The Comprehensive Aramaic Lexicon

35:01	ܘܐܡ݂ܪ ܡܪܝܐ/ܐܠܗܐ#3#/ ܠܝܥܩܘܒ܂ ܩܘܡ ܣܩ ܠܒܝܬ ܐܝܠ ܘܬܒ ܬܡܢ܂ ܘܥܒ݂ܕ ܬܡ݁ܢ ܡܕܒܚܐ ܠܐܝܠ ܕܐܬܓܠܝ ܥܠܝܟ܂ ܟܕ ܥ݁ܪܩ ܐܢܬ ܡܢ ܩܕܡ ܥܣܘ ܐܚܘܟ܂

35:02	ܘܐܡ݂ܪ ܝܥܩܘܒ ܠܒ̈ܢܝ ܒܝܬܗ܂ ܘܠܟܠ ܕܥܡܗ܂ ܐܥܒܪܘ ܐ̈ܠܗܐ ܢܘܟܪ̈ܝܐ ܕܒܝܢܬܟܘܢ/ܡܢ ܒܝܢܬܟܘܢ#3#/܂ ܘܐܬܕܟܘ ܘܚܠܦܘ ܢܚ̈ܬܝܟܘܢ܂

35:03	ܘܩܘܡܘ ܢܣܩ ܠܒܝܬ ܐܝܠ܂ ܘܐܥܒܕ ܬܡ݁ܢ ܡܕܒܚܐ ܠܐܠܗܐ ܕܥܢܢܝ ܒܝܘܡܐ ܕܐܘܠܨܢܝ܂ ܘܗܘ݂ܐ ܥܡܝ ܒܐܘܪܚܐ ܕܐ݁ܙܠܬ܂
35:04	ܘܝܗܒܘ ܠܝܥܩܘܒ ܟܠܗܘܢ ܐ̈ܠܗܐ ܢܘܟܪ̈ܝܐ/#3#/ ܕܒܐ̈ܝܕܝܗܘܢ ܘܩ̈ܕܫܐ ܕܒܐ̈ܕܢܝܗܘܢ܂ ܘܛܡ݂ܪ ܐܢܘܢ ܝܥܩܘܒ ܬܚܝܬ ܒܛܡܬܐ ܕܥܡ ܫܟܝܡ܂
35:05	ܘܫܩ݂ܠܘ ܘܗܘܬ ܕܚܠܬܗ ܕܐܠܗܐ/ܕܡܪܝܐ#3#/ ܥܠ ܩܘܪ̈ܝܐ ܕܒܚܕܪ̈ܝܗܘܢ܂ ܘܠܐ ܪܕܦܘ ܒܬܪ ܝܥܩܘܒ ܘܒܬܪ ܒܢ̈ܘܗܝ܀
35:06	ܘܐܬ݂ܐ ܝܥܩܘܒ ܠܠܘܙ ܕܒܐܪܥܐ ܕܟܢܥܢ܂ ܗ݂ܝ ܗܝ ܒܝܬ ܐܝܠ܂ ܗ݂ܘ/#3#/ ܘܟܠܗ ܥܡܐ ܕܥܡܗ܂
35:07	ܘܒܢ݂ܐ ܬܡ݁ܢ ܡܕܒܚܐ܂ ܘܩܪܝܗܝ ܠܐܬܪܐ ܗ݀ܘ/#3#/ ܒܝܬ ܐܝܠ܂ ܡܛܠ ܕܬܡ݁ܢ ܐܬܓܠܝ ܥܠܘܗܝ ܐܠܗܐ܂ ܟܕ ܥܪܩ݁ ܗܘܐ/#3#/ ܡܢ ܩܕܡ/#3#/ ܥܣܘ/#3#/ ܐܚܘܗܝ܂
35:08	ܘܡܝܬܬ ܕܒܘܪܐ ܡܝܢܩܬܗ݀ ܕܪܦܩܐ/ܕܪܚܝܠ#3#/܂ ܘܐܬܩܒ݂ܪܬ ܠܬܚܬ ܡܢ ܒܝܬ ܐܝܠ ܬܚܝܬ ܒܛܡܬܐ܂ ܘܩ݂ܪܐ ܫܡܗ݀ ܒܛܡܬܐ ܕܒܟܬܐ܂
35:09	ܘܐܬܓܠܝ ܬܘܒ/#3#/ܬܡܢ#3#/ ܐܠܗܐ ܥܠ ܝܥܩܘܒ ‍<‍ܬܘܒ#3#‍>‍܂ ܟܕ ܐܬܐ ‍<‍ܗܘܐ#3#‍>‍ ܡܢ ܦܕܢ ܕܐܪܡ ܘܒܪܟܗ܂
35:10	ܘܐܡ݂ܪ ܠܗ ܐܠܗܐ܂ ܠܐ ܢܬܩܪܐ ܬܘܒ/#3#/ ܫܡܟ ܝܥܩܘܒ܂ ܐܠܐ ܢܗܘܐ/ܢܬܩܪܐ#3#/ ܫܡܟ ܐܝܣܪܝܠ܂ ܘܩ݂ܪܐ ܫܡܗ ܐܝܣܪܝܠ܂
35:11	ܘܐܡ݂ܪ ܠܗ ܐܠܗܐ܂ ܐܢܐ ܐܢܐ ܐܝܠܫܕܝ ܐܠܗܐ/#3#/܂ ܟܒܪ ܘܣܓܝ ܥܡܐ܂ ܘܟܢܫܐ ܕܥܡ̈ܡܐ ܡܢܟ ܢܗܘܘܢ܂ ܘܡ̈ܠܟܐ ܡܢ ܚܨܟ ܢܦܩܘܢ܂
35:12	ܘܐܪܥܐ ܕܝܡ݁ܝܬ ܠܐܒܪܗܡ ܘܠܐܝܣܚܩ ܠܟ ܐܬܠܝܗ݀܂ ܘܠܙܪܥܟ ܡܢ ܒܬܪܟ ܐܬܠܝܗ݀ ܐܪܥܐ܂
35:13	ܘܐܬܬܪܝܡ ܡܢܗ ܐܠܗܐ ܒܐܬܪܐ ܕܡܠܠ ܥܡܗ܂
35:14	ܘܐܩܝܡ ܝܥܩܘܒ ܩܝܡܬܐ ܒܐܬܪܐ ܕܡܠܠ ܥܡܗ ܩܝܡܬܐ ܕܟܐܦܐ܂ ܘܢܩܝ ܥܠܝܗ݀ ܢܘܩܝܐ܂ ܘܢܣܟ ܥܠܝܗ݀ ܡܫܚܐ܂
35:15	ܘܩ݂ܪܐ ܝܥܩܘܒ ܫܡܗ ܕܐܬܪܐ ‍<‍ܗ݀ܘ#3#‍>‍ ܕܡܠܠ ܥܡܗ ܬܡܢ/#3#/ ܐܠܗܐ ܒܝܬ ܐܝܠ܂
35:16	ܘܫܩ݂ܠ ܡܢ ܒܝܬ ܐܝܠ܂ ܘܪܕܐ ܬܘܒ ܐܝܟ ܡܪܕܐ/#3#/ ܦܪܣܚܐ ܕܐܪܥܐ/#3#/ ܠܡܥܠ ܠܐܦܪܬ܂ ܘܝܠ݂ܕܬ ܪܚܝܠ ܘܚܣ݂ܢܬ ܟܕ ܝܠܕܐ܂
35:17	ܘܗܘ݂ܐ ܕܟܕ ܚܣܢ݂ܬ܂ ܐܡ݂ܪܬ ܠܗ݀ ܚܝ݁ܬܐ܂ ܠܐ ܬܕܚܠܝܢ܂ ܡܛܠ ܕܐܦ ܗܢܐ ܒܪܐ ܗܘ ܠܟܝ܂
35:18	ܘܗܘܐ ܕܟܕ ܢܦܩܐ ܢܦܫܗ݀ ܘܡܝܬܐ܂ ܩܪܬ ܫܡܗ ܒܪ ܟܐ̈ܒܝ܂ ܘܐܒܘܗܝ ܩܪܝ݂ܗܝ ܒܢܝܡܝܢ܂
35:19	ܘܡܝܬܬ ܪܚܝܠ ܘܐܬܩܒܪܬ ܒܐܘܪܚܐ ܕܐܦܪܬ܂ ܗ݂ܝ ܗܝ ܒܝܬ ܠܚܡ܂
35:20	ܘܐܩܝܡ ܝܥܩܘܒ ܩܝܡܬܐ ܥܠ ܩܒܪܗ݀ ܕܪܚܝܠ/#3#/܂ ܗ݂ܝ ܗܝ \ܩܝܡܬܐ ܕܩܒܪܗ݀ /ܩܝܡܬܗ݀#3#/ ܕܪܚܝܠ ܥܕܡܐ ܠܝܘܡܢܐ܂
35:21	ܘܫܩ݂ܠ ܐܝܣܪܝܠ ܘܢܩ݂ܫ ܡܫܟܢܗ ܡܢ ܬܡܢ ܠܡܓܕܠܐ ܕܓܕܪ܂
35:22	ܘܗܘ݂ܐ ܕܟܕ ܫ݂ܪܐ ܐܝܣܪܝܠ ܒܐܪܥܐ ܗ݀ܝ܂ ܐܙܠ ܪܘܒܝܠ ܘܫܟ݂ܒ ܥܡ ܒܠܗܐ ܕܪܘܟܬܗ ܕܐܒܘܗܝ܂ ܘܫܡ݂ܥ ܐܝܣܪܝܠ ܘܗܘܘ ܒܢ̈ܘܗܝ ܕܝܥܩܘܒ ܬܪ̈ܥܣܪ/#2#/܂
35:23	ܒܢ̈ܝܗ݀ ܕܠܝܐ܂ ܒܘܟܪܗ ܕܝܥܩܘܒ ܪܘܒܝܠ ܘܫܡܥܘܢ ܘܠܘܝ܂ ܘܝܗܘܕܐ ܘܐܝܣܟܪ ܘܙܒܘܠܘܢ܂
35:24	ܘܒܢ̈ܝܗ݀ ܕܪܚܝܠ܂ ܝܘܣܦ ܘܒܢܝܡܝܢ܂
35:25	ܘܒܢ̈ܝܗ݀ ܕܒܠܗܐ ܐܡܬܗ݀ ܕܪܚܝܠ܂ ܕܢ ܘܢܦܬܠܝ܂
35:26	ܘܒܢ̈ܝܗ݀ ܕܙܠܦܐ ܐܡܬܗ݀ ܕܠܝܐ܂ ܓܕ ܘܐܫܝܪ܂ ܗܠܝܢ ܒܢ̈ܘܗܝ ܕܝܥܩܘܒ ܕܐܬܝܠܕܘ ܠܗ ܒܦܕܢ ܕܐܪܡ܂
35:27	ܘܐܬ݂ܐ ܝܥܩܘܒ ܠܘܬ ܐܝܣܚܩ ܐܒܘܗܝ ܠܡܡܪܐ ܩܘܪܝܬ ܓܢܒܪ̈ܐ܂ ܗܝ ܗܝ ܚܒܪܘܢ \ܕܒܐܪܥܐ ܕܟܢܥܢ /#3#/܂ ܕܥܡ݂ܪ ܬܡܢ ܐܒܪܗܡ ܘܐܝܣܚܩ܂
35:28	ܘܗܘܘ ܝܘܡ̈ܘܗܝ ܕܐܝܣܚܩ܂ ܡܐܐ ܘܬܡܢܐܝܢ ܫ̈ܢܝܢ܂
35:29	ܘܐܬܟܪܗ ܐܝܣܚܩ ܘܡܝܬ܂ ܘܐܬܟܢܫ ܠܘܬ ܥܡܗ܂ ܣܐܒ ܘܣܒܥ ܝܘܡ̈ܬܗ܂ ܘܩܒܪܘܗܝ ܥܣܘ ܘܝܥܩܘܒ ܒܢ̈ܘܗܝ܂ \ܒܩܒܪܐ ܕܙܒ݂ܢ ܐܒܪܗܡ ܐܒܘܗܝ /#3#/܂