← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


41:01 ܘܗܘܐ ܡܢ ܒܬܪ ܬܪ̈ܬܝܢ ܫ̈ܢܝܢ܂ ܘܦܪܥܘܢ ܚܠ݂ܡ ܚܠܡܐ/#3#/܂ ܘܗܐ ܩܐܡ ܥܠ ܢܗܪܐ܂
41:02 ܘܗܐ ܡܢ ܢܗܪܐ ܣ̈ܠܩܢ ܫܒܥ ܬܘܪ̈ܢ܂ ܫܦܝܪ̈ܢ ܒܚܙܘܗܝܢ ܘܫܡܝܢܢ ܒܒܣܪܗܝܢ܂ ܘܪܥܝܢ ܒܡܪܓܐ܂
41:03 ܘܗܐ ܫܒܥ ܬܘܪ̈ܬܐ ܐܚܪ̈ܢܝܬܐ ܣ̈ܠܩܢ ܒܬܪܗܝܢ ܡܢ ܢܗܪܐ܂ ܒܝܫ̈ܢ ܒܚܙܘܗܝܢ ܘܡܚܝܠܢ ܒܒܣܪܗܝܢ܂ ܘܩܡ ܥܠ ܓܢܒ ܬܘܪ̈ܬܐ ܥܠ ܣܦܬ ܢܗܪܐ܂
41:04 ܘܐܟ݂ܠ ܬܘܪ̈ܬܐ ܕܒܝܫ̈ܢ ܒܚܙܘܗܝܢ/#3#/ ܘܡܚܝ̈ܠܢ ܒܒܣܪܗܝܢ܂ ܠܫܒܥ ܬܘܪ̈ܬܐ ܕܫܦܝܪ̈ܢ ܒܚܙܘܗܝܢ ܘܫܡܝ̈ܢܢ ܒܒܣܪܗܝܢ܂ ܘܐܬܬܥܝܪ ܦܪܥܘܢ܂
41:05 ܘܕܡ݂ܟ܀܀ ܘܚܠܡ ܕܬܪ̈ܬܝܢ ܙܒܢܝܢ܂ ܘܗܐ ܫܒܥ ܫܒ̈ܠܝܢ ܣ̈ܠܩܢ ܒܩܢܝܐ ܚܕ܂ ܡ̈ܠܝܢ ܘܛܒ̈ܢ܂
41:06 ܘܗܐ ܫܒܥ ܫܒ̈ܠܝܢ ‍<‍ܐܚܪ̈ܢܝܢ#3#‍>‍ ܩ̈ܛܝܢܢ ܘܫܩܝܦܢ ܠܪܘܚܐ ܕܫܘܒܐ ܝܥܝܢ ܒܬܪܗܝܢ܂
41:07 ܘܒܠܥ ܫܒ̈ܠܐ ܩܛܝܢ̈ܬܐ ܠܫܒܥ ܫܒ̈ܠܐ ܫܡܝܢ̈ܬܐ ܘܡܠܝ̈ܬܐ܂ ܘܐܬܥܝܪ ܦܪܥܘܢ ܘܗܐ ܚܠܡܐ ܗܘ܀
41:08 ܘܗܘܐ ܒܨܦܪܐ܂ ܘܐܬܛܪܦܬ ܪܘܚܗ ܕܦܪܥܘܢ/#3#/܂ ܘܫܕܪ ܩ݂ܪܐ ܠܟܠܗܘܢ ܚܪ̈ܫܐ ܘܠܟܠܗܘܢ ܚܟܝ̈ܡܝܗ݀ ܕܡܨܪ̈ܝܢ܂ ܘܐܫܬܥܝ ܠܗܘܢ ܦܪܥܘܢ ܚ̈ܠܡܘܗܝ܂ ܘܠܝܬ ‍<‍ܐܢܫ#3#‍>‍ ܕܦܫ݁ܪ \ܠܗܘܢ ܠܦܪܥܘܢ /ܚ̈ܠܡܘܗܝ#3#/܂
41:09 ܘܡܠܠ ܪܒ ܫܩ̈ܘܬܐ ܩܕܡ ܦܪܥܘܢ ܘܐܡ݂ܪ܂ ܣܘܪܚܢܝ ܡܕܟܪ ܐܢܐ ܝܘܡܢܐ܂
41:10 ܦܪܥܘܢ ܪܓܙ ܥܠ ܥܒ݂̈ܕܘܗܝ܂ ܘܐܪܡܝܢ ܒܝܬ ܐܣܝܪ̈ܐ ܒܝܬ ܪܒ ܕܚܫ̈ܐ܂ ܠܝ ܘܠܪܒ ܢܚ̈ܬܘܡܐ܂
41:11 ܘܚܠܡܢ ܚ̈ܠܡܐ ܒܠܠܝܐ ܚܕ ܐܢܐ ܘܗ݀ܘ܂ ܓܒܪ ܐܝܟ ܦܫܪ ܚܠܡܗ ܚܠܡܢ܂
41:12 ܘܬܡܢ ܥܡܢ ܥܠܝܡܐ ܥܒܪܝܐ ܥܒ݂ܕܐ ‍<‍ܗܘ#3#‍>‍ ܕܪܒ ܕܚܫ݂̈ܐ ܘܐܫܬܥܝܢ ܠܗ܂ ܘܦܫ݂ܪ ܠܢ ܚ̈ܠܡܝܢ܂ ܐܢܫ ܐܝܟ ܚܠܡܗ ܦܫܪ܂
41:13 ܘܐܝܟ/ܘܐܝܟܢܐ#3#/ ܕܦܫ݂ܪ ܠܢ ܗܟܢܐ ܗܘܐ ܠܢ/#3#/܂ ܠܝ ܐܗܦܟ \ܥܠ ܫܕܬܝ/ܠܫܕܬܝ/#3#/܂ ܘܠܗ݀ܘ ܙܩܦ܀
41:14 ܘܫܕܪ ܦܪܥܘܢ ܘܩܪܝܗܝ ܠܝܘܣܦ ܘܐܪܗܛܘܗܝ ܡܢ ܓܘܒܐ܂ ܘܓ݂ܪܥ ܘܚ݁ܠܦ ܢܚ̈ܬܘܗܝ܂ ܘܥܠ/ܩܡ#3#/ ܩܕܡ ܦܪܥܘܢ܂
41:15 ܘܐܡ݂ܪ ܦܪܥܘܢ ܠܝܘܣܦ܂ ܚܠܡܐ ܚ݁ܠܡܬ ܘܦܫܘܪܐ ܠܝܬ ܠܗ܂ ܘܐܢܐ ܫܡ݁ܥܬ ܥܠܝܟ܂ ܕܫܡ݁ܥ ܐܢܬ ܚܠܡܐ ܘܦܫܪ ܐܢܬ ܠܗ܂
41:16 ܥܢ݂ܐ ܝܘܣܦ ܘܐܡ݂ܪ ܠܦܪܥܘܢ܂ ܕܠܡܐ ܣ݁ܒܪ ܐܢܬ ܕܒܠܥܕ ‍<‍ܡܢ#2#‍>‍ ܐܠܗܐ ܢܥܢܐ ܫܠܡܐ ܠܦܪܥܘܢ܂
41:17 ܘܐܡ݂ܪ ܦܪܥܘܢ ܠܝܘܣܦ܂ ܒܚܠܡܝ ܗܐ ܩܐܡ ܐܢܐ ܥܠ ܣܦܬ ܢܗܪܐ܂
41:18 ܘܗܐ ܡܢ ܢܗܪܐ ܣܠܩܢ ܫܒܥ ܬܘܪ̈ܬܐ܂ ܫܡܝ̈ܢܢ/ܫܡܝܢ#3#/ ܒܒܣܪܗܝܢ \ܘܫܦܝܪ ܚܙܘܗܝܢ /ܘܫܦܝܪ̈ܢ ܒܚܙܘܗܝܢ#3#/ ܘܪܥܝܢ ܒܡܪܓܐ܂
41:19 ܘܗܐ ܫܒܥ ܬܘܪ̈ܢ ܐܚܪ̈ܢܝܢ ܣܠܩܢ ܒܬܪܗܝܢ܂ ܒܨܝܪ̈ܢ \ܘܒܝܫ ܚܙܘܗܝܢ /ܘܒܝ̈ܫܢ ܒܚܙܘܗܝܢ#3#/܂ ܘܡܚܝܠ ܒܣܪܗܝܢ ܛܒ܂ ܘܠܐ ܚ݁ܙܝܬ ܕܒܝܫ̈ܢ ܐܟܘܬܗܝܢ ܒܟܘܠܗ݀ ܐܪܥܐ ܕܡܨܪܝܢ܂
41:20 ܘܐܟ݂ܠ ܬܘܪ̈ܬܐ ܡܚܝ̈ܠܬܐ ܘܒܝܫ̈ܬܐ ܠܫܒܥ ܬܘܪ̈ܬܐ ܩܕܡܝ̈ܬܐ ܫܡܝ̈ܢܬܐ܂
41:21 ܘܥܠ ܠܓܘܗܝܢ܂ ܘܠܐ ܐܬܝܕܥ ܕܥܠ ܠܓܘܗܝܢ܂ ܘܚܙܘܗܝܢ ܒܝܫ ܐܝܟ ܕܒܩܕܡܝܬܐ܂ ܘܐܬ݁ܬܥܝܪܬ܂
41:22 ܘܬܘܒ ܚܙܝ݁ܬ ܒܚܠܡܝ܂ ܘܗܐ ܫܒܥ ܫܒ̈ܠܝܢ ܣ̈ܠܩܢ ܒܩܢܝܐ ܚܕ܂ ܡ̈ܠܝܢ ܘܛܒ̈ܢ܂
41:23 ܘܗܐ ܫܒܥ ܫܒ̈ܠܝܢ ܩܛܝ̈ܢܢ ܘܫܩܝ̈ܦܢ ܠܪܘܚܐ ܕܫܘܒܐ ܝܥܝܢ ܒܬܪܗܝܢ܂
41:24 ܘܒܠ݂ܥ ܫܒ̈ܠܐ ܩܛܝܢܬ̈ܐ ܠܫܒܥ ܫܒ̈ܠܐ ܛܒܬ̈ܐ܂ ܘܐܡ݁ܪܬ ܠܚܪ̈ܫܐ ܘܠܝܬ ܕܡܚܘܐ ܠܝ܀
41:25 ܘܐܡ݂ܪ ܝܘܣܦ ܠܦܪܥܘܢ܂ ܚܠܡܐ ܦܪܥܘܢ ܚܕ ܗ݂ܘ܂ ܡܕܡ ܕܐܠܗܐ ܥܒ݁ܕ ܚܘܝ ܠܦܪܥܘܢ܂
41:26 ܫܒܥ ܬܘܪ̈ܬܐ ܛܒܬ̈ܐ ܫܒܥ ܐܢܝ̈ܢ ܫ̈ܢܝܢ܂ ܘܫܒܥ ܫ̈ܒܠܐ ܛܒ̈ܬܐ ܫܒܥ ܐܢܝ̈ܢ ܫ̈ܢܝܢ܂ ܚܠܡܐ ܚܕ ܗ݂ܘ܂
41:27 ܘܫܒܥ ܬܘܪ̈ܬܐ ܡܚܝ̈ܠܬܐ ܘܒܝܫ̈ܬܐ ܕܣ̈ܠܩܢ ܒܬܪܗܝܢ ܫܒܥ ܐܢܝ̈ܢ ܫ̈ܢܝܢ܂ ܘܫܒܥ ܫ̈ܒܠܐ ܩܛܝܢ̈ܬܐ ܕܫܩܝܦܢ ܠܪܘܚܐ ܕܫܘܒܐ܂ ܢܗܘܝܢ ܫܒܥ ܫ̈ܢܝܢ ܟܦܢܐ܂
41:28 ܗ݀ܘ ܦܬܓܡܐ ܕܐܡ݁ܪܬ ܠܦܪܥܘܢ܂ ܐܝܠܝܢ ܕܐܠܗܐ ܥܒ݁ܕ ܚܘܝ ܠܦܪܥܘܢ܂
41:29 ܗܐ/ܗܫܐ#3#/ ܫܒܥ ܫ̈ܢܝܢ ܐܬ̈ܝܢ܂ ܣܒܥܐ ܪܒܐ ܒܟܠܗ݀ ܐܪܥܐ ܕܡܨܪܝܢ܂
41:30 ܘܢܩܘܡܢ ܫܒܥ ܫ̈ܢܝܢ ܕܟܦܢܐ ܒܬܪܗܝܢ܂ ܘܢܬܛܥܐ ܟܠܗ ܣܒܥܐ ܕܗܘ݂ܐ \ܒܟܘܠܗ݀ ܐܪܥܐ /ܒܐܪܥܐ#3#/ ܕܡܨܪܝܢ܂ ܘܢܣܝܦ ܟܦܢܐ ܠܐܪܥܐ܂
41:31 ܘܠܐ ܢܬܝܕܥ ܣܒܥܐ ܒܐܪܥܐ܂ ܡܛܠ ܟܦܢܐ ܗ݀ܘ ܕܡܢ ܒܬܪܟܝܢ ܕܥܫܝܢ ܗ݂ܘ ܛܒ܂
41:32 ܘܕܐܬܬܢܝ ܚܠܡܐ ܠܦܪܥܘܢ ܕܬܪ̈ܬܝܢ ܙܒ̈ܢܝܢ܂ ܕܡܛܝܒ ܦܬܓܡܐ ܡܢ ܩܕܡ ܐܠܗܐ܂ ܘܡܣܪܗܒ ܐܠܗܐ ܠܡܥܒܕܗ܂
41:33 ܗܫܐ ܢܚܙܐ ܦܪܥܘܢ ܓܒܪܐ ܚܟܝܡܐ ܘܣܟܘܠܬܢܐ܂ ܘܢܩܝܡܝܘܗܝ ܥܠ ܐܪܥܐ ܕܡܨܪܝܢ܂
41:34 ܘܢܥܒܪ/ܘܢܥܒܕ#3#/ ܦܪܥܘܢ ܘܢܩܝܡ ܫ̈ܠܝܛܐ/ܫ̈ܠܝܛܢܐ#3#/ ܥܠ ܐܪܥܐ ܕܡܨܪܝܢ/#3#/܂ ܘܢܣܒܘܢ ܚܕ ܡܢ ܚܡܫܐ ܒܐܪܥܐ ܕܡܨܪܝܢ܂ ܒܫܒܥ ܫ̈ܢܝܐ ܕܣܒܥܐ܂
41:35 ܘܢܟܢܫܘܢ ܟܠܗ ܥܒܘܪܐ ‍<‍ܕܐܝܬ#3#‍>‍ ܕܫ̈ܢܝܐ \ܗܠܝܢ ܛܒ̈ܬܐ /ܛܒ̈ܬܐ ܗܢܝܢ#3#/ ܕܐ݁ܬܝܢ܂ ܘܢܚܡܠܘܢ ܥܒܘܪܐ ‍<‍ܕܐܝܬ#3#‍>‍ ܬܚܝܬ ܐܝܕܐ ܕܦܪܥܘܢ܂ ܥܒܘܪܐ ܒܩܘܪ̈ܝܐ ܢܛܪܘܢ܂
41:36 ܘܢܗܘܐ ܥܒܘܪܐ ܢܛܝܪ ܠܐܪܥܐ܂ ܠܫܒܥ ܫ̈ܢܝܐ ܕܟܦܢܐ ܕܢܗ̈ܘܝܢ ܒܐܪܥܐ ܟܠܗ݀/#3#/ ܕܡܨܪܝܢ܂ ܘܠܐ ܬܣܘܦ ܐܪܥܐ ܒܟܦܢܐ܂
41:37 ܘܫ݂ܦܪ ܦܬܓܡܐ ܒܥܝܢ̈ܝ ܦܪܥܘܢ܂ ܘܒܥܝܢ̈ܝ ܥܒ̈ܕܘܗܝ܂
41:38 ܘܐܡ݂ܪ ܦܪܥܘܢ ܠܥܒ݂̈ܕܘܗܝ܂ ܡܫܬܟܚ ܐܝܟ/ܕܐܝܟ#3#/ ܗܢܐ ܓܒܪܐ ܕܪܘܚܐ ܕܐܠܗܐ ܐܝܬ ܒܗ܂
41:39 ܘܐܡ݂ܪ ܦܪܥܘܢ ܠܝܘܣܦ܂ ܡܢ ܒܬܪ ܕܐܘܕܥܟ ܐܠܗܐ ‍<‍ܥܠ#3#‍>‍ ܗܕܐ ܟܠܗ݀܂ ܠܝܬ ܕܚܟܝܡ ܘܣܟܘܠܬܢ ܐܟܘܬܟ܂
41:40 ܐܢܬ ܬܗܘܐ ܥܠ ܒܝܬܝ܂ ܘܥܠ ܡܠܬ ܦܘܡܟ ܢܣ݂ܒ ܕܝܢ݂ܐ ܟܠܗ ܥܡܝ܂ ܒܠܚܘܕ ܟܘܪܣܝܐ ܐܪܒ ܡܢܟ܂
41:41 ܘܐܡ݂ܪ ܦܪܥܘܢ ܠܝܘܣܦ܂ ܚܙܝ ܕܐܫܠܛܬܟ ܥܠ ܟܠܗ݀ ܐܪܥܐ ܕܡܨܪ̈ܝܢ܂
41:42 ܘܫܩ݂ܠ ܦܪܥܘܢ ܥܙܩܬܗ ܡܢ ܐܝܕܗ܂ ܘܣܡܗ݀ ܒܐܝܕܗ ܕܝܘܣܦ܂ ܘܐܠܒܫܗ ܠܒܘܫܐ ܕܒܘܨܐ܂ ܘܐܪܡܝ ܗܡܢܝܟܐ ܕܕܗܒܐ ܒܨܘܪܗ܂
41:43 ܘܐܘܬܒܗ ܒܡܪܟܒܬܐ/ܥܠ ܡܪܟܒܬܐ#3#/ ܐܚܪܬܐ ܕܝܠܗ ܘܩ݂ܪܐ ܩܕܡܘܗܝ ܐܒܐ ܘܫܠܝܛܐ܂ ܘܐܫܠܛܗ ܥܠ ܟܠܗ݀ ܐܪܥܐ ܕܡܨܪܝܢ܂
41:44 ܘܐܡ݂ܪ ܦܪܥܘܢ ܠܝܘܣܦ܂ ܐܢܐ ܦܪܥܘܢ ܦܩ݁ܕܬ܂ ܕܒܠܥܕܝܟ ܐܢܫ ܠܐ ܢܪܝܡ ܐܝܕܗ ܘܪܓܠܗ/ܐܘ ܪܓܠܗ#3#/ ܒܟܠܗ݀ ܐܪܥܐ ܕܡܨܪܝܢ܂
41:45 ܘܩ݂ܪܐ ܦܪܥܘܢ ܫܡܗ ܕܝܘܣܦ ܨܦܢܬܦܥܢܚ ܕܟܣܝ̈ܬܐ ܓܠܝܢ ܠܗ܂ ܘܝܗ݂ܒ ܠܗ ܠܐܣܝܬ ܒܪܬ ܦܘܛܝܦܪܥ ܟܘܡܪܐ ܕܐܘܢ ܐܢܬܬܐ܀܂ ܘܢܦ݂ܩ ܝܘܣܦ ܥܠ ܟܠܗ݀ ܐܪܥܐ ܕܡܨܪ̈ܝܢ܂
41:46 ܘܝܘܣܦ ܒܪ ܬܠܬܝܢ ܗܘܐ ܫ̈ܢܝܢ܂ ܟܕ ܩܡ ܩܕܡ ܦܪܥܘܢ ܡ݁ܠܟܐ ܕܡܨܪܝܢ܂ ܘܢܦ݂ܩ ܝܘܣܦ ܡܢ ܩܕܡ ܦܪܥܘܢ܂ ܘܥ݂ܒܪ ܒܟܠܗ݀ ܐܪܥܐ ܕܡܨܪܝܢ܂
41:47 ܘܚܡ݂ܠܬ ܐܪܥܐ ܒܫܒܥ ܫ̈ܢܝܐ ܕܣܒܥܐ ܒܐܘܨܪ̈ܐ܂
41:48 ܘܚܡ݂ܠ ܟܠܗ ܥܒܘܪܐ ܕܒܫܒܥ ܫ̈ܢܝܐ ܕܣܒܥܐ/#3#/ ܕܗ̈ܘܝ ܒܐܪܥܐ ܕܡܨܪܝܢ܂ ܘܝܗ݂ܒ ܥܒܘܪܐ ܒܩܘܪ̈ܝܐ܂ ܥܒܘܪܐ ܕܚܩ̈ܠܬܐ ܕܩܪܝܬܐ ܘܕܚܕܪ̈ܝܗ݀ ܚܡܠ ܒܓܘܗ݀܂
41:49 ܘܚܡ݂ܠ ܝܘܣܦ ܥܒܘܪܐ ܐܝܟ ܚܠܐ ܕܝܡܐ܂ ܣܘܓܐܐ ܕܛܒ܂ ܥܕܡܐ ܕܠܐܝ ܠܡܡܢܐ ܕܠܐ ܡܢܝܢܐ܂
41:50 ܘܠܝܘܣܦ ܐܬܝܠܕܘ ܠܗ ܬܪ̈ܝܢ ܒܢ̈ܝܢ܂ ܥܕܠܐ ܬܥܘܠ ܫܢܬܐ ܕܟܦܢܐ܂ ܕܝܠ݂ܕܬ ܠܗ/#3#/ ܐܣܝܬ ܒܪܬ ܦܘܛܝܦܪܥ ܟܘܡܪܐ ܕܐܘܢ܂
41:51 ܘܩ݂ܪܐ ܝܘܣܦ ܫܡ ܒܪܗ/#3#/ ܒܘܟܪܗ ܡܢܫܐ܂ ܡܛܠ ܕܐܢܫܝܢܝ ܐܠܗܐ ܟܠܗ/ܒܟܠܗ#3#/ ܥܡܠܝ ܘܟܠܗ ܒܝܬ ܐܒܝ܂
41:52 ܘܫܡܗ ܕܐܚܪܢܐ ܩ݂ܪܐ ܐܦܪܝܡ܂ ܡܛܠ ܕܐܦܪܝܢܝ ܐܠܗܐ ܒܐܪܥܐ ܕܫܘܥܒܕܝ܀
41:53 ܘܓܡ݂ܪ ܫܒܥ ܫܢ̈ܝܐ ܕܣܒܥܐ ܕܗ̈ܘܝ ܒܐܪܥܐ/ܒܟܘܠܗ݀ ܐܪܥܐ#3#/ ܕܡܨܪܝܢ܂
41:54 ܘܫ݁ܪܝ ܫܒܥ ܫ̈ܢܝܐ ܕܟܦܢܐ ܠܡܐܬܐ܂ ܐܝܟ ܕܐܡ݂ܪ ܝܘܣܦ܂ ܘܗܘ݂ܐ ܟܦܢܐ ܒܟܠܗܝܢ ܐܪ̈ܥܬܐ܂ ܘܒܟܠܗ݀ ܐܪܥܐ ܕܡܨܪܝܢ ܠܐ ܗܘ݂ܐ ܠܚܡܐ܂
41:55 ܘܟܦܢ݂ܬ ܟܠܗ݀ ܐܪܥܐ ܕܡܨܪܝܢ܂ ܘܡܒܓܢܝܢ ‍<‍ܗܘܘ#3#‍>‍ ܥܡܐ ܥܠ ܦܪܥܘܢ ܥܠ ܠܚܡܐ܂ ܘܐܡ݂ܪ ܦܪܥܘܢ ܠܟܠܗܘܢ ܡܨܪ̈ܝܐ܂ ܙܠܘ ܠܘܬ ܝܘܣܦ܂ ܘܡܕܡ ܕܐܡ݁ܪ ܠܟܘܢ ܬܥܒܕܘܢ܂
41:56 ܘܟܦܢܐ ܗܘ݂ܐ ܥܠ ܐ̈ܦܝ ܟܠܗ݀ ܐܪܥܐ܂ ܘܦܬ݂ܚ ܝܘܣܦ ܐܘܨܪ̈ܐ܂ ܘܙܒ݁ܢ ܠܡܨܪ̈ܝܐ܂ ܘܥܫ݂ܢ ܟܦܢܐ ܒܐܪܥܐ ܕܡܨܪܝܢ܂
41:57 ܘܟܠܗ݀ ܐܪܥܐ ܐܬܘ ܠܡܨܪܝܢ ܠܡܡ݁ܪ ‍<‍ܥܒܘܪܐ#3#‍>‍ ܡܢ ܝܘܣܦ܂ ܡܛܠ ܕܥܫܢ ܟܦܢܐ ܒܟܠܗ݀ ܐܪܥܐ ܕܡܨܪܝܢ/#3#/܂

next chapter