← Back
The Comprehensive Aramaic Lexicon
← Return to the Text Browser
click on the file description for more information

62002: P Ex

Click on a word for lexical analysis
Click on a red-colored coordinate for comments and/or translations of the line

previous chapter


24:01 ܘܠܡܘܫܐ ܐܡ݂ܪ܂ ܣܩ ܠܘܬ ܡܪܝܐ ܐܢܬ ܘܐܗܪܘܢ ܘܢܕܒ ܘܐܒܝܗܘ܂ ܘܫܒܥܝܢ ܓܒܪ̈ܝܢ ܡܢ ‍<‍ܒܢ̈ܝ#3#‍>‍ ܣܒ̈ܐ ܕܐܝܣܪܐܝܠ܂ ܘܬ݂ܣܓܕܘܢ ܡܢ ܪܘܚܩܐ܂
24:02 ܘܢܩܪܘܒ ܡܘܫܐ ܒܠܚܘܕܘܗܝ ܩܕܡ ܡܪܝܐ܂ ܘܗ݂ܢܘܢ ܠܐ ܢܩܪܒܘܢ ܘܥܡܐ ܠܐ ܢܣܩܘܢ ܥܡܗ܂
24:03 ܘܐܬܐ ܡܘܫܐ܂ ܘܐܫܬܥܝ ܠܥܡܐ ܟܠܗܘܢ ܦܬ̈ܓܡܘܗܝ ܕܡܪܝܐ܂ ܘܟܠܗܘܢ ܕܝܢ݂̈ܐ܂ ܘܩܥ݂ܐ ܟܠܗ ܥܡܐ ܒܩܠܐ ܚܕ ܘܐܡܪܘ܂ ܟܠܡܕܡ/ܟܠܗܘܢ ܦ̈ܬܓܡܐ#3#/ ܕܐܡ݁ܪ ܡܪܝܐ ܢܥܒܕ܂
24:04 ܘܟܬ݂ܒ ܡܘܫܐ ܟܠܗܘܢ ܦܬܓܡ̈ܘܗܝ ܕܡܪܝܐ܂ ܘܩ݁ܕܡ ܒܨܦܪܐ܂ ܘܒܢ݂ܐ ܡܕܒܚܐ \ܒܫ̈ܦܘܠܝ ܛܘܪܐ /ܒܫ̈ܦܘܠܘܗܝ ܕܛܘܪܐ#3#/܂ ܘܬܪܬܥܣܪ̈ܐ ܩܝ̈ܡܬܐ ܠܬܪܥܣܪ ܫ̈ܒܛܐ ܕܐܝܣܪܝܠ܂
24:05 ܘܫܕܪ ܠܥܠܝܡ̈ܐ ܕܒܢܝ ܐܝܣܪܝܠ܂ ܘܐܣܩܘ ܝܩ̈ܕܐ ܫ̈ܠܡܐ ܘܕܒ݁ܚܘ ܕܒܚ̈ܐ ܫ̈ܠܡܐ ܬܘܪ̈ܐ ܠܡܪܝܐ܂
24:06 ܘܢܣܒ݂ ܡܘܫܐ ܦܠܓܗ ܕܕܡܐ ܘܐܪܡܝ ܒܠܩܢܐ܂ ܘܦܠܓܗ ܕܕܡܐ ܐܫ݂ܕ ܥܠ ܡܕܒܚܐ܂
24:07 ܘܢܣܒ݂ ܣܦܪܐ ܕܩܝܡܐ܂ ܘܩ݂ܪܐ ܩܕܡ ܥܡܐ ܘܐܡܪܘ܂ ܟܠ ܡܕܡ ܕܐܡ݁ܪ ܡܪܝܐ ܢܫܡܥ ܘܢܥܒܕ܂
24:08 ܘܢܣ݂ܒ ܡܘܫܐ ܕܡܐ ܘܪܙܦ/ܘܐܪܙܦ#3#/ܘܪܣ#3#/ ܥܠ ܥܡܐ ܘܐܡ݂ܪ܂ ܗܢܘ/ܗܢܐ#3#/ ܕܡܐ ܕܩܝ݁ܡܐ ܕܐܩܝܡ ܡܪܝܐ ܥܡܟܘܢ܂ ܥܠ ܟܠܗܘܢ ܦܬ̈ܓܡܐ ܗܠܝܢ܂
24:09 ܘܣܠ݂ܩ ܡܘܫܐ ܘܐܗܪܘܢ܂ ܘܢܕܒ ܘܐܒܝܗܘ܂ ܘܫܒܥܝܢ ‍<‍ܓܒܪ̈ܝܢ#3#‍>‍ ܡܢ ܣܒ̈ܐ ܕܐܝܣܪܝܠ܂

24:10 ܘܚܙܘ ܠܐܠܗܐ ܕܐܝܣܪܝܠ܂ ܘܬܚܝܬ ܪ̈ܓܠܘܗܝ܂ ܐܝܟ ܥܒ݁ܕܐ ܕܠܒܬܐ ܕܣܦܝܠܐ܂ ܘܐܝܟ ܟܪܘܡܐ ܕܫܡܝܐ ܒܕܟܝܘܬܐ܂

24:11 ܘܥܠ ܣܒ̈ܐ ܕܒܢ̈ܝ ܐܝܣܪܝܠ܂ ܠܐ ܐܘܫܒ ܐܝܕܗ܂ ܘܚܙܘ ܠܐܠܗܐ ܘܐܟܠܘ ܘܐܫܬܝܘ܂
24:12 ܘܐܡ݂ܪ ܡܪܝܐ ܠܡܘܫܐ܂ ܣܩ \ܠܘܬܝ ܠܛܘܪܐ /ܠܘܬ ܛܘܪܐ#3#/ ܘܗܘܝ ܬܡܢ܂ ܘܐܬܠ ܠܟ ܠܘܚ̈ܐ ܕܟܐܦܐ܂ ܘܢܡܘ̈ܣܐ ܘܦܘܩ̈ܕܢܐ ܕܟܬ݁ܒܬ ܠܡܠܦܘ ܐܢܘܢ܂
24:13 ܘܩܡ ܡܘܫܐ ܘܗܘܫܥ/ܘܝܫܘܥ#3#/ ܡܫܡܫܢܗ܂ ܘܣܠ݂ܩ ܡܘܫܐ ܠܛܘܪܗ ܕܐܠܗܐ܂
24:14 ܘܠܣܒ̈ܐ ܐܡ݂ܪ܂ ܟܬܪܘ ܠܢ ܗܪܟܐ ܥܕܡܐ ܕܢܗܦܘܟ/ܕܢܐܬܐ#3#/ ܠܘܬܟܘܢ܂ ܘܗܐ ܐܗܪܘܢ ܘܚܘܪ ܥܡܟܘܢ܂ ܡ݁ܢ ܕܐܝܬ ܠܗ ܡܠܬܐ ܢܬܩ݁ܪܒ ܩܕܡܝܗܘܢ܂
24:15 ܘܣܠ݂ܩ ܡܘܫܐ ܠܛܘܪܐ ܘܟܣܝܬܗ ܥܢܢܐ ‍<‍ܠܛܘܪܐ#3#‍>‍܂
24:16 ܘܫ݂ܪܐ ܫܘܒܚܗ ܕܡܪܝܐ ܥܠ ܛܘܪܐ ܕܣܝܢܝ܂ ܘܟܣܝܬܗ ܥܢܢܐ ܫܬܐ ܝܘܡ̈ܝܢ܂ ܘܩ݂ܪܐ ܡܪܝܐ ܠܡܘܫܐ ܒܝܘܡܐ ܫܒܝܥܝܐ ܡܢ ܓܘ ܥܢܢܐ܂
24:17 ܘܚ݂ܙܐ ܫܘܒܚܗ ܕܡܪܝܐ܂ ܐܝܟ ܢܘܪܐ ܕܝܩܕܐ ܒܪܫܗ ܕܛܘܪܐ ܠܥܝܢ ܟܠܗܘܢ ܕܒܝܬ ܐܝܣܪܝܠ܂
24:18 ܘܥܠ ܡܘܫܐ ܒܓܘ ܥܢܢܐ܂ ܘܣܠ݂ܩ ܠܛܘܪܐ܂ ܘܗܘ݂ܐ ܡܘܫܐ ܒܛܘܪܐ܂ ܐܪ̈ܒܥܝܢ ܐܝܡ̈ܡܝܢ/ܝܘܡ̈ܝܢ#3#/ ܘܐܪ̈ܒܥܝܢ ܠܝ̈ܠܘܢ܂

next chapter