The Comprehensive Aramaic Lexicon

14:01	\ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ /ܘܐܡܪ ܡܪܝܐ ܠܡܘܫܐ#3#/܂
14:02	ܐܡ݂ܪ ܠܕܒܝܬ ܐܝܣܪܝܠ܂ ܢ݁ܗ݂ܦܟܘܢ ܘܢ݁ܫܪܘܢ ܥܠ ܦܘܡܗ݀ ܕܚܪܝܬܐ܂ ܒܝܬ ܡܓܕܘܠ ܠܒܝܬ ܝܡܐ݁ ܩܕܡ ܒܥܠ ܨܦܘܢ ܠܩܘܒܠܗ ܬ݂ܫܪܘܢ/ܕܬܫܪܘܢ#3#/ ܥܠ ܝܡܐ܂
14:03	ܘܐܡܪ ܦܪܥܘܢ ܥܠ ܒܢ̈ܝ ܐܝܣܪܝܠ܂ ܕܢܘܟܪ̈ܝܝܢ ܐܢܘܢ ܒܐܪܥܐ܂ ܐܬܚܕ ܥܠܝܗܘܢ ܡܕܒܪܐ܂
14:04	\ܘܐܡܪ ܡܪܝܐ ܠܡܘܫܐ /#3#/܂ ܐܢܐ/#3#/ ܐܩ݁ܫܐ ܠܒܗ ܕܦܪܥܘܢ ܘܢܪܕܘܦ ܒܬܪܟܘܢ܂ ܘܐܫܬܒܚ ܒܦܪܥܘܢ ܘܒܟܠܗ ܚܝܠܗ܂ ܘܢܕܥܘܢ ܡܨܪ̈ܝܐ ܕܐܢܐ ܐܢܐ ܡܪܝܐ܂ ܘܥܒ݂ܕܘ ܗܟܢܐ܂
14:05	ܘܐܬܚܘܝ/ܘܐܬܚܙܝ#3#/ ܠܡ݁ܠܟܐ ܕܡܨܪܝ݂ܢ ܕܐܙܠ ܠܗ ܥܡܐ܂ ܘܐܬܗ݂ܦܟ ܠܒܗ ܕܦܪܥܘܢ ܘܕܥܒ݂̈ܕܘܗܝ ܥܠ ܥܡܐ܂ ܘܐܡ݁ܪܝ݂ܢ ܡܢܐ݁ ܥܒ݂ܕܢ ܕܫܕܪܢ ܠܐܝܣܪܝܠ ܡܢ ܫܘܥܒܕܢ܂
14:06	ܘܦ݁ܓܕ ܩܪ̈ܘܟܘܗܝ ܘܥܡܗ݂ ܕܒ݂ܪ/#3#/ ܥܡܗ܂
14:07	ܘܕܒ݂ܪ݂ ܫܬܡܐܐ ܡܪ̈ܟܒܬܐ ܕܓܒܝ̈ܢ܂ ܘܟܠܗܝܢ ܕܡܨܪ݂ܝܐ܂ ܘܓܒܪ̈ܐ ܥܠ ܟܠܗܝܢ܂
14:08	ܘܩ݁ܫܝ ܡܪܝܐ ܠܒܗ ܕܦܪܥܘܢ ܡ݁ܠܟܐ ܕܡܨܪܝ݂ܢ܂ ܘܪܕܦ ܒܬܪ ܒܢ̈ܝ ܐܝܣܪܝܠ܂ ܘܒ̈ܢܝ ܐܝܣܪܝܠ݁ ܢܦܩܘ ܒܐܝܕܐ ܪܡ݁ܬܐ/ܪܒܬܐ#3#/܂
14:09	ܘܪܕܦܘ ܡܨܪ̈ܝܐ ܒܬܪܗܘܢ܂ ܘܐܕܪܟܘ ܐܢܘܢ ܟܕ ܫ݂ܪܝܢ ܥܠ ܝܡܐ ܟܠ ܪ̈ܟܫܗ ܕܦܪܥܘܢ ܘܡܪ̈ܟܒܬܗ ܘܦܪ̈ܫܘܗܝ ܘܚܝܠܗ݂܂ ‍<‍ܟܕ#3#‍>‍ ܫ݂ܪܝ݂ܢ ܥܠ ܦܘܡܗ݀ ܕܚܪܝܬܐ݁ ܠܘܩܒܠ ܒܥܠ ܨܦ݂ܘܢ܂
14:10	ܘܩܪ݂ܒ ܦܪܥܘܢ܂ ܘܐܪܝܡܘ ܕܒܝܬ ܐܝܣܪܝܠ ܥܝܢ̈ܝܗܘܢ܂ ܘܚܙܘ ܠܡܨܪ̈ܝܐ \ܟܕ ܐܬ݁ܝܢ /ܕܐ̈ܬܝܢ#3#/ ܒܬܪܗܘܢ܂ ܘܕܚ݂ܠܘ ܛܒ܂ ܘܨ݁ܠܝܘ ܒܢܝ/ܕܒܝܬ#3#/ ܐܝܣܪܝܠ ܩܕܡ ܡܪܝܐ܂
14:11	ܘܐܡܪܘ ܠܡܘܫܐ܂ ܡܛܠ ܕܠܝܬ ܩܒܪ̈ܐ ܒܡܨܪܝܢ܂ ܕܒ݂ܪܬܢ ܕܢܡ݂ܘܬ ܒܡܕܒܪܐ܂ ܠܡܢܐ ܥܒ݂ܕܬ ܠܢ ܗܟܢܐ݁܂ ܘܐܦܩܬܢ/ܕܐܦܩܬܢ#3#/ ܡܢ ܡܨܪܝܢ܂
14:12	ܠܐ ܗܘܐ ܗܢܐ/ܗܢܘ#3#/ ܦܬܓܡܐ ܕܐܡܪܢ ܗܘܝܢ/#3#/ ܠܟ ܒܡܨܪܝܢ܂ ܕܫܒܘܩܝܢ ܕܢܦܠ݂ܘܚ/ܢܦܠܘܚ#3#/ ܠܡܨܪ̈ܝܐ܂ ܡܛܠ ܕܛܒ ܗܘܐ/ܗܘ#3#/ ܠܢ ܕܢܦܠܘܚ ܠܡܨܪ̈ܝܐ݁܂ ܡܢ ܕܢܡ݂ܘܬ ܒܡܕܒܪܐ ܗܢܐ/#3#/܂
14:13	ܘܐܡܪ ܡܘܫܐ ܠܥܡܐ݁ ܠܐ ܬ݂ܕܚܠܘܢ܂ ܟܬܪܘ ܘܚܙܘ ܦܘܪܩܢܗ ܕܡܪܝܐ/ܕܐܠܗܐ#3#/ ܕܥܒ݁ܕ ܠܟܘܢ ܝܘܡܢܐ܂ ܕܐܝܟܢܐ ܕܚܙܝܬܘܢ ܠܡܨܪ̈ܝܐ ܝܘܡܢܐ܂ ܬܘܒ݂ ܠܐ ܬܘܣܦܘܢ ܠܡܚܙܐ ܐܢܘܢ ܠܥܠܡ܂
14:14	ܡܪܝܐ ܢܬܟ݁ܬܫ ܥܠ ܐ̈ܦܝܟܘܢ܂ ܟܕ ܐܢܬܘܢ ܬܗܘܘܢ ܫ݂ܠܝܢ܂ \ܘܨ݁ܠܝ ܡܘܫܐ ܩܕܡ ܡܪܝܐ /#3#/܂
14:15	ܘܐܡܪ ܡܪܝܐ ܠܡܘܫܐ܂ ܡܢܐ/ܠܡܢܐ#3#/ ܡܨ݁ܠܐ ܐܢܬ ܩܕܡܝ܂ ܐܡ݂ܪ ܠܕܒܝܬ ܐܝܣܪܝܠ ܢܫ݂݁ܩܠܘܢ܂
14:16	ܘܐܢܬ ܐܪܝܡ ܚܘܛܪܟ݂܂ ܘܐܪܟܢ ܐܝܕܟ ܥܠ ܝܡܐ ܘܦܠܘܓܝܗܝ܂ ܘܢ݁ܥܠ݂ܘܢ ܒܢ̈ܝ ܐܝܣܪܝܠ ܒܓܘ ܝܡܐ ܒܝܒܫܐ܂
14:17	ܘܐܢܐ ܗܐ ܡܥܒ݁ܐ ܐܢܐ ܠܒܗܘܢ ܕܡܨܪ̈ܝܐ ܕܢܥܠܘܢ ܒܬܪܗܘܢ ܘܐܫܬܒܚ ܒܦܪܥܘܢ ܘܒܟܠܗ ܚܝܠܗ܂ ܘܒܡܪ̈ܟܒܬܗ ܘܒܦܪ̈ܫܘܗܝ܂
14:18	ܘܢܕܥܘܢ/ܘܕܢܕܥܘܢ#3#/ ܡܨܪ̈ܝܐ ܕܐܢܐ ܐܢܐ ܡܪܝܐ܂ ܡܐ ܕܐܫܬܒ݁ܚܬ ܒܦܪܥܘܢ ܘܒܟܠܗ ܚܝܠܗ܂ ܘܒܡܪ̈ܟܒܬܗ ܘܒܦܪ̈ܫܘܗܝ/ܘܦܪ̈ܫܘܗܝ#3#/܂
14:19	ܘܫܩ݂ܠ ܡܠܐܟܗ ܕܡܪܝܐ ܕܐ݁ܙܠ ‍<‍ܗܘܐ#3#‍>‍ ܩܕܡ ܡܫܪܝܬܐ ܕܐܝܣܪܝܠ܂ ܘܐܙܠ ܡܢ ܒܬܪܗܘܢ܂ ܘܫ݂ܩܠ ܥܡܘܕܐ ܕܥܢܢܐ ܡܢ ܩܕܡܝܗܘܢ ܘܩܡ ܡܢ ܒܣܬ݁ܪܗܘܢ܂
14:20	ܘܥܠ ܒܝܬ ܡܫܪܝܬܐ ܕܡܨܪ̈ܝܐ ܠܡܫܪܝܬܐ ܕܐܝܣܪܝܠ܂ ܘܗܘ݂ܬ ܥܢܢܐ ܘܚܫܘܟܐ/ܕܚܫܘܟܐ#3#/ \ܟܠܗ ܠܠܝܐ /#3#/܂ ܘܢ݂ܗ݂ܪ/ܘܐܢܗܪ#3#/ ܟܠܗ ܠܠܝܐ ܠܒܢܝ ܐܝܣܪܝܠ܂ ܘܠܐ ܩ݂ܪܒܘ ܗܠܝܢ ܠܘܬ ܗܠܝ݂ܢ ܟܠܗ ܠܠܝܐ܂
14:21	ܘܐܪܝܡ ܡܘܫܐ ܐܝܕܗ ܥܠ ܝܡܐ܂ ܘܕܒ݁ܪܗ ܡܪܝܐ ܠܝܡܐ ܒܪܘܚܐ ܕܫܘܒܐ ܥܙܝܙܬܐ ܟܠܗ ܠܠܝܐ܂ ܘܣܡܗ ܠܝܡܐ ܒܝܒܫܐ܂ ܘܐܬ݂ܦܠܓܘ/ܘܐܬܬܪܥܘ#3#/ ܡ̈ܝܐ܂
14:22	ܘܥܠ݂ܘ ܒܢ̈ܝ ܐܝܣܪܐܝܠ ܒܓܘ ܝܡܐ ܒܝܒܫܐ܂ ܘܡ̈ܝܐ ܗܘ݂ܘ ܠܗܘܢ ܐܝܟ ܫܘܪܐ݁ ܡܢ ܝܡܝܢܗܘܢ ܘܡܢ ܣܡܠܗܘܢ܂
14:23	ܘܪܕܦܘ ܡܨܪ̈ܝܐ ܘܥܠ݂ܘ ܒܬܪܗܘܢ܂ ܟܠ ܪ̈ܟܫܗ ܕܦܪܥܘܢ ܘܡܪ̈ܟܒܬܗ ܘܦܪ̈ܫܘܗܝ݂ ܒܓܘ ܝܡܐ܂
14:24	ܘܗܘ݂ܐ ܒܡܛܪܬܐ ܕܨ݁ܦܪܐ/ܕܫܦܪܐ#3#/ ܘܐܬܚܙܝ ܡܪܝܐ ܠܡܫܪܝܬܐ ܕܡܨܪ̈ܝܐ݁܂ ܒܥܡܘܕܐ ܕܢܘܪܐ ܘܕܥܢܢܐ܂ ܘܫ݂ܓܫ ܠܡܫܪܝܬܐ ܕܡܨܪ̈ܝܐ܂
14:25	ܘܐ݂ܣܪ ܓ̈ܝܓܠܐ ܕܡܪ̈ܟܒܬܗܘܢ܂ ܘܗ݂ܢܘܢ ܡܕܒ݁ܪܝܢ ܠܗܝ݂ܢ ܒܬܩܝܦܘܬܐ܂ ܘܐܡ݁ܪܝܢ ܡܨܪ̈ܝܐ܂ ܢܥ݁ܪܘܩ ܡܢ ܩܕܡ/#3#/ ܕܒܝܬ ܐܝܣܪܝܠ܂ ܡܛܠ ܕܡܪܝܐ ܥܒ݂ܕ ܠܗܘܢ ܩܪܒܐ ܒܡܨܪܝܢ܂
14:26	ܘܐܡܪ ܡܪܝܐ ܠܡܘܫܐ܂ ܐܪܟܢ ܐܝܕܟ ܥܠ ܝܡܐ܂ ܘܢܗܦ݂ܟܘܢ ܡ̈ܝܐ ܥܠ ܡܨܪ̈ܝܐ܂ ܥܠ ܡܪ̈ܟܒܬܗܘܢ ܘܥܠ ܦܪ̈ܫܝܗܘܢ܂
14:27	ܘܐܪܝܡ ܡܘܫܐ ܐܝܕܗ ܥܠ ܝܡܐ܂ ܘܗܦ݂ܟ ܝܡܐ ܠܥܕܢ/ܒܥܕܢ#3#/ ܨ݁ܦܪܐ/ܫܦܪܐ#3#/ ܠܕܘܟܬܗ܂ ܘܡܨܪ̈ܝܐ ܥ݁ܪܩܝܢ ܠܩܘܒܠܗ܂ ܘܛ݁ܪܦ ܡܪܝܐ ܠܡܨܪ̈ܝܐ ܒܓܘ ܝܡܐ܂
14:28	ܘܗܦܟܘ ܡ̈ܝܐ݁ ܘܟܣܝܘ ܠܡܪ̈ܟܒܬܐ ܘܠܦܪ̈ܫܐ/ܘܠܪ̈ܟܫܐ#3#/܂ ܘܠܟܠܗ ܚܝܠܗ ܕܦܪܥܘܢ ܕܥܠ݂ܘ ܒܬܪܗܘܢ ܠܝܡܐ܂ ܘܠܐ ܐܫܬ݂ܚܪ ܡܢܗܘܢ ܐܦ ܠܐ ܚܕ܂
14:29	ܘܒܢ̈ܝ ܐܝܣܪܝܠ ܗܠܟ݂ܘ ܒܝܡܐ ܐܝܟ ܕܒܝܒܫܐ܂ ܘܡ̈ܝܐ ܗܘ݂ܘ ܠܗܘܢ ܐܝܟ ܫܘܪܐ݁ ܡܢ ܝܡܝܢܗܘܢ ܘܡܢ ܣܡܠܗܘܢ܂
14:30	ܘܦܪ݂ܩ ܡܪܝܐ ܒܝܘܡܐ ܗܘ݁ ܠܐܝܣܪܝܠ ܡܢ ܐܝܕܐ ܕܡܨܪ̈ܝܐ܂ ܘܚ݂ܙܐ ܐܝܣܪܝܠ ܠܡܨܪ̈ܝܐ܂ ܟܕ ܡܝ݂ܬܝܢ ܥܠ ܣܦܬܗ ܕܝܡܐ܂

14:31	ܘܚ݂ܙܐ ܐܝܣܪܝܠ ܐܝܕܐ ܪܒܬܐ ܕܥܒ݂ܕ ܡܪܝܐ ܒܡܨܪ̈ܝܐ܂ ܘܕܚ݂ܠܘ ܥܡܐ ܡܢ ܡܪܝܐ ܘܗܝܡܢܘ ܒܡܪܝܐ ܘܒܡܘܫܐ ܥܒܕܗ܂