The Comprehensive Aramaic Lexicon

29:01	ܘܐܪܝܡ ܝܥܩܘܒ ܪ̈ܓܠܘܗܝ܂ ܘܐܙܠ ܠܐܪܥܐ ܕܒ̈ܢܝ ܡܕܢܚܐ܂
29:02	ܘܚ݂ܙܐ ܘܗܐ ܒܪܐ ܒܚܩܠܐ܂ ܘܬܡܢ ܬܠܬܐ ܓܙܪ̈ܝܢ ܕܥܢܐ ܪ̈ܒܝܥܝܢ/ܪ̈ܒܥܝܢ#3#/ ܥܠܝܗ݀܂ ܡܛܠ ܕܡܢ ܒܪܐ ܗ݀ܝ ܫܬܝܢ ܓܙܪ̈ܐ܂ ܘܟܐܦܐ ܪܒܬܐ ܥܠ ܦܘܡܗ݀ ܕܒܪܐ܂
29:03	ܘܡܬܟܢܫܝܢ ܠܬܡܢ ܟܠܗܘܢ ܓܙܪ̈ܐ܂ ܘܡܥܓܠܝܢ ܟܐܦܐ ܡܢ ܦܘܡܗ݀ ܕܒܪܐ ܘܡܫܩܝܢ ܥܢܐ/ܓܙܪ̈ܐ#3#/܂ ܘܡܗܦܟܝܢ ܟܐܦܐ ܠܦܘܡܗ݀ ܕܒܪܐ ܠܕܘܟܬܗ݀܂
29:04	ܐܡ݁ܪ ܠܗܘܢ ܝܥܩܘܒ܂ ܐ̈ܚܝ ܐܝܡܟܐ ܐܢܬܘܢ܂ ܐܡܪܝܢ ܠܗ ܡܢ ܚܪܢ ܚܢܢ܂
29:05	ܐܡ݁ܪ ܠܗܘܢ܂ ܝܕܥܝܢ ܐܢܬܘܢ ‍<‍ܠܗ#3#‍>‍ ܠܠܒܢ ܒܪ ܢܚܘܪ܂ ܐܡܪ̈ܝܢ ܠܗ/#3#/܂ ܝܕܥܝܢܢ܂
29:06	ܐܡ݁ܪ ܠܗܘܢ/#3#/܂ ܫ݂ܠܡ ܗܘ܂ ܐܡܪܝܢ ܠܗ/#3#/ ܫܠܡ ‍<‍ܗܘ#3#‍>‍܂ ܘܗܐ ܪܚܝܠ ܒܪܬܗ ܐܬܝܐ ܥܡ ܥܢܐ܂
29:07	ܐܡ݁ܪ \ܠܗܘܢ ܝܥܩܘܒ /#3#/܂ ܗܐ/#3#/ ܥܕܟܝܠ ܝܘܡܐ ܩܝܡ܂ ܠܐ ܗܘ݂ܐ ܙܒܢܐ ܠܡܟܢܫ ܒܥܝܪ̈ܐ/ܥܢܐ#3#/܂ ܐܫܩܘ ܥܢܐ ܘܙܠܘ ܐܪܥܘ܂
29:08	ܐܡܪܝܢ ܠܗ/#3#/܂ ܠܐ ܡܫܟܚܝܢܢ ܥܕܡܐ ܕܡܬܟܢܫܝܢ ܟܠܗܘܢ ܓܙܪ̈ܐ ܘܡܥܓܠܝܢ ܟܐܦܐ ܡܢ ܦܘܡܗ݀ ܕܒܪܐ ܘܡܫܩܝܢ ܚܢܢ ܥܢܐ܂
29:09	ܘܥܕ/ܘܟܕ#3#/ ܗ݂ܘ ܡܡܠܠ ܥܡܗܘܢ܂ ܪܚܝܠ ܐܬܬ ܥܡ ܥܢܐ ܕܐܒܘܗ݀ ܡܛܠ ܕܪܥܝܬܐ ܗܝ܀
29:10	ܘܟܕ ܚܙܗ݀ ܝܥܩܘܒ ܠܪܚܝܠ܂ ܒܪܬ ܠܒܢ ܐܚܘܗ݀ ܕܐܡܗ܂ ܘܠܥܢܐ ܕܠܒܢ ܐܚܘܗ݀ ܕܐܡܗ܂ ܩܪ݂ܒ ܝܥܩܘܒ ܘܥܓܠ ܟܐܦܐ ܡܢ ܦܘܡܗ݀ ܕܒܪܐ܂ ܘܐܫܩܝ ܠܥܢܐ ܕܠܒܢ ܐܚܘܗ݀ ܕܐܡܗ܂
29:11	ܘܢܫܩܗ݀ ܝܥܩܘܒ ܠܪܚܝܠ܂ ܘܐܪܝܡ ܩܠܗ ܘܒܟ݂ܐ܂
29:12	ܘܚܘܝ ܝܥܩܘܒ ܠܪܚܝܠ ܕܐܚܐ ܗܘ ܕܐܒܘܗ݀܂ ܘܕܒܪ ܪܦܩܐ ܗܘ܂ ܘܪܗ݂ܛܬ ܘܚ݂ܘܝܬ ܠܐܒܘܗ݀/ܠܒܝܬ ܐܒܘܗ݀#3#/܂
29:13	ܘܟܕ ܫܡ݂ܥ ܠܒܢ ܫܡܥܐ ܕܝܥܩܘܒ ܒܪ ܚܬܗ܂ ܪܗ݂ܛ ܠܐܘܪܥܗ ܘܥܦܩܗ ܘܢܫܩܗ܂ ܘܐܝܬܝܗ ܠܒܝܬܗ܂ ܘܐܫܬܥܝ ܠܠܒܢ ܟܠܗܝܢ ܡ̈ܠܐ ܗܠܝܢ܂
29:14	ܐܡ݁ܪ ܠܗ ܠܒܢ܂ ܫܪܝܪܐܝܬ ܓܪܡܝ ܐܢܬ ܘܒܣܪܝ܂ ܘܝܬ݂ܒ ܠܘܬܗ ܝܪܚ ܝܘܡ̈ܝܢ܂
29:15	ܘܐܡ݂ܪ ܠܒܢ ܠܝܥܩܘܒ܂ ܫܪܝܪܐܝܬ ܐܚܝ ܐܢܬ܂ ܬܦܠܚܢܝ ܡܓܢ܂ ܚܘܢܝ ܡܢܘ ܐܓܪܟ܂
29:16	ܘܠܠܒܢ ܐܝܬ ܗ̈ܘܝ ܬܪ̈ܬܝܢ ܒܢ̈ܢ܂ ܫܡܗ݀ ܕܩܫܝܫܬܐ ܠܝܐ܂ ܘܫܡܗ݀ ܕܙܥܘܪܬܐ ܪܚܝܠ܂

29:17	ܘܥܝܢ̈ܝܗ݀ ܕܠܝܐ ܪ̈ܟܝܟܢ ‍<‍ܗ̈ܘܝ#3#‍>‍܂ ܘܪܚܝܠ ܫܦܝܪܐ ܗܘܬ ܒܚܙܘܗ݀܂ ܘܝܐܐ/ܘܫܦܝܪ#3#/ ܩܘܒܠܠܗ݀܂

29:18	ܘܪܚ݂ܡ ܝܥܩܘܒ ܠܪܚܝܠ ܘܐܡ݂ܪ܂ ܐܦܠܚܟ ܫܒܥ ܫ̈ܢܝܢ ܒܪܚܝܠ ܒܪܬܟ ܙܥܘܪܬܐ܂
29:19	ܐܡ݁ܪ ܠܗ/#3#/ ܠܒܢ܂ ܦܩܚ ܕܐܬܠܝܗ݀ ܠܟ ܡܢ ܕܐܬܠܝܗ݀ ܠܐܢܫ ܐܚܪܝܢ܂ ܬܒ ܥܡܝ܂
29:20	ܘܦܠ݂ܚ ܝܥܩܘܒ ܒܪܚܝܠ ܫܒܥ ܫ̈ܢܝܢ܂ ܘܗ̈ܘܝ ܒܥܝܢ̈ܘܗܝ ܐܝܟ ܝܘܡ̈ܬܐ ܙܥܘܪ̈ܐ܂ ܡܛܠ ܕܪܚ݁ܡ ܗܘ݂ܐ ܠܗ݀܂
29:21	ܘܐܡ݂ܪ ܝܥܩܘܒ ܠܠܒܢ܂ ܗܒ ܠܝ ܐܢܬܬܝ܂ ܡܛܠ ܕܫܠܡܘ ‍<‍ܠܗܘܢ#3#‍>‍ ܝܘܡ̈ܬܐ܂ ܘܐܥܘܠ ܠܘܬܗ݀܂
29:22	ܘܟܢܫ ܠܒܢ ܠܟܠܗܘܢ ܐܢܫ̈ܝ ܐܬܪܐ܂ ܘܥܒ݂ܕ ܡܫܬܝܐ܂
29:23	ܘܟܕ ܗܘ݂ܐ ܪܡܫܐ܂ ܕܒ݂ܪ ܠܠܝܐ ܒܪܬܗ ܘܐܥܠܗ݀ ܠܘܬܗ܂ ܘܥܠ ܥܠܝܗ݀܂
29:24	ܘܝܗ݂ܒ ܠܗ݀ ܠܒܢ ܠܠܝܐ ܒܪܬܗ܂ ܠܙܠܦܐ ܐܡܬܗ ܐܡܬܐ܂
29:25	ܘܟܕ ܗܘ݂ܐ ܨܦܪܐ ܘܚܙܐ ܕܠܝܐ ܗܝ ܐܡ݂ܪ ‍<‍ܝܥܩܘܒ#3#‍>‍ ܠܠܒܢ܂ ܡܢܐ ܗܘ ܗܢܐ ܕܥܒ݂ܕܬ ܠܝ܂ ܗܐ ܒܪܚܝܠ ܦܠܚ݁ܬ ܥܡܟ܂ ܠܡܢܐ ܢܟܠܬܢܝ܂
29:26	ܘܐܡ݂ܪ ܠܒܢ ܠܝܥܩܘܒ/#3#/܂ ܠܐ ܡܬܥܒܕ ܗܟܢܐ ܒܐܬܪܢ܂ ܠܡܬܠ ܙܥܘܪܬܐ ܩܕܡ ܩܫܝܫܬܐ܂
29:27	ܫ݁ܠܡ ܡܫܬܘܬܗ݀ ܕܗܕܐ܂ ܘܐܬܠ ܠܟ ܐܦ ܗ݀ܝ ܒܦܘܠܚܢܐ ܕܬܦܠܘܚ ܥܡܝ܂ ܬܘܒ ܫܒܥ ܫ̈ܢܝܢ ܐܚܪ̈ܢܝܢ܂
29:28	ܘܥܒ݂ܕ ܝܥܩܘܒ ܗܟܢܐ܂ ܘܡ݁ܠܝ/ܘܫܠܡ#3#/ ܡܫܬܘܬܗ݀ ܕܗ݀ܝ ܘܝܗܒ ܠܗ ܠܪܚܝܠ ܒܪܬܗ ܐܢܬܬܐ܂
29:29	ܘܝܗ݂ܒ ‍<‍ܠܗ#3#‍>‍ ܠܒܢ ܠܪܚܝܠ ܒܪܬܗ܂ ܠܒܠܗܐ ܐܡܬܗ ܐܡܬܐ܂
29:30	ܘܥܠ ܐܦ ܥܠ ܪܚܝܠ܂ ܘܪܚܡܗ݀ ܐܦ ܠܪܚܝܠ ܡܢ ܠܝܐ܂ ܘܦܠܚ݂ ܥܡܗ ܬܘܒ ܫܒܥ ܫ̈ܢܝܢ ܐܚܪ̈ܢܝܢ܂
29:31	ܘܚ݂ܙܐ ܡܪܝܐ ܕܣܢܝܐ ܗܝ ܠܝܐ ܘܦܬ݂ܚ ܡܪܒܥܗ݀܂ ܘܪܚܝܠ ܥܩܪܬܐ ‍<‍ܗܝ#3#‍>‍܂
29:32	ܘܒ݂ܛܢܬ ܠܝܐ ܘܝܠ݂ܕܬ ܒܪܐ܂ ܘܩܪܬ ܫܡܗ ܪܘܒܝܠ ܘܐܡ݂ܪܬ܂ ܡܛܠ ܕܚ݂ܙܐ ܐܠܗܐ ܫܘܥܒܕܝ܂ ܗܫܐ ܢܪܚܡܢܝ ܒܥܠܝ܂
29:33	ܘܒܛܢ݂ܬ ܬܘܒ ܘܝ݂ܠܕܬ ܒܪܐ ܘܐܡ݂ܪܬ܂ ܡܛܠ ܕܫ݂ܡܥ ܡܪܝܐ ܕܣܢܝܐ ܐܢܐ ܝܗ݂ܒ ܠܝ ܐܦ ܗܢܐ܂ ܘܩܪܬ ܫܡܗ ܫܡܥܘܢ܂
29:34	ܘܒ݂ܛܢܬ ܬܘܒ ܘܝܠ݂ܕܬ ܒܪܐ ܘܐܡ݂ܪܬ܂ ܙܒܢܬܐ ܗܕܐ ܢܬܠܘܐ ܠܝ ܒܥܠܝ܂ ܡܛܠ ܕܝ݁ܠܕܬ ܠܗ ܬܠܬܐ ܒܢܝܢ܂ ܡܛܠ ܗܢܐ ܩܪܬ ܫܡܗ ܠܘܝ܂
29:35	ܘܒܛܢ݂ܬ ܬܘܒ ܘܝܠ݂ܕܬ ܒܪܐ ܘܐܡ݂ܪܬ܂ ܙܒܢܐ ܗܢܐ ܐܘܕܐ ܠܡܪܝܐ܂ ܡܛܠ ܗܢܐ ܩܪܬ ܫܡܗ ܝܗܘܕܐ܂ ܘܩܡܬ ܡܢ ܝܠܕܐ܀