The Comprehensive Aramaic Lexicon

07:01	ܘܐܡ݂ܪ ܡܪܝܐ ܠܡܘܫܐ܂ ܚܙܝ݂ ܕܝܗܒܬܟ ܐܠܗ ܠܦܪܥܘܢ܂ ܘܐܗܪܘܢ ܐܚܘܟ݂ ܢܗܘܐ ܢܒܝܟ܂
07:02	ܐܢܬ ܬܐܡܪ ܟܠܡܕܡ ܕܡܦܩ݁ܕ ܐܢܐ ܠܟ܂ ܘܐܗܪܘܢ ܐܚܘܟ ܢܐܡܪ ܠܦܪܥܘܢ܂ ܘܠܒܢ̈ܝ ܐܝܣܪܝܠ ܢܫܕܪ ܡܢ ܐܪܥܗ܂
07:03	ܘܐܢܐ ܐܩ݁ܫܐ ܠܒܗ ܕܦܪܥܘܢ܂ ܘܐ݁ܣܓܐ ܐܬ̈ܘܬܝ ܘܬܕܡܪ̈ܬܝ ܒܐܪܥܐ ܕܡܨܪܝܢ܂
07:04	\ܘܠܐ ܢܫܡ݂ܥܟܘܢ ܦܪܥܘܢ /#3#/ ܘܐܬܠ ܐܝܕܝ \ܒܡܨܪܝ݂ܢ܂ ܘܐܦܩ ܚܝ̈ܠܘܬܝ ܘܥܡܝ ܒܢ̈ܝ ܐܝܣܪܝܠ ܡܢ ܐܪܥܐ ܕܡܨܪܝ݂ܢ /ܒܐܪܥܐ ܕܡܨܪܝܢ#3#/܂ ܒܕܝ̈ܢ݂ܐ݁ ܪ̈ܘܪܒܐ܂
07:05	ܘܢܕܥܘܢ ܡܨܪ̈ܝܐ ܕܐܢܐ ܐܢܐ ܡܪܝܐ܂ ܡܐ ܕܐܪܝܡ݁ܬ ܐܝܕܝ ܥܠ ܡܨܪ̈ܝܐ݁ ܘܐܦܩ݁ܬ ܠܒܢ̈ܝ ܐܝܣܪܝܠ ܡܢ ܒܝܢܬܗܘܢ܂
07:06	ܘܥܒ݂ܕܘ ܡܘܫܐ ܘܐܗܪܘܢ ܐܝܟ ܕܦܩ݁ܕ ܐܢܘܢ ܡܪܝܐ ܗܟܢܐ ܥܒ݂ܕܘ܂
07:07	ܘܡܘܫܐ ܒܪ ܬܡܢܐܝܢ ܗܘܐ ܫ̈ܢܝܢ܂ ܘܐܗܪܘܢ ܒܪ ܬܡܢܐܝܢ ܗܘܐ ܘܬܠܬ ܫ̈ܢܝܢ ܟܕ ܡܠܠܘ ܥܡ ܦܪܥܘܢ܂
07:08	ܘܐܡ݂ܪ ܡܪܝܐ ܠܡܘܫܐ ܘܠܐܗܪܘܢ܂
07:09	ܐܢ ܐܡ݁ܪ ܠܟܘܢ ܦܪܥܘܢ ܗܒܘ ܠܝ ܐܬܐ܂ ܐܡ݂ܪ ܠܐܗܪܘܢ ܣܒ ܚܘܛܪܟ ܘܐܪܡ݂ܐ ܩܕܡ ܦܪܥܘܢ ܘܢܗ݂ܘܐ ܬܢܝܢܐ܂
07:10	ܘܐܬ݂ܘ ܡܘܫܐ ܘܐܗܪܘܢ ܠܘܬ/ܘܩܡܘ ܩܕܡ#3#/ ܦܪܥܘܢ܂ ܘܥܒ݂ܕܘ ܗܟܢܐ܂ ܐܝܟܢܐ/ܐܝܟ#3#/ ܕܦܩ݁ܕ ܐܢܘܢ ܡܪܝܐ ܘܐܪܡܝ ܐܗܪܘܢ ܚܘܛܪܗ ܩܕܡ ܦܪܥܘܢ ܘܩܕܡ ܚܐܪ̈ܘܗܝ܂ ܘܗܘ݂ܐ ܬܢܝܢܐ܂
07:11	ܘܩ݂ܪܐ ܦܪܥܘܢ ܠܚܟܝ̈ܡܐ ܘܠܚ݁ܪ̈ܫܐ܂ ܘܥܒ݂ܕܘ ܐܦ ܗܢܘܢ ܚ݁ܪ̈ܫܐ ܕܡܨܪܝܢ ܒܚ݂ܪ̈ܫܝܗܘܢ ܗܟܢܐ܂
07:12	ܘܐܪܡܝܘ ܓܒܪ ܚܘܛܪܗ ܩܕܡ ܦܪܥܘܢ ܘܗ݂ܘܘ ܬܢܝ̈ܢܐ܂ ܘܒܠܥ݂ ܚܘܛܪܐ ܕܐܗܪܘܢ ܠܚܘܛܪ̈ܝܗܘܢ܂
07:13	ܘܐܬ݁ܥܫܢ ܠܒܗ ܕܦܪܥܘܢ ܘܠܐ ܫܕܪ/ܨܒܐ ܠܡܫܕܪܘ#3#/ ܐܢܘܢ܂ ܐܝܟܢܐ ܕܐܡ݂ܪ ܡܪܝܐ܂
07:14	ܘܐܡ݂ܪ ܡܪܝܐ ܠܡܘܫܐ ܐܬ݁ܥܫܢ ܠܒܗ ܕܦܪܥܘܢ܂ ܘܠܐ ܨܒ݁ܐ ܠܡܫܕܪܘ ܠܥܡܐ܂
07:15	ܙܠ ܠܘܬ ܦܪܥܘܢ ܒܨ݁ܦܪܐ ܗܐ ܢܦ݁ܩ݂ ܠܡ̈ܝܐ܂ ܩܘܡ ܠܩܘܒܠܗ݂ ܥܠ ܣܦܬܗ ܕܢܗܪܐ܂ ܘܚܘܛܪܐ ܕܗܘ݂ܐ ܚܘܝܐ ܣܒ݂ ܒܐܝܕܟ܂
07:16	ܘܐܡ݂ܪ ܠܗ ܡܪܝܐ ܐܠܗܐ ܕܥܒܪ̈ܝܐ ܫܕܪܢܝ ܠܘܬܟ ܘܐܡ݂ܪ܂ ܫܕܪ ܠܥܡܝ݂ ܘܢ݁ܦܠ݂ܚܢܝ ܒܡܕܒܪܐ܂ ܘܗܐ ܥܕܡܐ ܠܗܫܐ ܠܐ ܫܡ݁ܥ ܐܢܬ܂
07:17	ܗܟܢܐ ܐܡ݁ܪ ܡܪܝܐ܂ ܒܗܕܐ ܬܕܥ ܕܐܢܐ ܐܢܐ ܡܪܝܐ܂ ܗܐ ܡ݁ܚܐ ܐܢܐ ܒܚܘܛܪܐ ܕܒܐܝܕܝ ܥܠ ܡ̈ܝܐ ܕܒܢܗܪܐ܂ ܘܢܬܗܦܟܘܢ ܘܢ݂ܗܘܘܢ ܕܡܐ܂
07:18	ܘܢܘ̈ܢܐ ܕܒܢܗܪܐ݁ ܢܡ݂ܘܬܘܢ/ܢܣܘܦܘܢ#3#/܂ ܘܢܣ݂ܪܐ ܢܗܪܐ ܘܢܬܛ݁ܪܦܘܢ ܡܨܪ̈ܝܐ ܠܡܫܬܐ ܡ̈ܝܐ ܡܢ ܢܗܪܐ܂
07:19	ܘܐܡ݂ܪ ܡܪܝܐ ܠܡܘܫܐ܂ ܐܡ݂ܪ ܠܐܗܪܘܢ ܣܒ ܚܘܛ݂ܪܟ܂ ܘܐܪܝܡ ܐܝܕܟ ܥܠ ܡ̈ܝܐ ܕܡܨܪ̈ܝܐ܂ ܥܠ ܢܗܪ̈ܘܬܗܘܢ܂ ܘܥܠ ܩܒ̈ܝܬܗܘܢ܂ ܘܥܠ ܐܓܡ݂̈ܝܗܘܢ܂ ܘܥܠ ܪ̈ܡܐ ܕܡܝ̈ܝܗܘܢ܂ ܘ݁ܢܗܘܘܢ ܕܡܐ܂ ܘ݁ܢܗܘܐ ܕܡܐ ܒܟܠܗ݀ ܐܪܥܐ ܕܡܨܪܝܢ܂ ܒܩܝ̈ܣܐ ܘܒܟܐ̈ܦܐ܂
07:20	ܘܥܒ݂ܕܘ ܗܟܢܐ ܡܘܫܐ ܘܐܗܪܘܢ܂ ܐܝܟܢܐ/ܐܝܟ#3#/ ܕܦܩ݁ܕ ܐܢܘܢ ܡܪܝܐ ܘܐܪܝܡ ܐܗܪܘܢ ܚܘܛܪܗ/ܒܚܘܛܪܗ#3#/ ‍<‍ܕܒܐܝܕܗ#3#‍>‍܂ ܘܡܚ݂ܐ ܠܡ̈ܝܐ ܕܒܢܗܪܐ݁ ܠܥܝܢ ܦܪܥܘܢ ܘܠܥܝܢ ܥܒ݂̈ܕܘܗܝ܂ ܘܗܘ݂ܘ ܠܗܘܢ ܟܠܗܘܢ ܡ̈ܝܐ ܕܒܢܗܪܐ ܕܡܐ܂
07:21	ܘܢܘܢ̈ܐ ܕܒܢܗܪܐ ܡܝ݂ܬܘ܂ ܘܣܪ݂ܝ ܢܗܪܐ܂ ܘܠܐ ܐܫܟܚܘ ܡܨܪ̈ܝܐ ܠܡܫܬܐ ܡ̈ܝܐ ܡܢ ܢܗܪܐ܂ ܘܗܘ݂ܐ ܕܡܐ ܒܟܠܗ݀ ܐܪܥܐ ܕܡܨܪܝܢ܂
07:22	ܘܥܒ݂ܕܘ ܗܟܢܐ ܚ݁ܪ̈ܫܐ ܕܡܨܪܝܢ ܒܚ݂ܪ̈ܫܝܗܘܢ܂ ܘܐܬ݁ܥܒܝ ܠܒܗ ܕܦܪܥܘܢ ܘܠܐ ܫܡܥ݂ ܐܢܘܢ܂ ܐܝܟܢܐ/ܐܝܟ#3#/ ܕܐܡ݂ܪ ܡܪܝܐ܂

07:23	ܘܗ݂ܦܟ ܦܪܥܘܢ ܘܥܠ ܠܒܝܬܗ܂ ܘܗܕܐ ܠܐ ܐܝܬܝ ܥܠ ܒܠܗ܂

07:24	ܘܚܦܪܘ ܟܠܗܘܢ ܡܨܪ̈ܝܐ ܚܕܪ̈ܘܗܝ ܕܢܗܪܐ ܡ̈ܝܐ ܠܡܫܬܐ܂ ܡܛܠ ܕܠܐ ܡܫܟܚܝܢ ܗܘܘ ܠܡܫܬܐ \ܡܢ ܡ̈ܝܐ ܕܢܗܪܐ /ܡܝ̈ܐ ܡܢ ܢܗܪܐ#3#/܂
07:25	ܘܫ݂ܠܡܘ ܫܒܥܐ ܝܘܡ̈ܝܢ ܡܢ ܒܬܪ ܕܡܚ݂ܐ ܡܪܝܐ ܠܢܗܪܐ܂
07:26	ܘܐܡ݂ܪ ܡܪܝܐ ܠܡܘܫܐ܂ ܙܠ ܠܘܬ ܦܪܥܘܢ ܘܐܡ݂ܪ ܠܗ܂ ܗܟܢܐ ܐܡ݁ܪ ܡܪܝܐ܂ ܫܕܪ ܠܥܡܝ ܘ݁ܢܦܠܚ݂ܢܝ܂
07:27	ܘܐܠܐ ܨ݁ܒܐ ܐܢܬ ܠܡܫܕܪܘ܂ ܗܐ ܡ݁ܚܐ ܐܢܐ ܠܟܠܗ ܬܚܘܡܟ݂ ܒܐܘܪ̈ܕܥܐ܂
07:28	ܘܢ݁ܪܚܫ ܢܗܪܐ ܐܘܪ̈ܕܥܐ܂ ܘܢܣ݂̈ܩܢ݁ ܘܢܥ̈ܠܢ ܠܒܝܬܟ݂ ܘܠܩܝܛܘܢܟ܂ ܘܠܒܝܬ ܡܫܟܒܟ݁ ܘܠܥܪ̈ܣܬܟ܂ ܘܒܒܝܬ ܥܒ݂̈ܕܝܟ݁ ܘܒܥܡܟ܂ ܘܒܬ̈ܐܘܢܝܟ ܘܒܐ̈ܨܘܬܟ܂
07:29	ܘܒܟ݂ ܘܒܟܠܗ ܥܡܟ݂ ܢܣܩ݂̈ܢ ܐܘܪ̈ܕܥܐ܂