The Comprehensive Aramaic Lexicon

32:01	ܘܩ݁ܕܡ ܠܒܢ ܒܫܦܪܐ/ܒܨܦܪܐ#3#/܂ ܘܢܫ݁ܩ ܠܒܢ̈ܘܗܝ ܘܠܒܢ̈ܬܗ ܘܒܪܟ ܐܢܘܢ܂ ܘܗ݂ܦܟ ܠܒܢ ܘܐܙ݂ܠ ܠܐܬܪܗ܂
32:02	\ܘܐܦ ܝܥܩܘܒ /ܘܝܥܩܘܒ#3#/ ܐܙ݂ܠ ܠܐܘܪܚܗ܂ ܘܦܓܥܘ ܒܗ ܡܠܐ̈ܟܘܗܝ ܕܐܠܗܐ܂
32:03	ܘܐܡ݂ܪ ܝܥܩܘܒ ܟܕ ܚ݂ܙܐ ܐܢܘܢ܂ ܡܫܪܝܬܐ ܗܝ ܕܐܠܗܐ ܗܕܐ܂ ܘܩ݂ܪܐ ܫܡܗ ܕܐܬܪܐ ܗ݀ܘ ܡܚܢܝܡ܂
32:04	ܘܫܕܪ ܝܥܩܘܒ ܐܝܙ̈ܓܕܐ ܩܕܡܘܗܝ ܠܘܬ ܥܣܘ ܐܚܘܗܝ ܠܐܪܥܐ ܕܣܥܝܪ ܠܚܩܠܐ ܕܐܕܘܡ܂
32:05	ܘܦܩ݁ܕ ܐܢܘܢ ܘܐܡ݂ܪ ܠܗܘܢ܂ ܗܟܢܐ ܬܐܡܪܘܢ ܠܡܪܝ ܥܣܘ܂ ܗܟܢܐ ܐܡ݁ܪ ܥܒ݂ܕܟ ܝܥܩܘܒ܂ ܥܡ ܠܒܢ ܥܡ݁ܪܬ܂ ܘܐ݁ܘܚܪܬ ܥܕܡܐ ܠܝܘܡܢܐ/ܠܗܫܐ#3#/܂
32:06	ܘܗܘܘ ܠܝ ܬܘܪ̈ܐ ܘܚܡܪ̈ܐ܂ ܘܥܢܐ ܘܥܒ̈ܕܐ ܘܐܡܗ̈ܬܐ܂ ܘܫ݁ܕܪܬ ܠܡܚܘܝܘ ܠܡܪܝ ܕܐܫܟܚ ܪ̈ܚܡܐ ܒܥܝܢ̈ܝܟ܀
32:07	ܘܗܦܟܘ ܐܝܙ̈ܓܕܐ ܠܘܬ ܝܥܩܘܒ ܘܐܡ݂ܪܘ ܠܗ܂ ܐܙܠܢ ܠܘܬ ܥܣܘ ܐܚܘܟ ܘܗܐ ܐܦ ܗ݂ܘ ܐܬܐ ܠܐܘܪܥܟ܂ ܘܐܪ̈ܒܥܡܐܐ ܓܒܪ̈ܝܢ ܥܡܗ܂
32:08	ܘܕܚ݂ܠ ܝܥܩܘܒ ‍<‍ܛܒ#3#‍>‍ ܘܥܩ݂ܬ ܠܗ ܛܒ/#3#/܂ ܘܦܠܓ ܥܡܐ ܕܥܡܗ܂ ܘܥܢܐ ܘܬܘܪ̈ܐ ܘܓܡ̈ܠܐ ܠܬܪ̈ܬܝܢ ܡܫܪ̈ܝܢ܂
32:09	ܘܐܡ݂ܪ ܝܥܩܘܒ/#3#/܂ ܐܢ ܢܐܬܐ ܥܣܘ ܐܚܝ ܥܠ ܡܫܪܝܬܐ ܚܕܐ ܘܢܚܪܒܝܗ݀܂ ܡܫܪܝܬܐ ܕܡܫܬܚܪܐ ܡܬܦܠܛܐ܂
32:10	ܘܨܠܝ/#3#/ ‍<‍ܝܥܩܘܒ#3#‍>‍ ܘܐܡ݂ܪ ‍<‍ܝܥܩܘܒ#3#‍>‍܂ ܐܠܗܗ ܕܐܒܝ ܐܒܪܗܡ܂ ܐܠܗܗ ܕܐܒܝ ܐܝܣܚܩ܂ ܡܪܝܐ ܕܐܡ݂ܪ ܠܝ܂ ܗܦܘܟ \ܠܐܪܥܐ ܕܐ̈ܒܗܝܟ /ܠܐܪܥܟ#3#/ ܘܠܬܘ̈ܠܕܬܟ ܘܐܛܐܒ ܠܟ܂
32:11	ܒܨܝܪ ܐܢܐ ܡܢ ܟܠܗܝܢ ܛܝܒ̈ܘܬܟ܂ ܘܡܢ ܟܠܗ ܩܘܫܬܐ ܕܥܒ݂ܕܬ ܥܡ ܥܒܕܟ܂ ܡܛܠ ܕܒܚܘܛܪܝ ܥܒ݁ܪܬ ܝܘܪܕܢܢ ܗܢܐ܂ ܘܗܫܐ ܗܘܝܬ ܠܬܪ̈ܬܝܢ ܡܫܪ̈ܝܢ܂
32:12	ܦܨܢܝ ܡܢ ܐ̈ܝܕܘܗܝ ܕܥܣܘ ܐܚܝ܂ ܡܛܠ ܕܕܚ݁ܠ ܐܢܐ ܡܢܗ ܕܠܡܐ/ܕܕܠܡܐ#3#/ ܢܐܬܐ ܘܢܡܚܝܢܝ ܐܡܐ ܥܡ ܒܢ̈ܝܗ݀܂
32:13	ܘܐܢܬ ܐܡ݂ܪܬ ܡܛܐܒ݂ܘ/ܕܡܛܐܒ݂ܘ#3#/ ܐܛܐܒ ܠܟ܂ ܘܐܥܒܕ ܙܪܥܟ ܐܝܟ ܚܠܐ ܕܝܡܐ ܕܠܐ ܡܬܡܢܐ ܡܢ ܣܘܓܐܗ܂
32:14	ܘܒܬ ܬܡܢ ܒܠܠܝܐ ܗ݀ܘ܂ ܘܢܣ݂ܒ ܡܢ ܡܕܡ ܕܐܝܬܝ ܒܐܝܕܗ ܩܘܪܒܢܐ ܠܥܣܘ ܐܚܘܗܝ܂
32:15	ܥ̈ܙܐ ܡܐܬ̈ܝܢ܂ ܘܬܝܫ̈ܐ ܥܣܪ̈ܝܢ܂ ܢܩܘ̈ܬܐ ܡܐܬܝܢ܂ ܘܕܟܪ̈ܐ ܥܣܪ̈ܝܢ܂
32:16	ܓܡ̈ܠܐ ܡܝܢܩ̈ܬܐ ܘܒܢܝܗܝܢ ܬܠܬܝܢ܂ ܬܘܪ̈ܬܐ ܐܪ̈ܒܥܝܢ ܘܬܘܪ̈ܐ ܥܣܪܐ܂ ܐܬ̈ܢܐ ܥܣܪ̈ܝܢ ܘܥ̈ܝܠܐ ܥܣܪܐ܂
32:17	ܘܝܗ݂ܒ ܒܐܝܕܐ ܕܥܒ̈ܕܘܗܝ ܓܙܪܐ ܓܙܪܐ ܒܠܚܘܕ܂ ܘܐܡ݂ܪ ܠܥܒ̈ܕܘܗܝ܂ ܥܒܪܘ ܩܕܡܝ܂ ܘܐܪܘܚܬܐ ܥܒܕܘ ܒܝܬ ܓܙܪܐ ܠܓܙܪܐ܂
32:18	ܘܦܩ݁ܕ ܠܩܕܡܝܐ ܘܐܡ݂ܪ ܠܗ܂ ܕܟܕ ܢܦܓܥ ܒܟ ܥܣܘ ܐܚܝ܂ ܘܢܫܐܠܟ ܘܢܐܡܪ ܠܟ܂ ܕܡ݁ܢ ܐܢܬ ܘܠܐܝܟܐ ܐ݁ܙܠ ܐܢܬ܂ ܘܕܡ݁ܢ ܗܠܝܢ ܕܩܕܡܝܟ܂
32:19	ܐܡ݂ܪ ܠܗ ܕܥܒܕܟ ܝܥܩܘܒ܂ ܩܘܪܒܢܐ ܕܫܕܪ ܠܡܪܝ ܥܣܘ܂ ܘܗܐ ܐܦ ܗ݂ܘ ܐܬܐ ܒܬܪܢ܂
32:20	ܘܦܩ݁ܕ ܠܬܢܝܢܐ ܘܐܦ ܠܬܠܝܬܝܐ܂ ܘܐܦ ܠܟܠ ܕܐܙܠܝܢ ܒܬܪ ܓܙܪ̈ܐ ܠܡܐܡܪ܂ ܐܝܟ ܦܬܓܡܐ ܗܢܐ ܬܐܡܪܘܢ ܠܥܣܘ ܡܐ ܕܐܫܟܚܬܘܢܝܗܝ܂
32:21	ܘܬܐܡܪܘܢ ܠܗ/#3#/܂ ܕܗܐ ܐܦ ܥܒܕܟ ܝܥܩܘܒ ܒܬܪܢ܂ ܡܛܠ ܕܐܡ݂ܪ܂ ܕܐܢܝܚ ܪܘܓܙܗ ܒܩܘܪܒܢܐ ܕܐ݁ܙܠ ܩܕܡܝ܂ ܘܒܬܪܟܢ ܐ݁ܚܙܐ ܐܦܘ̈ܗܝ܂ ܟܒܪ ܢܣ݂ܒ ܒܐ̈ܦܝ܂
32:22	ܘܥ݂ܒܪ ܩܘܪܒܢܐ ܩܕܡܘܗܝ܂ ܘܗ݂ܘ ܒܬ ܒܠܠܝܐ ܗ݀ܘ ܒܡܫܪܝܬܐ܂
32:23	ܘܩ݁ܕܡ ܒܠܠܝܐ ‍<‍ܗ݀ܘ#3#‍>‍܂ ܘܕܒܪ/ܘܐܥܒܪ#1##2#/ ܬܪ̈ܬܝܢ/ܠܬܪ̈ܬܝܢ#3#/ ܢܫ̈ܘܗܝ ܘܬܪ̈ܬܝܢ ܐܡܗ̈ܬܗ܂ ܘܚܕܥܣܪ ܒܢ̈ܘܗܝ ܘܐܥܒܪ ܐܢܘܢ ܠܡܕܒܪܐ ܕܝܒܩ܂
32:24	ܘܕܒ݂ܪ ܐܢܘܢ ܘܐܥܒܪ ܐܢܘܢ ܢܚܠܐ/ܠܢܚܠܐ#3#/܂ ܘܐܥܒܪ ܟܠ ܕܐܝܬ ܠܗ܂
32:25	ܘܦܫ ܝܥܩܘܒ ܒܠܚܘܕܘܗܝ܂ ܘܐܬܟܬܫ ܓܒܪܐ ܥܡܗ ܥܕܡܐ ܕܣܠ݂ܩ ܫܦܪܐ/ܨܦܪܐ#3#/܂
32:26	ܘܚ݂ܙܐ ܕܠܐ ܡܬܡܨܐ ܚܝܠܗ܂ ܘܩܪ݂ܒ ܠܚܪܘܬܗ܂ ܘܫ݂ܢܬ ܚܪܘܬܗ ܕܝܥܩܘܒ ܟܕ ܐܬܟܬܫ ܥܡܗ܂
32:27	ܘܐܡ݂ܪ ܠܗ/#3#/܂ ܫܕܪܝܢܝ ܡܛܠ ܕܣܠ݂ܩ ܫܦܪܐ/ܨܦܪܐ#3#/ ܘܐܡ݂ܪ܂ ܠܐ ܐܫܕܪܟ ܐܠܐ ܐܢ ܒܪܟܬܢܝ܂
32:28	ܘܐܡ݂ܪ ܠܗ܂ ܐܝܟܢܐ ܫܡܟ܂ ܘܐܡ݂ܪ ܝܥܩܘܒ܂
32:29	ܘܐܡ݂ܪ ܠܗ/#3#/܂ ܠܐ ܝܥܩܘܒ ܢܬܩܪܐ ܬܘܒ ܫܡܟ ܐܠܐ ܐܝܣܪܝܠ܂ ܡܛܘܠ ܕܐܫ݂ܬܪܪܬ ܥܡ ܡܠܐܟܐ ܘܥܡ ܓܒܪܐ ܘܐܬܡܨܝ݂ܬ ܚܝܠܐ܂
32:30	ܘܫܐܠܗ ܝܥܩܘܒ ܘܐܡ݂ܪ܂ ܚܘܢܝ ܫܡܟ܂ ܐܡ݁ܪ ܠܗ/#3#/܂ ܠܡܢܐ ܫܐ݁ܠ ܐܢܬ ܥܠ ܫܡܝ܂ ܘܒܪܟܗ ܬܡܢ܂

32:31	ܘܩ݂ܪܐ ܝܥܩܘܒ ܫܡܗ ܕܐܬܪܐ ܗ݀ܘ ܦܢܘܐܝܠ܂ ܡܛܠ ܕܚ݁ܙܝܬ ܡܠܐܟܐ ܐ̈ܦܝܢ ܠܘܩܒܠ ܐ̈ܦܝܢ ܘܐܬܦ݂ܨܝܬ ܢܦܫܝ܂

32:32	ܘܕܢ݂ܚܬ ܠܗ ܫܡܫܐ ܟܕ ܥܒ݂ܪ ܠܦܢܘܐܝܠ܂ ܘܗ݂ܘ ܡ݁ܣܡܐ ܗܘܐ ܡܢ ܚܪܘܬܗ܂
32:33	ܡܛܠ ܗܢܐ ܠܐ ܐܟܠܝܢ ܒܢ̈ܝ ܐܝܣܪܝܠ܂ ܓܝܕܐ ܕܓܢܫܝܐ ܕܒܚܪܘܬܐ ܕܥܛܡܐ ܥܕܡܐ ܠܝܘܡܢܐ܂ ܡܛܠ ܕܩ݂ܪܒ ܠܚܪܘܬܐ ܕܥܛܡܗ ܕܝܥܩܘܒ ܠܓܢܫܝܐ܂