The Comprehensive Aramaic Lexicon

11:01	ܘܐܡܪ ܡܪܝܐ ܠܡܘܫܐ܂ ܬܘܒ ܡܚܘܬܐ ܚܕܐ ܡܝ݁ܬܐ ܐܢܐ ܥܠ ܦܪܥܘܢ ܘܥܠ ܡܨܪ̈ܝܐ܂ ܘܗܝܕܝܢ ܐܫܕܪܟܘܢ ܡܟܐ܂ ܘܡܐ ܕܫܕܪܬܟܘܢ ܟܠܟܘܢ ܦܘܩܘ ܠܟܘܢ ܡܟܐ܂
11:02	ܘܐܡܪ ܩܕܡ ܥܡܐ܂ ܢܫܐ݂ܠܘܢ ܐܢܫ ܓܒܪ ܡܢ ܚܒܪܗ ܘܐܢܬܬܐ ܡܢ ܚܒܪܬܗ݂݁܂ ܡܐ̈ܢܐ ܕܣܐܡܐ ܘܡܐ̈ܢܐ ܕܕܗܒܐ܂
11:03	ܘܝܗ݂ܒ ܐܢܘܢ ܡܪܝܐ ܠܥܡܐ ܠܪ̈ܚ݂ܡܐ ܒܥܝܢ̈ܝܗܘܢ ܕܡܨܪ̈ܝܐ܂ ܘܐܦ/ܕܐܦ#3#/ ܓܒܪܐ ܡܘܫܐ ܝܩܝܪ ܗܘܐ ܛܒ ܒܐܪܥܐ ܕܡܨܪܝܢ܂ ܒܥܝܢ̈ܝ ܥܒ݂̈ܕܘܗܝ ܕܦܪܥܘܢ ܘܒܥܝܢ̈ܝ ܥܡܐ܂
11:04	ܘܐܡܪ ܡܘܫܐ܂ ܗܟܢܐ ܐܡ݁ܪ ܡܪܝܐ܂ ܒܦܠܓܗ ܕܠܠܝܐ ܢ݁ܦܩ ܐܢܐ ܒܓܘ ܡܨܪܝ݂ܢ܂

11:05	ܘܢܡ݂ܘܬܘܢ ܟܠܗܘܢ ܒܘܟܪ̈ܐ ܕܐܪܥܐ/ܕܒܐܪܥܐ#3#/ ܕܡܨܪܝܢ ܡܢ ܒܘܟܪܗ ܕܦܪܥܘܢ ܕܝܬ݁ܒ ܥܠ ܟܘܪܣܝܗ݂܂ ܘܥܕܡܐ ܠܒܘܟܪܐ ܕܐܡܬܐ ܕܐܝܬ ܒܝܬ ܪܚܝܐ܂ ܘܟܠܗܘܢ ܒܘܟܪ̈ܐ ܕܒܥܝܪܐ܂

11:06	ܘܬܗܘܐ ܝܠܠܬܐ ܪܒܬܐ ܒܐܪܥܐ ܕܡܨܪܝ݂ܢ܂ ܕܐܟܘܬܗ݂݀ ܠܐ ܗ݂ܘܬ݁ ܘܐܟܘܬܗ݂݀ ܠܐ ܬܗ݂ܘܐ܂
11:07	ܘܡܢ ܕܒܝܬ ܐܝܣܪܝܠ ܠܐ ܢ݁ܗ݂ܪ/ܢܗܪ#3#/܂ ܐܦ ܠܐ ܟܠܒܐ ܒܠܫܢܗ܂ ܐܦ ܠܐ ܒܢ̈ܝ ܐܢܫܐ݁ ܐܦ ܠܐ ܒܥܝܪܐ܂ ܡܛܠ ܕܬܕܥܘܢ ܕܦܪܫ ܡܪܝܐ/ܐܠܗܐ#3#/ ܒܝܬ ܡܨܪ̈ܝܐ ܠܕܒܝܬ ܐܝܣܪܐܝܠ܂
11:08	ܘܢܚ݂ܬܘܢ ܟܠܗܘܢ ܥܒ݂̈ܕܝܟ ܗܠܝܢ ܠܘܬܝ ܘܢܣܓܕܘܢ ܠܝ ܘܢܐܡܪܘܢ ܠܝ܂ ܦܘܩ ܐܢܬ ܘܥܡܐ ܗܢܐ ܟܠܗ ܕܥܡܟ݂܂ ܘܗܝܕܝܢ ܐܦܘܩ܂ ܘܢܦ݂ܩ ܡܘܫܐ ܡܢ ܩܕܡ ܦܪܥܘܢ ܒܚܡܬܐ ܪܒܬܐ܂
11:09	ܘܐܡܪ ܡܪܝܐ ܠܡܘܫܐ܂ ܠܐ݁ ܢܫܡ݂ܥܟܘܢ ܦܪܥܘܢ܂ ܡܛܠ ܕܐܣܓܐ ܦܪ̈ܝܫܬܝ ܒܐܪܥܐ ܕܡܨܪܝܢ܂
11:10	ܘܡܘܫܐ ܘܐܗܪܘܢ ܥܒܕܘ ܦܪ̈ܝܫܬܐ ܗܠܝܢ \ܩܕܡ ܦܪܥܘܢ /ܒܐܪܥܐ ܕܡܨܪܝܢ#3#/܂ ܘܩܫ݁ܝ ܡܪܝܐ ܠܒܗ ܕܦܪܥܘܢ܂ ܘܠܐ ܫܕܪ ܠܒܢ̈ܝ ܐܝܣܪܝܠ ܡܢ ܐܪܥܗ܂