← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


39:01 ܘܠܝܘܣܦ ܐܚܬܘܗܝ ܡܕܝܢ̈ܝܐ ܠܡܨܪܝܢ܂ ܘܙܒܢܗ ܦܘܛܝܦܪ ܡܗܝܡܢܐ ܪܒ ܕܚܫ̈ܐ ܕܦܪܥܘܢ܂ ܓܒܪܐ ܡܨܪܝܐ ܡܢ ܐܝܕܐ ܕܥܪ̈ܒܝܐ܂ ܕܐܚܬܘܗܝ ܠܬܡܢ܂
39:02 ܘܗܘ݂ܐ ܡܪܝܐ ܥܡ ܝܘܣܦ܂ ܘܗܘ݂ܐ ܓܒܪܐ ܡܨܠܚ ܒܝܬ ܡܪܗ ܡܨܪܝܐ܂
39:03 ܘܚ݂ܙܐ ܡܪܗ ܕܡܪܝܐ ܥܡܗ܂ ܘܟܠ ܕܥܒ݁ܕ ܡܪܝܐ ܡ݂ܨܠܚ ܒܐܝܕܗ܂
39:04 ܘܐܫܟܚ ܝܘܣܦ ܪ̈ܚܡܐ ܒܥܝܢ̈ܘܗܝ ܘܫܡܫܗ܂ ܘܐܫܠܛܗ ܥܠ ܒܝܬܗ܂ ܘܟܠ ܕܐܝܬ ܠܗ ܝܗ݂ܒ ܒܐ̈ܝܕܘܗܝ܂
39:05 ܘܗܘ݂ܐ ܡܢ ܙܒܢܐ ܕܐܫܠܛܗ ܥܠ ܒܝܬܗ ܘܥܠ ܟܠ ܕܐܝܬ ܠܗ܂ ܒܪܟ ܡܪܝܐ ܠܒܝܬܗ ܕܡܨܪܝܐ ܡܛܠ ܝܘܣܦ܂ ܘܗܘܬ ܒܘܪܟܬܗ ܕܡܪܝܐ ܒܟܠ ܕܐܝܬ ܠܗ ܒܒܝܬܐ ܘܒܚܩܠܐ܂
39:06 ܘܫܒ݂ܩ ܟܠܡܕܡ/ܟܠ#3#/ ܕܐܝܬ ܠܗ ܒܝܕ ܝܘܣܦ܂ ܘܠܐ ܝܕܥ݂ ܥܡܗ ܡܕܡ܂ ܐܠܐ ܐܢ ܠܚܡܐ ܕܐ݁ܟܠ ܗܘܐ܂ ܘܝܘܣܦ ܫܦܝܪ ܗܘܐ ܚܙܘܗ/ܒܚܙܘܗ#3#/ ܘܝܐܐ ܗܘܐ/#3#/ ܩܘܒܠܠܗ܂
39:07 ܘܗܘܐ ܡܢ ܒܬܪ ܦ̈ܬܓܡܐ/ܡ̈ܠܐ#3#/ ܗܠܝܢ܂ ܐܪܡ݂ܝܬ ܐܢܬܬ ܡܪܗ ܥܝܢܗ݀ ܥܠ ܝܘܣܦ܂ ܘܐܡ݂ܪܬ ܠܗ ܕܡ݂ܟ ܥܡܝ܂
39:08 ܘܠܐ ܨܒ݂ܐ ܘܐܡ݂ܪ ܠܐܢܬܬ ܡܪܗ܂ ܗܐ ܡܪܝ ܠܐ ܝܕܥ݁ ܥܡܝ ܡܢܐ ܐܝܬ ܒܒܝܬܗ܂ ܘܟܠ ܕܐܝܬ ܠܗ ܐܫܠܛ ܒܐ̈ܝܕܝ܂
39:09 ܘܠܝܬ ܕܪܒ ܒܒܝܬܐ ܗܢܐ ܡܢܝ܂ ܘܠܐ ܚܣܟ ܡܢܝ ܡܕܡ܂ ܐܠܐ ܐܢ ܠܟܝ ܕܐܢܬܬܗ ܐܢܬܝ܂ ܘܐܝܟܢܐ ܐܥܒܕ ܒܝܫܬܐ ܗܕܐ ܪܒܬܐ܂ ܘܐܚܛܐ ܠܐܠܗܐ܂
39:10 ܘܟܕ ܐܡܪܐ ܗܘܬ ܠܗ ܟܠܝܘܡ ‍<‍ܠܝܘܣܦ#3#‍>‍ ܘܠܐ ܫܡ݁ܥ ܗܘܐ ܠܗ݀܂ ܠܡܕܡܟ ܠܘܬܗ݀ ܘܠܡܗܘܐ ܥܡܗ݀܂
39:11 ܘܗܘ݂ܐ \ܒܚܕ ܡܢ /ܒܬܪ#3#/ ܝܘܡ̈ܬܐ܂ ܘܥܠ ܝܘܣܦ/#3#/ ܠܒܝܬܐ ܠܡܥܒܕ ܥܒ݁ܕܐ ܘܠܝܬ ܐܢܫ ܡܢ ܐܢܫ̈ܝ ܒܝܬܐ ܬܡܢ ܒܒܝܬܐ܂
39:12 ܘܐܚܕܬܗ ܒܠܒܫܗ ܘܐܡ݂ܪܬ ܠܗ/#3#/܂ ܕܡ݂ܟ ܥܡܝ܂ ܘܫܒܩܗ ܠܒܫܗ ܒܐ̈ܝܕܝܗ݀܂ ܘܥ݂ܪܩ ܢܦ݂ܩ ܠܗ ܠܫܘܩܐ܂
39:13 ܘܗܘ݂ܐ ܕܟܕ ܚܙܬ ܕܫܒܩܗ ܠܒܫܗ ܒܐ̈ܝܕܝܗ݀ ܘܥ݂ܪܩ ܠܫܘܩܐ܂
39:14 ܩ݂ܪܬ ܠܐܢܫ̈ܝ ܒܝܬܗ݀ ܘܐܡ݂ܪܬ ܠܗܘܢ܂ ܚܙܘ ܕܐܝܬܝ ܠܢ ܥܒ݂ܕܐ ܥܒܪܝܐ ܠܡܓܚܟ ܥܠܝܢ܂ ܥܠ ܥܠܝ ܠܡܕܡܟ ܥܡܝ܂ ܘܩܥ݁ܝܬ ܒܩܠܐ ܪܡܐ/ܪܒܐ#3#/܂
39:15 ܘܟܕ ܫܡ݂ܥ ܕܐܪܝܡ݁ܬ ܩܠܝ ܘܩ݁ܥܝܬ/ܘܩܪܝܬ#3#/܂ ܫܒܩܗ ܠܒܫܗ ܠܘܬܝ/ܒܐ̈ܝܕܝ#3#/܂ ܘܥ݂ܪܩ ܢܦ݂ܩ ܠܗ ܠܫܘܩܐ܂
39:16 ܘܣܡܬܗ ܠܒܫܗ ܠܘܬܗ݀܂ ܥܕܡܐ ܕܥܠ ܡܪܗ ܠܒܝܬܐ܂
39:17 ܘܐܡ݂ܪܬ ܠܗ ܐܝܟ ܡ̈ܠܐ ܗܠܝܢ܂ ܥܠ ܥܠܝ ܥܒ݂ܕܐ ܥܒܪܝܐ ܕܐܝܬܝܬ ܠܢ ܠܡܓܚܟܘ ܒܢ܂
39:18 ܘܟܕ ܐܪܝܡ݁ܬ ܩܠܝ ܘܩ݁ܥܝܬ܂ ܫܒܩܗ ܠܒܫܗ ܒܐ̈ܝܕܝ ܘܥܪ݂ܩ ܢܦ݂ܩ ܠܗ ܠܫܘܩܐ܂
39:19 ܘܟܕ ܫܡ݂ܥ ܡܪܗ ܡ̈ܠܝܗ݀ ܕܐܢܬܬܗ ܕܐܡ݂ܪܬ ܠܗ܂ ܕܐܝܟ ܡ̈ܠܐ ܗܠܝܢ ܥܒ݂ܕ ܠܝ ܥܒ݂ܕܟ܂ ܐܬܚܡ݂ܬ ܪܘܓܙܗ܂
39:20 ܘܕܒܪܗ ܡܪܗ ‍<‍ܠܝܘܣܦ#3#‍>‍ ܘܐܪܡܝܗ ܒܝܬ ܐܣܝܪ̈ܐ܂ ܐܬܪ ܕܐܣܝܪ̈ܝ ܡ݁ܠܟܐ ܐܣܝܪ̈ܝܢ ܗܘܘ/#3#/܂ ܘܗܘ݂ܐ ܬܡ݁ܢ ܒܝܬ ܐܣܝܪ̈ܐ܂
39:21 ܘܗ݂ܘܐ ܡܪܝܐ ܥܡ ܝܘܣܦ܂ ܘܐܪܡܝ ܥܠܘܗܝ ܚܣܕܐ܂ ܘܝܗܒܗ ܠܪ̈ܚܡܐ ܒܥܝ̈ܢܝ ܪܒ ܒܝܬ ܐܣܝܪ̈ܐ܂
39:22 ܘܐܫܠܡ ܪܒ ‍<‍ܒܝܬ#3#‍>‍ ܐܣܝܪ̈ܐ ܒܝܕ ܝܘܣܦ ܟܠܗܘܢ ܐܣܝܪ̈ܐ ܕܒܒܝܬ ܐܣܝܪ̈ܐ܂ ܘܟܠ ܕܥܒܕܝܢ ܗܘܘ ܬܡ݁ܢ ܗ݂ܘ ܥܒ݁ܕ ܗܘܐ܂
39:23 ܘܪܒ ‍<‍ܒܝܬ#3#‍>‍ ܐܣܝܪ̈ܐ ܠܐ ܚ݁ܙܐ ܗܘ݂ܐ ܡܕܡ ܒܐܝܕܗ܂ ܡܛܠ ܕܡܪܝܐ ‍<‍ܗܘܐ#3#‍>‍ ܥܡܗ܂ \ܘܟܠ ܡܕܡ /ܘܡܕܡ#3#/ ܕܥܒ݁ܕ ܗܘܐ ܡܪܝܐ ܡܨܠܚ܀

next chapter