← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62002: P Ex

Click on a word for lexical analysis
Click on a red-colored coordinate for comments and/or translations of the line

previous chapter


02:01 ܘܐܙ݂ܠ ܓܒܪܐ ܡܢ ܕܒܝܬ ܠܘܝ݁ ܘܢܣ݂ܒ ܠܒܪܬ ܠܘܝ܂
02:02 ܘܒܛܢ݂ܬ ܐܢܬܬܐ ܘܝܠܕܬ ܒܪܐ܂ ܘܚܙܬܗ ܕܫܦܝܪ ܗ݂ܘ܂ ܘܛܫܝܬܗ ܬܠܬܐ ܝܪ̈ܚܝܢ܂
02:03 ܘܠܐ ܐܫܟ݂ܚܬ ܬܘܒ ܠܡܛܫܝܘܬܗ܂ ܘܢܣܒܬ ܠܗ݀ ܩܒܘܬܐ ‍<‍ܕܩܝܣܐ#3#‍>‍ ܕܥܪܩܐ܂ ܘܫܥܬܗ݀ ܒܟܘܦܪܐ ܘܒܙܦܬܐ/ܘܒܙܒܬܐ#3#/܂ ܘܣܡ݂ܬ ܒܗ݀ ܛܠܝܐ/ܠܛܠܝܐ#3#/܂ ܘܣܡܬܗ݀ ܒܪܩܩܐ ܥܠ ܣܦܬܗ ܕܢܗܪܐ܂
02:04 ܘܩܡܬ ܚܬܗ ܡܢ ܪܘܚܩܐ܂ ܕܬܕܥ ܡܢܐ ܡܬܥܒܕ ܠܗ܂
02:05 ܘܢܚ݂ܬܬ ܒܪܬ ܦܪܥܘܢ ܕܬܣܚܐ ܒܢܗܪܐ܂ ܘܐܡ̈ܗܬܗ݀ ܡܗ̈ܠܟܢ ܗ̈ܘܝ ܥܠ ܝܕ ܢܗܪܐ܂ ܘܚܙܬܗ݀ ܠܩܒܘܬܐ ܒܪܩܩܐ܂ ܘܫܕܪܬ ܠܐܡܗ̈ܬܗ݀ ܘܢܣܒܬܗ݀܂
02:06 ܘܦܬܚ݂ܬ ܘܚܙܬܗ ܠܛܠܝܐ܂ ܘܗܐ ܛܠܝܐ ܒ݁ܟܐ܂ ܘܚܣ݂ܬ ܥܠܘܗܝ ܘܐܡ݂ܪܬ܂ ܡܢ ܒܢ̈ܝ ܥܒܪ̈ܝܐ ܗܘ ܗܢܐ܂
02:07 ܘܐܡ݂ܪܬ ܚܬܗ ܠܒܪܬ ܦܪܥܘܢ܂ ܐܙܠ ܐܩ݂ܪܐ ܠܟܝ ܐܢܬܬܐ ܡܝܢܩܬܐ/ܡܝܢܩܢܝܬܐ#3#/ ܡܢ ܥܒܪ̈ܝܬܐ ܘܬܝܢܩ/ܕܬܝܢܩ#3#/ ܠܟܝ ܛܠܝܐ ܗܢܐ܂
02:08 ܘܐܡ݂ܪܬ ܠܗ݀ ܒܪܬ ܦܪܥܘܢ ܙܠܝ܂ ܘܐܙܠ݂ܬ ܥܠܝܡܬܐ ܘܩܪܬ ܠܐܡܗ ܕܛܠܝܐ܂
02:09 ܘܐܡ݂ܪܬ ܠܗ݀ ܒܪܬ ܦܪܥܘܢ܂ ܗܐ ܠܟܝ ܛܠܝܐ ܗܢܐ ܐܝܢܩܝܘܗܝ ܠܝ܂ ܘܐܢܐ ܝ݁ܗܒܐ ‍<‍ܐܢܐ#3#‍>‍ ܠܟܝ ܐܓܪܟܝ܂ ܘܢܣ݂ܒܬ ܐܢܬܬܐ ܠܛܠܝܐ ܘܐܝܢܩܬܗ܂
02:10 ܘܪܒܐ ܛܠܝܐ ܘܐ݁ܝܬܝܬܗ ܠܒܪܬ ܦܪܥܘܢ܂ ܘܗܘ݂ܐ ܠܗ݀ ܒܪܐ ܘܩܪܬ ܫܡܗ ܡܘܫܐ܂ ܡܛܠ ܕܐܡ݂ܪܬ ܕܡܢ ܡ̈ܝܐ ܫܠܝܬ݂ܗ܂
02:11 ܘܗܘ݂ܐ ܒܝ̈ܘܡܬܐ ܗ݀ܢܘܢ ܘܪܒ݂ܐ ܡܘܫܐ ܘܢܦ݂ܩ ܠܘܬ ܐܚ̈ܘܗܝ ܘܚ݂ܙܐ ܒܫܘܥܒܕܗܘܢ܂ ܘܚ݂ܙܐ ܠܓܒܪܐ ܡܨܪܝܐ ܟܕ ܡ݁ܚܐ ܠܓܒܪܐ ܥܒܪܝܐ܂ ܡܢ ܐ̈ܚܘܗܝ ܡܢ ܒܢ̈ܝ ܐܝܣܪܝܠ܂
02:12 ܘܐܬܦܢܝ ܠܟܐ ܘܠܟܐ܂ ܘܚ݂ܙܐ ܕܠܝܬ ܐܢܫ܂ ܘܩܛܠܗ ܠܡܨܪܝܐ ܘܛܡܪܗ ܒܚܠܐ܂
02:13 ܘܢܦ݂ܩ ܠܝܘܡܐ ܐܚܪܢܐ܂ ܘܚܙܐ/#1##2#/ ܘܗܐ ܬܪ̈ܝܢ ܓܒܪ̈ܝܢ ܥܒܪ̈ܝܐ ܢܨ݁ܝܢ܂ ܘܐܡ݂ܪ ܠܡܣܟܠܢܐ܂ ܠܡܢܐ ܡ݁ܚܐ ܐܢܬ ܠܚܒܪܟ܂
02:14 ܘܐܡ݂ܪ ܠܗ܂ ܡܢܘ ܥܒ݂ܕܟ/ܐܩܝܡܟ#3#/ ܓܒܪ ܪܒ/#3#/ ܘܕܝ݁ܢ ܥܠܝܢ܂ ܠܡܩܛܠܢܝ ܐܡ݁ܪ ܐܢܬ܂ ܐܝܟ ܕܩܛܠܬ ܐܬܡܠܝ ܠܡܨܪܝܐ ܗ݀ܘ܂ ܘܕܚܠ ܡܘܫܐ ܘܐܡ݂ܪ܂ ܫܪܝܪܐܝܬ ܐܬ݂ܝܕܥܬ ܡܠܬܐ܂
02:15 ܘܫܡ݂ܥ ܦܪܥܘܢ ܦܬܓܡܐ ܗܢܐ܂ ܘܒܥ݂ܐ ܠܡܩܛܠܗ ܠܡܘܫܐ܂ ܘܥ݂ܪܩ ܡܘܫܐ ܡܢ ܩܕܡ ܦܪܥܘܢ܂ ܘܐܙ݂ܠ ܠܐܪܥܐ ܕܡܕܝܢ܂ ܘܝܬ݂ܒ ܥܠ ܒܪܐ܂
02:16 ܘܠܟܘܡܪܐ ܕܡܕܝܢ ܫܒܥ ܒܢ̈ܢ ܐܝܬ ܗܘ̈ܝ ‍<‍ܠܗ#3#‍>‍܂ ܘܐܬ̈ܝܢ ܘܕܠܝ̈ܢ ܘܡ̈ܠܝܢ ܪ̈ܗܛܐ ܠܡܫܩܝܘ ܥܢܐ ܕܐܒܘܗܝܢ܂
02:17 ܘܐܬ݁ܝܢ ܪ̈ܥܘܬܐ ܘܛܪܕܝܢ ܠܗܝܢ܂ ܘܩܡ ܡܘܫܐ ܘܦܪܩ ܐܢܝ̈ܢ/ܠܗܝܢ#3#/ ܘܐܫܩܝ ܥܢܗܝܢ܂
02:18 ܘܐܬ̈ܝ ܠܘܬ ܪܥܘܐܝܠ ܐܒܘܗܝܢ܂ ‍<‍ܘܫܐܠ ܐܢܝܢ ܐܒܘܗܝܢ#3#‍>‍ ܘܐܡ݂ܪ ܠܗܝܢ/#3#/܂ ܡܛܠ ܡܢܐ ܐܫܩܝܬܝܢ ܒܥܓܠ ܝܘܡܢܐ܂
02:19 ܐܡܪ̈ܢ ܠܗ܂ ܓܒܪܐ ܡܨܪܝܐ ܦܨܝܢ ܡܢ ܐܝܕܐ ܕܪ̈ܥܘܬܐ܂ ܘܐܦ ܡ݂ܕܠܐ ܕܠܐ ܠ݂ܢ ܘܐܫܩܝ ܥܢܢ܂
02:20 ܘܐܡ݂ܪ ܠܒܢ̈ܬܗ݂ ܐ݁ܝܟܘ܂ ܠܡܢܐ ܫܒܩܬܢܝܗܝ ܠܓܒܪܐ܂ ܙ̈ܠܝܢ ܩܪܝܢܝܗܝ ܘܢ݁ܐܟܘܠ ܠܚܡܐ܂
02:21 ܘܐܨ݂ܛܒܝ ܡܘܫܐ ܠܡܬܒ ܥܡ ܓܒܪܐ܂ ܘܝܗ݂ܒ ܠܗ݂ ܠܨ݁ܦܘܪܐ ܒܪܬܗ ܐܢܬܬܐ/ܠܡܘܫܐ#3#/܂
02:22 ܘܝܠ݂ܕܬ ܒܪܐ܂ ܘܩ݂ܪܐ ܫܡܗ݂ ܓܪܫܘܢ܂ ܡܛܠ ܕܐܡ݂ܪ݂܂ ܕܬܘܬܒܐ ܗ݀ܘܝ݂ܬ ܒܐܪܥܐ ܢܘܟܪܝܬܐ܂ ܘܝܠ݂ܕܬ ܬܘܒ ܒܪܐ ܕܬܪ̈ܝܢ ܠܡܘܫܐ ܘܩܪܐ ܫܡܗ ܐܠܝܥܙܪ܂ ܡܛܠ ܕܐܠܗܐ ܕܐ̈ܒܗܝ ‍<‍ܗܘܐ#3#‍>‍ ܒܥܕܪܝ/ܡܥܕܪܢܝ#3#/ ܘܦܨܝܢܝ/ܘܡܦܨܝܢܝ#3#/ ܡܢ ܚܪܒܗ ܕܦܪܥܘܢ܂
02:23 ܘܗܘܐ ܠܝܘܡ̈ܬܐ/ܡܢ ܒܬܪ ܝܘܡ̈ܬܐ#3#/ ܣܓ̈ܝܐܐ ܗ݀ܢܘܢ/ܗܠܝܢ#3#/܂ ܘܡܝ݂ܬ ܡ݁ܠܟܐ ܕܡܨܪܝܢ܂ ܘܐܬ݁ܬܢܚܘ ܒ̈ܢܝ ܐܝܣܪܝܠ ܡܢ ܫܘܥܒܕܐ ܩܫܝܐ܂ ܘܨ݁ܠܝܘ ܘܣܠ݂ܩܬ ܓܥܬܗܘܢ ܠܘܬ ܐܠܗܐ ܡܢ ܫܘܥܒܕܐ܂
02:24 ܘܫܡܥ/ܘܚܙܐ#3#/ ܐܠܗܐ ܐܢܩܬܗܘܢ܂ ܘܐ݁ܬܕܟܪ ܐܠܗܐ ܩܝܡܗ ܕܥܡ ܐܒܪܗܡ ܘܥܡ ܐܝܣܚܩ ܘܥܡ ܝܥܩܘܒ܂
02:25 ܘܚ݂ܙܐ ܐܠܗܐ \ܠܒܢ̈ܝ ܐܝܣܪܝܠ /ܠܝܣܪܝܠ#3#/ ܘܝܕܥ ܐܠܗܐ܂

next chapter