon

20:01	ܘܫܩ݂ܠ ܡܢ ܬܡܢ ܐܒܪܗܡ ܠܐܪܥܐ ܕܬܝܡܢܐ܂ ܘܝܬܒ ܒܝܬ ܪܩܡ \ܠܒܝܬ ܓܕܪ /ܠܓܕܪ#3#/܂ ܘܥܡ݂ܪ ܐܒܪܗܡ ܒܓܕܪ܂
20:02	ܘܐܡ݂ܪ ܐܒܪܗܡ ܥܠ ܣܪܐ ܐܢܬܬܗ ܕܚܬܝ ܗܝ܂ ܘܫܕܪ ܐܒܝܡܠܟ ܡ݁ܠܟܐ ܕܓܕܪ ܘܕܒܪܗ݀ ܠܣܪܐ܂
20:03	ܘܐܬ݂ܐ ܐܠܗܐ ܥܠ ܐܒܝܡܠܟ ܒܚܠܡܐ ܕܠܠܝܐ ܘܐܡ݂ܪ ܠܗ܂ ܗܐ ܡܐܬ ܐܢܬ ܥܠ ܐ̈ܦܝ ܐܢܬܬܐ ܕܕܒ݂ܪܬ܂ ܡܛܠ ܕܐܢܬܬ ܓܒܪܐ ܗܝ܂
20:04	ܘܐܒܝܡܠܟ ܠܐ ܩ݂ܪܒ ܠܗ݀܂ ܘܐܡ݂ܪ ܐܒܝܡܠܟ܂ ܡܪܝܐ ‍<‍ܐܠܗܐ#3#‍>‍ ܐܦ ܥܡܐ ܙܟܝܐ ܩ݁ܛܠ ܐܢܬ܂
20:05	ܗܐ ܗ݂ܘ ܐܡ݂ܪ ‍<‍ܠܝ#3#‍>‍ ܕܚܬܝ ܗܝ܂ ܘܐܦ ܗ݂ܝ ܐܡ݂ܪܬ ܕܐܚܝ ܗ݂ܘ܂ \ܒܬܡܝܡܘܬ ܠܒܝ /ܒܬܡܝܡܘܬܐ ܕܠܒܝ#3#/ ܘܒܕܟܝܘܬܐ ܕܐ̈ܝܕܝ ܥܒ݁ܕܬ ܗܕܐ܂
20:06	ܘܐܡ݂ܪ ܠܗ ܐܠܗܐ ܒܚܠܡܐ܂ ܘܐܦ ܐܢܐ ܝܕܥ݁ ܐܢܐ܂ ܕܒܬܡܝܡܘܬ ܠܒܟ ܥܒ݂ܕܬ ܗܕܐ܂ ܘܚܣܟܬܟ ܐܦ ܐܢܐ ܕܠܐ ܬܚܛܐ ܠܝ܂ ܡܛܠ ܗܢܐ ܠܐ ܫܒܩܬܟ ܠܡܩܪܒ ܠܗ݀܂
20:07	ܗܫܐ ܐܗܦܟ ܐܢܬܬ ܓܒܪܐ܂ ܡܛܠ ܕܢܒܝܐ ܗܘ܂ ܘܢܨܠܐ ܥܠܝܟ ܘܬܚܐ܂ ܘܐܢ ܠܐ ܡܗܦܟ ܐܢܬ܂ ܕܥ ܕܡܡܬ ܡܐܬ ܐܢܬ܂ ܐܢܬ ܘܟܠ ܕܐܝܬ ܠܟ܂
20:08	ܘܩ݁ܕܡ/ܘܩܡ#3#/ ܐܒܝܡܠܟ ܒܫܦܪܐ/ܒܨܦܪܐ#3#/܂ ܘܩ݂ܪܐ ܠܟܠܗܘܢ ܥܒ݂̈ܕܘܗܝ܂ ܘܡܠܠ ܟܠܗܝܢ ܡ̈ܠܐ ܗܠܝܢ ܒܐ̈ܕܢܝܗܘܢ܂ ܘܕܚܠܘ ܐܢܫܐ ܛܒ܀
20:09	ܘܩ݂ܪܐ ܐܒܝܡܠܟ ܠܐܒܪܗܡ ܘܐܡ݂ܪ ܠܗ܂ ܡܢܐ ܥܒ݁ܕܬ ܠܟ ܘܡܢܐ ܚܛܝܬ ܠܟ܂ ܕܐܝܬܝܬ ܥܠܝ ܘܥܠ ܡܠܟܘܬܝ ܚܛܗܐ ܪܒܐ܂ ܥܒ̈ܕܐ ܕܠܐ ܡܬܥܒܕܝܢ ܥܒ݂ܕܬ ܥܡܝ܀܀
20:10	ܘܐܡ݂ܪ ܐܒܝܡܠܟ ܠܐܒܪܗܡ܂ ܡܢܐ ܚ݂ܙܝܬ ܕܥܒ݂ܕܬ ܦܬܓܡܐ ܗܢܐ܂
20:11	ܘܐܡ݂ܪ ܐܒܪܗܡ܂ ܡܛܠ ܕܐܡ݁ܪܬ܂ ܕܠܡܐ ܠܝܬ ܕܚܠܬܗ ܕܐܠܗܐ ܒܐܬܪܐ ܗܢܐ܂ ܘܢܩܛܠܘܢܢܝ ܥܠ ܐ̈ܦܝ ܐܢܬܬܝ܂
20:12	ܒܪܡ ܫܪܝܪܐܝܬ ܚܬܝ ܗܝ܂ ܒܪܬ ܐܒܝ ܘܠܐ ܒܪܬ ܐܡܝ܂ ܘܗܘܬ ܠܝ ܐܢܬܬܐ܂
20:13	\ܘܗܘ݂ܐ ܕܟܕ /ܘܟܕ#3#/ ܐܦܩܢܝ ܐܠܗܐ ܡܢ ܒܝܬ ܐܒܝ ܐܡ݁ܪܬ ܠܗ݀ ‍<‍ܕܥܝ ܐܢܬܝ#3#‍>‍܂ ܗܕܐ ܛܝܒܘܬܐ ܕܬܥܒܕܝܢ ܥܡܝ܂ ܒܟܠ ܐܬܪ ܕܐܙܠܝܢ ܚܢܢ ܠܬܡܢ܂ ܐܡܪܝ ܥܠܝ ܕܐܚܝ ܗܘ܂

20:14	ܘܕܒ݂ܪ ܐܒܝܡܠܟ ܥܢܐ ܘܬܘܪ̈ܐ ܘܥܒ̈ܕܐ ܘܐ̈ܡܗܬܐ܂ ܘܝܗ݂ܒ ܠܐܒܪܗܡ ܘܦܢܝ ܠܗ ܠܣܪܐ ܐܢܬܬܗ܂

20:15	ܘܐܡ݂ܪ ܐܒܝܡܠܟ ܠܐܒܪܗܡ/#3#/܂ ܗܐ ܐܪܥܝ ܩܕܡܝܟ܂ ܟܪ ܕܫܦܝܪ/ܕܫ݁ܦܪ#3#/ ܒܥܝܢ̈ܝܟ ܬܒ܂
20:16	ܘܠܣܪܐ ܐܡ݂ܪ܂ ܗܐ ܝܗ݀ܒܬ ܐܠܦ ܕܟܣܦ ܠܐܚܘܟܝ܂ ܘܗܐ ܐܦ/#3#/ ܗ݂ܘ ܝܗܝܒ ܠܟܝ܂ ܚܠܦ ܕܚܦܝܬܝ ܥܝ̈ܢܐ ܕܟܠ ܕܥܡܝ܂ ܘܥܠ ܟܠ ܡܕܡ/#3#/ ܐܟܣܬܝܢܝ܂
20:17	ܘܨܠܝ ܐܒܪܗܡ ܩܕܡ ܐܠܗܐ܂ ܘܐܣܝ ܐܠܗܐ ܠܐܒܝܡܠܟ ܘܠܐܢܬܬܗ ܘܠܐ̈ܡܗܬܗ܂ ܘܝܠ݂ܕ܂
20:18	ܡܛܠ ܕܡܐܚܕ ܐܚܕ ܡܪܝܐ ܒܐ̈ܦܝ ܟܠ ܡܪܒܥܐ ܕܒܝܬ ܐܒܝܡܠܟ܂ ܡܛܠ ܣܪܐ ܐܢܬܬܗ ܕܐܒܪܗܡ܂