← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


40:01 ܘܗܘ݂ܐ ܡܢ ܒܬܪ ܦܬ̈ܓܡܐ ܗܠܝܢ܂ ܚܛܘ ܪܒ ܫܩ̈ܘܬܐ ܕܡ݁ܠܟܐ ܕܡܨܪܝܢ ܘܪܒ ܢܚ̈ܬܘܡܐ ܠܡܪܗܘܢ ܡ݁ܠܟܐ ܕܡܨܪܝܢ܂
40:02 ܘܪܓܙ ܦܪܥܘܢ ܥܠ ܬܪ̈ܝܢ ܡܗܝܡܢ̈ܘܗܝ܂ ܥܠ ܪܒ ܫܩ̈ܘܬܐ \ܘܥܠ ܪܒ /ܘܪܒ#3#/ ܢܚ̈ܬܘܡܐ܂
40:03 ܘܐܪܡܝ ܐܢܘܢ ܒܝܬ ܐܣܝܪ̈ܐ܂ ܒܝܬ ܪܒ ܕܚܫ̈ܐ ‍<‍ܒܝܬ ܐܣܝܪ̈ܐ#3#‍>‍܂ ܒܐܬܪܐ ܕܝܘܣܦ ܐܣܝܪ ‍<‍ܗܘܐ#3#‍>‍ ܬܡ݁ܢ܂
40:04 ܘܐܫܠܛ ܪܒ ܕܚܫ̈ܐ ܠܝܘܣܦ ܥܠܝܗܘܢ ܘܫܡܫ ܐܢܘܢ܂ ܘܗܘܘ ܝܘܡ̈ܬܐ ܒܝܬ ܐܣܝܪ̈ܐ܂
40:05 ܘܚ݂ܠܡܘ ܚ̈ܠܡܐ ܬܪ̈ܝܗܘܢ܂ ܓܒܪ ܚܠܡܗ ܒܠܠܝܐ ܚܕ ܓܒܪ ܐܝܟ ܦܫܪ ܚܠܡܗ܂ ܫܩܝܐ ܘܢܚܬܘܡܐ ܕܡ݁ܠܟܐ ܕܡܨܪܝܢ ܕܐܣܝܪ̈ܝܢ ܒܝܬ ܐܣܝܪ̈ܐ܂
40:06 ܘܥܠ ܠܘܬܗܘܢ ܝܘܣܦ ܒܨܦܪܐ ܘܚ݂ܙܐ ܐܢܘܢ܂ ܘܗܐ ܟܡܝܪ̈ܝܢ܂
40:07 ܘܫܐ݁ܠ ܠܡܗ̈ܝܡܢܝ ܦܪܥܘܢ ܕܥܡܗ ܒܚܒܘܫܝܐ ܒܝܬ ܡܪܗ ܘܐܡ݂ܪ ܠܗܘܢ/#3#/܂ ܠܡܢܐ ܟܡܝܪ̈ܢ ܐ̈ܦܝܟܘܢ ܝܘܡܢܐ܂
40:08 ܘܐܡܪܘ ܠܗ܂ ܚܠܡܐ ܚܠܡܢ ܘܦܫܘܪܐ ܠܝܬ ܠܗ܂ ܐܡ݁ܪ ܠܗܘܢ ܝܘܣܦ܂ ܗܐ ܕܐܠܗܐ ܐܢܘܢ ܦܫܪ̈ܐ܂ ܐܫܬܥܘ ܠܝ ‍<‍ܓܒܪ ܚܠܡܗ#3#‍>‍܂
40:09 ܘܐܫܬܥܝ ‍<‍ܠܗ#3#‍>‍ ܪܒ ܫܩ̈ܘܬܐ ܚܠܡܗ ܠܝܘܣܦ܂ ܘܐܡ݂ܪ ܠܗ܂ ܒܚܠܡܝ ܗܐ ܓܦܬܐ ܩܕܡܝ܂
40:10 ܘܒܓܦܬܐ ܬܠܬ ܫܒܫ̈ܬܝܢ܂ ܘܗ݂ܝ ܟܕ ܦܪܥ݂ܬ܂ ܝܥܘ ܛܪ̈ܦܝܗ݀ ܘܒܫܠܘ ܣ̈ܓܘܠܝܗ݀܂ ܗܘܘ ܥܢ̈ܒܐ܂
40:11 ܘܟܣܐ ܕܦܪܥܘܢ ܒܐ̈ܝܕܝ܂ ܘܢܣ݁ܒܬ ܥܢ̈ܒܐ ܘܥܨܪܬ ܐܢ̈ܝܢ ܒܟܣܗ ܕܦܪܥܘܢ܂ ܘܝܗ݀ܒܬ ܟܣܐ \ܠܐ̈ܝܕܝ ܦܪܥܘܢ /ܠܐܝܕܗ ܕܦܪܥܘܢ#3#/܂
40:12 ܐܡ݁ܪ ܠܗ ܝܘܣܦ܂ ܗܢܘ ܦܫܪܗ ܕܚܠܡܟ/#3#/܂ ܬܠܬ ܫܒܫ̈ܬܝܢ ܬܠܬܐ ܐܢܘܢ ܝܘܡ̈ܝܢ܂
40:13 ‍<‍ܡܢ#3#‍>‍ ܒܬܪ ܬܠܬܐ ܝܘܡ̈ܝܢ ܢܬܕܟܪܟ ܦܪܥܘܢ܂ ܘܢܗܦܟܟ ܥܠ ܫܕܬܟ܂ ܘܬܬܠ ܟܣܐ ܠܦܪܥܘܢ ܒܐܝܕܗ܂ ܐܝܟ ܢܡܘܣܐ ܩܕܡܝܐ ܕܡܫ݁ܩܐ ܗܘ݂ܝܬ ܠܗ܂
40:14 ܐܠܐ ܐܬܕܟܪܝܢܝ ܥܡܟ ܟܕ ܢܛܐܒ ܠܟ܂ ܘܥܒ݂ܕ ܥܡܝ ܛܝܒܘܬܐ ܘܩܘܫܬܐ܂ ܘܐܬܕܟܪܝܢܝ ܩܕܡ ܦܪܥܘܢ܂ ܘܐܦܩܝܢܝ ܡܢ ܒܝܬ ܐܣܝܪ̈ܐ ܗܢܐ܂
40:15 ܡܛܠ ܕܡܓܢܒ ܓܢܝܒ ܐܢܐ ܡܢ ܐܪܥܐ ܕܥܒܪ̈ܝܐ܂ ܘܐܦ ܗܪܟܐ ܡܕܡ ܠܐ ܥܒ݁ܕܬ܂ ܕܐܪܡܝܘܢܝ ܒܓܘܒܐ/ܒܝܬ ܐܣܝܪ̈ܐ#3#/܂
40:16 ܘܚ݂ܙܐ ܪܒ ܢܚ̈ܬܘܡܐ ܕܫܦܝܪ ܦܫ݂ܪ܂ ܘܐܡ݂ܪ ܠܝܘܣܦ܂ ܘܐܦ ܐܢܐ ܒܚܠܡܝ܂ ܘܗܐ ܬܠܬܐ ܣ̈ܠܐ ܕܚܘܪ̈ܬܐ ܥܠ ܪܫܝ܂
40:17 ܘܒܣܠܐ ܥܠܝܐ ܡܢ ܟܠ ܡܐܟܠܗ ܕܦܪܥܘܢ܂ ܥܒ݁ܕܐ ܕܢܚܬܘܡܐ܂ ܘܚܝܘܬ ܟܢܦܐ ܐܟܠܐ ܠܗܘܢ ܡܢ ܣܠܐ ܡܢ ܠܥܠ ܡܢ ܪܫܝ܂
40:18 ܥܢ݂ܐ ܝܘܣܦ ܘܐܡ݂ܪ ܠܗ/#3#/ܠܪܒ ܢܚ̈ܬܘܡܐ#2#/܂ ܗܢܘ ܦܫܪܗ ܕܚܠܡܟ܂ ܬܠܬܐ ܣ̈ܠܝܢ ܬܠܬܐ ܐܢܘܢ ܝܘܡ̈ܝܢ܂
40:19 ‍<‍ܡܢ#3#‍>‍ ܒܬܪ ܬܠܬܐ ܝܘܡ̈ܝܢ܂ ܢܣ݂ܒ ܦܪܥܘܢ ܪܫܟ ܡܢܟ ܘܢܙܩܦܟ ܥܠ ܩܝܣܐ܂ ܘܬܐܟܘܠ ܦܪܚܬܐ ܒܣܪܟ ܡܢܟ܀
40:20 ܘܗܘܐ ܒܝܘܡܐ ܬܠܝܬܝܐ ܒܝܘܡܐ ܕܒܝܬ ܝܠܕܗ ܕܦܪܥܘܢ܂ ܥܒ݂ܕ ܦܪܥܘܢ/#3#/ ܡܫܬܝܐ ܠܟܠܗܘܢ ܥܒ݂̈ܕܘܗܝ܂ ܘܐܬܕܟܪ ܠܪܒ ܫܩ̈ܘܬܐ ܘܠܪܒ ܢܚܬ̈ܘܡܐ ܒܓܘ ܥܒ̈ܕܘܗܝ܂
40:21 ܘܐܩܝܡ ܠܪܒ ܫ̈ܩܘܬܐ ܥܠ ܫܕܬܗ܂ ܘܝܗ݂ܒ ܟܣܐ \ܥܠ ܐܝ̈ܕܝ /ܠܐ̈ܝܕܝ#3#/ ܦܪܥܘܢ܂
40:22 ܘܠܪܒ ܢܚܬ̈ܘܡܐ ܙܩܦ݂ ܐܝܟ ܕܦܫ݂ܪ ܠܗܘܢ ܝܘܣܦ܂
40:23 ܘܠܐ ܐܬܕܟܪ ܪܒ ܫܩ̈ܘܬܐ ܠܝܘܣܦ ܘܛܥܝܗܝ܀

next chapter