← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


50:01 ܘܢܦ݂ܠ ܝܘܣܦ ܥܠ ܐ̈ܦܘܗܝ܂ ܕܐܒܘܗܝ ܘܒܟ݂ܐ ܥܠܘܗܝ ܘܢܫܩܗ܂
50:02 ܘܦܩ݁ܕ ܝܘܣܦ ܠܥܒ̈ܕܘܗܝ ܐ̈ܣܘܬܐ/ܠܐ̈ܣܘܬܐ#3#/ ܠܡܚܢܛ ܠܐܒܘܗܝ܂ ܘܚܢܛܘܗܝ ܐܣ̈ܘܬܐ ܠܐܝܣܪܝܠ܂
50:03 ܘܡܠܝܘ/ܘܡܠܘ#3#/ ܠܗ ܐܪ̈ܒܥܝܢ ܝܘܡ̈ܝܢ܂ ܡܛܠ ܕܗܟܢܐ ܫܠܡܝܢ ܝܘܡ̈ܬܐ ܕܚ̈ܢܝܛܐ܂ ܘܒܟܐܘܗܝ ܡܨܪ̈ܝܐ ܫܒܥܝܢ ܝܘܡ̈ܝܢ܂
50:04 ܘܥܒܪܘ ܝܘܡ̈ܝ ܒܟܬܗ܂ ܘܐܡ݂ܪ ܝܘܣܦ ܠܕܒܝܬ ܦܪܥܘܢ܂ ܐܢ ܐܫ݁ܟܚܬ ܪ̈ܚܡܐ ܒܥܝܢ̈ܝܟܘܢ܂ ܐܡܪܘ ܩܕܡ ܦܪܥܘܢ܂
50:05 ܐܒܝ ܐܘܡܝܢܝ ܘܐܡ݂ܪ ܠܝ/#3#/܂ ܗܐ ܐܢܐ ܡܐ݁ܬ ܐܢܐ܂ ܒܩܒܪܝ ܕܙܒ݁ܢܬ ܠܝ ܒܐܪܥܐ ܕܟܢܥܢ ܬܡ݁ܢ ܬܩܒܪܢܝ܂ ܗܫܐ ܐܣܩ ܐܩܒܘܪ ܠܐܒܝ ܘܐܗܦܘܟ܂
50:06 ܘܐܡ݂ܪ ܦܪܥܘܢ ܠܝܘܣܦ/#3#/܂ ܣܩ ܘܩܒܘܪ ܠܐܒܘܟ ܐܝܟ ܕܐܘܡܝܟ܂
50:07 ܘܣܠ݂ܩ ܝܘܣܦ ܠܡܩܒܪ ܠܐܒܘܗܝ܂ ܘܣܠܩܘ ܥܡܗ ܟܠܗܘܢ ܥܒ̈ܕܘܗܝ ܕܦܪܥܘܢ ܘܣܒ̈ܐ ܕܒܝܬܗ܂ ܘܟܠܗܘܢ ܣ̈ܒܐ ܕܐܪܥܐ ܕܡܨܪܝܢ܂
50:08 ܘܟܠܗ ܒܝܬ ܝܘܣܦ܂ ܘܐܚ̈ܘܗܝ ܘܒܝܬ ܐܒܘܗܝ \ܣܠܩܘ ܥܡܗ /#3#/܂ ܒܠܚܘܕ ܝܩܪܬܗܘܢ ܘܥܢܗܘܢ ܘܬܘܪ̈ܝܗܘܢ ܫܒܩܘ ܒܐܪܥܐ ܕܓܫܢ܂
50:09 ܘܣܠܩܘ ܥܡܗ ܐܦ ܡܪ̈ܟܒܬܐ ܘܦܪ̈ܫܐ/ܘܐܦ ܦܪ̈ܫܐ#3#/܂ ܘܗܘܬ ܡܫܪܝܬܐ ܕܥܫܝܢܐ/ܥܫܝܢܐ#3#/ ܛܒ܂
50:10 ܘܐܬܘ ܥܕܡܐ ܠܐܕܪ̈ܐ ܕܐܛܪ ܕܒܥܒܪܐ ܕܝܘܪܕܢܢ܂ ܘܐܪܩܕܘ ܬܡ݁ܢ ܡܪܩܘܕܬܐ ܪܒܬܐ ܘܥܫܝܢܬܐ܂ ܘܥܒ݂ܕ ܠܐܒܘܗܝ/#3#/ ܒܝܬ ܒ̈ܟܐ ܫܒܥܐ ܝܘܡ̈ܝܢ܂
50:11 ܘܚܙܘ ܝ̈ܬܒܝ ܐܪܥܐ ܟܢܥܢ̈ܝܐ ܠܐܒܠܐ ܒܐܕܪ̈ܐ ܕܐܛܪ܂ ܘܐܡܪܘ ܐܒܠܐ ܗܘ ܪܒܐ ܗܢܐ/#3#/ ܠܡܨܪ̈ܝܐ܂ ܡܛܠ ܗܢܐ ܩܪܘ ܫܡܗ ܐܒܠ ܡܨܪܝܢ ܕܒܥܒܪܐ ܕܝܘܪܕܢܢ܂
50:12 ܘܥܒ݂ܕܘ ܠܗ ܒܢ̈ܘܗܝ ܗܟܢܐ ܐܝܟ ܕܦܩ݁ܕ ܐܢܘܢ܂
50:13 ܘܫܩܠܘܗܝ ܘܐܘܒܠܘܗܝ/#3#/ ܠܐܪܥܐ ܕܟܢܥܢ܂ ܘܩܒܪܘܗܝ ܒܡܥܪܬܐ ܕܒܚܩܠܐ ܐܥܝܦܬܐ܂ ܕܙܒ݂ܢ ܐܒܪܗܡ ܚܩܠܐ ܠܝܘܪܬܢܐ ܕܩܒܪܐ܂ ܡܢ ܥܦܪܘܢ ܚܬܝܐ ܕܩܕܡ ܡܡܪܐ܂
50:14 ܘܗ݂ܦܟ ܝܘܣܦ ܠܡܨܪܝܢ ܗ݂ܘ ܘܐ̈ܚܘܗܝ܂ ܘܟܠ ܕܣܠܩܘ ܥܡܗ ܠܡܩܒܪ ܠܐܒܘܗܝ܂ ܘܡܢ ܒܬܪ ܕܩܒ݂ܪ ܠܐܒܘܗܝ܂
50:15 ܚܙܘ ܐܚ̈ܘܗܝ ܕܝܘܣܦ ܕܡܝܬ ܐܒܘܗܘܢ ܘܕܚܠܘ/#3#/܂ ܘܐܡܪܝܢ ܕܠܡܐ ܢܗܪܢ ܝܘܣܦ܂ \ܘܕܠܡܐ ܢܦܪܥܢ /ܘܢܦܪܥܢ#3#/ ܟܘܠܗ݀ ܒܝܫܬܐ ܕܥܒܕܢ ܠܗ܂
50:16 ܘܦܩܕܘ/ܘܩܪܒܘ#3#/ ܠܘܬ ܝܘܣܦ ܘܐܡܪܘ ܠܗ܂ ܐܒܘܟ ܦܩ݁ܕ ܩܕܡ ܡܘܬܗ ܘܐܡ݂ܪ܂
50:17 ܗܟܢܐ ܬܐܡܪܘܢ ܠܝܘܣܦ܂ ܒܒܥܘ ܫܒܘܩ ܣܟܠܘܬܐ ܠܐܚ̈ܝܟ ‍<‍ܠܐ ܬܬܕܟܪ#3#‍>‍܂ ܘܠܚ̈ܛܗܝܗܘܢ ܕܥܒ݂ܕܘ ܠܟ ܒܝܫܬܐ܂ ܘܗܫܐ ܫܒܘܩ ܣܟܠܘܬܐ ܕܥܒ̈ܕܝ ܐܠܗܗ ܕܐܒܘܟ܂ ܘܒܟ݂ܐ ܝܘܣܦ ܟܕ ܐܡܪܘ ܠܗ܂
50:18 ܘܐܙܠܘ ܐܦ/#3#/ ܐ̈ܚܘܗܝ ܘܢܦܠܘ ܩܕܡܘܗܝ܂ ܘܐܡܪܘ ܗܐ ܚܢܢ ܠܟ ܥܒ̈ܕܐ܂
50:19 ܘܐܡ݂ܪ ܠܗܘܢ ܝܘܣܦ܂ ܠܐ ܬܕܚܠܘܢ܂ ܡܛܠ ܕܬܚܝܬ ܐܠܗܐ ܐܢܐ܂
50:20 ܐܢܬܘܢ ܐܬ݁ܚܫܒܬܘܢ ܥܠܝ ܒܝܫܬܐ܂ ܘܐܠܗܐ ܐܬܚܫܒܗ݀ ܠܛܒܬܐ/ܛܒܬܐ#3#/܂ ܕܢܥܒܕ ܐܝܟ ܕܝܘܡܢܐ/ܝܘܡܢܐ#3#/ ܘܢܚ݂ܐ ܥܡܐ ܣܓܝܐܐ܂
50:21 ܘܗܫܐ ܠܐ ܬܕܚܠܘܢ܂ ܐܢܐ ܐܬܪܣܝܟܘܢ ܘܠܝܩܪܬܟܘܢ܂ ܘܒܝܐ ܐܢܘܢ ܘܡܠ݂ܐ ܒܠܒܗܘܢ܂
50:22 ܘܝܬ݂ܒ ܝܘܣܦ ܒܡܨܪܝܢ ܗ݂ܘ \ܘܟܠܗ ܒܝܬ /ܘܒܝܬ#3#/ ܐܒܘܗܝ܂ ܘܚ݂ܝܐ ܝܘܣܦ ܡܐܐ ܘܥܣܪ ܫ̈ܢܝܢ܂
50:23 ܘܚ݂ܙܐ ܝܘܣܦ ܠܐܦܪܝܡ ܒܢ̈ܝܐ ܬܠܝܬ̈ܝܐ܂ ܐܦ ܒܢ̈ܘܗܝ ܕܡܟܝܪ ܒܪ ܡܢܫܐ܂ ܐܬܝܠܕܘ ܥܠ ܒܘܪ̈ܟܘܗܝ ܕܝܘܣܦ܂
50:24 ܘܐܡ݂ܪ ܝܘܣܦ ܠܐ̈ܚܘܗܝ܂ ܐܢܐ ܡܐܬ ܐܢܐ܂ ܘܐܠܗܐ ܡܬܕܟܪܘ ܡܬܕܟܪ ܠܟܘܢ܂ ܘܡ݁ܣܩ ܠܟܘܢ ܡܢ ܐܪܥܐ ܗܕܐ܂ ܠܐܪܥܐ ‍<‍ܗ݀ܝ#3#‍>‍ ܕܝܡ݂ܐ ܠܐܒܪܗܡ ܘܠܐܝܣܚܩ ܘܠܝܥܩܘܒ܂
50:25 ܘܐܘܡܝ ܝܘܣܦ ܠܒܢ̈ܝ ܐܝܣܪܝܠ ܘܐܡܪ ‍<‍ܠܗܘܢ#3#‍>‍܂ ܡܬܕܟܪܘ ܡܬܕܟܪ ܠܟܘܢ ܐܠܗܐ܂ ܐܣܩܘ ܓܪ̈ܡܝ ܡܟܐ ܥܡܟܘܢ܂
50:26 ܘܡܝܬ ܝܘܣܦ ܒܪ ܡܐܐ ܘܥܣܪ̈ ܫܢܝ̈ܢ܂ ܘܚܢܛܘܗܝ ܘܣܡܘܗܝ ܒܕܘܦܢܐ ܒܡܨܪܝܢ܃