The Comprehensive Aramaic Lexicon

42:01	ܘܚ݂ܙܐ/ܘܫܡܥ#3#/ ܝܥܩܘܒ ܕܐܝܬ ܥܒܘܪܐ ܒܡܨܪܝܢ ܘܐܡ݂ܪ ܝܥܩܘܒ ܠܒܢ̈ܘܗܝ܂ ܠܐ ܬܕܚܠܘܢ܂
42:02	ܗܐ ܫܡ݁ܥܬ ܕܐܝܬ ܥܒܘܪܐ ܒܡܨܪܝܢ܂ ܚܘܬܘ ܠܬܡܢ ܘܡܘܪܘ ܠܢ ܡܢ ܬܡ݁ܢ܂ ܘܢܚ݂ܐ ܘܠܐ ܢܡܘܬ܂
42:03	ܘܢܚܬܘ ܐ̈ܚܘܗܝ ܕܝܘܣܦ ܥܣܪܐ ܠܡܡܪ ܥܒܘܪܐ ܡܢ ܡܨܪܝܢ܂
42:04	ܘܠܒܢܝܡܝܢ ܐܚܘܗܝ ܕܝܘܣܦ܂ ܠܐ ܫܕܪ ܝܥܩܘܒ ܥܡ ܐܚ̈ܘܗܝ܂ ܡܛܠ ܕܐܡ݂ܪ ܕܠܡܐ ܢܓܕܫ ܠܗ ܩܐܪܣܐ܂
42:05	ܘܐܬܘ ܒܢ̈ܝ ܐܝܣܪܝܠ ܠܡܡܪ ܥܡ ܐܝܠܝܢ ܕܐܙܠܝܢ܂ ܡܛܠ ܕܥܫ݂ܢ ܟܦܢܐ ܒܐܪܥܐ ܕܟܢܥܢ܂
42:06	ܘܝܘܣܦ ܗܘܝܘ ܫܠܝܛ ܥܠ ܐܪܥܐ܂ ܘܗ݂ܘ ܡܡܝܪ ܠܟܠܗ ܥܡܐ ܕܐܪܥܐ܂ ܘܐܬܘ ܐ̈ܚܘܗܝ ܕܝܘܣܦ܂ ܘܣܓܕܘ ܠܗ ܥܠ ܐ̈ܦܝܗܘܢ ܥܠ ܐܪܥܐ ‍<‍ܕܡܨܪܝܢ#3#‍>‍܂
42:07	ܘܚ݂ܙܐ ܝܘܣܦ ܠܐܚ̈ܘܗܝ ܘܐܫܬܘܕܥ ܐܢܘܢ܂ ܘܐܬܢܟܠ ܥܠܝܗܘܢ܂ ܘܡܠܠ ܥܡܗܘܢ ܩܫܝܐܝܬ܂ ܘܐܡ݂ܪ ܠܗܘܢ܂ ܡܢ/#3#/ ܐܝܡܟܐ ܐܢܬܘܢ܂ ܘܐܡܪܘ ܡܢ ܐܪܥܐ ܕܟܢܥܢ ܐܬܝܢ ܠܡܡܪ ܥܒܘܪܐ܂
42:08	\ܘܐܫܬܘܕܥ ܝܘܣܦ ܠܐܚ̈ܘܗܝ܂ ܘܗ݂ܢܘܢ ܠܐ ܐܫܬܘܕܥܘܗܝ /#3#/܂
42:09	ܘܐܬܕܟܪ ܝܘܣܦ ܚ̈ܠܡܐ ܕܚ݂ܠܡ ܠܗܘܢ܂ ܘܐܡ݂ܪ ܠܗܘܢ ܓܫ̈ܘܫܐ ܐܢܬܘܢ܂ ܘܠܡܚܙܐ ܗܘ/#3#/ ܛܒܗ݀ ܕܐܪܥܐ ܐܬܝܬܘܢ܂
42:10	ܘܐܡܪܘ ‍<‍ܠܗ#3#‍>‍ ܠܐ ܡܪܢ܂ ܥܒ݂̈ܕܝܟ ܐܬܘ ܠܡܡܪ ܥܒܘܪܐ܂
42:11	ܟܠܢ ܒܢ̈ܝ ܚܕ ܚܢܢ ܓܒܪ܂ ܘܟܐ̈ܢܐ ܚܢܢ܂ ܘܠܐ ܗܘܘ ܓܫ̈ܘܫܐ ܥܒ݂̈ܕܝܟ܂
42:12	ܐܡ݁ܪ ܠܗܘܢ ܝܘܣܦ/#3#/܂ ܠܐ ܗܘ݂ܐ/#3#/ ܗܟܢܐ܂ ܛܒܗ݀ ܗܘ ܕܐܪܥܐ ܐܬܝܬܘܢ ܠܡܚܙܐ܂
42:13	ܘܐܡ݂ܪܘ ܠܗ܂ ܬܪ̈ܥܣܪ ܚܢܢ ܐܚ̈ܐ ܥܒ̈ܕܝܟ ܒܢܝ ܓܒܪܐ ܚܕ ܒܐܪܥܐ ܕܟܢܥܢ܂ ܘܙܥܘܪܐ ܗܐ ܠܘܬ ܐܒܘܢ ܗܘ ܝܘܡܢܐ܂ ܘܚܕ ܠܝܬܘܗܝ܂
42:14	ܐܡ݁ܪ ܠܗܘܢ ܝܘܣܦ/#3#/܂ ܗܢܘ ܕܐܡ݁ܪܬ ܠܟܘܢ܂ ܓܫ̈ܘܫܐ ܐܢܬܘܢ܂
42:15	ܒܗܕܐ ܬܬܒܩܘܢ܂ ܠܐ ܚܝ̈ܘܗܝ ܕܦܪܥܘܢ ܠܐ ܬܦܩܘܢ ܡܟܐ܂ ܐܠܐ ܐܢ ܐܬ݂ܐ ܐܚܘܟܘܢ ܙܥܘܪܐ ܠܗܪܟܐ܂
42:16	ܫܕܪܘ ܚܕ ܡܢܟܘܢ ܢܕܒܪ ܠܐܚܘܟܘܢ܂ ܘܐܢܬܘܢ ܐܬܐܣܪܘ܂ ܘܢܬܒܩܝܢ ܡ̈ܠܝܟܘܢ ܐܢ ܒܩܘܫܬܐ ܐܡܪܬܘܢ ܘܐܠܐ ܚܝ̈ܘܗܝ ܕܦܪܥܘܢ ܐܠܐ ܓܫܘ̈ܫܐ ܐܢܬܘܢ܂
42:17	ܘܐܪܡܝ ܐܢܘܢ ܒܝܬ ܚܒܘܫܝܐ ܬܠܬܐ ܝܘܡ̈ܝܢ܂
42:18	ܘܐܡ݂ܪ ܠܗܘܢ ܝܘܣܦ ‍<‍ܠܐ̈ܚܘܗܝ#3#‍>‍ ܒܝܘܡܐ ܬܠܝܬܝܐ܂ ܗܕܐ ܥܒ݂ܕܘ ܘܚܝܘ܂ ܠܐܠܗܐ ܕܚ݁ܠ ܐܢܐ܂
42:19	ܐܢ ܟܐ̈ܢܐ ܐܢܬܘܢ ܐܚܘܟܘܢ ܚܕ ܢܬܐܣܪ ܒܝܬ ܚܒܘܫܝܟܘܢ܂ ܘܐܢܬܘܢ ܙܠܘ ܐܘܒܠܘ ܥܒܘܪܐ ܠܟܦܢ̈ܐ \ܕܐܝܬ ܒܒ̈ܬܝܟܘܢ /ܕܒܒ̈ܬܝܗܘܢ#3#/܂
42:20	ܘܠܐܚܘܟܘܢ ܙܥܘܪܐ ܐܝܬܘ ܠܘܬܝ/ܠܝ#3#/܂ ܘܢܬܗܝܡܢܢ ܡ̈ܠܝܟܘܢ ܘܠܐ ܬܡܘܬܘܢ܂ ܘܥܒ݂ܕܘ ܗܟܢܐ܂
42:21	ܘܐܡܪܘ ܓܒܪ ܠܐܚܘܗܝ܂ ܫܪܝܪܐܝܬ ܚܝ݁ܒܝܢܢ ܥܠ ܐܚܘܢ܂ ܕܚ݂ܙܝܢ ܒܛܘܪܦܐ ܕܢܦܫܗ܂ ܟܕ ܡܬܟܫܦ ܗܘܐ ܠܢ ܘܠܐ ܫܡܥܢܝܗܝ܂ ܡܛܠ ܗܢܐ ܐܬܬ ܥܠܝܢ ܥܩܬܐ ܗܕܐ܂
42:22	ܘܥܢ݂ܐ ܪܘܒܝܠ ܘܐܡ݂ܪ ܠܗܘܢ/#3#/܂ ܠܐ ܐܡ݁ܪܬ ܠܟܘܢ ܕܠܐ ܬܚܛܘܢ ܒܛܠܝܐ܂ ܘܠܐ ܫܡܥܬܘܢ܂ ܘܐܦ ܕܡܗ ܗܐ ܡܬܬܒܥ܂
42:23	ܘܗ݂ܢܘܢ ܠܐ ܝܕܥܝܢ ܗܘܘ ܕܫܡ݁ܥ ܝܘܣܦ܂ ܡܛܠ ܕܬܪܓܡܢܐ/ܕܡܬܪܓܡܢܐ#3#/ ܩܐܡ ܗܘܐ ܒܝܢܬܗܘܢ܂
42:24	ܘܐܬܦܢܝ ܡܢ ܠܘܬܗܘܢ ܘܒܟ݂ܐ܂ ܘܗ݂ܦܟ ܠܘܬܗܘܢ ܘܡܠܠ ܥܡܗܘܢ܂ ܘܕܒ݂ܪ ܡܢܗܘܢ ܠܫܡܥܘܢ ܘܐܣܪܗ ܠܥܢܝ̈ܗܘܢ/ܠܥ̈ܝܢܝܗܘܢ#3#/܂
42:25	ܘܦܩ݂ܕ ܝܘܣܦ ܘܡܠܘ ܡܐ̈ܢܝܗܘܢ ܥܒܘܪܐ܂ ܘܠܡܗܦܟܘ ܟܣܦܗܘܢ ܓܒܪ ܒܣܩܗ܂ ܘܠܡܬܠ ܠܗܘܢ ܙܘ̈ܕܐ ܠܐܘܪܚܐ܂ ܘܥܒܕܘ ܠܗܘܢ ܗܟܢܐ܂
42:26	ܘܫ݂ܩܠܘ ܥܒܘܪܗܘܢ ܥܠ ܚܡܪܗܘܢ ܘܐܙܠܘ ܡܢ ܬܡ݁ܢ܂
42:27	ܘܦܬ݂ܚ ܚܕ ܡܢܗܘܢ ܣܩܗ ܠܡܪܡܝܘ ܟܣܬܐ ܠܚܡܪܗ ܒܝܬ ܒܘܬܐ܂ ܘܚ݂ܙܐ ‍<‍ܘܗܐ#1##2#‍>‍ ܟܣܦܗ ܣܝܡ/ܕܣܝܡ#3#/ ܒܦܘܡ ܛܥܢܗ܂

42:28	ܘܐܡ݂ܪ ܠܐ̈ܚܘܗܝ܂ ܐܬܦܢܝ ܟܣܦܝ܂ ܘܗܐ ܗ݂ܘ ܒܦܘܡ ܛܥܢܝ܂ ܘܙܥ ܠܒܗܘܢ܂ ܘܬܡܗܘ ܓܒܪ ܒܐܚܘܗܝ ܘܐܡܪܘ܂ ܡܢܐ ܗܝ ܗܕܐ ܕܥܒ݂ܕ ܠܢ ܐܠܗܐ܂

42:29	ܘܐܬܘ ܠܘܬ ܝܥܩܘܒ ܐܒܘܗܘܢ ܠܐܪܥܐ ܕܟܢܥܢ܂ ܘܚܘܝܘܗܝ ܟܠ ܕܓ݂ܕܫ ܠܗܘܢ܂ ܘܐܡܪܘ ܠܗ/#3#/܂
42:30	ܡܠܠ ܓܒܪܐ ܡܪܗ݀ ܕܐܪܥܐ ܥܡܢ ܩܫܝܐܝܬ܂ ܘܚܫܒܢ ܐܝܟ ܓܫܘ̈ܫܐ ܕܐܪܥܐ܂
42:31	ܘܐܡܪܢ ܠܗ܂ ܟܐ̈ܢܐ/ܕܟܐ̈ܢܐ#3#/ ܚܢܢ ܘܠܐ ܗܘ݂ܝܢ ܓܫ̈ܘܫܐ܂
42:32	ܬܪ̈ܥܣܪ ܚܢܢ ܐܚܝ̈ܢ ܒܢ̈ܝ ܐܒܘܢ܂ ܘܚܕ ܠܝܬܘܗܝ܂ ܘܙܥܘܪܐ ‍<‍ܗܘ#3#‍>‍ ܠܘܬ ܐܒܘܢ ܗܘ ܝܘܡܢܐ ܒܐܪܥܐ ܕܟܢܥܢ܂
42:33	ܘܐܡ݂ܪ ܠܢ ܓܒܪܐ ܡܪܗ݀ ܕܐܪܥܐ܂ ܒܗܕܐ ܐܕܥ ܕܟܐ̈ܢܐ ܐܢܬܘܢ܂ ܐܚܘܟܘܢ ܚܕ ܫܒܘܩܘ ܠܘܬܝ܂ ܘܥܒܘܪܐ ܠܟܦ̈ܢܐ ܕܒܒ̈ܬܝܟܘܢ ܣܒܘ ܘܙܠܘ܂
42:34	ܘܐܝܬܘ ܠܐܚܘܟܘܢ ܙܥܘܪܐ ܠܘܬܝ܂ ܘܐܕܥ ܕܠܐ ܗܘܝܬܘܢ ܓܫܘ̈ܫܐ܂ ܐܠܐ ܟܐ̈ܢܐ ܐܢܬܘܢ܂ ܘܠܐܚܘܟܘܢ ܐܬܠ ܠܟܘܢ ܘܒܐܪܥܐ ܬܬ݁ܓܪܘܢ܀܂
42:35	ܘܗܘ݂ܐ ܕܟܕ ܗ݂ܢܘܢ ܡܣܪܩܝܢ/ܡܣܦܩܝܢ#3#/ ܣܩ̈ܝܗܘܢ ܗܐ ܨܪܪܐ ܕܟܣܦܗ ܕܓܒܪܐ ܒܦܘܡ ܛܥܢܗ܂ ܘܚܙܘ ܨܪ̈ܪܝ ܟܣܦܗܘܢ ܗ݂ܢܘܢ ܘܐܒܘܗܘܢ ܘܕܚܠܘ܂
42:36	ܐܡ݁ܪ ܠܗܘܢ ܝܥܩܘܒ ܐܒܘܗܘܢ܂ ܠܝ ܓܙܝ݂ܬܘܢ܂ ܝܘܣܦ ܠܝܬܘܗܝ܂ ܘܫܡܥܘܢ ܠܝܬܘܗܝ܂ ܘܠܒܢܝܡܝܢ ܬܕܒܪܘܢ܂ ܥܠܝ ܫ݂ܠܡ ܟܠܗܝܢ܂
42:37	ܘܐܡ݂ܪ ܪܘܒܝܠ ܠܐܒܘܗܝ܂ ܠܬܪ̈ܝܢ ܒܢ̈ܝ ܬܡܝܬ ܐܠܐ ܐܝܬܝܘܗܝ ܠܟ܂ \ܐܫܠܡܝܗܝ ܠܝ /ܗܒܝܗܝ ܥܠ ܐܝ̈ܕܝ#3#/ ܘܐܢܐ ܐܗܦܟܝܘܗܝ ܠܟ܂
42:38	ܘܐܡ݂ܪ ܠܐ ܢܚ݁ܬ ܒܪܝ ܥܡܟܘܢ܂ ܡܛܠ ܕܐܚܘܗܝ ܡܝܬ܂ ܘܗ݂ܘ ܒܠܚܘܕܘܗܝ ܐܫܬܚܪ ܠܐܡܗ/#3#/܂ \ܘܢܓܕܫ ܠܗ /ܘܢܐܪܥܝܘܗܝ#3#/ ܩܐܪܣܐ/ܣܩܘܒܠܐ#3#/ ܒܐܘܪܚܐ ܕܬܐܙܠܘܢ ‍<‍ܒܗ݀#3#‍>‍܂ ܘܬܚܬܘܢ ܣܝܒܘܬܝ ܒܕܐܘܘܢܐ ܠܫܝܘܠ܀