The Comprehensive Aramaic Lexicon

25:01	ܘܐܘܣܦ ܐܒܪܗܡ ܘܢܣܒ ܐܢܬܬܐ܂ ܘܫܡܗ݀ ܩܢܛܘܪܐ܂
25:02	ܘܝܠ݂ܕܬ ܠܗ ܠܙܡܪܢ ܘܝܩܫܢ܂ ܘܡܕܢ ܘܡܕܝܢ܂ ܘܐܫܒܩ ܘܫܘܚ܂
25:03	ܘܝܩܫܢ ܐܘܠܕ ܠܫܒܐ ܘܠܕܪܢ܂ ܘܒܢ̈ܝ ܕܪܢ ܗܘܘ܂ ܐܫܘܕܝܡ ܘܠܛܫܝܡ ܘܐܡܝܡ܂
25:04	ܘܒܢ̈ܝ ܡܕܝܢ܂ ܥܦܐ ܘܚܦܪ܂ ܘܚܢܘܟ ܘܐܒܝܕܥ ܘܐܠܕܥܐ܂ ܟܠܗܘܢ ܗܠܝܢ ܒ̈ܢܝ ܩܢܛܘܪܐ܂
25:05	ܘܝܗ݂ܒ ܐܒܪܗܡ ܟܠܡܕܡ/ܟܠ ܡܐ#3#/ ܕܐܝܬ ܠܗ ܠܐܝܣܚܩ ܒܪܗ܂
25:06	ܘܠܒܢ̈ܝ ܕܪܘܟܬܗ ܕܐܒܪܗܡ܂ ܝܗ݂ܒ ܐܒܪܗܡ ܡܘܗ̈ܒܬܐ܂ ܘܫܕܪ ܐܢܘܢ ܡܢ ܠܘܬ ܐܝܣܚܩ ܒܪܗ ܥܕ ܗ݂ܘ ܚܝ ܩܕܡܝܬ ܠܐܪܥܐ/ܠܐܬܪܐ#3#/ ܕܡܕܢܚܐ܂
25:07	ܘܗܠܝܢ ܝܘܡ̈ܝ ܫ̈ܢܝ ܚܝ̈ܘܗܝ ܕܐܒܪܗܡ ܕܚ݂ܝܐ܂ ܡܐܐ ܘܫܒܥܝܢ ܘܚܡܫ ܫ̈ܢܝܢ܀܀܂
25:08	ܘܐܬܟܪܗ݂ ܘܡܝܬ ܐܒܪܗܡ ܒܣܝܒܘܬܐ ܛܒܬܐ܂ ܣܐܒ ܘܣܒ݂ܥ ܝܘܡ̈ܬܗ ܘܐܬܟܢܫ ܠܘܬ ܥܡܗ܂
25:09	ܘܩܒܪܘܗܝ ܐܝܣܚܩ ܘܐܝܫܡܥܝܠ ܒܢ̈ܘܗܝ܂ ܒܡܥܪܬܐ ܐܥܝܦܬܐ ܕܒܚܩܠܐ ܕܥܦܪܘܢ ܒܪ ܨܚܪ ܚܬܝܐ ܕܩܕܡ ܡܡܪܐ܂
25:10	ܚܩܠܐ ܕܙܒܢ ܐܒܪܗܡ ܡܢ ܒ̈ܢܝ ܚܝܬ \ܠܝܘܪܬܢܐ ܕܩܒܪܐ /#3#/܂ ܬܡܢ ܐܬܩܒܪ ܐܒܪܗܡ ܘܣܪܐ ܐܢܬܬܗ܂
25:11	ܘܗܘ݂ܐ ܡܢ ܒܬܪ ܕܡܝܬ ܐܒܪܗܡ܂ ܒܪܟ ܐܠܗܐ ܠܐܝܣܚܩ ܒܪܗ܂ ܘܝܬ݂ܒ ܐܝܣܚܩ ܥܠ ܓܢܒ ܒܪܐ ܕܚܝܐ ܚܙܢܝ/#3#/܀܀
25:12	ܘܗܠܝܢ ܬܘܠܕܬ̈ܗ ܕܐܝܫܡܥܝܠ ܒܪ ܐܒܪܗܡ܂ ܕܝܠ݂ܕܬ ܗܓܪ ܡܨܪܝܬܐ ܐܡܬܗ݀ ܕܣܪܐ ܠܐܒܪܗܡ܂
25:13	ܘܗܠܝܢ ܫܡ̈ܗܐ ܕܒܢ̈ܝ ܐܝܫܡܥܝܠ ܒܫܡ̈ܗܝܗܘܢ ܠܬ̈ܘܠܕܬܗܘܢ܂ ܒܘܟܪܗ ܕܐܝܫܡܥܝܠ ܢܒܝܘܬ܂ ܘܩܕܪ ܘܐܪܟܠ܂ ܘܡܒܣܡ܂
25:14	ܘܡܫܡܥ܂ ܘܪܘܡܐ ܘܡܣܐ܂
25:15	ܘܚܕܪ ܘܬܝܡܐ ܘܢܛܘܪ ܘܢܦܫ܂ ܘܩܕܡ܂
25:16	ܗܠܝܢ ܐܢܘܢ ܒܢ̈ܘܗܝ ܕܐܝܫܡܥܝܠ܂ ܘܗܠܝܢ ܫ̈ܡܗܝܗܘܢ ܒܕܝܪ̈ܝܗܘܢ/ܒܕܪ̈ܝܗܘܢ#1##2#/ ܘܒܛܝܪ̈ܝܗܘܢ܂ ܬܪ̈ܥܣܪ ܪܘܪ̈ܒܢܝܢ ܠܐܡ̈ܘܬܗܘܢ܀
25:17	ܘܗܠܝܢ ܫ̈ܢܝ ܚܝ̈ܘܗܝ ܕܐܝܫܡܥܝܠ܂ ܡܐܐ ܘܬܠܬܝܢ ܘܫܒܥ ܫ̈ܢܝܢ܂ ܘܐܬܟܪܗ ܘܡܝܬ ܘܐܬܟܢܫ ܠܘܬ ܥܡܗ܂
25:18	ܘܫܪܘ ܡܢ ܚܘܝܠܐ ܘܥܕܡܐ ܠܫܘܕ ܕܩܕܡ ܡܨܪܝܢ܂ ܕܒܡܥܠܢܐ ܕܐܬܘܪ܂ ܥܠ ܬܚܘܡܐ ܕܟܠܗܘܢ ܐܚ̈ܘܗܝ ܫ݂ܪܐ܂
25:19	ܘܗܠܝܢ ܬܘ̈ܠܕܬܗ ܕܐܝܣܚܩ ܒܪ ܐܒܪܗܡ܂ ܐܒܪܗܡ ܐܘܠܕ ܠܐܝܣܚܩ܂
25:20	ܘܗܘܐ ܐܝܣܚܩ ܒܪ ܐܪ̈ܒܥܝܢ ܫ̈ܢܝܢ܂ ܟܕ ܢܣ݂ܒ ܠܪܦܩܐ ܒܪܬ ܒܬܘܐܝܠ ܐܪܡܝܐ ܡܢ ܦܕܢ ܕܐܪܡ܂ ܚܬܗ ܕܠܒܢ ܐܪܡܝܐ ܠܗ ܐܢܬܬܐ܂
25:21	ܘܨܠܝ ܐܝܣܚܩ ܩܕܡ ܡܪܝܐ ܡܛܠ ܐܢܬܬܗ ܕܥܩܪܬܐ ܗܝ܂ ܘܥܢܝܗܝ ܡܪܝܐ܂ ܘܒܛܢܬ ܪܦܩܐ ܐܢܬܬܗ܂
25:22	ܘܐܠܨܝܢ ܒ̈ܢܝܗ݀ ܒܟܪܣܗ݀܂ ܘܐܡ݂ܪܬ܂ ܐܢ ܗܟܢܐ ܗܘ ܠܡܢܐ ܚܝܐ ܐܢܐ܂ ܘܐܙܠ݂ܬ ܠܡܫܐܠ/ܘܒܥܬ#3#/ ܡܢ ܡܪܝܐ܂
25:23	ܘܐܡ݂ܪ ܠܗ݀ ܡܪܝܐ܂ ܬܪ̈ܝܢ ܥܡ̈ܡܝܢ ܒܡ̈ܥܝܟܝ܂ ܘܬܪ̈ܬܝܢ ܐ̈ܡܘܢ ܡܢ ܡ̈ܥܝܟܝ ܢܬܦܪܫܢ܂ ܘܐܘܡܬܐ ܡܢ ܐܘܡܬܐ ܬܥܫܢ܂ ܘܪܒܐ ܢܫܬܥܒܕ ܠܙܥܘܪܐ܂
25:24	ܘܫܠ݂ܡܘ ܝܘܡ̈ܬܗ݀ ܠܡܐܠܕ܂ ܘܗܐ ܬܡ̈ܐ ܒܟܪܣܗ݀܂
25:25	ܘܢܦܩ ܩܕܡܝܐ ܣܡܩܪܝ܂ ܘܟܠܗ ܥܙܩ̈ܬܐ ܕܣܥܪܐ܂ ܘܩ݂ܪܐ ܫܡܗ ܥܣܘ܂
25:26	ܘܒܬܪܗ/ܘܒܬܪܟܢ#3#/ ܢܦ݂ܩ ܐܚܘܗܝ܂ ܘܐܝܕܗ ܐܚܝܕܐ ܒܥܩܒܗ ܕܥܣܘ܂ ܘܩ݂ܪܐ ܫܡܗ ܝܥܩܘܒ܂ ܘܐܝܣܚܩ ܒܪ ܫܬܝܢ ܗܘܐ ܫ̈ܢܝܢ ܟܕ ܝܠ݂ܕܬ ܐܢܘܢ܂
25:27	ܘܪܒܘ ܛ̈ܠܝܐ܂ ܘܗܘ݂ܐ ܥܣܘ ܓܒܪܐ ܝܕܥ݁ ܨܝܕܐ ܓܒܪܐ ܕܒܪܐ܂ ܘܝܥܩܘܒ ܓܒܪ ܬܡܝܡ ܘܥܡ݁ܪ ܒܡܫܟܢܐ܂
25:28	ܘܪܚ݂ܡ ܐܝܣܚܩ ܠܥܣܘ܂ ܡܛܠ ܕܨܝܕܗ ܒܦܘܡܗ܂ ܘܪܦܩܐ ܪܚ݂ܡܬ ܠܝܥܩܘܒ܂
25:29	ܘܒܫ݁ܠ ܝܥܩܘܒ ܒܘܫܠܐ܂ ܘܗܐ/#3#/ ܥܣܘ ܐܚܘܗܝ/#3#/ ܐܬ݂ܐ ܡܢ ܚܩܠܐ܂ ܘܗ݂ܘ ܡ݂ܛܪܦ܂
25:30	ܘܐܡ݂ܪ ܥܣܘ ܠܝܥܩܘܒ܂ ܐܛܥܡܝܢܝ ܡܢ ܣܘܡ̈ܩܐ ܣܘܡܩܐ ܗܢܐ܂ ܡܛܠ ܕܡ݂ܛܪܦ ܐܢܐ܂ ܡܛܠ ܗܢܐ ܩ݂ܪܐ ܫܡܗ ܐܕܘܡ܂

25:31	ܐܡ݁ܪ ܠܗ/#3#/ ܝܥܩܘܒ܂ ܙܒ݁ܢ ܠܝ ܝܘܡܢܐ ܒܘܟܪܘܬܟ܂

25:32	ܘܐܡ݂ܪ ܥܣܘ ܒܠܒܗ/ܒܢܦܫܗ#3#/܂ ܗܐ ܐܢܐ ܐ݁ܙܠ ܐܢܐ/#3#/ ܠܡܡܬ܂ ܠܡܢܐ ܐܙܠܐ ܠܝ ܒܘܟܪܘܬܐ܂
25:33	ܐܡ݁ܪ ܠܗ/#3#/ ܝܥܩܘܒ܂ ܝܡܝ ܠܝ ܝܘܡܢܐ܂ ܘܝܡܐ ܠܗ܂ ܘܙܒܢ ܒܘܟܪܘܬܗ ܠܝܥܩܘܒ܂
25:34	ܘܝܥܩܘܒ ܝܗ݂ܒ ܠܥܣܘ/ܠܗ#3#/ ܠܡܠܥܣ ܠܚܡܐ ܘܒܘܫܠܐ ܕܛܠܦܚ̈ܐ܂ ܘܠܥܣ ܘܐܫܬܝ܂ ܘܩܡ ܐܙܠ܂ ܘܒܣ݁ܪ ܥܣܘ ܥܠ ܒܘܟܪܘܬܐ܀܀܂